دخلت العاشر <<

يا بنات تاكدوا من شغله

انا المره حدها تسعه شهور بس

مستحيله المره تحمل عشره شهور

تلاقينهم اكيد غلطوا بالحساب
او ما صار حمل بالموعد اللي عطوج اياه

الدكتوره تقول نطرح اسبوعين من موعد الدوره
يعني اشدراج ان ما صار الحمل بالاسبوع الثالث مثلا



وءأكد ان المره مستحيل تدخل الشهر العاشر
وحتى القران يقول الحمل بس 9 شهور



الله يهون عليج ويارب تولدين بالسلامه

عسى الله يهون عليج واذا ماياج طلق طبيعي بعد أمرج لله روحي
خوفج تتأخرين ولا سمح الله يأثر على الجنين و الدكتورة ابخص بشغلها

وانشالله تبشرينا بولادة طبيعية ومتعافية

الله يهون عليج

الله يسهل عليج وتولدين بالسلامه

الله يسهل عليج وتولدين بالسلامه

لا تغلطين الغلطه اللي اغلطتها اختي وحيييييييييييييييل تعبت وتعور رحمها
روحي يطعونج طلق صناعي وايد احسن لان اختي خلصت شهرها ودخلت من العاشر سبوعين ووايد تعذبت
فنصيحتي لج شربي بطل خروع اخلطيه مع عصير عشان تتقبلين طعمه وبعد ساعتين راح تحسين باشياء واذا ما حسيتي روحي طلبي طلق صناعي لان اختي صبرت واشفطو بنتها لما فجرو شراين الرحم والحين قاعدين نعابل فيها عند الدكتور وكل ساع مراجعات مع العلم اختي توها والده صار لها 14يوم
لله يقومج بالسلامه

والله انا انصحج انج تشربين خروع وتروحين تمشين وانشالله تردين البيت ويييج الطلق على الاقل احسن من انج تنطرين لي يوم الاثنين ويحطون لج طلق صناعي والله يسهل عليج انشالله

عاادي حبيبتي انا حماتي طافت موعدها وصح ماكو وحده تحمل اكثر من 9

امشي عالبحر وشربي خروع مع عصير المانجا وااايد زين

والسهالة من رب العالمين أولا وأخيرا

عادي حبيبتي اذا خلصتي شهرج داايم يعطون لج اسبوع او اسبوعين

فمااعليج انتي حاولي تمشين اشوي

واكلي تمر والدارسين لا تكثرين منه داام ماافتح الرحم عندج لان الدارسين يحمي الطلق بس

ولا تستعجلين تروحين للمستشفى انا ولدت بأخر اسبوعين من المهله الي عطونياها بعد الشهر التاسع

وعلى قولت امي حسبتج غلط سبحاان الله المره حدهاا 9 فلا تستعجليين

انا كنت اشب واطفي وامي تقولي مااعليج الله يبي يعطيج سااعه تولدين فيهاا

داام كل شي في الجاهل تماام الحمدالله لا تستعجلين وخااصه البجر ماايسون لج شي يخلونج على راااحتج

والله يسهل عليج يااقلبي ان شااءالله واتبشرينى ياارب بالمولد اي كاان بنت او ولد بس اهم شي الصحه والعافيه ياارب

ألماس الكويت قال:

السلام عليكم

بنات أنا اليوم كملت 9 شهور بالكمال والتمام الحمدلله

وللحين ما ولدت:krkrkr:


تخيلوا كل يوم يجيني عوار والثقل ذابحني وبطني بآخر أسبوعين كبر حجمها حيل

ورغم كل هذا

اليوم لما فحصتني الدكتورة قالت لي ما عندج توسعات:0bee2e8d89:

عيل العوار اللي كل يوم يجيني شنوو ؟؟

نفسيتي حيل تعبت لدرجة اني من طلعة من الدكتورة اليوم صاكه فيني الدنيا وقاعده بداري مالي خلق أسوي شي


دكتورتي قالت اذا ليوم الأثنين ما ولدتي روحي المستشفى خلاص لازم تولدين:eh_s(1):

زين أروح شسوي اذا الرحم ما كان مفتوح ولا ربع سانتي
شنو بيدهم يسوون لي

أخاف يعطوني طلق صناعي ولا يلعبون فيني

عفيه بنات كل وحده دخلت العاشر تقولي شنو سوت وشلون ولدت ؟؟

على فكره انا بجر

وشغله ثانيه مثل ما قلت لكم بطني كبرت حيل وصارت حيل تحكني خاصه حول السره وصار اللون يلوع الجبد
شسوي بهالحاله ؟؟

ناطرتكم
وادعولي الله يخليكم

أنقر للتوسيع...

ههههههههههههههههههههههه من صجج العشر مرة وحدة لاحياتى أنتى بس مخربطه بالحسبه بعدين عمرى ليش مستعجله له وقت بينولد فيه الله كاتبه لا لايقدم ولايأخر بس أنتى موتظلين منسدحه روحى تمشى وأسفه بس كثرى من الجماع ترى الحيوانات المنويه توسع عنق الرحم ودمتى وياربى تقومين بالسلامه انتى والبيبى

الله يسهل عليج وتولدين بالسلامه

الولادة حبيبتي اتكون من اسبوع 36 الى 42 ... فلا تخافين ... ادري تزهقين ... انزين انا بقولج قصتي بس عفية مو تقعدين اتخافين واتحاتين

اول شي انسي سالفة الخروع تماما ..... اهو يهيج البطن ويعفس لج اياه وما تدرين منو طقاقج بالفصحى الطلق ولا عوار الاسهال اللي يسويه الخروع ...

اذا الرحم مو فاتح ... فيه جل يحطونه علشان يساعد على فتح الرحم ويبدي الطلق ... بس انتي وتقبل جسمج ... في ناس يحطون لهم الجل مرة واحدة ، يسمونها بعد تحميله ... وناس مرتين ... واللي مثلي ثلاث مرات يالله يشتغل معاهم ...

انا ولدت لي 40 اسبوع و4 ايام ... فتح الماي الفجر ... وماكو طلق ولا بطيخ ... ومثل ما قلتلج حطوا لي الجل 3 مرات ، كل ست ساعات مرة ... الساعة سبع ونص بالليل يالله بدى معاي الطلق .... وطلق خفيف ... كل هذا وانا طول التاسع الرحم فاتح معاي 2 سانتي ... الساعة تسع ونص حطوا لي طلق صناعي .... نصييييييييييييييييييحة اخذي ابرة الظهر عن الشجاعة اللي مالها داعي ... لأن مع الطلق الصناعي الألم يصير غير .. وما تدرين اشكثر اتطولين ... فليش العذاب؟؟؟؟ خليج مرتاحة واخذي ابرة الظهر ... طبعا انا كنت بصير سبعة وما خذيتها من اول شي ...

بعدين قمت اطلبها ويحقروني هههههههههههه

المهم ... عقب بنتي واهي داخل الرحم سوت الإخراج الأول ... بطنها يخرجها داخل الرحم .. لو كانت برة عادي .. بس اهي داخل .. يعني الجو حوالينها صار ملوث ... وبعديها بجم ساعة ... يتني الدكتورة تفحص قالت لي تو بدا عنق الرحم يفتح ويليييين ... بس البيبي تعبانة ... قلت لها ... قيصريييييييييييييييييييييييييييييييةةةةةةةةةةةةةةةةةةةةةةةةةةةة هههههههههههههههههههههه قالت لي اييي سوري ... قلت لها ليش سورييييييييييييييي خلصينيييييييييييييييييييييييييي هههههههههههههههه

وركض تخدير عام واطلعت بنتي حبيبتي والحمدلله ... ربي لك الحمد ... انه في قيصرية علشان بنتي تطلع وانا واياها انكون ابصحة وعافية ... ومن حكمة رب العالمين ان الرحم ما فتح ان الحبل السري كان زانطها وكل ما يدفعها الطلق ليه تحت يشدها الحبل السري ليه فوق ... تخيلي لو ان الرحم فاتح وتتنزل .... جان سبحان الله ... الله يعلم بحالنا

المهم يا محفوظة السلامة .... اهم شي صحتج وصحة البيبي ... اشلون يطلع مو مشكلة .... المهم ان انتوا الاثنين صحتكم تمام ...


واللي يقول احنا حاسبين غلط ... اقول لكم التالي ... بنتي اطلعت جسمها متعرفط من كثر ما طولت داخل الرحم ... حتى الدكاترة يسمونها over due baby ... يعني طبخت زيادة عن اللزوم ... طولت بالفرن ههههههه وجسمها كله تقشر ... الجلد فج وطلع جلد ثاني ... لا تخافين عادي ... ههههههههه

فيا حبيبتي السلامة من رب العالمين ... شلون يطلع البيبي هذي حكمة رب العالمين ... احنا ناخذ بالاسباب وسبحانه عليه النتايج ... شيصير تقبليه بصدر رحب

نسيت اقولج ... هذا هم قاعد يطبخ الحين وهم طول ... والرحم مو فاتح كللللش ... ولأن الحمل الأول قيصرية ما يقدرون في الحمل الثاني يعطون محفزات الولادة ... فيا انطر او اذا الله سهل الاسبوع الياي قالت لي مسدود مثل ماهو متنح طول التاسع باتكل على الله واسوي قيصرية وخلاص لأنه بصراحة بطني كسر خاطري .. اليوم اطالعه واقول جنه كافي عليه تمغط ههههههه

نسيت اقولج ... هذا هم قاعد يطبخ الحين وهم طول ... والرحم مو فاتح كللللش ... ولأن الحمل الأول قيصرية ما يقدرون في الحمل الثاني يعطون محفزات الولادة ... فيا انطر او اذا الله سهل الاسبوع الياي قالت لي مسدود مثل ماهو متنح طول التاسع باتكل على الله واسوي قيصرية وخلاص لأنه بصراحة بطني كسر خاطري .. اليوم اطالعه واقول جنه كافي عليه تمغط ههههههه

ياقلبي الله يهون عليج وتولدين بطلق طبيعي منربي

<<ادعي والاذان ياذن لصلاة المغرب>>

الله يسهل عليج ياااااااااارب وماتحتاجين طلق صناعي

وتولدين طبيعي ياااااااااااااااااارب

بس ماقلتي لي اي مستشفى انتي؟؟؟؟؟؟