السلام عليكم ورحمة الله وبركاته
*
*
*
*
*
*
*
*
*
موسم السفر قرب وحبيت أعطيكم كم نصيحة إن شاء الله تفيدكم ويمكن البعض غافلين عنها:
- السفر وناسة فلا تخربين عليج وعلى أسرتج هالسفرة خليج حيل متعاونة مع الزوج لا تنكدين عليه يعني حطوا برنامج ليومكم وين بتروحون ....إلخ والإختلاف بالراي ما يخرب عليكم طلعتكم يعني اقترح مكان الفلاني عادي تقبلي وقولي اليوم الثاني انا أختار المكان.
- سافرتي ملزوم إنج تدرين إن هالديرة فيها الزين والشين فلا تمدين البوز على الزوج وتحلطمين وتقومين تابعين نظراته ولا تحققين معاه اهو سافر معاج علشان يستانس وتغيرون جو واللي يخاف من ربه مستحيل تغيره سفره فثقي وآمني وتوكلي على رب العالمين.
- الصلاة الصلاة تحفظكم ومن ذكر ربه كان الله معاه.
- معاج يهال ونسيهم وعطيهم حقهم بالعطلة وفهميهمم إنكم مو بديرتكم وهذي الديرة لها قوانين ولازم تحترمونها واحنا واجهة لديرتنا وواجب علينا نشرف سمعة ديرتنا.
- أغراضكم وأمانتكم احفظوها عند صندوق الأمانات ولاتاخذون شي معاكم من باب الإحتياط.
- والله بكشخ بساعتي ولا مجوهراتي لا حبيبتي إنتي مسافرة وماتدرين عن الديرة وشنو فيها ومافيها خلج عمليه حيل ولا تبينين كلنا عيال قرية وكل يعرف أخيه.
- التاكسي لاتطلبينه إلا من الفندق أضمن .
- احرصي على وجود الموبايل معاج ومع الزوج ومع العيال إذا كانوا كبار لأي حادثة لاسمح الله.
- لاتختلطين بالغير من غير داعي .
- احرصي على معرفة قوانين المحلات حتى لا تصير مشاكل والله يبعدنا عنها.
- حاولي كثر ماتقدرين تعودين أسرتج على الإعتماد على نفسها وهذي خطوة مشجعة بعيد عن الخدم .
- المشترى بالمعقول عندج الحمدلله خير وبركة ,,,, عندج بس حق طلعاتكم ووناستكم بس لاتضغطين على زوجج ماله داعي التبذر أهم شي وناستكم ووناسة اليهال.
- السفر مو شرط كل سنة وغصب ويلا قوم انت يالزوج واخذ ديون وتسلف من فلان وفلان ليش؟؟؟ علشان أحر فلانه ولا علشان أبين للناس .
- تعاملج الراقي وأسلوبج الحلو وجهج البشوش يحببج بالكل وتعطين صورة حلوة عنج .
- النشاط والهمة من الصبح برنامجج بادي يعني مايصير المغرب أو الساعة نقول 8 أو 9 إلا إنتي حدج شبعانة من الطلعة ( هذي بالدول الأوربية والغرب) .
- نظافة مكانج وحرصج عليه من تعاليم دينا الإسلامي.
والسموحة طولت عليكم وأتمنى ما أكون مزعلة أحد لأن والله أحبكم في الله .
*
*
*
*
*
*
*
*
*
موسم السفر قرب وحبيت أعطيكم كم نصيحة إن شاء الله تفيدكم ويمكن البعض غافلين عنها:
- السفر وناسة فلا تخربين عليج وعلى أسرتج هالسفرة خليج حيل متعاونة مع الزوج لا تنكدين عليه يعني حطوا برنامج ليومكم وين بتروحون ....إلخ والإختلاف بالراي ما يخرب عليكم طلعتكم يعني اقترح مكان الفلاني عادي تقبلي وقولي اليوم الثاني انا أختار المكان.
- سافرتي ملزوم إنج تدرين إن هالديرة فيها الزين والشين فلا تمدين البوز على الزوج وتحلطمين وتقومين تابعين نظراته ولا تحققين معاه اهو سافر معاج علشان يستانس وتغيرون جو واللي يخاف من ربه مستحيل تغيره سفره فثقي وآمني وتوكلي على رب العالمين.
- الصلاة الصلاة تحفظكم ومن ذكر ربه كان الله معاه.
- معاج يهال ونسيهم وعطيهم حقهم بالعطلة وفهميهمم إنكم مو بديرتكم وهذي الديرة لها قوانين ولازم تحترمونها واحنا واجهة لديرتنا وواجب علينا نشرف سمعة ديرتنا.
- أغراضكم وأمانتكم احفظوها عند صندوق الأمانات ولاتاخذون شي معاكم من باب الإحتياط.
- والله بكشخ بساعتي ولا مجوهراتي لا حبيبتي إنتي مسافرة وماتدرين عن الديرة وشنو فيها ومافيها خلج عمليه حيل ولا تبينين كلنا عيال قرية وكل يعرف أخيه.
- التاكسي لاتطلبينه إلا من الفندق أضمن .
- احرصي على وجود الموبايل معاج ومع الزوج ومع العيال إذا كانوا كبار لأي حادثة لاسمح الله.
- لاتختلطين بالغير من غير داعي .
- احرصي على معرفة قوانين المحلات حتى لا تصير مشاكل والله يبعدنا عنها.
- حاولي كثر ماتقدرين تعودين أسرتج على الإعتماد على نفسها وهذي خطوة مشجعة بعيد عن الخدم .
- المشترى بالمعقول عندج الحمدلله خير وبركة ,,,, عندج بس حق طلعاتكم ووناستكم بس لاتضغطين على زوجج ماله داعي التبذر أهم شي وناستكم ووناسة اليهال.
- السفر مو شرط كل سنة وغصب ويلا قوم انت يالزوج واخذ ديون وتسلف من فلان وفلان ليش؟؟؟ علشان أحر فلانه ولا علشان أبين للناس .
- تعاملج الراقي وأسلوبج الحلو وجهج البشوش يحببج بالكل وتعطين صورة حلوة عنج .
- النشاط والهمة من الصبح برنامجج بادي يعني مايصير المغرب أو الساعة نقول 8 أو 9 إلا إنتي حدج شبعانة من الطلعة ( هذي بالدول الأوربية والغرب) .
- نظافة مكانج وحرصج عليه من تعاليم دينا الإسلامي.
والسموحة طولت عليكم وأتمنى ما أكون مزعلة أحد لأن والله أحبكم في الله .
ماقصرتي يا قلبي
