كويتيات للطبخ

العودة   منتديات كويتيات النسائية > >

السياحة في وطني الكويت قسم يختص بالمعالم السياحيه في دولة الكويت


غدانا بالمطعم الايطالي Don Mario's

السياحة في وطني الكويت



موضوع مغلق
 
أدوات الموضوع إبحث في الموضوع انواع عرض الموضوع
قديم 20-04-2009, 02:27:25 PM   #1
عنيّد
كــويــتــيــة مــاســيــة
 
الصورة الرمزية عنيّد
 
تاريخ التسجيل: Jun 2008
الدولة: الكويت صل على النبي
المشاركات: 5,705

Smilies27 غدانا بالمطعم الايطالي Don Mario's





مســـــــاكم الله بالخيــــــــر

قبل جم يوم سألتكم عن مطعم ، وللأسف بعضكم ماعرفتوه ، عاد توكلت على الله ورحته


المطعم الإيطالي
Don Mario's


على البحر ، تدخلون له من مواقف مطعم جيليز ، يصير بعد روبي تيوزديي ، مقاااابل ميس الغانم ، اهم ثلاث مطاعم اثنين جدام وواحد ورا ، الي ورا ومدعوس ومايبين الا اسمه بالغصب هو دون ماريوز


رفيجتي قالت لي نحجز له لأنه زحمه ، عاد أنا رحت من الساعه 11 ونص الصبح حجزت ، لأنه رقمه للأسف موموجود بالنت ولا بالبداله !
بس لعيونكم بحطه 22475987

رحت وحجزت طاوله ، كانت العزيمه بمناسبة عيد ميلاد اخوي ، وسألتهم اذا عندهم كيكه + يغنون ؟ قال لي اي أما أييب الكيكه أو أطلبها منهم (من 11 دينار وفوق) المهم انا وديت الكيكه معاي وسويناله مفاجأه



هذا هو شكل المطعم من بره



وهذا من داخل ، دائري من الداخل ويطل على البحر، فيه قعدات خارجيه بس كان الجو مغبر مايساعد



هذي الــ Menu



ويابوا لنا ماي + مقبلاتهم ، عبارة عن تشكيله من الخبز + طماط + زيتون مطحون ، صراحه مادري عن طعمهم ماجربته شخصياً لأنه ماحب هالسوالف ، بس الشباب قضوا عليه لوووول



الحين بتشوفون الأكل الي طلبناه ، بس تكفون لا تسئلوني عن الأسامي لأنها كانت غلجه هههههههه
هذا الطبق طلبوا منه 4 ، يقولون لذيذ ، عباره عن باستا ومعاها مشروم ودياي (هذا الي أذكره) مع صلصه بيضا ، وبتشوفون بالصوره وراااا يم البيبسي أكو طبق فيه أشياء مادري شنهي بس هي من ضمن المقبلات الي طلبناها ، اخواني واعيال خالتي ياكلون ، أقولهم شنو هذا عاد ريحته زفره ، يقولون اي حلو بس ماندري شنو يمكن اخطبوط وهذااا ذيله شوفيه شوفيه خخخخ



وهذا الستيك ، ودام حطيته خلأتكلم عن الأسعار ، نسبياً الأسعار كلها معقوله بعني من 3 دنانير الى اربعه ، بس الستيك كان سعره مبالغ فيه ، كان بــ 8 دنانير وكسور !! ولد خالتي يقول لأمي (لأنها اهي بتدفع) كلنا بنطلب ستيك خخخخخ ، وهذي صورته ، نمونة الستيك حتى مو ذيج الستيكه الي تبرد القلب



وهذي الباستا وحده بصلصة بيضا والثانيه حمرا



وهذي بيتزاااا مارجريتااااا الي عشانهااا بس تعنيت للمطعم ، طلبنا 3 ، وصراحه كانت لذيذه لأنها خفيييفه وبسرعه تنزلط



أخيراً ، هالصوره تبين لكم القعده داخل المطله ع البحر ، القعده الخارجيه ، صراحه لو الجو حلو بتكون القعده بره أحلى




رايي بالمطعم ، يستاهل ان الواحد يجربه مره وحده ، وماشوف فيه زود انه يكرر الزياره لأني ماشفت فيه أكله مميزه بعد مادري عن الأكل الي أهلي طلبوه ، ماجربته لأني ماحبه ، فانتوا روحوا وحكموا






وللعلم ، الطلبات الي طلبناها + المشروبات من بيبسي وعصير طلع الحساب النهائي 62 دينار إلا ربع
أشوفه زين نسبياً ، ولكن أرد وأقول سعر الستيك مبالغ فيه + سعر المشروبات الغازيه ، يعني قوطي البيبسي الي بالجمعيه بـ 90 فلس ، بالمطعم بدينار ، اشدعواااااااه ، والله للحين شاكه بالسعر ، الي تروح تجيكه وتصحح لي اذا غلطانه


وبس سلامتكم وتعيشون ، وانتظروني بتقرير ثاني ، لأنه حلت لي السالفه









ملاحظة
ياربي شووويه عدد الصور بالتعقيب بس 10 صور ، الواحد مايقدر يعبّر عن شعوره وهو يتكلم >_<





التعديل الأخير تم بواسطة عنيّد ; 21-04-2009 الساعة 02:29:48 AM
عنيّد غير متواجدة حالياً  
قديم 20-04-2009, 03:06:22 PM   #2
أم حسون
من كبار شخصيات كويتيات
 
الصورة الرمزية أم حسون
 
تاريخ التسجيل: Jan 2008
الدولة: وطن عمري
المشاركات: 11,911

افتراضي رد: غدانا بالمطعم الايطالي Don Mario's


عوافيييييييييي ياقلبي ومشكوره



__________________




أم حسون غير متواجدة حالياً  
قديم 20-04-2009, 09:45:13 PM   #3
kuwaitya-frawla
من كبار شخصيات كويتيات
 
الصورة الرمزية kuwaitya-frawla
 
تاريخ التسجيل: May 2008
المشاركات: 6,428

افتراضي رد: غدانا بالمطعم الايطالي Don Mario's


عوااافي


وتسلمين حبوبه عل صووور




وبعدين هذي انتي اللي لابسه حجاب ؟؟؟؟؟؟؟؟؟؟؟؟؟؟؟؟؟








ههههههههههههههههههههههههه هه




و كل عام واخوج بخير و عقبال مليون سنه والله يخليه لكم



ومشكوره مره ثانيه مجهودج حلوو وواضح وشكل المارغريتا تهبل ((قمت اسعبل)) خخخخخخ



__________________


عايــله وحـــده
kuwaitya-frawla غير متواجدة حالياً  
قديم 20-04-2009, 10:32:50 PM   #4
q8 sun
كــويــتــيــة فــعــالــة
 
الصورة الرمزية q8 sun
 
تاريخ التسجيل: Apr 2008
المشاركات: 466

افتراضي رد: غدانا بالمطعم الايطالي Don Mario's


بالعافية



__________________
" لا إله إلا أنت سبحانك إني كنت من الظالمين "
q8 sun غير متواجدة حالياً  
قديم 20-04-2009, 11:52:55 PM   #5
رفرف
*عضــوة شرف في منتديات كويتيات*
 
الصورة الرمزية رفرف
 
تاريخ التسجيل: Oct 2004
المشاركات: 15,382

افتراضي رد: غدانا بالمطعم الايطالي Don Mario's


مشكورة على الصور وعليكم بألف عافية



__________________


اللهم اغفر لـ(طلال) وعمي (خالد) وارحمهما واعف عنهما وأكرم نزلهما ووسع مدخلهما
اللهم ان كانا محسنين فزد في حسناتهم وان كانا مسيئين فتجاوز عن اساءتهم واغفر لهما وارحمهما إنك أنت الغفور الرحيم
رفرف غير متواجدة حالياً  
قديم 20-04-2009, 11:54:12 PM   #6
فانيلا
كــويــتــيــة بــرونــزيــة
 
تاريخ التسجيل: Jun 2005
المشاركات: 689

افتراضي رد: غدانا بالمطعم الايطالي Don Mario's


رووووووووووعة التقرير واحلى شي لما ذكرتي تفاصيل المواقف






لا تحرمينا من هالتقارير الحلوة يا عنيد


بالعافية عليكم



فانيلا غير متواجدة حالياً  
قديم 20-04-2009, 11:56:22 PM   #7
رقي
من كبار شخصيات كويتيات
 
الصورة الرمزية رقي
 
تاريخ التسجيل: Aug 2006
المشاركات: 13,976

افتراضي رد: غدانا بالمطعم الايطالي Don Mario's


بالعافيه
انا ماعجبني المطعم



__________________

رقي غير متواجدة حالياً  
قديم 20-04-2009, 11:58:26 PM   #8
روقاء
كــويــتــيــة ذهــبــيــة
 
الصورة الرمزية روقاء
 
تاريخ التسجيل: Jan 2008
المشاركات: 1,172

افتراضي رد: غدانا بالمطعم الايطالي Don Mario's


بالعافيه عليكم




يسلموووووووو




روقاء غير متواجدة حالياً  
قديم 21-04-2009, 12:07:01 AM   #9
q8tia27
كــويــتــيــة فــضــيــة
 
الصورة الرمزية q8tia27
 
تاريخ التسجيل: Dec 2007
الدولة: kuwait
المشاركات: 908

افتراضي رد: غدانا بالمطعم الايطالي Don Mario's


مشكوره عالتقرير الحلوه وعليكم بالعافيه
بنات عندهم روزيتو بالفقع عجيييييييييييييب وباستا بصلصة البستو هم لذيذه حيل مع طماط مجفف وصنوبر صج يضبطونها واذكر طلبنا مشروم ومادري شنو بس اهو مقبلات هم حلو بعد بس الفرق رحنا وقت الشتا وقعدنا بره عالبحر قعدته عجيبه



q8tia27 غير متواجدة حالياً  
قديم 21-04-2009, 12:21:19 AM   #10
saratee
كــويــتــيــة ذهــبــيــة
 
الصورة الرمزية saratee
 
تاريخ التسجيل: Sep 2007
الدولة: بعالم الخيال
المشاركات: 2,258

افتراضي رد: غدانا بالمطعم الايطالي Don Mario's


مشكوره كان خاطري اروح بس عقب تقريرج لأ خلاص طابت نفسي ما عجبني




تسلمين وحطيلنا مطعم ثاني ناطرينج...



saratee غير متواجدة حالياً  
قديم 21-04-2009, 12:35:31 AM   #11
Athwaq
من كبار شخصيات كويتيات
 
الصورة الرمزية Athwaq
 
تاريخ التسجيل: Apr 2008
المشاركات: 15,238

افتراضي رد: غدانا بالمطعم الايطالي Don Mario's


مجربته انا حلو بس عادي مافيه شي واااو






عليكم بالعافيه ومشكوورة عالتقرير المصور



Athwaq غير متواجدة حالياً  
قديم 21-04-2009, 12:36:58 AM   #12
هنـــد
من كبار شخصيات كويتيات
 
الصورة الرمزية هنـــد
 
تاريخ التسجيل: Dec 2007
المشاركات: 13,832

افتراضي رد: غدانا بالمطعم الايطالي Don Mario's


عليكم بالعافيه



هنـــد غير متواجدة حالياً  
قديم 21-04-2009, 04:01:09 AM   #13
~*~الملكة~*~
من كبار شخصيات كويتيات
 
الصورة الرمزية ~*~الملكة~*~
 
تاريخ التسجيل: Oct 2008
الدولة: ! ¶(¯`·.(¯`·. قــلــبــه .·`¯).·`¯)¶!
المشاركات: 10,947

افتراضي رد: غدانا بالمطعم الايطالي Don Mario's


يشووق المكان

كل عام واهو بخير

علييكم بالعافيه

مشكوووره على هالتقرير الحلو




__________________
اللهم اني استودعك نفسي وزوجي وابنائي يامن لاتضيع ودائعك اللهم احفظنا وارحمنا برحمتك وارزقنا من حيث لانحتسب اللهم كل من اراد بنا السوء فرد كيده في نحره وارزقه اضعاف اضعاف مايتمنى لنا اللهم اكفينهم بما شئت




~*~الملكة~*~ غير متواجدة حالياً  
قديم 21-04-2009, 04:11:33 AM   #14
bint_looda
من كبار شخصيات كويتيات
 
الصورة الرمزية bint_looda
 
تاريخ التسجيل: Jan 2008
الدولة: kuwait
المشاركات: 8,485

افتراضي رد: غدانا بالمطعم الايطالي Don Mario's


عليكم بالعاااااافيه



bint_looda غير متواجدة حالياً  
قديم 21-04-2009, 10:41:47 PM   #15
سنفوره
كــويــتــيــة فــضــيــة
 
الصورة الرمزية سنفوره
 
تاريخ التسجيل: Jun 2008
الدولة: ديرتي كويت
المشاركات: 894

افتراضي رد: غدانا بالمطعم الايطالي Don Mario's


عليكم بالعافيه



__________________
اللهم اجعل كلامى وكتابتى خالصة لوجهك الكريم ، اللهم لا تجعل لأحد سواك فيها نصيبا ، والغرور والكبر ، وحب الشهرة وحب المدح ... اللهم إن كان فيها الخير فيسرنى لها ويسر نشرها وقراءتها ، وإن كان فيها الشر فأبعدنى عنها وعسرها لى واكتب لها الموت والفناء ... إنك نعم المولى ونعم النصير
سنفوره غير متواجدة حالياً  
موضوع مغلق

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن حسب دولة الكويت : 08:16:41 AM.