استفيدي وفيدي (( نصائح للبشره للجسم للشعر للرجيم ))---تفضلوا

مزيونه وشقره · 29 يونيو 2006

بسم الله الرحمن الرحيم
اشلونكم بنات

انا حبيت اسوي موضوع يشمل كل تجاربنا المفيده والفعاله هاااا الفعاله اللي منها فايده ملحوظه وفادتكم
في كل من المواضيع التاليه

تبييض البشره وتنعيمها وتصفيتها من الحبوب والرؤوس السوداء
< كريمات خلطات >

العنايه بالجسم من تبييض وتنعيم وصفاء ونعومه
< كريمات خلطات >

تكثيف الشعر وتنعيمه وتطويله

< زيوت خلطات انبولات تونيكات >

رجيم استفدتي منه وياليت اعشاب فادتك في تخفيف الوزن

ياليت في تفاعل

وانا اول وحده راح ابتدي بالموضوع

لتعيم البشره عن تجربه "
انا استخدم سنفره عباره عن عيش مطحون وماي ورد

وتبييض البشره >> كريم ماجيك الاصلي يعطيج بياض

وللجسم سنفرة ملح الحليب نعووومه عجيييبه

يالله بنات انتظركم واذا جربت اشياء بعد وفادتني بكتب لكم وانتوا بعد اذا جربتو شي يديد وفادج كتبيه بهالموضوع

انتظركم

* مـذهـلـه * · 29 يونيو 2006

مشاركة: استفيدي وفيدي (( نصائح للبشره للجسم للشعر للرجيم ))---تفضلوا

مشكوره يا الغاليه على هالموضوع اللي بفيدنا كلنا ..

للشعر :

خلطة عجيبه و اهيا عباره عن ( كثيرا + سدر + ريحان + بيضه ) تنعم الشعر و تعطيه لمعه حلوه من اول مره و مع الاستعمال تكثف الشعر و تطول ..

و بعد خلطه هم ثانيه حلوه ( مايونيز + زيت زيتون + بيض ) تنعم الشعر و تعطيه لمعه

و حق التساقط فيتامينات عجيبه و قفت تساقط شعري الحمدالله من بعد ما كان يسحب من كثر ما يطيح الحين ولا شعره تطيح مني و لله الحمد ..

للجسم :

صنفره حلوه تصفي الجسم و تنعمه و تبيضه بس عاد مو بياض فاقع

لا يعني تفتحه شوي و اهيا ( حليب بودر نيدو + صنفرة بالمشمش + طحينيه + ليمون )

للبشره :

صنفره للبشره ( شكر خشن + ليمون + زيت زيتون ) حلوه الصنفره و عجيبه تصفي الوجه و تشيل الخلايا الميته

و قناع للبشره ( شوفان مطحون + روب + ليمون ) تعيد نظارة البشره وتصفيها من لحبوب ..

الرجيم :

انا سويت الرجيم الكيميائي عجيب اهوه اللي نزلني حيل ينزل بالشهر 10 كيلوو ..

بس تعبت اكمل بعدين

روزالكويت · 29 يونيو 2006

مشاركة: استفيدي وفيدي (( نصائح للبشره للجسم للشعر للرجيم ))---تفضلوا

حبيبتى المذهله ممكن تكتبين لي ولاعليج امر طريقة ريجيمج بالضبط لانى مخليه الريجيم قتره وهاده روحى على الاكل وودى انزل عشره بالضبط.

مزيونه وشقره · 30 يونيو 2006

مشاركة: استفيدي وفيدي (( نصائح للبشره للجسم للشعر للرجيم ))---تفضلوا

تعالوا ماقلتلكم بعد انا نزلت 8 كيلوات بالشهر ونص

تركت النشويات واكل دياي لحم ربيان وسلطات وبيض

لا وبعد كنت اكل من كنتاكي وجبة الدينر ومن هارديز لوكارت بس ها وجبه وحده باليوم مع الاعشاب للرجيم + حبوب اعشاب للرجيم موجوده بالصيدليات

وللحين مستمره على رجيمي احس ان جسمي خلاص تعود مايبي نشويات ولا نفسي تفز على الخبز والعيش وكنت اسد الشهيه في كوب نسكافيه الصبح للغدا واتغدا وعشاي خفيف او بس شاي اعشاب

وبقولكم بعد عن شي يبيض اليدين <<<< افركي ايدينج بليمونه بليل وغسلي ايدج وحطي جلسرين او فير اند لفلي بصراحه شي يهبل

يالله بنات كتبوا لونصيحه صغيره ومفيده ننتظركم حبايبي

بنـت الكويت · 30 يونيو 2006

مشاركة: استفيدي وفيدي (( نصائح للبشره للجسم للشعر للرجيم ))---تفضلوا

ام سالم ماشالله عليج والله تعجبني مواضيعج فيها اماااااان
دوم تكتبين شي انتي مجربته

يعطيج العافيه وعساج عالقوه

مزيونه وشقره · 30 يونيو 2006

مشاركة: استفيدي وفيدي (( نصائح للبشره للجسم للشعر للرجيم ))---تفضلوا

اي والله اني حليوه وحبوبه وخوووش بنيه <======= الحمدلله والشكر

* مـذهـلـه * · 30 يونيو 2006

مشاركة: استفيدي وفيدي (( نصائح للبشره للجسم للشعر للرجيم ))---تفضلوا

روزالكويت : هلا يا قلبي هذا كتاب رجيم اسمه رجيم كيميائي كاتبه دكتور و مقسمه كذا قسم رجيم لاصحاب السمنه و رجيم للحوامل و رجيم للي فيهم مرض السكر .. تلاقينه بالمكتبه ..

اي و الله ام سالم ما شاء الله عليج مواضيعج كلها مفيده و حلوه الله يعطيج العافيه ..

Harmony · 30 يونيو 2006

مشاركة: استفيدي وفيدي (( نصائح للبشره للجسم للشعر للرجيم ))---تفضلوا

يعطيج الف عافية و ان شاء الله لى رجعة اكتب فيها بعض الأشياء

مزيونه وشقره · 1 يوليو 2006

مشاركة: استفيدي وفيدي (( نصائح للبشره للجسم للشعر للرجيم ))---تفضلوا

اشكركم عالمرووور

ويالله بنات وينكم

الحــــــلا كله · 1 يوليو 2006

مشاركة: استفيدي وفيدي (( نصائح للبشره للجسم للشعر للرجيم ))---تفضلوا

بنات صراحه اسكينول اينن
انا اغسل ويهي بصابونه البابايا وعقب امسح باسكينول وبعدين احط كريم بين التايلندي وانام اقعد الصبح اغسل ويهي بالصابونه وامسح باسكينول الي بالخيار
للجسم سنفرة مشمش واحط ملح الحليب وطبعا حمام مغربي

اشرب ماي وايد

اامممممممممممم لي تذكرت رديت

ام سالم لا خلا ولا عدم يا بعد عمري

مزيونه وشقره · 1 يوليو 2006

مشاركة: استفيدي وفيدي (( نصائح للبشره للجسم للشعر للرجيم ))---تفضلوا

الحلا كله افكارج تجنن منوره الموضوع وربي

مزيونه وشقره · 1 يوليو 2006

مشاركة: استفيدي وفيدي (( نصائح للبشره للجسم للشعر للرجيم ))---تفضلوا

[[عندي فكره بقولها لكم بعد بس ها للمتزوجات بس

اذا تبين ريحتج فراوله وتصيرين قطعه فراوله لزوجج

1- اخذي شور في صابون الفراوله من بودي شوب

2- حطي كريم الفراوله من بودي شوب

3- حطي بالغرفه شمعة فراوله

4- حطي عطر فراوله تلاقين حلو في محل مكياجي

[5 وهذي اهم نقطه حطي مكياج وردي ولبسي وردي بس ها لا تحطين حمره او قلوس روحي المطبخ واخذي اشوي عسل واشوي بودرة جلي فراوله وحطيها على شفايفج مثل القلووووس
ها اشرايكم يالمتزوجات

مزيونه وشقره · 2 يوليو 2006

مشاركة: استفيدي وفيدي (( نصائح للبشره للجسم للشعر للرجيم ))---تفضلوا

وينكم بنوتات

إشراق · 2 يوليو 2006

مشاركة: استفيدي وفيدي (( نصائح للبشره للجسم للشعر للرجيم ))---تفضلوا

مشكورين على الافكار الحلوة
انا بصراحة ماعندي افكار
ومنكم استفيد

وبانتظار المزيد........

omneyaty · 2 يوليو 2006

مشاركة: استفيدي وفيدي (( نصائح للبشره للجسم للشعر للرجيم ))---تفضلوا

ام سالم فكرتج عجيبه عسل وجلي

يعطيج العافيه

ناني سيكرتس · 2 يوليو 2006

مشاركة: استفيدي وفيدي (( نصائح للبشره للجسم للشعر للرجيم ))---تفضلوا

ياعيني على هالافكار يأم سلوم, بعد زيدينا وفيدينا.

انا احلى شي استخدمته حق بشرتي قناع النشا مع ماى الورد صج يشد البشره ويبيضها ويوخر الحراره عن الويه , يعني اذا انت راده من الدوام وميته من الحر استخدمي هالقناع تحسين انه صج ردت روحج.

مزيونه وشقره · 4 يوليو 2006

مشاركة: استفيدي وفيدي (( نصائح للبشره للجسم للشعر للرجيم ))---تفضلوا

العموم يبت لكم شي يديد جربته للرجيم

اذا تبين تسدين الشهيه

( حليب خالي الدسم + م نسكافيه + دايت بروغرام وهو مثل البودره موجود في اظرف داخل كرتون بالصيدليه ويكون على قهوه ) حطيهم بالخلاط وشربيه بمكان اي وجبه وراح يسد الشهيه باذن الله
وانا كتبت هالطريقه بقسم الاغذيه الصحيه

بعد يابنات وينكم

مزيونه وشقره · 4 يوليو 2006

مشاركة: استفيدي وفيدي (( نصائح للبشره للجسم للشعر للرجيم ))---تفضلوا

بنات اشرايكم فيني مو سنعه

بدويه ستايل · 4 يوليو 2006

مشاركة: استفيدي وفيدي (( نصائح للبشره للجسم للشعر للرجيم ))---تفضلوا

مشكوره ام سالم على الموضوع الحلو بالنسبه لي :

للشعر : شامبوالكثيره ((رهيييييييييب))_ وماسك لوريال للشعر بعد الشامبو _ ومع آخر غسله اضيف خل التفاح _ وبعد مااطلع من الحمام احط بلسم ((بلسم يترك على الشعر جذيه مكتوب عليه)) يعني ما تغسلينه خلاص مثل الكريم بس روعه يخلي الشعر زبده من ماركة vo5

للبشره: تونيك من روك_ مقشر داخلي من روك_ كولاجين _ وبالليل خلطه للتقشير والتبييض طبيه واستخدم قناع (الروب مع الخميره) او( قناع الحليب مع النشا ) او (قناع الخيار ) مع استخدام مكعبات ماي الورد المثلجه وكريم ريكسول للعيون

للجسم وقت الاستحمام: قبل الحمام دهن الجسم بزيت الزيتون والليمون _ صابونة البابايا او صابونة ملح الحليب او صابونة الكركم _ خلطة (صابون غار منقع بماي ورد مع حلسرين ولوز وخروع وكركم)
وسنفرة المشمش او ملح الحليب او سنفرة البابايا _ قناع الترمس والنشا وماي الورد والحليب قناع كامل للجسم (في سنفره توني قاريه عنها باحد المنتديات بجمع اغراضها واجربها اذا حلوه راح اقولكم تجربتي)

للرجيم ماراح افيدكم لاني ما احتاج رجيييم

تعبت

اذا ذكرت شي مفيد بقولكم

بدويه ستايل · 4 يوليو 2006

مشاركة: استفيدي وفيدي (( نصائح للبشره للجسم للشعر للرجيم ))---تفضلوا

ذكرت شغله آخر شي بالحمام احط مجموعة زيوت ع جسمي وهو مبلل (آخذ غرشة البيبي اويل واخلي فيها ربع منه واحط فوقه ربع العلبه زيت اللوز وفوقها ربع العلبه جلسرين وفوقه زيت البرافين واخض العلبه لما تختلط الزيوت )رووووعه لنضارة الجسم ونعومته وبياضه

بعد الحمام استخدم لوسن للجسم يبيض وينعم ويقشر من صنع ايديه وحياة عنيه :d

استفيدي وفيدي (( نصائح للبشره للجسم للشعر للرجيم ))---تفضلوا

Active member

** عضـوة شـــرف منتديات كويتيات **

New member

Active member

New member

Active member

** عضـوة شـــرف منتديات كويتيات **

New member

Active member

New member

Active member

Active member

Active member

New member

New member

New member

Active member

Active member

New member

New member

عضـوة شـــرف منتديات كويتيات

عضـوة شـــرف منتديات كويتيات