ممكن كل متزوجة تعطيني نصيحة حق زوج المستقبل عرسي بعد شهر انقذوني

محتاجة لدعائكم · 13 مارس 2009

السلام عليكم

بنات انا عرسي 24-4 محتاجة دعائكم انة الله يسخرة لي زوجي وما يشوف غير ويحبني ويحترمني ويسوي لي كل اللي ابية

لانة الصراحة زوجي لا اكلمة ولا يكلمني وشافني مرة وحدة قبل الملجة

فياريت تعطوني نصايح منكم تخلية يحبني وبكل مكان وبكل لحظة يذكرني

قولولي شنو اسويلة عشان اسعدة واخلية احسن زوج

ابي شغلات فناتك

شنو انا اسوي بروحي وشنو اسوي للشقة وشنو اسوي فية اهو

ابي نصايح منا لالف الى الياء

دعواتكم لي اطلع احسن عروس

dalal · 13 مارس 2009

اول شي مبروووووووك يا حبيبتي الله يسعدج وياه ويهنيكم

وثاني شي تذكري انج داخله على مشروع كبير في حياتج.. اذا اسستيه من البدايه غلط راح تتعبين ابتعديله بعدين ..

خلج من البدايه واظحه وصريحه.. بينيله شنو تحبين ومن شنو اتظايقين ..

بس انبهج من الحنه ثم الحنه ثم الحنه !! اطفش الريال .. خلج حبوبه سلسه وياه لاتعاتبينه واتجادلينه وتحققين وياه !!

بس هذا مايعني انج ماتسألينه وتعرفين اخباره... اتبعي (خير الامور الوسط)...

واذا تبين ترتاحين شغلي نفسج اب اي شي اذا كان اهو مشغول ولا طالع .. لانه لو ظليتي تحطين ايدج على خدج وتنطرينه لين يوصل انتي ال خسرانه !! او ظيعتي وقتج بالنطره وماتدرين شنو نفسيته لي رجع

يعني اقريلج شي زوري اهلج اشتركي بنادي... بس ها مو على حساب بيتج .. يعني خصصي لورحج وقت حق نفسج مو بس طبخ ونفخ وغسيل وكراف وقبل ما ايي اتسنعين وتقعدين اتجابلينه !! هاذا اكبر غلط
قسمي وقتج صح ..
وترى الريال مو بس يبي اتزقرتين الشقه وشموع وورد وهدايا ومسجات !! مطلوبه بس هم

يبي الكلمه الطيبه .. الاهتمام ..تشكرينه على الي يسويه وادللينه بس مو بزززد لانه ماينعطون ويه ههههههههههه
بس انتي باجر بتعرفين ريلج اكثر وشنو الاشياء الي تسعده ..

ولاتنسين اتحافظين على صلاتج وتعينون بعض على الطاعه عشان الله يبارك لكم ويوفقكم

وسلامتكم

رضاهم جنه · 13 مارس 2009

اولا يارب يسخره لك وتعيشين معاه متهنيه يارب ويصير نفس زوجي
ودايما تمسكي بدعاء تسخير الزوج قبل تنامين انا متزوجه صارلي 4 سنوات وكل ليله اقوله

ثانيا اهم شي لا تطولين لسانك عليه حاولي قد ما تقدرين انك ما تصارخين بوجهه ترى يكرهك من داخله بدون لا يقولك .

ثالثا عوديه قبل لا يطلع وقبل يدش لشقه يبوسك حتى لو كنتوا متزاعلين لا سمح الله البوسه مالها شغل بهوشتكم

رابعا اذا طلع برى البيت وحسيتي انه عند ربعه لاتدقين عليه مسج بس تتطمنين عليه بس مسج ترى الرجال يمل من المره من كثر ماهي لازقه فيه

خامسا لا تقولين ابي مثل فلانه وفلنتانه راحوا وجو وسافروا مالك شغل باحد تبين تسافرين قولي بسافر نستانس مو بسافر ليش مره اخوك بس تسافر وانا ما اسافر!!!

سادسا نصيحتي لاتسمعين كلام الحريم بخصوص معاشك لا تعطينه لا يتعود عليك ومن هالكلام الحياه الزوجيه مشاركه مو معركه .

سابعا لا تنامين قبله فاهمه ؟ لو شنو لا تنامين قبله علشان ما يتأخر برى البيت واذا كلش فيك نوم نامي بالصاله على ما يجي

ثامنا لا تقولين اهلك سووا اهلك قالوا ليش امك جذيه ؟لا تحشين باهله قدامه اذا صرتي وياه سولفوا بسوالف حلوه علشان ما يمل منك مو تتهاوشين معاه

تاسعا دايما خلي ملابسه ريحتها نظيفه يعني اذا قعدتي تكوين ملابسه الداخليه عطريهم بعطر خاص انتي شاريته ولا تقولين له عن اسمه علشان يتعود على الريحه تكون خاصه لك

هذا غير نصايح النظافه وسالفه احم احم الي يبيلها كتاب كامل بعد

ارجو اني ما غثيتك بالنصائح البسيطه بس صدقيني اذا اتبعتيها راح ترتاحين وراح يرتاح هو معاك

محتاجة لدعائكم · 13 مارس 2009

مشكورين بنات على النصتيح وتعبتكم معاي بس صج صج صج استفدت

والله يوفقكم ياارب

رضاهم جنة والله يخليلج ريلج

وان شاءالله ريلي يطلع نفس ريلج

بس امانة امانة بكل صلاة ادعي لي

وممكن اعرف شنو قصدج

هذا غير نصايح النظافه وسالفه احم احم الي يبيلها كتاب كامل بعد

فهميني عغلى الخاص

أم حيدور · 13 مارس 2009

واللي مو متزوجة ما يصير تنصح

__ كوني له الام والصديق و الاخو __

لا تاخذين الامور من بدايتها بحساسيه ولا تحاولين تطلعين اي شي بينكم بره

حتى لو حق اهلج و حاولي تعرفين شنو يحب وشنو يكره شوفي شنو طبعه

طولي بالج بكل شي و حاولي تتعلمين وتسمعين من كل مكان الشي اللي يفيدج باجر

حاولي تملكينه واترسين عينه بكل شي و لا تسمعين حجي الكل من غير تفكيرج بعقلج

وسلامتج

بس لازم تحطين في بالج انه الريال مثل الياهل تقدرين تكتسبينه لج لكن يبيلها شوية شطارة ولا ليش كيدهن عظيم :$

والسموحة عالاطاله قلبي ^_^

نملة الحلوة · 13 مارس 2009

طيعي زوجج بلا عناد صدقيني كل شي يمشي اكسبيه لج بعدها عدليه لج هاذي نظريه صحيحه مطبقه

_03ba:

رضاهم جنه · 13 مارس 2009

محتاجة لدعائكم قال:
مشكورين بنات على النصتيح وتعبتكم معاي بس صج صج صج استفدت

والله يوفقكم ياارب

رضاهم جنة والله يخليلج ريلج

وان شاءالله ريلي يطلع نفس ريلج

بس امانة امانة بكل صلاة ادعي لي

وممكن اعرف شنو قصدج

هذا غير نصايح النظافه وسالفه احم احم الي يبيلها كتاب كامل بعد

فهميني عغلى الخاص

مادام استفدتي يبيلي صفقه:ggdw:
وانطريني على الخاص
بس بصراحه شنو احسن نصيحه من الي قلتها كانت رايحه عن بالك ؟

أم منصور · 13 مارس 2009

حبيبتي انا ما راح اقولك الا انج تروحين مكتبة جرير وتقرين كتاب اسمه

الرجل من المريخ والمراه من الزهرة

تفهمين شخصية الرجل وطريقته في التعامل في المواقف عن المراه

راح تميزين ليش الرجل يتصرف جذي بعكس ما كنتي تتوقعين

وما راح ازيد على كلام الخوات

والف مبرووووووووووك مقدما

ή ő 0 и Ч * · 13 مارس 2009

الله بوفقج يارب
انا بنوته ماحبيت اطلع من الموضوع بدون اي شي
يارب يسخره لج ولاتنسيني من دعائج

أسيرة_أحزاني · 13 مارس 2009

ألف مبرووووووووووك مقدما

واهم شي تصلين لج ركعتين اول مادشين بيتج وان شالله الله يوفقج وييسر امرج يارب

cute_batoota · 13 مارس 2009

اول شي مبروك حبيبتي والله يتمملكم على خير يا رب واهم شي بالعلاقةالزوجيةاهوه الاحترام احترميه وفرضي احترامج وعمرج لا تطلعين اسرار بيتج لأحد وكوني صادقة بكل شي والله يوفقكم يا رب

^أم يوسف^ · 13 مارس 2009

الله يوفقج ويبارك لج فيه
ويسخره ويجعلج اجمل نساء الكون في عينه
بس تذكري انه اهو الرجل وانتي النثى
وحاولي تتفهمين كل متطلباته وقومي فيها

الــــــــــف مبــــــــــــــــروك

أسمكي · 13 مارس 2009

لا تبددين بالاهتمام عليه اي انسان
حتى لو كان امج وابوج
خللي الناس في كفة واهو بكفة
وحتى لو بتطلعين حاولي ان مايكون اهو فاضي او بالبيت هذي نقطة مهمة وااااااااااااايد وخل يلاحظ هالشي منج ويشوفج تعتذرين عن اشياء مهمة عشانه وراح يقدرج صدقيني ويرد عايدي لصالحج
المرة اللي تطلع وتخللي ريلها راح يتعود على غيابها ويدور غيرها بعدين
ربي يوفقج ويزينج بعيونه ادعي ربج دايما وخللج قريبة منه عشان يباركلج بحياتج حبيبتي

MaZyOoOoNa · 13 مارس 2009

اول شغله الف مبرووك حبيبتي على الزواج
والاهم اسرار بيتكم لا تطلع لحد نصيحه حتى لقرب الناس الي اهيا امج خلي بينج وبينه
واسرار بيت اهلج لا تقولينها له لا سألج عن اهلج قوللي بخير يسألوون عنك
لا تسوولفين بالتلفون مع رفيجاتج واهوا ييمج لا كلميهم لما اهوا يكوون مشغول بشي او انتي فاضيه اهوا مو يمج لا تلهين عنه وبنفس الوقت لا تلزقين فيه 24 ساعه لا خليه يتنفس شوي :\

بحر الغموض · 13 مارس 2009

مشاء الله اول ردين كفو ووفو

بس ديري بالج على الريال باول اشهر الزواج يحط المراه باختبارات ويشوف رده فعلها

ترى كل الرياييل جذي بس بطرق غير مباشره خليج منتبه لها وتعاملي معها بكل تلقائيه بس بقوة شخصيه ووضوح

خليج واضحه مثل ما قالت الاخت العزيزه

ولا تنكبين عليه بالحب والدلال خليج رزينه لاتركضين وراه خليه اهو اللي يركض وراج لاتخلينه يملج بسرعه

والحياء خليه موجود مو مثل البنات تفصخه بعد جم يوم ادري انه حلالج بس ترى في رجال يحبون الحيا ةهالشي يطول من وقت شهر عسلهم

خلي تكون عندج نوع من الخصوصيه لاتصيرين له كتاب مفتوح يقراج من اول مره ويفهمه

اسرحي بخيالج اشغلي نفسج لا تحطين ايدج على خدج وتقولين وينك ووينك خليه اهو اللي يسال وينج

لا تكشتين فيه ولا تطيحين بجبده خير الامور الوسط

لاتطالعين البنات وتقارنين ليش ماحطلي وليش ماجابلي

ترى في بنات تهدم البيوت بس

الله يوفقج ويسعدج

ROYAL · 13 مارس 2009

اذا حبيتي اهله واهله حبوج راح تعيشين طول الهمر معاه معززه مكرمه
بالتوفيق يارب والف مبروك

miss_lymoona · 13 مارس 2009

حبيبتي اهم شي يكون شكلح حلو ومرتب واهتمامج فيه ولاتقطين روحج عليه وايد والله يهنيج

*peace* · 13 مارس 2009

وثاني شي تذكري انج داخله على مشروع كبير في حياتج.. اذا اسستيه من البدايه غلط راح تتعبين ابتعديله بعدين ..

خلج من البدايه واظحه وصريحه.. بينيله شنو تحبين ومن شنو اتظايقين ..

هذي اهم نصيحه

وديري بااااااالج لايشم فيج ريحه موزينه كلش ابدا ابدا ترى ان شمها ماراح ينساها طووووووول عمره

وترى الزوج مايحب النكديه

والله يهنيج ويتمم عليج يارب

kingq8q8 · 13 مارس 2009

كلوووووووووولوووووووووش ألف مبروك حبيبتي الله يهنيج ويسعد لياليج

شوفي حبيبتي بعطيج كذا نقطه::

1- عامليه مثل ماتعاملين طفل صغير
2-اهتمي بنظافتج ولبسج والريحه الحلوه
3-المشاكل تنحل بالتفاهم مو بالصراخ ديري بالج
4-لاتناشبينه بالطلعه والرده
5-ولا تكلمين بأهله عنده اذا اهله زينين ومايقصرون معاج

النقاط هذي تنفع مع الرجال الطيب الحبوب اللي ينعطى وجه ،،،، اما الرجال الاقشر اللي ماينفع معاه طيب ولا ينعطى وجه

( وانشالله زوجج مايكون من هالنوع )اللي حمري عينج عليه بس عاد مو من البدايه

انشالله تعيشين احلى حياة جديده حلوه مع زوج المستقبل

بـشـرى · 13 مارس 2009

خـــلي بــالــج مــنـــه ،، وإلى مـــا يعجبج في كـــلامـــه قوليه إن شاء الله بس لا تنفذينه ولا تعااااااااااااندينه

ريحي بـــالـــج لا تـــحاتيـــنه ووووايــد ترى المره بسرعه تحترق والرجال ولا يهمه ؟؟ يعيش حياته بالطول والعرض

وخلصى شغله أول بأول .. زوجج الأول في كل شى قبل الكل ( بأكله \ بملابسه \ برعايته ...الخ ))
والله يعينج ع الحــياه .. ترى الزوووواج صعب ويبى له طولت بال ؟؟ وروقااااااااااااااااان ؟؟

ممكن كل متزوجة تعطيني نصيحة حق زوج المستقبل عرسي بعد شهر انقذوني

New member

New member

New member

New member

New member

New member

New member

New member

New member

New member

New member

New member

New member

New member

New member

New member

من كبار شخصيات كويتيات

New member

New member

New member