بطاقة بنك للأطفال؟؟

ولله انا مادحيلي بيت التمويل حساب بيتي

وفتحت حق بنوني

و الله حبوبة انا ما جربت إلا بيت التمويل

عيالي كلهم حساب البراعم

انا بعد عيالي كلهم بطاقة بيتي من بيت التمويل

ولدي البنك الوطني حسب ( زينة )

انا ببطل لبنتي حساب حصاادي علششان لا يتم مثل ما اهو ماتدرين يمكن يربحوون

انا قاعده ادور ومشكوره بنت الكويت على الرابط خل افتحه واقراه

مشكورين وانصح الكل بأنه تفتح احساب وتسوي استقطاع شهري من معاشكم

حطي بحساب الجواهر احسسسسسسسسسسسسسسسسسسن شي

انا اعيالي في بيت التمويل بحساب البراعم
بس ترى مو مشي مافي شي يعطونه حق اليهال
يقولون ان في خصومات بس عمري ما شفت منهم شي
ولا استفدت منهم بشي ابد
واللي اعرفه ان البنك يحاول انه يفيد المستفيدين او العملا بشي ويخلونه مرتاح معاهم بس اللي اشوفه غير
يعني عندكم بنك الكويت الوطني يعطون حق اليهال شغلات حلوه يسوون لهم حفلات هذا غير الهدايا يعني
يحاولون يرغبونهم اكثر بالبنك
بس اللي عندنا ماكو
هذاك اليوم رحت لهم وعطيتهم اقتراح انهم يسوون على الأقل حصاااله حقهم على شان يعلمونهم التوفير
تدرون شنو قالت وشنو سوت ؟؟!!
قالتلي عندنا هدية تونا امخلصينها وراح اعطيج اياها اول وحده!!
قلت يا الله خير .. شنو اهي؟؟؟
جان اتبطل الدرج واطلعلي نوته كبر كف الإيد وتعطيني اياها
قالت هذا حق اعيالج اللي فاتحين احسابهم عندنا .. على شان يخربطون عليها !!!!!!!
طبعاً انا ويهي قام يقط ألوان وتنرفزت وعصبت حدي
جان اقولها انا اقولج اقتراحي وانتي اتقاطعيني على شان نوته اوراق عاديه حتى ما فيها زود بالمره
جان ترد على تقول لالالا احنا ما انسوي حصالات
قلت لها مو إلا وين خصوماتكم حق اليهال ؟؟
جان تقول في كتيبات بس مو موجوده .... وهالكلام اسمعا صارلي سنتين كل ما اروح بشوف هالكتيب كله ما عندنا
عيل ليش هالحجي الفاضي ... مادري
شوفوا البنوك الثانيه شنو اتسوي وطالعوا هالبنك شلون تعامله صاير

اللي بس امسكتنا انه اسلامي بس على قولتهم

الحين جنه الاوسط بعد اسلامي تدين يالله حسن الخاتمة

والله حدي احترت افتح وين ؟؟؟؟؟؟

كل مكان له عيوب وله مميزات

ما ادري صراحه مو حاطه لبنتي حساب
بس مفكره ليمى اتوضف

بصراااحه انا شايفه بنك الوطني احسن بنك
بس مشكلتنا انه مو اسلامي
والكل يقول ان فلوسه ربويه ومادري شنو
ولا احنا من صغرنا بالوطني وبصراحه تعامله رووووعه ومميزاته عجيبه
بس شنو نسوي بعد

انا فتحت لها حساب بيت التمويل بيتي

وانا بعد ولدي وبنتي بالتمويل بحساب

بيتي