%%%%%% مـــيزانية سفــــر %%%%%%

انا العام رحت مليزيا ( انا وزوجي) 18 يوم
الطيران 270 عالاماراتيه للشخص الواحد
الطيران الداخلي من كوالمبور لي بنينغ 30 دينار(شخص واحد ) روحه ورده ومن بيننغ لي لنكاوي بالفيري التذكره اب 10 روحه ورده (شخص واحد )
الفندق بكوالا (قراند ميلانيوم بشارع العرب ) اليلله اب 39
الفندق بلنكاوي (بلانجي بيتش) 62 دينار الليله
الفندق فبيننغ (باي فيو بيتش) 30 دينار اعتقد اليلله
سيانجور (فندق الاحصنه الذهبيه) 35 الليله
جنتغ (فيرست وورلد) مادري يمكن 15 الليله لان الفندق بااااااااااااااااايخ
طبعا السفره كلفتني تقريبا 1700 شامل السوق وكل شي

وسفره ثانيه رحت ( لندن - اسبانيا- لندن - فرنسا - لندن )
التذاكر كانت عالبرتش اعتقد 370
الفندق بلندن ماربل ارج الليله اب 90
فندق اسبانيا قعدنا بكتلونيا الليله اب 75
فرنسا قعدنا بقندق كاليفورنيا الليله اب 80 اعتقد
ومن لندن لي فرنسا رحنا بقطار اعتقد تذكرته 40 روحه ورده للشخص
ومن لندن لي اسبانيا طيران داخلي بس ماعرف سعره !!
عموما السفره كلفتنا 5000 حق 20 يوم ( لان السوق غالي وانا ماخليت بالسوق شي)

وسفره 3 رحت دبي 3 ايام
الطيران كان عالكويتيه سعرها 230 دينار الشخص ( درجه اولى )
الفندق بدبي كان (قراند حياة) الليله اب 90
التكاسي غاليه المشوار تقريبا 7 او 8 دنانير
السوق غالي مو رخيص
المطاعم بعد غاليه يعني رحنا مطعم المحاره (برج العرب) انا وريلي بس 70 دينار وااااايد الصراحه
بس الباجي فرايديز وتشيليز نفس الكويت تقريبا 15 شخصين
والسفره كلها كلفتنا 2300 حق 3 ايام

حلو الموضوع للرفع

هاي بنات حبيت اسال اللي راحو ماليزيا عن السن واي لاقون ابي معلومات عنها ماعليكم امر لاني ناويه هالسنه اسافر ماليزيا اناشالله ؟؟؟

فراشة لكويت قال:

هاي بنات حبيت اسال اللي راحو ماليزيا عن السن واي لاقون ابي معلومات عنها ماعليكم امر لاني ناويه هالسنه اسافر ماليزيا اناشالله ؟؟؟

أنقر للتوسيع...

سن وي لاقون تونس وايد حلوه فيها فندقين واحد اربع نجوم اسمه بيراميد والثاني خمس نجوم اسمه سن واي لاقون ريزورت فيها مدينة العاب مائيه وحديقة اصغيرونه ومدينة العاب وفيها مول وايد حلوه وكافي عليها من ليلتين لي ثلاث ليالي اذا كان عندج ياهال وعلى فكرة ترى تسكر يوم الثلاثا فلا عملي حسابج انكم تروحون في ايام غير هاليوم وتفتح من 11 لي 6 واول يوم ادشون فرييي بدون فلوس اذا كنتوا ساكنين بواحد من الفندقين ونصيحتي انكم تروحون دايركت من المطار لي سن وي لاقون وبعدين تروحون جنتج اذا بتنامون ليله او ليلتين هم كافي عليها اما اذ ما تبون تنامون روحليها من الصبح لي بليل حلوه واي شي تبين انا حاضر العام كنت رايحه لها :eh_s(6):

انا كلفتي العام سفره لندن اسبوع وباليورو ستار لي فرنسا وقعدنا اسبوع وبعدين خذينا قطار لي اسبانيا هم اسبوع كلفتنا كلها 5000 ديناو 2000 فنادق وقطارات حبينا نغير عن الطياره و3000 اكل ومشتروات غير الي انا يايبته معاي 1600 يعني 6000 بس شرينا قصدي مجلنا صح كل انواع الماركات وااااو والله احنا لو شنو مانشبع مشترا ولا سوقه بس كان تنزيلات موطبيعيه شهر 4 العام باليستر

يعطيكم العافيه بنات عالمعلومات

نبي تكلفية فيينا حق شخصين

حياكم الله بنات وشكرا على تفاعلكم

وياليت البنات يقولنا تفاصيل لكثر عن اسعار التكاسي والمطاعم والاماكن السياحية جدا مهمه هالنقطه

وشاكره كل وحده شاركت بالموضوع الي راح يكون مرجع ومفيد للكل

لبنان

والميزانيه كلها 8000 دينار

لبنان معقوله يابنات هذي الاسعر انا رحت ماليزيا14 يوم تقريبا 1900 شامله كل شي

خووووووووووش موضوع

بس مايفيد وياى انا اروح بميزانيه وارد بميزانيه ثاااااانيه من عقب ماشوف السوق ههههههههههههههه

وصيت قلبي قال:

يعطيكم العافيه بنات عالمعلومات

نبي تكلفية فيينا حق شخصين

أنقر للتوسيع...

انا رحت فيينا ، مطاعمهم ارخص من مطاعمنا يعني احس الأسعار حلوة واحنا نظامنا نفطر في الأوتيل ونطلع نتقهوى كل يوم في كوفي شوب شكل وبعدين نتمشى ونتمشى ونتمشى والتكسي ماركبناه كثير الا كم مشوار لإنه غالي واستخدمنا المترو وكان تجربة حلوة وكل شي واضح وبعدين نتعشى وبعدها نتقهوى مرة ثانية
ومشتريات مافيه شي يستاهل كل اللي عندنا عندهم
رحنا رحلات مع قروبات وحدة ب50 دينار والثانية ب100 دينار لإنها رحلة لمدينة ثانية
المهم ماكانت غالية كثير يعني 10 أيام اكل وشرب ومصاريف 600 دينار فقط
وبعدها رحنا دبي وكانت أغلى بكثير وضيعنا باقي الميزانية
والميزانية تختلف من شخص لشخص على حسب حسن التدبير

اول العام سافرنا النمسا والمانيا
اسبوعين انا زوجي و2 من اطفالنا خلينا الصغير مع خالتي ام زوجي
التذاكر والسكن 25 الف ريال
مطاعم ومواصلات داخلية وتذاكر متاحف وتسوق 25 الف ريال يعني مجموع الرحلة 50 الف
الخطوط القطرية والسكن ما بين 5 و4 نجوم


العام رحنا سوريا ومنها طلعنا قروب لتركيا (مرسين) 5 ايام السكن في الهيلتون الرحلة شاملة والتنقلات والوجبات الثلاث
الشخص الف ريال والاطفال 500 ريال للشخص
الرحلة كانت مررررة حلوة وكان معنا عوائل من الامارات انبسطنا معهم
الي ما عجبني في الرحلة مستوى الاكل لكن الفندق طبعا الهلتون ما عليه كلام وكفاية بلكونة الغرفة لما تفتحيها وتسمعي صوت الموج

المهم كلفتنا سوريا ورحلة القروب مع تركيا 12 يوم (21000) واحد وعشرين الف ريال

موضوع روووعة

خوووش تفاعل حياكم الله

اب اب

انا سفرتي حق
لندن
مدة 10 ايام
انا وعيالي الاربعه
كلفتني التذاكر والفندق(كمبر لاند) 1380 دينار
الرحله كانت على البرتش
وقت السفره كان شهر ابريل
و800 دينار روحات وجيات وتذاكر اماكن سياحيه مثل
التور باص
متحف الشمع
لندن اي
الاكواريوم
متحف الافلام الهايد بارك
والريجنت بارك
والجيمس بارك
والجرين بارك
طبعا الحدايق مالها تذاكر00بس فيها مطاعم00وفيها تاجير قوارب00
وهالقوارب سلمكم الله كنا كل يوم العصر عقب مانشبع فراره ونتغدى
نرجع الاوتيل نصلي ونرد نريح بالهايد بارك ونقضي الوقت بالقوارب
خاصه مع الجو اللي اشحلاته
المطاعم اللبنانيه والكافيهات
الوجبه في المطعم اللبناني فتوش في الاجوارد رود حق ست اشخاص
ب 55 الى 60 باوند كانت معقوله ومنطقيه الى حد ما
غدانا وعشانا000كله بال 800
ماستخدمنا التكاسي وايد00ليش ان هذي اول مره اطب لندن
وهالدييييييييييره ماينشبع منها ابصراحه00شوارعها نظيييييفه ومرتبه وتشوق
كنا نمشي ولانحس بالتعب حتى الصغار كانوا ياحياتي مستمتعين00
اما السوووووووووووق عاد فخصصت له 1000 دينار
شريت فيهم بدل العيد حق بناتي من 00البوند ستريت كل وحده بدلتين
وبعد شريت حق البنات الثلاث كل وحده 3 بدل حلوين وناعمين
وشريت لي بدله للعيد من بشستر فيلج
وبعد ثلاث جناط من نفس المكان
وطبعا انتو اتعرفون ان ميزانية السوق مطاطيه 00
يعني كل وحده واحتياجاتها
وسلامتكم 00

وسافرت ل00
دبي
انا وزوجي وعيالي الاربعه وخلينا الصغيره عند خالتها
بعد لمدة 00
10 ايام
التذاكر على الاماراتيه والسكن شقق فندقيه اللوتس كلفتنا
1000 دينار
الشقق حلوه بس للاسف بعييييييييييييييييييييييييييييييييييييييييده عن السنتر
وبناء عليه كلفتنا التكاسي وااااااااااااايد
اما روحاتنا وجياتنا وكافيهاتنا ومطاعمنا ولعب العيال في دبي لاند
وفي سكي دبي 00وفي كل مجمع نروحله
ونتييييييييييييييييفة تسوق00كلفتنا كلها 00
1000 دينار00
وكماااااااااان سلامتكم00

تهقون دبي مصرف وخاصه الحين وقت التنزيلات جم تكفي شخصين 4 ايام ؟؟؟

^klooot^ قال:

تهقون دبي مصرف وخاصه الحين وقت التنزيلات جم تكفي شخصين 4 ايام ؟؟؟

أنقر للتوسيع...

ابصراحه يالغاليه ادبي مورخيصه00مطاعمهم غاليه وانا مااقصد المطاعم التقليديه والوجبات السريعه
بس اذا انتو اثنين تصير تساهيل ان شاء الله
انتي احسبي التذاكر والسكن على صوب
والسوق ياخيتي خليه آآآآآآآآآآآآآخر شي عقب ماتستانسين عشان ماتخربين سفرتج والله يوفقج