بنات ... حيااااااااكم تعالووووووووووووووو

اريام الحلوة قال:

الله يحيج يابنت قهوها دايمه والله يخلي لج امج انشاء والله وماماتي يارب وامهات الباقي عشان محد يزعل ..
ويمال العافيه على هالموضوع مهو غريب عليج ...
الحين جا دوري (( لكل ساقط لاقط )) يعني الطيور على اشكالها تقع ..
و((العمى ماهو عمى العين العمى عمى القلب والله )).. هذا امي تقوله دايم لي ولخواتي اذا طرشتنا على شغله ومانلقها وتقوم هي وتلقاها بنفس المكان هههههههه ..

أنقر للتوسيع...

جزيلة العطا قال:

ذلول حزام مردوفه
تنقال لا صارتي بتقولين سالفه بس فيه احد موجود.......ما تقدرين تقولينها بوجودها
مثل يعني لما اختج تبي تقول سالفه وما انتبهت ان الجو فيه غيم تقولين لها
ذلووووووووووووووووووووول حزام مردوفه..........وساعات نقول
عندنا دجاج يلقط الحب........يعني اي شي يسمعه يلقطه

أنقر للتوسيع...

miss dettol قال:

انا مهجنه
نصي مطيري ونصي كندري ههههههههههههههه

ابي اتعلم منكم يلا
ومنكم نستفيد

أنقر للتوسيع...

$ صمت الشفايف $ قال:

شوارفسكيه مشكووووووووووره على هالموضوع
من قال هاه سمع

لقمة الخبل ملي فمه

طبخ طبختيه يالرفله اكليه

أنقر للتوسيع...

مربى دلع قال:

ياهلا وغلا بشواروفسكيه خخخخخخخخخ

فيه بيت شعر بس كله حكم وأمثال
بعض البشر طبعه مقدر ومحشوم..وبعض البشر عيب عليك احترامه
اللي ستر عيبه عن الناس بهدوم ..وش يستره لاصار عيبه كلامه
ومعناه
العيب اذا جاك من اهل العيب مو عيب << برضو مثل خخخخخخ

أبو حقب لايصيد صيد ولا يسلم من العنا
يقال للي مشقي عمر ومتعب نفسه عالفاضي

اللي مايعدك راس مال لاتعده فايده
ومعناه اللي يبيعك برخيص بيعه بتراب << أيضا مثل ماشالله علي

الشيفة شيفة والمعاني ضعيفة
و يقال للشخص الوقح وبمعنى اخر اللي فوق شينه قواة عينه << ياويلي مثل

ثوبه زري يرطخ وماعنده قدر يطبخ
يقال للي يحب المظاهر على حساب نفسه يعني كشخة على خرطي

لاصرت أمير وأنا أمير من بيسوق الحمير
ومعناه ان القيادة والرئاسة يوصى بها لشخص معين بحيث اذا زاد الرؤساء خربت السالفه ودجوا المرؤوسين
وفي رواية اذا كثروا الطباخين خربت الطبخة

وين رايحة ياطنازة؟؟ قالت رايحة أطنز
ويقال للشخص العايب اللي يشوف عيوب الناس ومايشوف عيوبه

ماشاءالله علي موسوعة كل مثل افسره بمثل خخخخخخخخ غنيمة الفهد مو مربى :eh_s(20):

أنقر للتوسيع...

reemas قال:

خوش موضوع ...الله يسلم راعيته

بقولكم جم مثل دايما اسمع جدتي الله يطول بعمرها تقولهم:-

1- فلان مثل ناقه عريمان لاثارت نارت واليا بركت ما قامت
وهالمثل دايما تقوله لي انتي مثل ناقه عريمان ومعناه الانسان اللي ما عنده وسط يا فوق يا تحت

2- اعلم مي وقضبت العلم مايده يا ليت مي ما جابتها الوالده
وهالمثل له قصه بنيه يتيمه اسمها (مايده) ولها مرت ابو وهالمره عندها بنت اسمها مي وكانت دايم تنصح بنتها وتسنعها وما تخلي مايده تعرف عن هالشي عشان بنتها تطلع هي السنعه بس مي كانت غبيه وما تستوعب نصايح امها عكس مايده اللي كانت تتسمع على مرت ابوها من غير ما تدري وتحفظ النصايح وتطبقها عشان جذي مرت ابوها كانت منقهره منها وقالت هالمثل

3- مالك غير خشمك ولو كان عوج
وهالمثل ينقال اذا كان عندك واحد قريب منك بس تصرفاته مو شي فانت مجبور ترقع له وتساعده لانه من دمك ولحمك

4- الزين غسال ايدين
ومعناه ان جمال الشكل مؤقت ومصيره ينتهي مع العمر والكبر والباقي هو جمال الروح والاخلاق

5- ناس احشمها وناس احشم نفسك عنها
ومعناه ان الناس نوعين نوع يستاهل الاحترام ونوع يستاهل الحقران

6- ما يجتمع طيب ونصيب
ومعناه ان الوحده الطيبه السنعه دايما حظها ونصيبها مو ذاك الزود

أنقر للتوسيع...