أحسن عيادة للأسنان ... وين ؟؟؟؟

تهونه 21 قال:

خواتي انا اعاني من مشكلة ريحة الفم الكريهه ساعات استحي اقرب من زوجي واتكلم معاه بسبب الريحه حاولت لفرش اسناني اكثر من مره باليوم بس مانفع معاي منو فيكم عانت من هاذي المشكله وعالجتها ؟

أنقر للتوسيع...

حبيبتي تهونه 21
طبعن لازم الاسنان مافيها سوس لأن يطلع ريحة
نصيحتي لج ولكل البنات والمدامات
استخدمي فرشة اللسان ظرووووووووووري
في نوع اللي يكون وجه فرشاة على شكل قوس والوجه الثاني بلاستيك
وذا مالقيتي اشتري فرشاة لسان من الصيدلية او الجمعية وبلاستيكة مالت للسان
شلون تنظفيييين؟؟؟
الله يسلمج اول شي فرشي اسنانج عادي
بعدين تمظمظي بغسول الفم ( احب سنسودين )
بعدين ييبي الفرشة وفرشي فيها لسانج من داخل(اللي تقدرين توصليله) لي بره
جنج تمشطينه من فوق لي تحت وبلعدال طبعن لا ينجرح
عقبها اخذي لبلاستيكة ( نفس المكرافة)
ومشيها نفس الشي وشوفي الوصخ اللي بينزل
ترا اهوا سبب الريحة
كرري هشغلة مرتين ثلاث لين تحسين ان لسانج صار لونه وردي و اختفت الريحة
سوي هشغلة كل يوم او كل يوم وترك وادعيلي ان الله يسهل اموري ويرزقني الزوج الصالح
لأني واثقة 100 % بإذن الله ان الريحة راح تروح

اسنااااان كلنيك عن تجربه شخصيه حاليا اهي التوب

أنا ألحين أتعامل مع بيان . أحكم عليهم عقب ما أخلص علاج عصب .

ليش ما تحطون اسعار كل عياده
من تركيب وتلبيس وتقويم وتبيض وعصب

حتى يكون مرجع لنا

للرفع

بناااااات الله يعطيكم العافيه

منو تقولي بكم تلبيس قشرة السراميك

وهل تطيح مع مرور الزمن
وهل لازم يبردون السن

لان اسنانس بس يبيلها تغطية شوية الفراغات والا هي حلوه وودي مايصير فيها فراغات

هل الحشوات تنفع اللي بين الاسنان بدل قشرة السراميك

صديقتي مسويه عند عيادة الميدان وتقول الضرس الواحد تلبيسة بـ 700 دينار يعني كلفوها اسنانها 8000 دينار مبلغ خيالي

هل تعرفون واحد شاااااطر ورخيص

والله يعطيكم العافيه

مرحبااااااااااا

للأخت (حلة رغم الحزن) انا خالتي زارعة اسنان ماطلع 8000 اب 5000 يمكن..
اتوقع قشرة السراميك اقل من 700,والي اعرفهم كلهم سوه بالميدان و شكل ضروسهم ماادري شلون (كبار)
ماعجبوني (هذا رأي)


عندي سؤال بالنسبة للتخدير في عيادة تستخدم الكمام بدل الابرة .....؟؟؟؟ ومشكووووووووورين

احسن شي الميدان والحكمه

أنا مسوية عند الفوزان فوق وتحت 14 ضرس ب 1900 دينار عند الدكتور بطرس

عيادة ابها في الشعب
ودكتور فيجي هندي
وشغلة ماشالله حلو

عبادة بيلا عند الدكتور عبدالهادى شهاب عجيب نفسيته حلوه وكله يضحك ووايد زين وتحسين شاطر انا رحت وايد عيادات علشان ابي ألبس اسناني ما ارتحت الا عنده احس انه مريح وايد وانشاله ببلش معاه واسعاره معقوله

اوكي احسن دكتور او دكتوره في فرجينيا؟؟؟؟؟؟؟

:wqedqw:

الدكتور خالد الكندري حق التقويم بعيادة فرجينيا

روعة روعة روعة

ما شالله عليه إيده خفيفة

حياتي دكتور عبدالهادى شهاب في بيلا حاليا وبالنسبه للاسعار علي حسب انتي شنو شغلج او تحتاجين

بنااااااااااااات الله يوفقكم اللي جربت عيادات الأسنان
أختي أسنانها متدمرة كلهااااااا

يعني لازم تركيب

الله يخليكم ردوا علي
أي عيادة أحسن
وسعرها يكون مناسب

والله المكسينة حالتها صعبة
ماتطلع ولا تضحك مع أحد
ودايما تحط ايدها على فمها اذا ضحكت
ساعدونا وان شاء الله مالكم إلا الأجر

انا دقيت على عياده فرجينيا
والحين مسوين عرض لتبييض الاسنان من 120 صار 90
وقشره السراميك من 100 لي 150 جنه مو متاكده
وفتح الملف 10 والاستشاره مجانيه

مشكورين بنات ع الافاده بصراحه ما قصرتوا