السلام عليك ورحمة الله وبركاتة
ارجو الرد علي بسرعه لانه عندي بحث
س1\ماهي اعاقة ابنك او ابنتك؟؟
س2\ كيف بدأت الاعاقه وكيف تم اكتشافها؟؟
س3\ماهي الخدمات الي قدمتها لكم الدوله؟؟
س4\هل استفدتم من هذه الخدمات ام لا؟
س5\ ماهو التعديل الذي تود ان تضعه في قوانين ذوي الاحتياجات الخاصه وخدماتهم؟
س6\ ماذا تتوقع لمستقبل ابنك او ابنتك؟؟
لاتنسوني تكفوووون
1- إعاقة ابني توحد بسيط
2- بدأت الاعاقة أو اني لاحظت اختلاف على ولدي من عمر سنتين .. وديته حق دكتورين تخصصهم طب تطوري كلهم قالوا لي ما فيه شي !!!!! لما وديته حق د.عبير عوض اهيا اللي اكتشفت انه معاه توحد .
3- الخدمات اللي قدمتها الدولة لابني ان مدرسته صارت تدفع تكاليفها من قبل الحكومة .. وفي معاش قاعد يمشي له وهالمعاش نحط عليه دبل عشان أوفر له نوعيات الأكل اللي يقدر ياكلها ويغطي تكاليف جلسات النطق وتعديل السلوك ..
وفي خدمات مثل خصم 50% على الخطوط الجوية الكويتيه عبارة عن مقصه على الناس بكل اختصار ..وخرابيط ثانيه مالها سالفه .. يعني مخلين اشياء ضرورية ولها حاجة قصوى ومعطينا خصومات !!!!! شسوي بالخصومات انا احتاج علاج للولد .. جلسات نطق وتعديل سلوك ..
4- هل استفدت من هذه الخدمات :bbbiu: ممممم .. ما أقدر أقول لأ .. إلى حد ما ..
5- التعديل : انه اذا في علاجات خارج الدولة وان كانت ما تعتبر علاج للتوحد بس في يهال تحسنوا عليها ليش الدولة ما اطرش اللي حاب يجرب هذا العلاج .. على الأقل لو ما فيه شفاء فيه تحسن على الأطفال ..
زيادة معاش الأطفال لأنه مااااااااا يسوييييي شي .. كل أكل ولدي تقريبا قاعدة آخذه من مركز سلطان .. والباجي طلب من أمريكا .. والأسعار نااااااااااااار .. هذا اللي يطري على بالي
6- اللي اتوقعه لمستقبل ابني انه راح يتشافا تماما بإذن الواحد الأحد ..
ظاتمنى اني أكون أفدتج
