للديوانيه :صمون فطاير الصاج .. و الناتشوف بالخلطة المكسيكي وبيتزا الدجاج .. بالصووور

قوووووووووووووووووووووه بناااات

امس كاااان عند ريلي ديوانيه رفيجه .. و طلب مني اسوي له خفااايف . حق الشاي و القهوة ...

وسويت له الاشياء هذه

جاط مقالي ( سبرنغ رول و كبه لحم و سمبوسه )
جاط شاميات الصاج
صحنين من الصمون الصغير المحشي حشوات مختلفة
ناتشوز + الصلصه المكسيكية من تأليفي
بيتزا التوست
و بيتزا دجاج التوست
ورق عنب
زهرات البيف باستري بالدجاج و الباشميل


اهني مزهبه الاغراض عشان ياخذهم



صحن صمون



البيتزا بالتوست ..




ورق العنب



شاميات الصاج



صحنين الصمون





زهرات البيف باستري بالدجاج و الباشميل

طريقه الاعداد ..
اول شي البيتزا .. اللي بالصمووون وااايد سهله

اول شي الخلطة .. عباره عن :
كوب جبن كبير سائل
كوب من المايونيز
علبه روب



وحوسيهم عدل مع بعض ....



الحين
نجيب الصمووون نقص الاطراف .. و نصفه بالصينيه .. بالشكل هذا



و نحط من الخلطة فوق التوست .. و بعدين نحط طبقه ثانية من التوست

وبعدين نحط طبقه من الخلطة

بعدين الكاتشب ... و الجبن المبشووور ( شيدر انا بشرته بنفسي )





ونحطها بالفرن تصير بالشكل هذا





خلصنا البيتزا العاديه

..

الحين زهرات البف باستري مع الدجاج .. و الباشميل

اول شي نجيب البف باستري هذا 12 حبه



نحشي ال12 حبه في فتحات الصينيه هذه ام 12 فتحه اخذتها من مركز سلطان ( تيفال)

بعدين نحط عليها خلطة الشاورما ( الحين اكتب طريقتها تحت )



وبعدين نحط الباشميل ( طريقته تحت )
ونرش الجبن الشيدر ( العلبة الزرقاء ) مبشوره فوقها وندخلها الفرن


لعمل الباشميل .. نحتاج 2 علبه حليب ازرق ـ 1 جيس كنور ( ليش اصعبها على نفسي و كنور موجود )


اتبعت الارشادات وطلع لي احلا باشميل ( ما زدت لا ملح ولا شي ) بهاراتها منها وفيها ..


طريقه عمل الحشو ( الدجاج الشاورما ) نكثر لاننها بالباجي نحشي الصمون ...

جدر فيه زيت
ثوم مقطع
و 3 بصلات مفرومه
يصير لونهم احمر شوي
نزيد علبه من الشاورما ( امريكانا ) كامله انا حطيتها
وزدت عليه الكزبره الخضراء .. و البهارات العاديه
و علبه من الفطر .. ( مقطع )
وبس ...



هذا يوم استوى



الحين البيتزا اللي فيها الدجاج ..

نفس الخطوات السابقه

طبقه من التوست مقطع الحواف .. و بعدين الخلطة ( جبن ومايونزي وشوي روب )
بعدين حطيت الدجاج ( اللي انا سويته حق زهرات البف باستري . بقى منه كثير .. حطيته للبيتزا )


بعدين طبقه من التوست ..

بعدين طبقه من الخليط .. و بعدين كاتشف .. وجبن مبشووور .. وزدت عليه جزر معصور عليه ليمونه ( عشان لا يسود ) و رشيته عشان اميز بينه وبين التوست العادي ( اللي بس بيتزا من غير دجاج )






اهني يوم استوت

الحين جاط الشامياااات بالصاج ..

جبت خبز الصاج من مركز سلطان وحشيته وستخدمت الجهاز ( اللي تكبسين فيه الصموون ) .. مثل الشوايه و كان وااايد مفيد
وحشواتي : جبن كرفت مع مرتديلا ـ جبن حلوم زعتر زيتون مقطع مع شوي خس ـ دجاج الشاورما ـ دجاج مسحب حامض يهبل ( تحت بكتب لكم الطريقه )



الصاج مع المرتديلا و زدت الجبن


لفتيه رول وقصته بالنص
وحطيته بالجهاز



واصفها بصحن التقديم



الحين ابي اسوي المسحب ..
عباره عن دجاج مخلي ( صدور ) سلقتها بالماء . و الهيل ـ و ورق الغار
بعدين هرستها .. بالماكينه مع ملعتين من المايونيز و عصير 2 ليمونه وملح وشوي من الخل ( ملعقتين فقط ) و ملح ..

الدجاج وهو ينسلق اطلع الزفره ( المتراكمه فوق )


بعد الهرس يصير بالشكل هذا .. لو يابس ازيد له المايونيز و الليمون .. يا حلو المسحب وهو حامض



طبعا كل شي اسويه اكثر منه ( عشان احشي لصمون الصغير فيه ) .. فهمتوا علي ؟



طبعا الصمون ..
حلوم مع زعتر و زيتون و خياره دائريه ( شريحه )
دجاج من الحشو ( الشاورما )
الطريقه ابطل الصمونه .. احط الشاورما .. بعدين خلطة ( الجبن و المايونيز فوق ) بعدين جزر مبشور على الاطراف يخلي شكل الصمونه حلو
دجاج المسحب .. احط الدجاج .. بعدين الخلطة ( مايونيز ) بعدين الملفوف الاحمر .. المقصقص ازين فيه
صمون اللبنه و الاطراف ازينها بالزعتر
صمونه المرتديلا مع الجبن ..
يعني انتي تتفنين بالصموووون على كيفج




و ازين الصمون بالجزر المبشور . او الملفوف الوردي المقطع .. الصمون اللي استخدمه من مركز سلطان جيس استخدمت بحدود 5 اكياس .. و التوست 6 اكياااس

الناتشوووز عادي من الجمعية ( جيسين ) و فرغتهم بعلب ..
و الغموس المكسيكي عباره عن :

فلفل حار 4 فلفلات اخضر
ربع كوب من الخل
زيت زيتون شوي
ليمون
ربطه كزبره خضراء
ملعقتين من المعجون
راس ثوم
5 بصلات صغار
6 طماطم احمر ( لو لقيتي )
نص ربطه من النعناع

كله بالخلاط يصير عندج احلاها غموووس نااار يا حبيبي نااار بس يهبل



وحطيته بالعلب هذه




وبالعااافيه على قلوبكم .

ام عفاف الكويت قال:

ست بيت ممتازه تبارك الرحمن يمي يمي جوعتيني ياقلبي

تسلم ايدج وربي يحفظج

عليهم بالعافيه

أنقر للتوسيع...

تسلمين ياقلبي
ام عفاااف ريولي تكسرت من الوقفه .. والله صليت العصر وبديت .. وماخلصت الا على الساعه ست ونص
لو مو اختي الصغيرة جت تساعدني .. كان نطرت للساعة 8 باليل وانا مو مخلصة ...
وانا ما في خدامه .. واصور واشتغل وانظف .. المطبخ صار كارثه

تسلم ايدينج

ماشاءالله عليج ............. شغل عدل مدل ومتكتك

بس بغيت اسال هالحين الباشميل اضيفه فوق زهرات البف بعد ماضيف الخلطه ؟

والبيتزا ماتيي ناشفه ؟

روعه شغلج الله يحفظ يدينج ويلفها بحرير الجنه

مبدعه ويعطيج العافيه

مشاءالله عليكم بالعافيه

واااااو والله شهيتينى شكلهم يشهى مغرى ما شاء الله عليج راعيه بيت يعطيج العافيه على الطريقه الحلوة والله يوفقج ويهنيج مع زوجج ويسخره لج اميييييييييييييييييين...

ماشاء الله

تبارك الرحمن

تسلم ايدج

تبارك الله

معكرونه أسبكتى يم يم قال:

ماشاءالله عليج ............. شغل عدل مدل ومتكتك

بس بغيت اسال هالحين الباشميل اضيفه فوق زهرات البف بعد ماضيف الخلطه ؟

والبيتزا ماتيي ناشفه ؟

روعه شغلج الله يحفظ يدينج ويلفها بحرير الجنه

أنقر للتوسيع...

تحطين البف باستري ام 12 قطعه
القطعه على فتحت الصينيه تغلفين الفتحه فيها
بعدين تحطين خلطة الشاورما ( الدجاج ) اللي سويته
بعدين ملعقة من الباشميل
بعدين رشه جبن شدر مبشور
ودش الفرن

a7la-smile قال:

يم يمي اكلج يشهي
ماشاءالله عليج
طريقة البيتزا يعني احط طبقتين من التوست للبيتزا الوحده ؟ تكون خفيفه ؟ ماتطلع نااشفه ؟
يعطييييييج العافيه وتسلم ايدينج​

أنقر للتوسيع...

شوفي ياقلبي بالصننيه تحطين طبقه وحده توست
بعدين طبقه من الخلطة ( جبن مايونيز و روب )
بعدين طبقه ثانية من التوست
بعدين طبقه من الخلطة ( جبن مايونيز وروب )
بعدين الكاتشب .. و الجبن المبشووور

ما راح تطلع يابسه لان من الفرن راح تذوب الطبقه اللي داخل بفعل المايونيز و الجبن القلاصات ...وتصير الخبزه نفسها طريه

وبالعاافيه ياقلبي

بنت عز وما تنهز قال:

ماشاء الله

خووووووش شي

يعطيييج العافيه يا السنعه

تم الحفظ وننطر التطبييق

أنقر للتوسيع...

بالعاااافيه ياقلبي

ياااى شى عجيب و حلو و يننن تسلم ايدج