تجمع مميز**تجمع أمهات أطفال " زراعة القوقعه " حياكم الله*مميز**

الله يبارك فيج
بنات وينكم طخيتوا بقينه انعرف اخبار عيالكم شلونهم مع الكلمات اليديده و الجمل انشالله اطوروا اكثر و شلونهم بالمدارس
انشالله ماشيين

منار شخبارج

اهلييييييييييين بناااااااااااات اخباركم اسمحولي صارلي فتره ما دخلت المنتدى اخباركم واخبار عيالكم اولا حبيت ابشركم اني سويت فحص مع لولدي الصغير والحمدالله يسمع وانا احس اني اهملت ولدي الكبير شوي لاني لهيت مع المولود بس الحمدالله احسه متحسن مع المدرس صح ان النطور بطيء بس الحمدالله شي احسن من لا شي واللحين بادي يقول جمله من كلمتين بس جمل بسيطه مثل ابي ماي او افتح باب والحمدالله صار نطقه للحروف واضح و الله كريم انشاءالله..........

............اي صح بغيت اشكر كل وحده سألت عني واقولها ما قصرتي فديتج والله يجزاكم خييير............

السلام عليكم انا ام طفل زارع قوقعة صارلة سنة وخمس شهور وابي تقبلوني في تجمعكم لاني جديدة

هلا فيج حبيبتي بالتجمع
و خبرينه شلون ولدج و تطور كلامه انشالله استفاد و جم عمره الحين؟؟

هلا فيج حبيبتي بالتجمع
و خبرينه شلون ولدج و تطور كلامه انشالله استفاد و جم عمره الحين؟؟

سلام عليكم
الصابره نشكرج على رفع الموضوع ((بس ياليت تثبتين الموضوع))
منار حبيبتى الحمدالله انه ولدج يسمع وشخبار انسيب مبروك على الجمل حاولى بعد تعطينه جمل اكثر اذا يقول ابى ماى عوديه يقول مامه ابى ماى تصير ثلاث بدال الثنتين عشان يطول النفس عنده
وعطيه امر من جملتين قولى مثال ((عطنى كتاب اخذ كلينكس قطه زباله)) حتى لما يقول ابى حمام عوديه مره يقول بروح حمام مره يقول ابى حمام عشان يعرف الكلمات المتشابه يوظفه بالجمل
وعن الكسل لاتهملينه ترا هى فتهر معينه ويخف الضغط الحين العمر يحتاج ضغظ وبعدين راح ترتاحين كل ماكبر يخف اتدريب
نونو شخبارج شلون ولدج وين راح تسجلينه السنه الجايه
تصير هلا فيج ياقلبى
شلون ولدج عطينه نبذه عنه كم عمره شلون كلامه منو يدربه شنو المشاكل الى عنده بنطق

بنات عندى لكم اخبار يديده عن شوشو
قفلت ماتبى تروح حفلت التخرج معنى متعبه عمرى ورايح الناظره وقلت ابى فقره حق شوشو وماقصرت بس بنتى عيت ماتبى الداوم ومراحت التدريب بس ان شاءالله خيره
الحين هى عطلت طبعا هو تخرج من الحضانه مو من الروضه
بقولكم شنو استفادت بس بالله الكل يذكر الله مشاء الله
تكتب الاحرف كلها
تقرا بعض الكلمات مثل مامه بابه امل شوشو يعنى تقرا 20 كلمه
اقولها عطينى حرف والكلمه الداله
تقول أ أسد ب بطه ت تفاحه ث ثعلب ج جمل ح حمامه خ خروف
بس بالنجليزى مو ذاك الزود الانى ضاغطه عليها بالعربى
والحمداله والحمدالله والحمدالله حفظة السورت الخلاص بس عقب تعب تعب تعب مع محفظه تجيها البيت الانه بالحضانه ماتلحق مع الاطفال بسرعه المده شهر بس مو كل يوم بالسبوع مرتين بس تعبت والله طلعت عيونى ماتحب تقعد مع المحفظه
بنات الدعو حق بنتى انها تحفظ الحمد الانها متعبه ماتقعد وانها تعقل صايره عنيده مو نفس قبل مطيعه
لما اقوله المحفظه جت تقول كل يوم ابله ابله ابله تعد بأيده كل بس خلاص وهم الصبح لما اقعدها نفس الطريق الروضه كل يوم بس خلاص
الحمدالله اول تقول اسم حصان حثان الحين حصان
بدت توضح الحرف الصعبه را بدايت الكلمه صح مثل رانى صح بنص الكلمه بريد بغيد
والحين قبل لاتنام تقول ابى قصه ابنيه يعنى قصه عن بنت
ولما اقول لها القصه انه البنت حلوه وشعرها طويل وراحت امها قصت شعرها ((تغير تعابير وجها تكون مندمجه بالقصه واذا قلت البنت راحت مع امها السوق امها شرت لها ملابس وايد والعاب ((تعابير وجها تضحك منمدجه حيل بالقصه
لما اقول خلاص تقول مامه بعد ابى قصه خمسه يعنى تبى كذا قصه

جربو هالطريق بنات كل يوم قبل لاينامون عيالكم قولو لهم قصه مره خلى القصه عنه هو ومرا دخلى بنت ولد باالقصه لاتخلينها شى صعب خلوها قصه مبسطه مو كل مرا نفس شى مرا سوى اختلاف بالصوات يعنى الشرير يكون صوته غليظ وطيب يكون صوته هادى ومراه عادى من غير تغير اصوت
بس وسلامتكم
موجنه اسووووولف وايد:wqedqw:

هلا بناتي هم حياتي الحمدلله ولدي تمام
انشالله بدخله العالميه الامريكيه الي بحولي
و الحمدلله تطور كبير في الجمل و الكلمات ماشالله عليه
بقيت اسالج بنتج باي مدرسه الحين و السنه اليايه وين بتودينها ؟؟؟
و المدرسه الي تييلها البيت شنو اخصائيه تخاطب و لا شنو؟؟

هلا نونو
مدرست ولدج حق شنو بظبط هل تستقبل اعقات او عاديه
حضانة شوشو سيمه هى حضانه يغلب عليها طابع الدينى اكثر حضانه قريبه على بيت والحمدالله المدرسات مركزين على شوشو بدراسه لأنى ناشبه لهم جزاهم الله الف خير
شوشو سنه الجايه روضه بدخله نفس الحضانه سميه
اما عن المدرسه ودى مدرسه يكون عدد الاطفال بصف قليل عشان تركز المدرسه مع شوشو
يجيها مدرس احمد وتجيها ابله تحفظ قران
وان شاءالله ابى ادخلها مع خواتها نادى صيفى بدال القعده بالبيت من ساعه 4 الى ساعه 7
بنات دخلو عيالكم نوادى الصيفيه خل يستفدون ويشاركون الأطفال
بدال قعدت البيت وخل يخالطون الأطفال

ماشالله عليها الله يخليها لج
انا مدرسه ولدي السنه اليايه ياخذون اعاقات بس على حسب الاعاقه
و اهما سووا حق ولدي امتحان القبول و نجح الحمدلله
انا بعد ايييله المدرس احمد ماشالله عليه وايد زين توا طالع من ولدي و قالي ييباي حق ولدج حافظ يحفظه الي تبينه عاد ابي رقم الي تيييبينها
اذا ماكو ازعاج لان المدرس راح يسافر شهر 7 و 8 و بييب الحافظه بهل وقت
اي نادي بدخلينها انا بعد قاعده ادورله نادي زين يكون العصر لان ما يحب القعده الصبح و يتملل العصر و اكثر النوادي فيهم حمام سباحه و انا خايفه مكن هالشي لان سماعه ماودي بس المدرس قالي عادي و لا تحاتين في مدرسه الخليج الي ورا ليلى جاليري يمدحون ناديهم شكلي بوديه اهناك بس للحين محتاره لان ابي مكان قريب علي يعني بجنوب السره و ولدي مو مال قعده بالبيت كلش يحب الهياته وايد

السلام عليكم خواتي مشكورين على الترحيب ولدي نور عيني عمرة ثلاث سنين واربع شهور واسم اللة علية ربي يحفظة لي شاطر يقول تقريبا كل كلمة اقولها لة والحين علمتة هو واخوة اذا كلو اوشربو يقولون الحمدللة ويلفظها عدل وبدايسوي جمل مثل بابا راح دوام وابي مية والف الحمدللة على النعمة كنا وين وصرنا وين بس بطلبكم طلب ادعولي اولد بالسلامة واجيبة سليم

السلام عليكم
شلونكم أمهات؟
بناتي هم حياتي ياقلبي شلون لقيتي المحفظه ؟وممكن تساعديني ابي محفظه خلال شهر 7 بس
ياليت تسالينها او تعطيني رقمها بالخاص لو سمحتي

انشالله تولدين بالسلامه و تييبين الذريه الصالحه السليمه يارب و يهون عليج انشالله

منو الاخصائين اللي تراجعون عندهم بمركز سالم العلي؟

السلام عليكم هلأ أختي
أنا بعد عند ولدي عمره ? وسع شهور
أنا حاليا ساكنه خارج الكويت
وأدرس ولدي تعليم نظع بِــ??سّ وآللــہِ غالين
المعاش إلي أخذه له كله حق جلساته
وآللــہِ يقوم ماج ان شَــآآآءَ اللَّـ?
والحمد لله انظري عليه سنه بعد الزراعه
وكثفي التأهيل عليه وراح يتكلم ان شَــآآآءَ اللَّـ?

آللــہِ يخليه لش يـآاآربــّ.

مشكورات حبايبي وجزاكي اللة الف خيرنونة على الدعوة الحلوة ولدي مدرسة احمد والصراحة اننا ماقمنا نروح للمركز لان ولدي سنة مع اخصائين تخاطب اردنيين اثنين واللة ماتعلم منهم ولاحرف نفسيتهم خايسة واحمد يسواهم تعب معانا حيل واختي التايهة اللة يخليلج ولدك انتي وين بأي بلد