((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

^SwEeTa^ · 3 أكتوبر 2004

((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

السلام عليكم
----------

اشلونكم بنات .. شخباركم .. اتمنى كلكم تكونون بخير

حبيت اتناقش معاكم بموضوع المهر .. و كيفية تقسيمه ..

و ممكن نتناقش على اساس هالاسئلة :

1- شلون ممكن تقسمين المهر عشان يغطي احتياجاتج؟؟

2- شنو الاشياء اللي تحرصين انها تكون من اولوياتج و تشترينها من فلوس المهر ؟

3- هل كفاج المهر ولا اهلج زادوا عليه ؟؟

ارجوا من الكل انه يشارك بالموضوع .. سواء متزوجات من خلال تجربتهم الشخصيه .. أو غير متزوجات .. من خلال تجارب اللي حواليهم .. سواء تجربه اخت .. او قريبه ..او صديقه

جوريه · 4 أكتوبر 2004

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

انا ببدي اول وحده

والله ان ييتي للمهر الف بالمييه ما كفى والله يعافي الوالد ماقصر
طبعا حفله الملجه كلهاعليه من لبس ومكيج وكل حاجه بالحفله

نسيت اقولج المهر كان 5 الاف امي شالت 3 الاااف للشبكه والباجي لخرابيطي
بس والله ماخربطت اخذت الضروري بس نفنوف العرس وحجز الصالون وجنط ولفات ولا جم بدله ماكثرت لان كنا على ابواب الشتا واخذت عطور والمكياج انا كان عندي من اول بس الفاواقع اخذتها عقب وكريمات وطقم ارواب لي وله

يعني لازم تشيلين للشبكه اول شي وبعدين للحفله وبعدين لتجهيزج

xxx · 4 أكتوبر 2004

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

وانا مع جوريه

اهم شي الشبكه

بعدين البدله والخرابيط

مشكورة سويتا على الموضوع

^SwEeTa^ · 4 أكتوبر 2004

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

جورية

بنت الكويت

مشكورين حبيباتي على المشاركة

و صاجة جوريه اهم شي الشبكه

انا خليت المهر حق شبكتي و حق النفنوف بس

اما الباجي كله من الوالد الله يخليه ان شاء الله .. حط اكثر من ثلاث دبلات المهر

جوريه · 8 أكتوبر 2004

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

الله يخليه لكم يارب

بس جم كان مهرج سويتي خفله ولا استقبال؟

^^دموع الكويت^^ · 8 أكتوبر 2004

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

مشكورة سويتا على الموضوع

انا للحين مو متزوجة بس بتكلم عن تجارب اللي اعرفهم اختي وبنات عمي واهلنا اللي تزوجو دايماً المهر ما يكفي والاهل لازم يزيدونهم وحتى رفيجاتتي نفس الشي

واكثر البنات جذي لانه الشبكة الحين لازم الماس قبل عادي يشترونها ب 900 او 1000 الحين وين من 2000 وفوووووووووق راح نص المهر غير البدالة تكلف من 800 وفوووووووووق ,, غير الذهب غير البدلات الكشخة والعطورات من 20 وفوق والكريمات والمجموعات الكاملة ولازم ساعة ماركة من 500 وفوووووووق غير لبس البيت وقمصان النوووووووووووم مال اول يوم من 50 وفووووووووق

اكيد المهر ما راح يكفي >>>

جوريه · 9 أكتوبر 2004

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

دموع انا مانصح انه تقط الفلوس على العطور والقمصان بهالقيمه لان العطور كل شهر ينزل شي يديد يعني اربعع عطور او خمس كااااااافي واهم شي تاخذ البخور الزين والدهن العود ورشوش الفراش

والقمصان علد على ذوق المره بس والله كلهم على لبسه لبسه والريال مايعرف الغالي من الرخيص اهم شي يشده الريحه والسنع بنات عماتي قالولي مو تصيرين مثلنا يوم تزوجزو خذوا قمصان على 150 وعلى 90 و60 تقول والله مره وحده لبستهم ولا بعد بالضلمه خخخخخخخخخ وتقول بعد بده قالها ريلها انا ماحب هالستايل بالقمصان عند الايوب شحلوهم على 12 و18

يعني في اشياء تقدرين انج تقتصين فيها وسبحانالله ذوق الوحده يتغير بعد الزواج لان بتاخذ راي زوجها فخلي الخرابيط الثانيه مع ريلجاخذيها

^SwEeTa^ · 14 أكتوبر 2004

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

دموع الكويت

مشكوره حبيبتي على الاضافه .. و حياج الله

جوريه

سامحيني حبيبتي ما شفت ردج الا متأخر

انا ما راح اقول لج مهري بالضبط .. بس بقول لج شنو شريت فيه

الشبكه .. ابـ 2500 خذيناها ناعمه و ما تكلفنا فيها الصراحه

النفنوف سعره 2000 ( كنت اقول حق اللي يسألني انه ابــ1500 .. اخر شي امي زفتني .. قالتلي تبين اييب لج الفاتوره عشان تصدقين خخخخخخ )

و هم بقى شوي من المهر .. قطيتهم على القمصان و خذيت لي ساعه

و الحفله تكفل فيها الوالد ( الملجه كانت بسيطه و محفوفه .. بدلتي كانت بسيطه و سوينا بوفيه و كيكه لأن الحفله بين اهلي و اهله و مو كلهم يو بعد .. بس العرس كان خبه )

و بس هذا كل شي

BaiTotia · 14 أكتوبر 2004

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

أحسن شي لما يصيرون أهل المعرس كريمين و أييبون الشبكة من عندهم

جذي توفر من المهر ...

ما يبقا لها غير إنها تصرف عالبدلات و القمصان و حق نفنوف العرس وخبته و إللي تحتاجة

و طبعا الملجة مساكين الأبو والأم إللي بيصرفون فيها

والعرس إذا يبون أهل المعرس يسوون ولا مولازم يسافرووووووووون أحسن

^SwEeTa^ · 14 أكتوبر 2004

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

هلا و الله بيتوتيه

صاجه السفر احسن من ناحية المصاريف .. بس هم الوحده ودها تلبس ابيض .. و تستانس انها عروس

و لا السفر لاحقين عليه .. انا اعرف جم وحده ما سووا عرس لي يومج متحسفين

حياج الله حبيبة قلبي .. نورتي الموضوع

جوريه · 14 أكتوبر 2004

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

اي والله صاجع سويتا ماكووو احلا انج تلبسين نفنوف ابيض وتمشيت بهب السعد والسفر لاحقين عليه

BaiTotia · 14 أكتوبر 2004

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

إذا سالفة النفنوف الأبيض محلوووووووووووووووله

تقدر تلبس بدلتين بالملجة وحدة خضرا و الثانية بيضا

وتصور على كيفها ليييييين تشبع

ولا ليش أسوي عرس و أكلف على عمري و أهل المعرس مايبون يصرفون عليه

نسافر أحسن

و إذا راضين يدفعون و يسوون عرس مو مشكله

بس السفر أحسن من العرس

^SwEeTa^ · 14 أكتوبر 2004

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

بيتوتيه كلامج صح 100% .. انا كنت اقصد اللي ما تلبس الابيض و لا تسوي حفلة ملجه كبيره

لأن في ناس ما يسوون ملجه و لا عرس و البنت تتحسف ..

و انا اعرف ناس وايد سووا بس ملجه لكن الحفله تكون كبيره و العروس تلبس النفنوف الابيض

و جنه عرس .. هذي ما تتحسف اذا ما سوت عرس و سافرت بالعكس .. تكون جنها مسويه عرس و مسافره بنفس الوقت

رفرف · 15 أكتوبر 2004

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

انا افضل ان تقسيمة المهر تكون جذي :
اهم شي الشبكه طبعا هاذي رقم واحد تتكلف تقريبا الفين وفوق ...
وثاني شي شبكة ذهب غير الشبكة الاساسية ومو شرط تكون غالية يعني وحدة ذهب وحدة الماس ...
وتناتيف ذهب قلوب على خواتم
وجنطة ماركة على الاقل وساعة .....
وجم بدلة كشخة ... دراريع بس انا ماكثرت لأن اهل ريلي ماعندهم يمعات او عزايم وايد ..
الباقي كله محلول يعني القمصان والعطور مو شرط مره وحدة مثل ماقالت جوريو الوحدة ماتعرف ذوق ريلها اول شي .... وبعدين مردج بتملين منهم وتغيرينهم .... هذولا ينصرف عليهم باقي المهر ..

انا ماحددت مبالغ لأن كل وحدة مهرها وذوقها يختلف عن الثانية ....
يعني انا افضل ان العروس تجهيزها اغلبه يكون ذهب غيري ممكن يفضل الملابس او القمصان .....
ممكن وحدة تكنسل شي على حساب شي ......
بالنهاية الناس اذواق

^SwEeTa^ · 15 أكتوبر 2004

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

هلا رفرف

مشكوره على الرد

نفيشه · 16 أكتوبر 2004

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

امممممممممم
انا بعد اشوف ان الشبكه لازم تكون توايه وتكون اهم شي بالجهاز
انا شبكتي الماس بس كانت شي الصراحه تبط العين
وشريت لي ساعه ذهب مع سوارها
و سوارين ذهب مع خاتمهم
و شبكه ذهب لبستها بحفلة الملجه
وخذيت لي طقم ذهب نعوم و قلوب حق الزيارات عند الحموله
غير بدلتين العرس والملجه ما اذكر بجم بعد
وخذيت لي بدلتين ماركات و شوية جناط وجواتي
ومكياج وعطورات وقمصان شويه وبجامات ناعمه
وسويت عرس بعدين

لا واتحلطم بعد للحيني واقول حق امي انا ما عشت سني ولا شفت الدنيا

نفيشه · 16 أكتوبر 2004

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

طبعا اهلي ما قصروا وكله من خيرهم ولا المهر ما يجيبش همه

^SwEeTa^ · 16 أكتوبر 2004

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

عليج بالعافية نفوش

و على قولتج كله من خير الاهل الحمدلله .. و لا المهر .. شي رمزي

مطفوقه^ملقوفه · 22 نوفمبر 2004

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

أنا مثلكم أشوف الشبكه أهم شئ
وأفضل أنا أييبها بعدين البدله
وأنا مفكره أسوي ملجه بس شوي كبيره مو وايد وألبس نفنوف عرس أبيض وطرحه ومسكه عادي وأسافر
ولازم بدلات طلعه وجناط ماركات وساعه لأن لو بعد الزواج إذا قعدت عند الريل عزت الله ماني شايفه منه عود خخخخخخخخخخ
لأن مو كل ريال يعطي ويشتري
ولازم دراريع فخمه والقمصان والبجامات وميك أب هذيل بعدين ومثل ما قلتوا مو لازو أكلف على عمري وأشتري الغالي تره إذا كان الذوق حلو مايدري الريل بجم المهم نظيفه ولا مشيت بالممر ريحة البخور تعلق فيه بس يدوخ الريال يطق طوف خخخخخخخخخ وبعدين تره الرياييل ما يقدرون هالسوالف والأسعار والا انشالله بلبس القمص وأخلي كرت السعر مدندل عند الصدر خخخخخ
وبس أنا أشوف اللي تسوي كل شئ بسيط وتحط الأولويات جدامها وتطبقها يصير كل شئ زين وحلو وتمشي أمورها بس اللي بتعقدها وأبي ومابي وبسوي وماني مسويه حق منو حق الناس؟؟؟ بعدين العيايز بيتحلطمون واللي بتعيب واللي مادري شنو بتقول واللي مو حاطه ديودرينت وترقص وترفع ايدها افييييييييييييين<<<<متعقده من العروس من الروايح اللي شميتها
عشان جذي أبي كلشي بسيط وأسافر معاه

الغلاااااااكله · 23 نوفمبر 2004

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

منكم نستفيد

خوش موضوع
يعطيكم العافيه يارب

وان شاء الله بطبق الي تقولونه

وبنشوف الباجي وتقسيماتهم
الف شكر سويتا عالموضوع

((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

New member

**عضـــوة شـــرف منتديات كويتيات**

عضوه موقوفة

New member

**عضـــوة شـــرف منتديات كويتيات**

&#9829; المــراقبـــة العـــامــــه &#9829;

**عضـــوة شـــرف منتديات كويتيات**

New member

New member

New member

**عضـــوة شـــرف منتديات كويتيات**

New member

New member

*عضــوة شرف في منتديات كويتيات*

New member

نفيشه

Guest

نفيشه

Guest

New member

New member

*عضـوة شـرف في منتديات كويتيات*

عضـــوة شـــرف منتديات كويتيات

عضـــوة شـــرف منتديات كويتيات

♥ المــراقبـــة العـــامــــه ♥

عضـــوة شـــرف منتديات كويتيات

عضـــوة شـــرف منتديات كويتيات

عضــوة شرف في منتديات كويتيات

عضـوة شـرف في منتديات كويتيات