شوووفي يمه العيش انواع واحسن عيش يبيض الويه عندج عيش اكس ال وعندج عيش الهديب والوزان
انامااستعمل الا هالثلاث انواع بالطبخ وحطيتهم لج بالتدريج الاول اهو التوب والثاني والثالث حلوين وممتازين بعد
ثااني شغله تعتمدين عليها بالطبخ اهو نوع الدهن اللي تستعملينه انا احب بالدرجة الاولي سمن المراعي متعوده عليه وريحته خنينه بالطبخ ركزي معاااااااي مو الزيت لاء انا قصدي السمن اللي اييج قوطيه اخضر والا عندج قووطي اسمه بيو بي قي وااايد حلو بعد
خلصنا من نوع العيش والدهن اتييين حق الجدر طبعا الجدور انواع بس جدر العيش الافضل اللي يكون نوعه ثقيل المنيوم بس ثقيل علشان ماايحترق فيه العيش ويتسكر زين وقت الطبخ
والبهارات بعد تلعب دور انا انصحج انج ماتاخذين البهارات الزاهبه اللي بالجياس احس انه مافيها ريحه وجنها رمل ههههههههههههههه اذا بغيتي بهارات سنعه اشتريها من مطحنة سمراء عدن بهاراتهم روعه واذا تعرفين وحده تسوي بهارات بالبيت وشعلها حلو ومرتب اخذي منها بس "
مثلا بتسوين عيش مشخول
تاخذين العيش تنقعينه وقت كافي انا انقع العيش بس ساعه بماي المصفي هذا بالصيف واخليه ساعتين بالشتا مادري شالحكمه بس تعودت والعيش يطلع معاي تبارك الرحمن شي موطبيعي"
تالي تاخذين الجدر وتحطين شوي سمن وتقصرين عالجووله وتحطين عودين دارسين و3 ورقات قار وجم حبة هيل وكزبر جم حبه مومطحوون وتحمسينهم بالسمن وبعدين عندج الماي تصبينه عالسمن وتملحينه وتخلينه ليما يغلي والماي ياخذ ريحة البهارات اللي حمستيها بعدين لما يغلي الماااي شيلي حبات الكزبر والهيل والدارسين بس خلي ورقت القار والعيش عندج تصفينه من الماي اللي فيه وتكبينه بالماي المغلي وتخلينه يطبخ ليما يستوي العيش وتشخلينه
عندج بصل مقطع شرايح والا مقطع صغار بكيفج
تحمسين البصل بشوي سمن ليما يصير لون البصل مشووقر علي بني خفيف تاخذين نص الكميه وتحطينه بماعون علي كتر وتكبين العيش اللي بالمشخال بالجدر وتحطين باجي الحمسه وتحطين عليها نتييييييفة بودرة صبغ الزعفران ونقطتين ماي ورد وحوسيهم شوي وتالي رشيهم علي ويه العيش وغطي الجدر بالقصدير وبعدين حطي تحته الحديده وقصري عالجوله وغطي الجدر وشوفي بعدين اشلوون يطلع العيش وادعيلي وعليييييييج بمليون عافيه"
