ثقب بقلب طفل رضيع .. شنو هالمرض احد سامع عنه ؟ :(

أم منصور قال:

حبيبتي الف سلامة للبنت وانشالله ما عليها الا العافيه

كل نقص جيني في الحمل يسبب حالة مرضية او اعاقه والحمدلله انها جت على هالشي لان اطفال يولدون ناقصين ذراع تخلف ذهني بسيط او كلية واحده وحالات كثيرة وانتو بنيتكم ثقب بالقلب اسم الله عليه الله يشفيها وحسب علمي وذاكرتي المحدوده ان في عمر معين يسوون عملية للطفلة يغلقون الثقب وهذا الكلام قديم والحين الطب تطور وما كو الا العافيه حبيبتي ربي يشفيها ويشفي امته ودخلي على جوجل اقري عن هالموضوع اكيد بتلقين معلومات شاملة واكثر دقه واوضح طمنينا عليها طمني امها لاتبكي مو زين للنفسا الزعل وربج موجود .

أنقر للتوسيع...

بينكش قال:

الله يشافيها ويعافيها هالحاله منتشره عندنا واغلب الاهل يرفضون علاج عيالهم في مستشفيات الدوله الاغلب يسفرونهم لندن او امريكا ويسوولهم العمليات هناك طبعا العمليه تتسوى على حسب وزن وعمر البيبي اذا كان وايد صغير سمعت انهم يرفضون يسووله بس صدقيني الحمدالله كل الحالات اللي سمعت عنها تعالجت من غير اثار جانبية والحمدالله صح انه ياخذ وقت بس الحمدالله ما ضرهم فاطمني وطمني ام البيبي

أنقر للتوسيع...

ريماا قال:

انا سعت انة الفتحة بالقلب تتسكربعد مدة فى بعض الحالات
ماتشوف شر ان شالله والله يشفيها ويخليها لامها يارب

أنقر للتوسيع...

a7latwins قال:

السلام حبيبتي
انا عندي توأم
لما ولدتهم حسيت انه فيهم شي
لانهم لما يبجون ايام النفاس كانوا يختنقون
لما سوينالهم تحاليل و اشعه و كل شي
طلع فيهم اثنينهم ثقب بالقلب
و صار فيني نفسكم و اكثر
وديتهم لدكتورة قلب اطفال واايد شاطره
و كانت متابعتهم لين سنة و نص
بعدها بشرتني انه الثقب تسكر
و قالتلي انه اغلب حالات الطفال اللي ثقب يكون عندهم من الولاده يسكر على السنتين
انا عيالي كانوا 3 ملم

الله يطمنكم علي بنيتكم و ماكو الا العافيه ان شاء الله

أنقر للتوسيع...