المقادير :
كوسا حجم صغير حسب العدد اللي يناسبج - تنظفينها من اللب وتقلينا على كل جوانبها
للحشوه :
لحم مفروم وبصل وثوم وبهارات
تحمسينه بطريقتج اللي تحبينها
وتحشين فيها الكوسا
خلطة اللبن :
انا استخدم كي دي كاو (لترين )
تحطينه على النار مع بيضه + قفشة كبيره نشا متروسه + حبتين ماجي مذوبين بربع كوب ماي حار
تخلطينهم عدل مع اللبن وتخلينه الي ان يغلي
بعد ما يغلي اللبن ويثخن تحطين الكوسا فيه وتخلينه يطبخ عشر دقايق
واخر شي تكونين مسويه تقليه الثوم - خمس فصوص ثوم مدقوق تحمسينه مع نص شدة كزبره وتحطينه اخر شي قبل ما تسكرين النار وزينيه بالصنوبر
( في ناس يحبون النعناع بدال الكزبره)
وبالعافيه
وواحب بعد كبة باللبن ، ذكرتيني فيهم من زمان ما سوووو البيت كوسه باللبن، باجر اقولهم يسووونها لي حق عقب باجر
