أبى طريقة حلاوة العيش أو حلوى الرز

السلام عليكم

بنات أبى طريقه حلاوة الرز وأ ما أدرى شسمها حلوى العيش والله ما أدرى بس صايره مثل العصيده أو الحلوى بس لونها مصوفر والعيش مطحون ناعم وفيها شكر وهيل وماى ورز وزعفران

يا ليت إلى تعرف الطريقه تعلمنى إياها

مشاركة: أبى طريقة حلاوة العيش أو حلوى الرز

ها يا بنيات شفيكم طقكم ... ..... الحين من صجكم ما عرفتو قصدى أكيد تعرفونها بس ناسينها أو إنى ما شرحتها عدل بنات من صجى أبى الطرييييييييييييييقه

مشاركة: أبى طريقة حلاوة العيش أو حلوى الرز

srabeel

وعليييييييييييييييكم السلام

هلا وغلا

والحمد الله علي السلامة يا قلبي

والله قاعده أدوره لج

بس للأسف ما حصلته

أتوقع تستخدمين طحين الأرز تحصلينه بالجمعيات

للأسف يا قلبي ما أعرف طريقته

بس عندي سؤال أهي عيش السرايا ولا غير

مشاركة: أبى طريقة حلاوة العيش أو حلوى الرز

السلااام عليكم
انا عندي طريقة حلوى عيش وانا اسويها على طوووول وراح اعطيج طريقتبس ان شاء الله تعجبج
شوفي اول شي ... انا اغسل العيش واحطه بصينية واخليه بره بالهواء الطلق عشان ينشف وبعدين اطحنة شوية خشن لا تخلينة ناعم وايد ...
وطبعا نبدي الحين بعد ما جهز العيش
*** احمسي العيش على الجوله ونار هادية حتى تطلع ريحتة ولونة يتغير شوية وعلى حسب اللون اللي تبينة للحلوى حمسي العيش
*** تكونين فايحة ماي والسكر وزعفران مع بعض وتصبينه فوقة بس حاولي تحوسينة على طول عشان ما يتلزق العيش معاج ... وحطي فوقة سمن شوية عليه واستمري بالخلط واخر شي حطي ماء الورد .... وصبيه بصحون التقديم ورشي عليه دارسين على شكل اكس
وبالف عافية ان شاء الله واذا سويت الحلوى مرة ثانية راح ادز لج صورة لها

ســــــــعــــــــاد

مشاركة: أبى طريقة حلاوة العيش أو حلوى الرز

جارة القمر الله يسلمج ما تقصرين لا أهو مو طحين العيش بالجمعيات لالا تدرين حصلت الطريقه عند سعاد الله يعطيها العافيه ما قصرت الطريقه مضببببببببببببببببوطه وطلعت نفسها بالضبط أقصد نفس إلى كنت أدور عليها جزاج الله كل خير يا سعاد ما تقصرين

مشاركة: أبى طريقة حلاوة العيش أو حلوى الرز

حياج الله سرابيل وعليج بالف عافية
ولا تاكلينها وايد ترى تسمن وتصيرين سرابيل النفيخة البطوطه
ســـــــــعــــــــاد

مشاركة: أبى طريقة حلاوة العيش أو حلوى الرز

الله يحيج يا سعاد شسوى جنى قاعده أتنسى أدرى ما يحياى بروحى مو ناقصه

مشاركة: أبى طريقة حلاوة العيش أو حلوى الرز

جان علمتينى الطريقه حتى انا ادور عليها واكون شاكره لج

مشاركة: أبى طريقة حلاوة العيش أو حلوى الرز

هذي حلوه ايرانيه يضبطونها عدل تهبل تصير بس ماحبها زود مشكوره سعاد

يحمس العيش الناعم لما يصير أشقر لونه نضع عليه قليل من الزيت حتى يفتل ثم نضع عليه الماء والسكر وماء الورد والهيل- وبلآخر نضع عليه ماء الزعفران-ويزين بالقرفة -الدارسين وعليك بالعافيه:

ودي اتعلم الطريقة بس اللي يكون لونه اصفر والعيش مو ناعم