كرهت التدريس وين اروح وين اولي

السلام عليكم ورحمة الله وبركاته
عندي بكارليوس تربية /دراسات اسلامية خدمة 7 سنين بالتربية على الدرجة الثانية واستقلت والحمدلله
ودي اتوظف بس ماااااااااااااااااابي التدريس كرهته
يا ليت اللي عندها خبرة تدلني وتفهمني وين اروح
شنو المجالات المتاحة لي حاليا وباي وزارة وكم الراتب
واذا رديت الوظيفة على درجتي الثانية والا ارجع الرابعة
ابي مكان ارتاح فيه وما افقد امتيازاتي ويكون الراتب حلو مو تعب على الفاضي
يا ليت تريحوني وتردون علي بسرعة
وجزاكم الله خير

أكيد ترد الدرجه

شوفي الجامعه أو تدرسين بالتطبيقي

موفقه

روحي الأوقاف

الاوقاف او التطبيقي

قدمي على وظيفه ادارية واشراف في المدارس الخاصه او اذا عندج واسطه شوفي الاوقاف الفتره المسائيه دوامهم خفيف

المسجد الكبير يمدحونه كله حريم

الاوقاف و دور القران ---ابيه -----عنوانج ضحكني خصوصا وين اولي ؟ ------وكليها علي الله و يحلها ربج

شنو الشي الي يدفع وحدة 7 سنين خدمة انها تستقيل؟ انا لي سنة وخايفة من هالقرار لكن حسيت ان الضيم اهو الي يعطي الجرأة هذي

الله يعينج ويعيني ويعين كل المدرسات انا قاعدة احاول اطلع والله يكتب لنا الخير

الله يعينج

الفال لي اطلع من المعتقل

المدرسات والله ان طلعتو من التدريس ان تندمون طول عمركم وهذي نصيحه

اولا المميزات :

- المعلمه مدرستها قريبه مايحتاج تتعطل ساعتين او ساعه ونص بالشارع العام عشان توصل مكان عملها مثل الوزارات

- المعلمه يبدا دوامها من 7 الى 1 غيرها بالوزارات من 7 الى 3 العصر او فترتين اذا قطاع خاص يعني تداوم عصر الى الليل

- المعلمه شغلتها تحافظ على انوثتها بحيث انها تداوم صبح وبعدين ترجع للبيت تمارس حياتها بشكل طبيعي مع زوجها وعيالها

- المعلمه معاشها مرتفع وفيه علاوات واعمال ممتازه بس كلن وجدارتها

- اذا جابت امتياز ثلاث سنوات تجيها الدرجه واذا كانت عاديه بعد خمس سنوات تجيها الدرجه يعني بنفس الوقت حفزو المعلمه الممتازه وبنفس الوقت ما ظلمو المعلمه العاديه لان الناس فروق فرديه ولازميراعونها


العيوب اللي في المعلمات :-

- المعلمه تدور الراحه وللاسف ماتبي تبذل وتعطي عشان جذي يصير عندها عدم رضا وظيفي واذا انولد عدم الرضا الوظيفي تصير بالنهايه الاستقاله وهذا اكبر خطا لازم الوحده تعرف ان كل وظيفه لها مميزاتها ولها عيوبها ومافي شي يجي بالساهل كل شغل لازم تبذلين فيه نفسيا وجسديا وذهنيا وعقليا باختلاف طبيعه العمل وكذلك ماديا !!


- المعلمه تقول مثلا احنا علينا ضغط فترة الامتحانات مو انتي لو فكرتي ان غيرج من الوظايف مضغوط طول السنه يعني المفارقه لصالحها بس للاسف محد يفكر !

- بعض المعلمات دشت هالتخصص من ايام الجامعه اما تلبيه لرغبه الاهل ولما جاها نصيبها وتزوجت قالت بغير وظيفتي وهنا صار عدم رضا وظيفي ، او انها دشت تخصص تربيه عشان هو نسبته اللي تسمح لها انها تاخذ شهاده بكالريوس وبجذي ظلمت نفسهاوظلمت غيرها ممكن كان في غيرها يستحق يدخل مكانها بالجامعه وهنا اهدرت وقت واهدرت مال واجحفت بحق طالبه كان الاولى تكون مدرسه بدالها وبالنهايه تغير مسماها الوظيفي من معلمه الى اي وظيفه اخرى


بالاخير انا ما ابي اطولها واعقدكم يا بنات بس حرام عليكم اللي تسوونه في نفسكم ترى مافي مهنه عظيمه الا مهنه التدريس لانها رساله وتربين جيل تحاسبين عليه يوم القيامه وتحاسبين بالوقت اللي اهدرتيه بدون افاده


وانتي يا اختي ياليتج ما استقلتي وتسرعتي لان موكل وحده متعوده على هالنمط المعين ممكن ترضى او تتنازل عن مميزات المعلمه وتشتغل وظيفه اخرى


وعالعموم مرات الواحد يكره مكان العمل والجهه المسؤوله عن العمل يعني تكره التدريس او وزاره التربيه بكبرها بسبة موجهه او مشرفه

فكرو تنتقلون وتجربون بيئات افضل حتى لو في مناطق بعيده عنكم

بعدين استخيري

واخر شي فكري تنقلين من مجال الى مجال اخر

والله يوفقج عموما ياقلبي

فز1عه قال:

المدرسات والله ان طلعتو من التدريس ان تندمون طول عمركم وهذي نصيحه


قوييييييييييييييه اشلون تحلفين؟؟؟ اعرف كل اللي انتقلو محد ندمان بالعكس يلعنون اليوم اللي دخلو فيه التربيه

اولا المميزات :

- - المعلمه شغلتها تحافظ على انوثتها بحيث انها تداوم صبح وبعدين ترجع للبيت تمارس حياتها بشكل طبيعي مع زوجها وعيالها منو يقول؟؟؟تعالي شوفينا بالرياض الابتدائي مع الصبيان

- المعلمه معاشها مرتفع وفيه علاوات واعمال ممتازه بس كلن وجدارتها اذكري الله وترى معاشنا مافيه بركه وطاير عالدوام وكل وحد تنظر لنا اننا قاعدين على بنك وبعدين الاعمال الممتازه توها هالسنه صارت وللعلم فيها تجاااوزات كبيره والعدد المستحق لها كبير وللاسف لم تصرف لهم يعني الموضوع فيه ظلم والكل منبطه جبده على هالشغله لأنها حق مكتسب وللعمج كل الوزاراة عندهم الاعمال الممتازه وقيمتها أعلى بكثييييييييييييير من مكافأة المعلمه....يكون في علمكم ان حركة الانتقال من وزارة التربيه وبالاخص سلك التعليم هو اعلى شي لدرجة ان طلع قرار قبل سنوات للحد من هالموضوع بأن المعلم اللي تخصصه علوم وينتقل لوزارة اخرى معاشه ينزل ولا يعامل معاملة خريج البكالريوس...بختصار العيوب اكثر من المميزات ولو يفتح المجال للنقل محد يقعد بهالسلك

- اذا جابت امتياز ثلاث سنوات تجيها الدرجه واذا كانت عاديه بعد خمس سنوات تجيها الدرجه يعني بنفس الوقت حفزو المعلمه الممتازه وبنفس الوقت ما ظلمو المعلمه العاديه لان الناس فروق فرديه ولازميراعونها عندج دليل؟؟؟؟؟ اختى انا كله امتيازات والدرجه مالت عليها ما اخذتها إلا عقب جم؟؟؟الحين ماكو بالاختيار كله بالاقدميه


العيوب اللي في المعلمات :-

- المعلمه تدور الراحه وللاسف ماتبي تبذل وتعطي عشان جذي يصير عندها عدم رضا وظيفي واذا انولد عدم الرضا الوظيفي تصير بالنهايه الاستقاله وهذا اكبر خطا لازم الوحده تعرف ان كل وظيفه لها مميزاتها ولها عيوبها ومافي شي يجي بالساهل كل شغل لازم تبذلين فيه نفسيا وجسديا وذهنيا وعقليا باختلاف طبيعه العمل وكذلك ماديا !!

انا اقول لج ليش تدور الراحه لأنه احنا صرنا كل شي بالدوام فراشات سكرتاريه صباغين والله ان ناظرتي مارضت تصبغ لي صفي واضطريت ان انا اصبغ بيدي لأن كان يفشل الصف بالله عليج وين الميزانيه المخصصه لكل فصل؟؟ الناظره تدخل وتمسح طاولاتج تدور الغبره وتحاسبج؟؟؟طيب حاسبي الوكيله اللي هذي شغلتها مع الفراشات طييييييييييب نخلي هالموضوع طيب حقي بالترقيه وينه؟؟معقوله ناظره صار لها 37 سنه للحين قاعده؟؟وانا صار لي 8 سنوات على حطن ايديج؟؟وين حقي بالترقيه؟ يعني ناظرتي بوقتها درست سنتين وعقبها صارت وكيله سنه وعقبها ناظره ومن ساعتها الي اليوم!! اوكي انا مو من حقي هالشي؟؟؟صدقيني ابسط شي المفروض يصير للمعلمه انه يكون لها حق الترقي الوظيفي ان يعطزنها المسمى وهي بوظيفتها يعني اوكي انا معلمه لكن بترقيه الناظره وراسي من راسها وما تقدر تشيخ على عقب هالعمر من الوظيفه



بالاخير انا ما ابي اطولها واعقدكم يا بنات بس حرام عليكم اللي تسوونه في نفسكم ترى مافي مهنه عظيمه الا مهنه التدريس لانها رساله وتربين جيل تحاسبين عليه يوم القيامه وتحاسبين بالوقت اللي اهدرتيه بدون افاده هالكلام المفروض يوعى له المجتمع والوزارة الكريمه والدولة





فكرو تنتقلون وتجربون بيئات افضل حتى لو في مناطق بعيده عنكم

بعدين استخيري معااااج حق في هالكلام

واخر شي فكري تنقلين من مجال الى مجال اخر

والله يوفقج عموما ياقلبي

أنقر للتوسيع...

ويوفقج اختى واتمنى ما تزعلين من تعليقاتي

الله يلوم من يلومج .. محد يحس بمعاناة المعلمه غير معلمه مكرووووووووووووفه مثلها

انتم السابقون ونحن اللاحقون

شوفي الأوقاف دار القرآن والسراج المنير يقبلون تخصصج بس يمكن يبيلج واسطة

معلمة روضة وفزاعة شكرا للنصيحة انا عقب ما صرت مدرسة ما ازعل من احد ابد كل شي صار عندي عادي

وشكرا لكل من آزرني من المدرسات وغيرهم الله يصبركم على بلواكم وييسر لكم اموركم

أأأأأأه ياقلبي نفس شكواي وين أولي ان لقيتي لك

مخرج من المعتقل قولي لي تكفين اوراقي وديتها كل مكان

ولا طلع اسمي بأي مكان والله ببجي كل ماشفت وحده مثلك

مانقول غير حسبي الله ونعم الوكيل على كل من عنده سلطه

فوجهها بشكل سلبي وحقود كل من بدى الكلمه الناقده المحبطه

على الكلمه الطيبه على كل من جعل مهنة التدريس طارده بدل

ان تكون جاذبه وأأأأأأأأأه يالقهر على جهد ودراسه وبالنهايه عاملات

نظافه ومناوبه وسكرتاريه وتدريس وتحمل غطرسة موجهه ناظره مشرفه

وإكثر وأكثر ....وأكثر

بنات ابي اعرف شنو سلبيات التدريس

لاني مفكرة اصير مدرسة انشالله

اي والله يا معلمة روضة كفيتي و فيتي صج التدريس وظيفة طاردة

الله يعينج و يعينا على التدريس وهم التدريس