انا رايحه هناك بس مادري وين بيحطوني ...اتمنى مدرسة جديدة عشان ما يمديهم يسوون احزاب
انا تخصص انجليزي
اتمنى القى مدرسة زينه
الله يوفقج حبيبتي
رفيجتي بمدرسة ابتدائي بنات في الخالديه
وماشالله وايد مرتاحه وواااااايد تمدح الابلات والاداره وتقول الطالبات وايد شطار ويريحون
ولاني انا مقدما نقل قالتلي تعالي عندنا وتحلفلي انها خوش مدرسه وتقول الابلات على قلب واحد
للامانه هذا كلامها
وابي اقولج شي الابله الزينه والشاطره والمحترمه تفرض نفسها في المدرسه
يعني اذا انتي شاطره وترضين ربج وتشتغلين بذمه وضمير صدقيني
الكل يحترمج لو مهما كانت المدرسة فيها مشاكل
وسالفة الاحزاب موموجوده في كل المدارس واذا صادفتي مدرسة فيها احزاب
وانتي ابله محترمه ومالج شغل باحد صدقيني يحترمونج وماتشوفين منهم شر
بعدين احنا موقاعدين في فوضى المشرفه والموجهه والادارة فوقهم ناس تحاسبهم
محد يقدر يظلمج اي تقييم او تقدير او نقد يسوونه لج في شي اسمه توقيع مثل الميداني
لما مشرفة الكلية مالت الميداني لما تزوج مو تعطيج ورقة توقعين عليها صح؟
اذا نقدهم ورايهم ماعجبج لا توقعين قوليهم ماابي اوقع
واذا وصل للمنطقه انج موموقعه الناظره او الموجهه بتروح فيها بحاسبونها
بقولنلها في الزياره الفعلانيه وبهالتاريخ وبهاليوم ليش الابله موموقعه
عن تجربه شخصيه مره الموجهه زارتني وبعد الزياره عطوني دفتر التقييم قريته
وفي شي ناقص ماكتبته قلت لمشرفتي (رئيسة القسم) ماابي اوقع في شي ناقص ماكتبته
والله مااقص عليج احلفلج بالله ويها انقلب واتصلت على الموجهه وقالتلها في ابله ماوقعت على الزياره
وقالتلها المره اليايه اذا يييت اشوف شالسالفه حسيتها خافت
سوري طولت عليج
فانتي لاتخافين مادامج ترضين ضميرج وربج وتشتغلين
وبالتوفيق حبيبتي
