روايه ""وش الدنيا من غير حبك ""من تأليفي "وااي شحلاتي"

هاي شلونكم هذي قصه من تاليفي انا اول مرة اكتب قصه واول مره موضوع لي بهمنتدى الحلوو
فاتمني تقولون لي رايكم بصرااااحة....
كنت حاطتها بمنتدى ثاني وعجبتكم قلت احطها حق هالمنتدى الحلووو
الحين اخليكم من اول حزء من قصه"وش الدنيا من غير حبك"









الجزء الاول
الفصل الاول



الساعه 45.6 الصبح ..... يوم الخميس

توني داشه المدرسه و رايحه صفي .. بالصدفه شفت بنيه يااااااربي اشكثثر اكرررررهااااا ...مغرووره غروور مو طبيعي ... مادري على شنوو (مااااالت عليها زين ) ..المهم مريت يمها و عطيتها ذييج النظره .... والله ..مادري اشاايفا نفسها اخاف بس الكونداليزا رايس و انا مادري المهم ما علينا ... دخلت الصف و كان حده صخه ما كان فيه و لا احد .... كنت ناسيه احل واجب العربي فا قلت خلا احله علما ايوون رفيجاتي
و خلا اعرفكم على نفسي
" انا شروق عمري16 سنه طالبه سنه ثاالثه ثانوي "
توني بحط الدفتر بالجنطه و لا مريوم اتدش الصف ....شكلها متضايقه حيل
شروق : شدعوه ترا السلام لله
مريوم : شروق ترا و الله مالي خلق
شروق : انزين اشفيج ؟
مريوم : مافيني شي
شروق : حبيبتي هالكلام ما يمشي علي قولي اشفيج......... فهد صح؟
مريوم دمعت عينها
اكيد بتقولون منو فهد ...فهد هذا اخو مريوم
عطيتها كلنكس
سكتنا شوي
مريوم و اهي تبجي : خلااااص والله زهقت لوع جبدي
شروق : انزين لا تبجين قولي اشفيج
مريوم : فهد كان معصب حده و حط حرته فيني
شروق : انزين
مريوم : كنت ناسيه الآيبود تحت الكمبل من امس ...قمت الصبح بروح اغسل ويهي ..شافه و خذاه و عطاني محاضره طويله و قعد يزفني و يصرخ علي كله علشان الآيبود
شروق : تبجين عشان جذي
مريوم : كنت حابسه البجيه طول الطريج ..كل يووم صراخ و هوااش على اتفه الأسباب
شروق : خلاص مسحي دموعج لا تبجين
طق الجرس
رواانو ادش الصف
روان : هااي انا ييت ...
ابتسمت لها ابتسامه خفيفه و مريوم ما عطتها وي كلش ..عاد مريوم اذا زعلانه او متضاايقه لا تكلمونها ..نفسيه
حطت روان جنطتها و يت قعدت عندي و همست بإذني :اشفيها مريوم؟
شروق : كالعاده
روان : اخوها الزفت
روان :مريم خلاص يبا طاف انسي خلي يولي يبا انسي الزعل ترى الدنيا ما تسوى قطي حمولج علي و قولي لي انا حماله الاسيه
مريم وهي تضحك:حلوة حماله الاسيه
روان:اي ضحكي ترى تلوعين الجبد وانتي زعلانه
مريم:هي هي سخيفه
دخلت علينا الأبله : يلااااااااااا ما سمعتو جرس الطابور يلاااا عالطابوور
روان :انزين الحين بننزل ..؟
الأبله عطتها نظره و راحت
روان : مايون إلا بالعين الحمره
شروق : ههههههه هذي عين حمرة ؟
روان : اوووه طاف يبا طاف ...يلا مريووم
شروق : كلمتيه امس..؟؟
مريوم بابتسامه : امبله
روان : مالت عليج انا مو قتلج لا تدقين
مريم : صارلي يومين مو مكلمته
روان : عسااهم سنتين
مريم بشهقه : واي امووووووووت
شروق : انزين اشصار ؟
مريم : ولا شي سولفنا شوي و صكيناه
" هذا واحد مريووم تكلمه و اسمه محمد عمره 29 سنه تعرفت عليه عل المسنجر و اهو يدرس بلندن هندسه كمبيوتر و مريم متعلقه فييه وااايد ..ما تصوروون اشكثر "
المهم خلا انكمل
روان عطتها نظره ما بعدها نظره
روان : و الله انج هبله
شروق : وامج؟؟
مريم بنفس : امبله امس دقت
روان : و ليش تقولينها جذي بنفس ؟
شروق : ترا اهيا مالها ذنب
مريم : تسوي نفسها تحبني ..لو صج تحبني جان ما هدتني عند هالمعقد فهود وراحت تتزوج
الأبله: خلاص عاد سكتوا من اول ما بدا الطابور و انتو تقرقوون خلااااااص!!! بس راحت الأبله
روان : يا كرهاا هالابله
شروق : خلاص سكتي
روان : انزين انزين بسكت
لفيت و يهي و لا اشوف بنت خالتي ملااكو اشرت لها و ابتسمت لي .كانت نايمه بيت ابوها هالاسبووع
شروق : ملااك ملوك ملكلك
ملاك : ها اشتبين ؟
شروق : ويعه شاإسلوب متى بتردين البيت ؟
ملاك :اليووم
شروق : ويععععععع
ملاك مسويه روحها زعلانه :لاوالله اوكي
شرووق وهي تضحك :اتغشمر يالهبله.”غمزت لها" مااصار شي..؟
ملاااك وهي تضحك : امبله .بعدين اقولج
شروق : اوكيك بالفرصه
و بعدها حيينا العلم و خلصنا وقرقت الابله شوي
واحنا رايحين الصف
شروق : افف الشمس حاارة
مريوم : شنو علينا الحين؟
روان بنفس: شنو شايفتنا حافظين الجدول
شروق : شوي شوي لا تاكلينها ما قالت شي
روان : فيني حره عليها ..؟؟
هدتنا و راحت
مريووم : هذي اشفيها ؟
شروق : انسي انسي
وصلنا الصف الكل قعد مكانه .. طبعا انا قاعده جبال مريووم و سوالف لي الراس .. اما روان قاعده شوي بعيد عنا دشت ابله العربي ..و الكل استغرب
مريوم : علينا العاب شكو ابله العربي داشه
الأبله : بنات انا واخدتكم من حصه الألعاب
الكل : لااااااا ابله ليش ؟؟؟ ما نبي
الأبله بعصبيه : مو بكييفكم موش مخلصين المنهق
شروق : اففففففففف مالي خلق
ابتسمت مريوم : على الأقل احسن من فيزيا و لا كيميا على الصبح
قعدت الابله تقرق على روسنا و لا و المصيبه كانت حصه قواااااعد ...انا عن نفسي ما فهمت شي كلش
كل شوي اطالع الساعه مليت
الأبله :شروق ليه مش كاتبه اللي على الصبوره
عاد اهني انا توهقت مادري شقول
شروق : هاااا؟
الأبله : مييين آآآاااال ها سمع ليه ما كتبتي ..كالعاده مش ليكي خلؤ
شروق : لا ابله بس انا دفتري ناقص باخذ دفتر مريوم و بتقل ... الحين بفهم ..ما اقدر افهم و اكتب اب نفس الوقت
الأبله : اوكي انا بكره عايزه الدفتره
شروق : انشالله ابله
روان اب همس : عليج اعذار عجييييبه
ضحكنا
طق الجرس و جنه محد صدق .. الكل طلع بره ... و الله لوعت جبدنا هالحصه
شرووق : ما بغت اففف
مريم و اهيا تعطيني الدفتر : هاج مو بتكملين دفترج ؟
شروق : صدقتي انتي .. قاعده استعبط على الأبله ... من صجج من لا خلق
روان : اقول بنات ...قسم الإنجليزي مسوين ندوه ...اشرايكم اقول حق امي عشان اندشها
" ام روان بالمدرسه نفسها و اهيا مدرسه انجليزي "
شروق : صج عيل يلااااا
مريوم اهيا اشطر وحده فينا : هييييي ويين علينا فيزيا
شروووق : اووووه صج فاضيه
روان : انتي بتقعدين قعدي احنا بنروح
مريم : اقعد بروحي شسوي بيي وياكم
روان: بس شوفوا انا بقول حق امي علينا احتياط اوكي؟
مريم و شروق : اوكي
مريم : بس خلا تعطينا ورقه لا يحطون غياب و احنا مو ناقصين
روان و شروق : اوووه مو لازم
شروق تسحب شعر روان و اطق الخشب
"هاذي حركه يسوويها علشان تتزوج قبلها و يكون ريلها احلى من ريل روان "
"ادري بتقوولون يهااال "
روان و اهيا تضحك : يا حماره عورتيني
شروق : احسن ... تستاهلين.. اقوول خن ناخذ ملوك بنت خالتي
روان وشرووق : اوكيك
واحنا رايحين صف ملووك... مريم:الا تعالي شلون عزوز..؟؟لين الحين تكلمه؟.؟.
شروق :زين.اي لين الحين
"عزوز ولد عم ملاك .صارهم تقريبا 3 سنين يكلموون بعض.عمرة 19سنه يدرس طب مسااعد"
رواان: حالها من حالج"تقصد مريوم"
شرووق:لاملووك غير هذا ولد عمها مو هاذي
مريوم بدلع : ان بفهم انتو لش تكرهوونه ؟
شروق و روان يقلدون دلعها : واااي لا انا ما اقدر
روان و اهيا ماسكه شعرها : خلاص خلاص بتتزوجين قبلي
شروق : خلاص سامحتج ما راح اسوي شي
مريم : مياانين الحمدلله و الشكر
روان : خلينا العقل لج
وصلنا صف ملوك كان عليهم احتياط
دخلت شروق :ابله لو سمحتي ممكن ملاك
الأبله : ليش ؟
شروق : ابله عندنا ندوه و اهيا معانا
الابله : اوكي ملاك يلا روحي
واحنا طالعين
ملاك باستغراب : انا متى كنت معاكم ؟
شروق : يالهبله علشان ننحاش
ملاك : هبله انتي .. هاي مريوم حبيبتي هااي روان
روان و مريوم : هايات
شروق : اليوم برووح السوق من سارة بتيين طبعا ؟
ملاك : ماادري اشووف
شروق يعني بتغريها : ترا بنروح المرينا
مريوم و اهيا تأشر على هدومنا : جذي بتروحون ؟
ملاك : لاشكو نرد البيت نبدل؟..
روان : انزين روحو باليل
شروق : عشان يدي يذبحنا
ملاك : ما يرضه لا زم الصبح . يقوول الصبح مافي زحمه
شروق : طافكم امس سارو قاعده تقنعه
ملااك : هههههههه
وصلنا حق صاله الألعاب اللي مسوين فيها الندوه
روان : صبر خلا اقول حق امي
ابله حنان ( ام روان ): هلا بنات شلونكم ؟
كلنا : تمام....
ابله حنان : يلا روحو قعدوا اهناك بس بدون سوالف
رحنا قعدنا اخر شي .. بدت الندوه كانت عن النجاح و الأتكيت ..اشعلاقتهم اب بعض مادري ...ملينا جان نقوم نطلع بره
كان في ثلاث كراسي شروق و ملاك و روان قعدو ومريوم حدها ضعيفه ما يبين عليها ثاالثه ثانوي ومو وايد طويله
مريوم : لا واله انا وين اقعد؟
ملاك : بحضني
مريوم : لاوالله
ملاك : هههههههه خلاص خلاص يلا قومو خلى نقعد على الأرض
روان : احسن بعد
قمنا كلنا و قعدنا على الأرض
ملاك و اهيه تكلم مريم :شلون حموود ؟
مريم و بابتسامه : زين
ملاك و اهيه تغمز لروان : ها شلوون خلود ؟
روان بدون نفس : زين
ملاك : ما شفتيه ؟
روان : امبله يوم اليمعه في بيت يدتي
ملاك : اهوا حلوو؟؟
روان : عادي يعني مو واايد
"خالد ولد عمة روان يحبها واهي ماتعطيه ويه عمرة 21 ويدرس طب ""هبله الي ماتعطيه ويه"
مريووم تكلم روان : لين الحين مسويه رجييم ؟
رواان:يب
ملاك : شنو غدااج؟؟
روان : تفاحه
شروق : انا بفهم انتي شلون تستحملين ؟
" انا و روان شوي متروسين ..يعني مو واايد بس ملووك و مريووم ضعاف يعني اجسامهم حلوه "
روان : سكتي ميته يووووووع
ملاك : انا عن نفسي ما اقدر
شروق : خو انتي بس تاكلين الأكل وين يروووح ما ادري
ملاك : قوولي ماشالله يا سخيفه
مريووم : انزين خلاااص لا تتهاوشوون ياليهال
روان :ملاكو انتي الحين من وين تكلمين عزووز ؟
ملاك بدلع : ملاك لو سمحتي
روان : اقوول طيري زين
ملاك : من تلفوني طبعا
روان : ما تخافين ؟
شروق : اصلا هذي تعدت مرحله الخوف
طق الجرس كانت الحين علينا امتحان دستوور سهل
ابله حناان " ام روان " : انتو للحين هني يلا طق الجرس
روان : ماماالحين امتحان؟؟
ابله حنان : اي يلا .بدل هالسوالف لو مراجعين مو احسن
كلنا مع بعض : دستووور ابله
ابله حنان: انزين يلا رووحوا الصف
كلنا :باي ابله
ابله حنان :بااي
وصلنا ملووك صفها لأنها مو بصفنا انا و مريوم و روان
كان علينا ابله الانجليزي تراقبنا وعع عاد هاذي ماتخلينا نغش
الأبله :يلا بسرعة دخلواا
دخلنا وكل وحدة قعد مكانها .انا وبعدين يمي مريوم ووراي رواان
وزعت اورااق الامتحان .حليته سهل كان بس بغيت اتاكد من اجاباتي
مريمو لامه الورقه ماادري شفيها اتخااف تضيع
شرووق:كح كح كح كح "هذي نغزة حق مريوم عشاان اتدني بطاالع"
مافهمت الهبله طلعت مساحة من مقلمتي وحذفتها عليها
مريم بهمس: ها
شروق وبهمس: ويعاه وخري ايدج
الأبله : وبعدين معاكم
بالغصب غشيت الصح والغلط
طق الجرس ولابله خذت الاوراق
روان:شنو حطيتي
شروق :انا مثلها " تقصد مريووم"
مريم :الحين فرصه
شرووق : يس
يت بنيه : وين شرووق
شرووق : انا شرووق
البنيه وهي تعطيني الورقه:بترووحين البيت

روان: منو ياي ياخذج
شرووق : ماادري
خذيت جنطي:باااي
مريم وروان:باااي
روان:تعالى برووح المقصف
نزلت و صلت عند الإداره و لا اشووف سااروو رحت لها "ساره تصير خاله شرووق و ملاك مو متزوجه عمرها 19 سنه تدرس علوم اداريه واهياا واايد معا شرووق و ملاك "
شروق : سااره
ساره : شفيج يلاا ؟؟
شروق : انزين ليش يايه تاخذيني ؟
ساره : مو بنروح اليوم السوق فا مريتكم الحين قلت ناخذ وقت اكثر مو يدج الحلو قايل لين الساعه 5 بس و نتغدى بره بعد ..
شروق : وااااااااي ونااااااااااااااسه
بستهااااا حيييييييييييييييييييييييييييييل
ساره : شفتي افكااري .. ؟؟؟
شرووق :خل ناخذ ملوك بعد
ملاك :مابترووح بيت ابوها
شرووق:لا
ساارة :يلا عيل بسرعة رووحي ناديها؟؟ عشان يمديني اردكم البيت تبدلوون؟؟.
شروق : دقيقه واان منت و نكون عندج ..اروح انا اناديها
رحت الصفها اهي دايما تقعد مع رفيجاتها عند الصف
شروق : ملوك يلا بنرووح
ملاك : وين ؟
شروق : انتي قومي
ملاك :انزين.يلاباااي بنات
البنات:بااااي
عاد ملاك ماشالله عليها مرافجة المدرسه كلها
دخلت الصف ودخلت اغراضها بالجنطه
ملاك: منو ياي ياخذنا
شروق: سارة بعد في غيرها. اقنعتها ان نتغدى بره
ملاااك اب وناااسه : قوولي والله وناااااااااااااسه
شرووق : و ليش اجذب ؟

وصلنا عند سارة
ملاك وهي تلم ساره: اشتقتلج؟؟
سارة :وانا بعد
شرووق:يلا بلا افلام هنديه
سارة وملاك واهما يضحكوون :يلا
في الصف
___________
روان يت قعدت مكان شرووق
كان عليهم دين والابله تتكلم واهم كلش مو معاها قاعدين يسوولفوون
روان: حضها شروقو الحين بمرينا قاعدة بستار بكس الى على البحر تشرب موكا
وحش بالرايح وبالياي
مريم وهى تضحك: اي واحنا اهني مجابلين ابله عوااطف
الابله: وبعدين وياكم قومو كل وحدة تووقف على طووفه يلا
______________________________________________





اذا عجبتكم اكمل ........:ggdw:

رد: روايه ""وش الدنيا من غير حبك ""من تأليفي "وااي شحلاتي"


ذكررررررتيني بالمدرسه وجوووها

يالله حبيبتي القصه عجييبه وبدايه موفقه ..

كملي ناطرتج :tek:

رد: روايه ""وش الدنيا من غير حبك ""من تأليفي "وااي شحلاتي"

يسلموو خيتو

وهذا البارت اليديد.........




الساعه :1.30
بالمرينا
____________________
ملااك بتعب : ماخلصتوا يلاا انا يوعانه
ساره : صبري شوي بس بقييس هالقميص
شروق تكلم ملاك : ما شريتي شي ؟
ملااك : امبلى شريت جم شغله بس ماا اقدر يلااااااااااااااااااااا يوووووووعاااااااااانه
ساره : ذبحتينا زين ...شنو تبوون تاكلون ؟
ملاك : انا ابي ستيك
ساره : اقوول طيري زين امشو فوق اكلو ماكدونالدز و فكوني
شروق: بغديكم بره وبغديكم بره تودينا ماكدونالدز
سارة: ليش ماكدونالدز مو مطعم؟؟ .
ملاك :خلاص يلا روحي حاسبي ؟؟.
سارة :اوكي لحظة
---------------------------


الساعه 2.00 الظهر

في بيت مريم

---------------------------

توني داشه البيت حدي تعبانه و راسي بينبط و طوول الطريج و فهود يعطيني محاظره على اللي صار الصبح المهم دخلت بسرعه وتوني بروح بنام ولا يناديني
فهد : مريمو وين رايحه ؟
قلت بروح انام تعبانه
فهد : ما تبين تتغدين ؟
قلت بقلبي اشدعوا يهمك : لا مابي تعبانه
فهد : روحي بدلي وانتي اول وحده بشوفها على الطاوله فهمتي ؟
مريم : مابي اكل

فهد بعصبيه : بتاكلين يعني بتاكلين فهمتي و لا بوريج
قبل ما يكمل كلامه قلت : خلاااص اوكي باكل
هدني و دخل مكتبه مادري شيسوي بهالمكتب ممنوع احد يدشه و اهو اغلب وقته فيه اوووووه وانا اشعلي
وانا قاعده اصعد يت بويهي انوار
" انوار مرت فهد متزوجين صارهم سنتين بس لين الحين ماعندهم عيال"
انوار : هاا يتي ؟
ابتسمت لها : اي
انوار : عيل وين فهد ؟
كشرت : بمكتبه
ضحكت : اكيد كالعاده
قلت : اصلا هذا اذا ما زفني يمرض يتعب يصيرله شي
انوار : ويه اسملله عليه لا تقولين جذي يلا روحي بدلي لا تاخذين لج زفه ثانيه
مريم : عاد انا مو ناقصه
هديتها و رحت غرفتي بدلت و شفت موبايلي و لا يايني مسجين واحد من امي و الثاني من حمود حبيبي واااااااااااااااااااااااااي مشتاقتله حدي
" ابوي متوفي من سنتين بعد سنه امي تزوجت و هدتني وهدتني عند فهوود اخوي "
المهم فتحت مسج حمود قبل كان دازلي :

سوري حياتي مارديت عليج كنت تعبان حدي و نمت ومادريت عن روحي ...مشتاقلج واايد اول ماتردين من المدرسه دقي علي انا ناطرج بس تغدي بلأول احبج؟؟...

قلت بقلبي : واااي اشكثر امووت عليه و الله احبه والله العظييم احبه ....بعد عمري كان تعبااان .... ولميييت التلفوون حيييل و بسته لا وزم اسمع كلامه و اتغدى بلأول
و فتحت مسج امي :
مريم يما اليوم العصر بمرج بنروح بيت خالتج انا قلت حق اخوج فهد

قلت : هذي حاله يقرورون بدون ما يقولون لي و الله حاله
ولا مره وحده اسمع صراخ فهد
فهد : مريم مريمو و صمخ
ركضت لين وصلت غرفه الطعام
قلت بخوف : كاني
فهد : انا مو قلت بشوفج اول وحده قاعده على الطاوله
مريم : ها لا اي بس امي كانت دازتلي مسج كنت قاعده اقراه
فهد : اي انزين يلا قعدي
قعدت وانوار حطتلي كان الغدا سبكتي
انوار : إلا شنو كانت تبي خالتي ؟
مريم : قالتلي اتزهب بتمرني العصر بنروح بيت خالتي الهام
فهد : سلميلي عليها "يقصد خالتي الهاام"
طنشته....
مريم :تعالى انواار؟
انوار : ما اقدر بروح بيت امي ...اخوي حسين بسافر اليوم ..بسلم عليه ..عل العمووم سلميلي عليها
ابتسمت مريم : يوصل انشالله
و سكتنا و بعد محد تكلم و الكل كمل اكله


الساعه :ثلاث الا ربع


ملاك و شروووق قاعدين بستار بكس إليي على البحر و ساره داخل تطلب لنا
شرووق : الجو عجيييب
ملاك : اي وايد حلو. وينها تاخرت
لفيت ويهي عشان اشوف ساره وينها.. شفت شخص كلش ماكنت متوقعه اني اشوفه
عزوز لا مستحيل
انا لين الحين مو مستوعبه الوضع حسيت بالدموع تتجمع بعيني تنطرني ارمش عشان تنزل و بدون تفكير طلعت موبايلي من الجنطه و دقيت عليه
كان عندي امل إنا مايكون اهو يمكن واحد يشاابه او شي بس هالامل انمحى لما رن تلفونه على الطاوله اللي قاعد عليها
عزوز : هلا و الله محمد " هذا الإسم الي يقولي اياه اذا كان عنده احد محد يعرف بعلاقتهم إلا اخته "
ما قدرت اتكلم بالغصب تكلمت و قلت : عزوز وينك ؟
عزوزبالارتباك : انا بالدوانيه
ملاك و الدموع بعينها : انزين لف ويهك
عزوز باستغراب و خوف بنفس الوقت : ليش ؟
و ملاك وصوتها كله بجي: لو تحبني لف ويهك
لف ويه وانصدم باللي شافه .. ما توقع كلش ؟إنا يشوفها
نزالت دمووع دمووع من عينها غصب عنها
في هالوقت شروق كانت مشغوله بتلفونها
ملاك و اهيا تلبس النظاره: شروق انا بروح الحمام
و قامت قبل ما تسمع ردها بس ما راحت الحمام كانت قاعده تمشي و تمشي و لا اهي عارفه وين رايحه صدمتها كانت واايد كبيرةمنها شي ما تقدر تتحمله فووق طاقتها شلوون يخووني اللي انا وثقت فيه و عطيته كل عمري كان هالشي من سااااابع المستحيلاات
سمعت صووت مو غريب عليهاصوت تعودت عليه يناديها : ملااك حبيبتي ملاك انتي فاهمه الموضوع غلط
قامت تسرع من خطواتها وماتدري وين تروح عزوز كان اسرع منها ومسك ايدها جدام الناس " بس ما كان في وايد ناس لأنها كانت بالمرينا الثانيه على ما اظن اسمها مرينا كرسل "
ولفها عليه
عزيز : ملاك حبيبتي سمعيني
ملاك و اهيه تبجي : لا تقول حبيبتي انت انسان خاين اناني اكرهك اكرهك هدني
عزوز : انزين سمعيني هدي شوي انا احبج و مستحيل اسوي شي مثل هذا
ملاك : شفهم اكثر من اللي شفته
عزوز : انتي فاهمتني غلط خلا....
قاطعته وشدت ايدها بقوه منه لما فلتت منه و قامت تمشي وتمشي و تمشي ولا حاسه بروحها تحس انها نخنوقه


بستار بكس
----------------------------

يت ساره وبيدها الطلب ......
ساره : وين ملاك ؟
شروق و اهيه لاهيه بتلفونها : مادري قالت بتروح الحمام
ساره : انزين يلا دقي عليها ..يدج دق قال يلاا ردو البيت
شروق :قاعده العب انتي دقي
ساره : ياهل عمرج ماراح تكبرين...
دقت ساره على ملاك و ماردت ملاك عليها
ساره : ماترد
شروق : يمكن ما تسمع دقي مره ثانيه
دقت ساره عليها اكثر من مره و هم ماترد
ساره بقلق: ماترد
شوي ولا ملاك داقه و صوتها مبحوح
ملاك : هلا ساره
ساره : وينج خوفتيني عليج ...كل هذا حمام
ملاك : كاني بس شفت رفيجتي قعدت وياها شوي يلا كاني يايه .. ليش بنرد ؟
ساره : اي يدج دق يقول ردي
وصكته منها
ساره : احس فيها شي صوتها مبحوح
شروق : يمكن تعبانه لأنها امس ما نامت إلا الفير
ساره : يمكن
شوي و إلا ملاك يايه : يلاا خنروح
كانت لابسه نظاره و كبيره فما بينت عيونها الحمره
ساره : يلا

______________

الساعة: خمس الاربع في بيت يد روان

----------------------------

كانت روان قاعده بروحها بالخيمه الموجوده بالحديقه ....... هذي الخيمه حاطها يدهم عشان يقعدون فيها و يغيرون جو ....
دخل خالد عليها: شتسوين بروحج ؟
روان بنفس : اكتب كوبونات
راح يمها : انزين خلا اساعدج
روان : مشكور ما تقصر عندي ايد اكتب فيها
"اتوقع قتلكم عنه"
" خالد ولد عمه روان و يحب روان بس اهيه ما تعطيه ويه "
واب هالحزه دخل فهد الخيمه و اهو يغمز لهم : جو حلو .... و بالحديقه ....... مسوين جو رومانسي من وراي
روان : فهد لا تستعبط انزين
خالد يطالع روان و يبتسم : تستحي
روان بعصبيه : منو انتو عشان استحي منكم و بعدين أي جو رومانسي أي بطيخ ..ان كنت قاعده بروحي اصلاا اهوو اللي قط ويها عندي " و تأشر على خلود"
"فهد ولد عم روان عمره 22 سنه يحب يتحرش بروان و يتناجر وياها و يطفرها "
و دخلو الباجي أنوار و دانه و احمد و شهد
انوار : وااي ملل خن نلعب شي
فهد : اوكي ليش لا ....شنو بتلعبون ؟؟
انوار : مادري اي شي
"انوار اخت خلووود واهي كبر رواان"
روان : خن نلعب و لا كلمه
خالد :اوكي خوش فكره
فهد : اللي بيلعب هاللعبه يرفع ايده
كلهم ارفعو ايدهم إلا دانه
دانه:بس انا مااحب هاللعبه
روان :مو لازم تلعبين "دانه بنت عمه روان عمرها 18 اخر سنه ثانويه عامه" "روان ماتحب دانه لانها واايد مايعة وفصعه ودانه تبادلها نفس الشعوور"
فهد : خلاص بنلعبها وين الباجي ؟؟
انوار : شهد روحي نادي منصور و فطوم والباجي بس لا تقولين حق اليهال حتى ريمو ناديها
شهد : اوكي
راحت نادتهم و يو ريم و منصور وفطوم والريم
منصور : شنو بتلعبون
فهد : ولا كلمه
لف على فطوم و ابتسم لها ابتسامه تذوب الواحد : تلعبين ؟؟
فطوم : اذا انت بتلعب انا بلعب
روان : اتعازمون يلااااااا
فطوم : خلاص انا بلعب
منصوور : عيل انا بلعب
" منصور عمره 23 سنه يحب فطوم بنت عمته ... الكل يدري عنهم بس الكبار مايدرون ... فطوم عمرها 21 سنه تدرس علوم اداريه و منصور علوم رياضيه "
قعدوا يلعبون سوو دائره واللي يجاوب يقوم اهو اللي يمثل




*تتوقعون منو الى كانت مع عزوز؟؟وشنو راح يكون موقف ملاك؟؟..
*مريم شنو نهايه علافتها مع محمد؟...



ردودكم وتوقعاتكم

رد: روايه ""وش الدنيا من غير حبك ""من تأليفي "وااي شحلاتي"



مممممم

انا اقول يمكن وحده تصير حق عزووز .. وملاك مابتصدق بس عزووز يمكن يحاول وياها وترد المياه لمجاريها



ومادري ليش احس محمد يلعب ع مريم :S



وبث ..





يعطيج العافيه حبيبتي

رد: روايه ""وش الدنيا من غير حبك ""من تأليفي "وااي شحلاتي"

يـــــــــــــــــــسلمو خيتو على المتابعه


احط البارت اليديد

رد: روايه ""وش الدنيا من غير حبك ""من تأليفي "وااي شحلاتي"



يسلمج حيييياااتي من كل شر ..

برااحتج ياقلبي .. اذا مافيها تعب عليج .. انا ودي تحطينها بس اذا ماتبين براحتج

رد: روايه ""وش الدنيا من غير حبك ""من تأليفي "وااي شحلاتي"

لاشدعوه مافيه تعب كلش كلش




في بيت ابو ساره " يد ملاك و شروق "

----------------------------------------------------


اول مادخلو البيت ملاك بدون اي كلمه راحت غرفتها
وساره و شروق راحو عند ام فيصل " يده شروق وملاك "
ساره و اهيه تبوس راس امها :هاي ماماتي
ام فيصل (هيا) : وينكم طولتو
ساره : بعد يما ما تعرفين شوارع الكويت زحمه بزحمه مافي مكان مافيه زحمه
شروق و اهيا تلم يدتها : اشتقتلج يما
ساره بغيره : هيي انتي عندج ام روحي لها هذي امي
شروق اتطلع لسانها حق سارو
ساره : لا و الله شوفي منو يوديج معاه السوق مره ثانيه
ام ساره : يا يما كلكم بنتاتي و احبكم كلكم ...ساره يما اشفيج عليها خليها
شروووو ق: حرررره لال الال لال لا
ساره : اوكي دواج عندي ياااا........... ماني قايله
ام فيصا : إلا ملاك وينها ؟
شروق : راحت غرفتها تقول تعبانه
ام عبدالله : ليش اشفيها ؟
شروق : مادري بس تقول امس ما نامت الا الفير .خالو فيصل مايه؟؟
"فيصل اخو سارة عمرة25 سنه مو متزوج حبوب يشتغل بالبنك"
ام فيصل : يقول بيتاخر اليوم. خل اروح اشوفها شفيها.؟؟
ساره : يما قولي حق الخدامه ختودي الأغراض و تسويلي عصير مانجو
ام عبدالله : انشالله يما
شروق : من متى نزل علينا الوحي و الأتكيت و صرنا نشرب مانجو
ساره باستعباط : ولا الوحده لازم تحافظ على روحها .و بعدين انتي شمقعدج اهني يلااا روحي بيتكم
شروق : انا مو قاعده ابيتج انا قاعده ابيت يدي
بوفيصل واهو داخل : شفيه يدج ؟
شروق : عمرك طويل
راحت له وباسته على راسه و ساره سوت نفس الشي
شروق و إهيا تتصنع الزعل : شفت بنتك تطردني من بيتك ...ترضه ؟
بوعبدالله و هو يضحك : لا اكيد ما ارضه . البيت بيتج؟؟. وين ملوكه؟؟
شروق : تقول تعبانه اول ما ردنا من السوق راحت تنام
شروق : يلا انا بروح البيت مو تروح تنام بوريك شي
بو فيصل: ديايه انام من الحين لا تخافين ماني نايم
ساره : فكه بنام بروحي اليوم
شروق : ههههاااااااي انا رايحه ايب لي هدوم و اتسبح و ارد لج لان هدومي اللي اهني خلصت
ساره : واهيه مكشره : يلاا عيل عطينا مقفااج و الله معاج
بوفيصل : عيب عيب ساره ولو هذي بنت اختج ...اقول شروق حبيبتي ابوج وينه ما ييه اليوم ؟
ساره : تسال هذي ...هذي اشدراها
شروق طنشت سارو : مادري اشوفلك اياه ...ليش تبيه ؟
بوعبدالله : اي حبيبتي اذا موجود خل ايي الديوانيه ...يلا عن اذنكم اروح ابدل هدوومي
وراح بوعبدالله غرفته
شروق هي ماسكه موبايلها : اقول سوسو مو تنامين و روحي قعدي ملوك انا شريت افلام يديده بنطالعها
ساره : انزين ....على منو قاعده تدقين ؟
شروق : على حمني ابيه ايي ياخذني ..صايرلي ريال .. "وهي تقلده" لاتردين البيت بروحج
ساره : ريال غصبن عنج ... قوليله خلا ايي ..ابيه
شروق : انزين ....اوووووه شفيه مايرد
ساره : يمكن الموبايل مو عنده
شروق : كاهو رد
حمني : نعم اشتبين ؟
شروق : هلا بإخوووي هلاااااا فيك
حمني : خلصي اشتبين ؟
شرووق : صج ما تنعطى ويه ..الحين انا قاعده اكلمك بكل ادب صج ....ماني قايله ..ابي ارد البيت
حمني : انزين و بعدين
شرووق : و خالتي تبيك
حمني : خالتي تبيني ..قولي لها دقايق إلا ثواني و انا عندج
شروق : حمني ابي ارد البيت ..شنو دقايق و عندج
حمني : ليش ؟
شروق : ابي ابدل و اتسبح
حمني : ليش مافي حمام ابيت يدج ؟
شروق : امبله بس ما عندي هدوم
حمني : انزين بسرعه دقي على الخدامه ختحطلج الجنطه ا تعطيني اياها ...
شروق : اوكي ثواني يلا بااي
حمني : باي
ساره : ها بيي ؟
شروق : يس
ساره : اوكي ..عيل انا ببدل و بشووف ملووك اشفيها
راحت ساره و شروق دقت على الخدامه

سارة وهي صاعدة على السلم شافت امها نازله: ها يمه شفتي ملاك
ام فيصل: ماادري شفيها ماترد يمكن نامت
سارة: خل اشوفها
ام فيصل: لايمه خليها شكلها نايمه
في بيت خاله مريم

------------------------------


كانت قاعده بصاله مع فاطمه وران
فطوم : مريم مريووم
"فطوم بنت خالتها كبر مريم .هبله وكلشي تسوي "
مريم : هلاا
فطوم : اشرايج ناخذ لابتوب عبود اخووي و نشبك ؟
مريم و اهي تبتسم : و تخليني ..
فطوم : بس تقولين إنا انتي اللي ماخته ...
مريوم : اوكي مو مشكله
فطوم : يلا
و راحو وخذو الابتوب
فطوم : وييي حاطله باسوورد
مريم : اوووه شنسوي الحين ؟
فطوم و مبين عليها انها تفكر : لقيتها
مريوم : شنو ؟
فطوم : تدقين عليه و تقولين له إنا عندج شغل و بتسوينه بلابتوبه و بس
مريم : لا مابي مابي فشله
فطوم : يلا عفيه
مريم : لا مابي
فطوم : انزين صبر
مريم :اشبتسوين ؟
فطوم والموبايل بيدها : صبر انتي
مريم : لا يكون بتدقين ؟
فطوم واهيا تمثل براد :لا بس بدق على ابوي
فطوم : ألو هلا والله ... انزين انزين اقولك ..مريم بنت خالتك " ومريوم عيونها طلعت من مكانها " عندها شغل على الابتوب و كمبيوترها خربان فاتبي تستخدم لابتوبك بس تستحي تقولك
فطوم : مريم هااج عبدالله بيكلمج
مريوم :خلاص مابي مشكوره
فطوم و اهيا تحطه سبيكر :يلا عبود تكلم
عبدالله : عبود اب عينج اسمي عبدالله
"عبدالله اخو فطوم عمره 20 سنه يدرس علوم اداريه حبوب "
فطوم : انزين تكلم
عبود : شلونج مرايم وينج من زماان
مريم و اهيا حدها مستحيه : تماام انت اشلونك ؟
عبودد : تماام و الحمدلله ..و بعدين شالكلام اللي سمعته مني انا ... تستحين مني انا مثل فهوود صح؟
مريم : اي اكيييد بس اختك تألف
فطوم : انا أألف لا والله
عبود : اي ادري ...اختي ..... خلني ساكت ... انتي شوفي اخذي التلفون و صكي السبيكر عشان اقولج الباسوورد مو تقولين حق السووسه اللي يمج و بأي وقت تبين شي انا تحت امرج
مريم وهي مستحيه : اوكي صكيت السبيكر
فطوم : لا عبود لا تصير سخيف
مريم : اي اي سهل حفظته ..يلا مشكور اي اكيد يلا مع السلامه
فطوم : قوليلي شنو الباس وورد
مريم بلعانه : حريمتج
فطوم : اوووووووه
و خذو الابتوب و شبكو بس مالقو حمود شابك فدشو المنتدى



في غرفه ملاك
---------------------
ملاك وهي ماسكه التلفون وتشوف الرقم الي حافظته صم و تبجي :حرام عليه ليش يسوي جذي
ماتدري شتسوي تحس نفسها مخنوقه و التلفون يرن ويرن ويرن و اهيا ماسكته
ساره و اهيا تدق الباب : ملوك حبيبتي فتحي الباب
ملاك وهي تحاول ماتبين لها انها قاعدة تبجي : هلا ساره بغيتي شي
ساره : لا بس شروق شاريه افلام و بنسهر اليوم
ملاك : والله تعبانه و مالي خلق .... وقت ثاني
سارةالي حست ان فيها شي: ماتبين شي
ملاك: لاسلامتج
ساره : على راحتج يلا تصبحين على خير
ملاك : وانتي من اهله
ملاك و الدموع بدت تنزل من عينها مره ثانيه بلوعه و بضيقه و بكل شي
شلون قدر يسوي فيني جذي انا اللي حبيته من كل قلبي عطيته كل شي
آآآآآه احس نفسي مخنووقه بمووووووت
شوي ولا تسمع صوت مسج فتحته :



ملاااااك حبيبتي ردي علي تكفين عشاني لو تحبيني و الله انتي فاهمه غلط



ما مداها تسكر المسج إلا و رن تلفونا ...عزوز
ردت و حطت السماعه على اذونها
عزيز: الو ملاك
ما قدرت اول ما سمعت صوته حست بلوعه ما قدرت تكلمه صكت الموبايل وقطته على السرير
حطت راسها داخل المخده و تمت تبجي



في بيت يدت روان
-------------------------------
روان كانت ماخذة كتابها ومقلمتها معاها عشان تدرس يت انوار وقعدت يمها
"انوار بنت عمتها وكبرها"
انوار :شتسووين؟؟.
روان : انتي ششايفه
خذت مقلمتها وطلعت قلم من المقلمه وكتبت على المقلمه r.k
اتوقع فهمتوا شقصدها (روان_ خالد)
روان :ياحمارة شسويتي ؟؟.؟.
هدتها وراحت عند خالد الى كان قاعد يلعب بموبايله لحقتها رواان
انوار : خلود شوف شكتبت

روان : جذابه اهي كتبت والله اهي
خلود وهو يضحك: انزين خلاص فهمت . وبعدين انا ادري انج ماتسووين جذي
في سياره ام مريم
-----------------------

ام مريم " هدى " : شلون الدراسه معاج ؟
مريم : زينه ... انزين يما ما يصير جذي ..ابي اقعد عندج
ام مريم : و الله انا ودي بس اخوج مو راضي
مريم : اففففف ..انزين تقدرين توديني السوق باجر ؟
ام مريم : راح اشووف ... يلاا وصلنا ..ما اوصيج سمعي كلام اخووج
مريم : انشالله يما و لفت ويها و باست اختها من امها " دانه " اللي كانت نايمه و نزلت من السياره
مريم : يلاا يماا ديري بالج على نفسج ..مع السلاامه


في صاله بيت يد شروق
--------------------------
كانوا قاعدين يطالعون فلم رعب حد يخرع ...كلهم كانو خايفين
حمني : وين ملاك ؟
شرووق و اهياا حدها مندمجه بالفلم : مادري مادري ... جنه بغرفتها ..واااااااي
ونقزت سااره من مكاانها : واااااااااااااي
حمني : اشفيكم ؟ الحمدلله و الشكر
ساره و اهيه شوي و تبجي : مادري اشفيه هذا مره وحده نقز " قصدها البطل اللي بالفلم "
حمني : شرووقو قومي صكيه
شروق: لييييييش بطالع .....
حمني : طالعي بروحي بعدين ...إلا ويين باجي الأفلام ؟؟"حمني كان واايد متملل من هالفلم لأن عنده حده سخيييف و مايخرع "
شرووق : فووق بغرفه ساره
حمني : انزين اشناطره قومي يبيهم
شرووق : مالي خلق ...شنو اشتغل عندك ؟
حمني يسوي نفسه بيقوم و بيطيقها : بتقومين و لا اشلوون
شرروق نطت من مكانها : لا لا خلاص بقووم
ساره : ويبي جيس بلااايز حمني اللي شريتهم
حمني و هو يبووس ساره: هذوولا الخلاات و لا بلااش ..يلا يلااا بسرعه روحي يبي الجياااس لا بالنعال اللي عندي .....
شروق : صج ما تستحي على ويهك ... ترا بس لأنك اخووي الكبير ... بروح و ايبهم
"حمني اخو شرووق اكبر منها بسنه اهو اخر سنه ثانويه عامه "
و صعدت شرووق مرت يم غرفه ملاك و لا تسمع صووت ..احد قاعد يبجي .. ملاااااك ..ملااك قاعده تبجي ..
شروووق وهي تطق الباب بشويش: ملاك ملوك
ملااك و اهيا تحاول تعدل صوتها : شروق خليني بنام
شروق : أي نايمه و انا توني سامعه صووتج قاعده تبجين
ملاك : شروق خليني بروحي ....
حاولت افتح الباب بس ما قدرت كانت قافله الباب ...تذكرت إنا في مفاتيح ثانيه في مكتب يدها
رحت غرفه ساره و خذيت الاشرطه و الجياس و نزلت
حمني : كل هذا رايحه تيبين الأشرطه يلااا خو
حطيت الأغراض و رحت
ساره باستغراب : وين رايحه ؟
شروق : شوي و راده
رحت وخذيت المفاتيج و صعدت ووشوي شوي فتحت البااب ...وياريتني ما فتحته ...انصدمت باللي شفته
الغرفه كانت حدها معفووسه كل شي كان منقلب فووق حدرالاغراض اللي شراناهم كانو مقطوطين على الأرض و الغرفه كانت ظلمه إلا ليت الأبجوره مفتوح تميت ادور على ملااك بعيوني
و لا اشووفها متكوره على روحها يم الفراش و جبالها الابتوب و قاعده تبجي
رفعت ملاك عينها على شروق و زاد نوحها
راحت لها شروق و لمتها
شروق : ملاك حبيبتي اشفيج سمله عليج
قومتها و قعدتها على الفراش
شروق : ملاك حبيبتي اشفيج ليش كل هالبجي ؟
ملااك : خاين خاين اناني اكره اكره و ردت تبجي وحضنتني وتمت تبجي
شروق : عزيز صح ؟
ملااك و اهيا ميته من البجي : اكره اكره
شرووق : اشسوا لج اشصاار؟
ملاك و هي تقطع من الحجي : اليوم شفته مع وحده
انصدمت من اللي قالته .شلوووووووووووووووووووون عزووووووووز اللي كنت اظنه إنا يمووووووت على ملووووووك شلووون ؟؟؟؟؟؟؟؟؟؟؟؟


في بيت روان

------------------------------

توها رادة من بيت يدتها كانت قاعده جبال التلفزيوون و بحظنها صحن النفيش و كانت قاعده تطالع فلم عمر و سلمى
ساره : روانوووو قومي نامي
"سارة اخت روان عمرها 18 سنه اخر سنه ثانويه عامه"
روان و اهيا مندمجه : اووه ساره بطالع
ساره : هالفلم مليوووووون ستيييييين الف مره مطالعته
ما ردت رواان عليها
راحت ساره تنام كانت الساعه 1.30 الفير الكل نايم إلا روان

في غرفه مريم
-------------------------
كانت قاعده تكلم حمود بصووت واطي يااااااااله ينسمع

حموود : وين رحتي اليوم ؟؟؟
مريم : بيت خالتي الهام ... و انت؟
حمود : مع الربع رحنا تعيشينا و تمشينا شوي
مريم بكابه : اسكت مالي خلق ادرس .. و الإمتحانات قربت
حمود : لا حبيبتي انا اقل من 95 ما يمشي عندي فاهمه ؟
مريم وهي تضحك : انشالله على امرك اي اواامر ثانيه
حموود : لا حبيبتي .... مريووم
مريم : هلا
حموود : في كلمه ما سمعتها منج
مريم تستعبط : شنو ما فهمت
حمود : اهي كلمه
مريم : انزين
حمود : حبيبي و لا مره سمعتها منج
مريم واهيا حدها مستحيااا : تبي تسمعها الحين ؟
حمود : اي اذا ممكن
مريم : .................................................. ............. حبيبي
حموود :................................................. .............. بعد عمري و الله .. عيديها
مريم و اهيا مبتسمه : ...... حبيبي
حموود : انتي اللي حبيبتي و حيااتي و عمري كله فديتج ......مريوم
مريم : هلاا
حمود : احبج
مريم : وانا بعد
حمود : امووت فيج
مريم : وانا بعد
حموود : اشتقتلج
مريم :وانا بعد
حمود : بلمج
مريم :................................................. ......
حمود : مافي و انا بعد
ضحكت مريووم و قالت : و انا بعد
وظلوو جذي لين الصبح



انشاله يعجبكم الجزء


* اهم شي ردودكم وتوقعاتكم

رد: روايه ""وش الدنيا من غير حبك ""من تأليفي "وااي شحلاتي"

حرااام كسرت خاطري ملااااك :0bee2e8d89:

ومريوووم احس احس اخوها فهد بيجكها .. وبيطقها طق :23_asmilies-com:

وروااان بيحن قلبها ع خاالد وبتحبه :eh_s(22):


وبث ..


يعطييج العافيه حيااتي :tek:

رد: روايه ""وش الدنيا من غير حبك ""من تأليفي "وااي شحلاتي"

وااااااااااااااااي القصه رووووعه
بس حراااااام ملااااك >>> اتوقع تطلع اخته خخخخخ كيفي خو
و كملييها عاد مو تسحبين علينا

رد: روايه ""وش الدنيا من غير حبك ""من تأليفي "وااي شحلاتي"

وناسه حدها عجيبه القصه بليييييييييييز كمليها وانا ناطره كل البارتات

ذكرتني باول انا و بنات خالتي و بنات خالي و رفيجاتنا :denya:

رد: روايه ""وش الدنيا من غير حبك ""من تأليفي "وااي شحلاتي"

يسلموو حبايبي على ردودكم دقايق وانزل البارت اليديد

رد: روايه ""وش الدنيا من غير حبك ""من تأليفي "وااي شحلاتي"

في غرفه ملاك
---------------------------



الصبح الساعه 9.00 دخلت ام فيصل غرفه ملاك بتطمن عليها
انصدمت بمنظر الغرفه لانها كانت متعودة على ملاك المرتبه
ام فيصل : بسم الله ليش الغرفه جذي
شافت ملاك نايمه و يمها شروق و راحت حق شروق
ام فيصل : شروق شروق
شروق : همممممم
ام فيصل : قومي يما
شرووق : هلا يما هيا " اسمها هيا فا ينادونها يما هيا " بغيتي شي
ام فيصل : ليش الغرفه جذي ؟
شروق "ويييي شقوول لها الحين : ها لا بس كنا قاعدين نلعب و نسينا نرتب الغرفه
ام فيصل : جذي تلعبون ...انزين يلاا قعدي ملاك عشان تتريقون وتدرسون على ما تي المدرسه
شروق : متى بتيي؟؟
ام فيصل : وحده و نص يلاا انا ناطرتكم تحت
طلعت هيا من الغرفه
شرووقوهي تشوف الغرفه : اففف الغرفه حدها معفسه ...ملااك ملووووك
ملاااك : هممممممممم
شرووق : يلا قومي
ملاك : يلا كا قمت
قامت ملااك و كان مبين عليها التعب
شرووق : قومي اخذي لج شاور و تصحصحي علما ارووح اييييب لي هدوم من غرفه سااره
راحت ملاك الحمام " عزكم الله " قامت شروق من على الفراش و شافت الابتوب مفتوح رفعت الشاشه و شافه صوره عزوز كان لابز برموده بيج و تي شيرت بني و كان واقف على البحر"الله يعينج ملووك" سكرت الابتوب و قامت


في غرفه روان
----------------------------------------------
دخلت اسيل الغرفه وشافت روان قايمه عاد اهي غرامها تقعد روان من النووم
"اسيل عمرها 9سنوات ثالثه ابتدائي"
اسيلوهي تصرخ : روانو قومي
روان و هي نايمه : اسيلوووووو ذلفي عن ويهي لا اقومج الحين
صعدت اسيل على الفراش و قامت تنط
اسيل : روان يلا قومي روان يلا قومي روان يلا قوومي روان يلاا قومي
روان بعصبيه : اسيييييييييييييييييييييييييييييييييييييييييييييييي ييييييييل يااااااااااااا حمااااااااااااااااااااره
وسحبت شعلر اسيل حيييييييييل
اسيل و اهيا تبجي : بروح اقول حق بابا
ما اهتمت روان و ردت نامت ...اسيل و اهيا طالعه من الغرف تبجي
محمد : اسيلو اشفيج ؟
" محمد عمره 15 سنه يلعب بنادي الكويت كرة سله "
اسيل وهي تبجي : روانو البطه البومه مجعت شعري
محمد : تعالي معااي
دخلو اثنيناتهم الغرفه محمد وهو يساسر اسيل : شوفي انا اسحب الكنبل و انتي نطي على الفراش اوكي؟"اهو مو لله سو جذي بس لانه يحب ياذي رواان
اسيل : اوكي


في الصاله في بيت بو فيصل ----------------------------------------------------------
كلهم كانو قاعدين على الطاوله يتريقون " ام شروق متعوده كل يمعه تتريق مع امها و ابوها "
نزلت شروق ويمها ملاك
شروق: صباح الخير
الكل :صباح النور
راحو ثنتينهم يبوسون راس يدهم
بو فيصل واهو ماسك ايد ملاك: شفيج حبيبتي شكلج تعبانه
ملاك وهي تحاول تبتسم: لايدي مافيني شي بس من ضغط الامتحانات
شروق واهي تحاول تغير الموضوع : وين فصول
عبير (ام شروق): استحي على ويهج شنو فصوول
شروق : عادي ماما
راحت قعدت يم ملاك الي قعدت يم سارة
كلهم كانو ياكلوون إلا ملاك كانت قاعده تلعب بالشوكه و تحركها بالأكل يمين و يسار و ما كلت و لاشي
بو فيصل : ملاك حبيبتي شفيج ما تاكلين ؟
ملااك : ها يدي لا و لاشي بس ......
شروق و اهيا تقاطعها : لا لأن قبل الصلاه تريقنا انا وياها فتلاقيها شبعانه
عبير :ابوي اللي اهو يدج كلم ملاك انتي شكو تردين
ساره : لقافه ...
شروووووق : هي هي هي سخيفه
ام فيصل : خلاص عاد
عبير : إلا وين حمني وفيصل؟
شروق : يعني ما تعرفين ولدج بس يخمد
عبير : شروق
فيصل واهو داخل: شفيها شروق بعد
شروق : شفت خالي ماادري شفيهم حاطين علي
فيصل واهو يبوس راس ابوه : تستاهلين.. شلونك يبا؟؟..
بو فيصل : تمام
وسوه نفس شي مع هيا (ام فيصل)
شروق : وانا اقول الحين بيدافع عني
راح عند ملاك وهو يبوسها:شلونج ملوكة
ملاك : هلا خالي
"فيصل كان واايد متعلق بامال(ام ملاك) لانها واايد كانت تهتم فيه وكان يستشيرها بكل شي وبعد وفاتها حس بنقص كبير وقام يهتم بملاك واايد وواايد يدلعها"



"امال توفت بحادث سيارة لم كان عمر ملاك 7 سنين"
شروق : وانا
عبير : شروقوا اذا ما سكتي ياويلج صج ام لسان ..
شرووق بنفس : انشالله
ملااك : الحمدلله
وقامت
فيصل : وين ما كليتي شي ؟
ابتسمت له ملاك : مو مشتهيه ...شبعانه
عبير : خلوها على راحتها روحي حبيبتي روحي
وراحت ملاك
شروق : الحمدلله
بوفيصل : وين انتي بعد ؟
شرووق : بروح ادرس لين تيي المدرسه
بو فيصل : اييي ... الله يوفقج يا بنيتي
و راحت
عبير : اقول ساره قومي قعدي حمني ..بسه نوم
ساره و اهيه تقووم : يلا رايحه اقعده




في غرفه مريم

--------------------

دخل فهد الغرفه
فهد وهو يم الباب: مريم مريمو قومي
مريم: هممممممم
فهد :قومي . من عندج امتحان
مريم بالغصب قامت: يلا كا قمت
فهد :متى تخلصين امتحانات
مريم : الاثنين اخر يوم
فهد : اها .... انزين عندج امتحانات بعد ؟
مريم : اي امتحانات نهايه السنه الفاينل
فهد : انزين بعد جم شهر يعني ؟
مريم : 2اشهر
فهد : اها اوكي
مريم : ليش تسأل ؟
فهد : وانتي شكوو ...يلا قومي و بدلي هالللي عليج و بسج نوم
وطلع من الغرفه
مريم : اشفيه هذا ليش يسأل ...غريبه
" غبت يووم و عذرنا ....و اب ولهنا انتظرنا..... يلااا ارجع كفاايه... اب صراحه فقدنااك اب صرااحه فقدناك "
كانت هالغنيه رنه المسج ...فتحت المسج و لا من حموود :




هااي حبيبتي
صباح الخير
يلا قومي درسي مو عندج امتحان الأحد ..... يلااا بلااا نوووم ......
احببببببببببببببببج


رديت عليه


صباح النوور حبيبي
انشالله الحين بقووم
اموووووت فيك
حبيبي متى ترد الكويت ...جد حدي مس يوو

احبك


و قمت و غسلت و يهي و نزلت اتريق

رد: روايه ""وش الدنيا من غير حبك ""من تأليفي "وااي شحلاتي"

في بيت سالم " ابو روان "

__________________________________________________
بعد عنااء طويل قامت روان و توها طالعه من الحمام " عزكم الله "
ام محمد "حنان": زين قعدتي كل هذا نوووم
روان وهي تفرك عيونها: نمت متاخر امس
حنان : مو عندج امتحان الاحد ترى ما بقه شي يلا قولي حق اسيا"الخد
امه" تسويلج الريوق

روان : اوكي
راحت غرفتها بدلت و لبست برمودا جينز مع بدي فوشي و روان شعرها طويل لي نص ظهرها فلته كله و طلعت من الغرفه
رواان :اسيا اسيا
اسيا : نعم روان شنو يبي
روان حطيلي ريووق
اسيا : اوكي
راحت الصاله و شافت اخوانها الثلاثه قاعدين يطالعون التلفزيون ....اسيل منسدحه على الارض ومريم مسويه مثلها و عمر قاعد على الكرسي و قاعدين يطالعون تووم جيري
شكثر يطالعونه و ما يملوون ........ شافت بي اس بي طايح على الأرض مال واحد من اخوانها اخوانها : خل العب فيه شويه
راحت بتقعدت على طاوله الطعام توها ولا يرن تلفون البيت
روان : اسيل اسيلو شيلوو التلفوووون
اسيل: ماابي
روان : عمر رد
عمر: مابي عندج ريل و ايد شيلي التلفوون بروحج
مريم : انا مابي ...حلاااام ماياام ...تطالع تومانكي " انا مابي ..حرام مريم تطالع توم و جيري "
" طبعا مريم محد كلمها اهياا تحجت بروحها "
"اسيل قلت لكم عنها ..... عمر عمرة 6 سنوات باولى ابتدائي ...... ومريم عمرها سنتين"

رواان : مالت عليكم كلكم زين
وراحت تشيل التلفوون
روان : الوو
خالد : هلا و الله اشلوونج ؟
روان بنفس : هلا خلوود
خالد : شدعوا شدعوا عطينا ويه
روان : خلص خالد مالي خلق
خالد : لابس بغيت أسال عنج
روان : انزين ... انا زينه
خالد : دووم انشالله مو يوم ..إلا اقوول روان
روان : قول
خالد : ترا ...انا .... بسافر كندا بكلمل دراستي
روان : انزين
خالد : الشهر الياي
روان : تروح و ترد بالسلامه
خالد : ما بتشتاقيلي ؟
روان : اقوول خلوود عدني امتحانات بروح ادرس
خالد : الله يوفقج
روان:يلا باااي
خالد بزعل : بااي ؟؟
وسكرت الخط
روان : اف سخيف
وحطت لها الخدامه ريوق وقعدت تاكل


في بيت بو فيصل
-------------------------
كانوا بالصاله الداخليه و معاهم المدرسه
المدرسه "المصريه " : يلا بأه دلوأتي حلو المسأله دي عشان اشوف فهمتوا ولالا
وكتبت لهم مسالتين: يلا دي ليكي يا شرووق ودي لملاك
ملااك كانت اب وادي ثااني مو مع المدرسه كلش
المدرسه : ملاك ملاك
ملاك: نعم
المدرسه : ملاك حلي المسأله دي
ملاك : اوكي

في الصاله الثانيه
------------------------
عبير " ام شروق " : اقوول ساره
ساره و اهيا مندمجه بالمسلسل : هلا
عبير: ما تحسين ان ملاك فيها شي ...مادري مو على طبيعتها ..طول الوقت سرحانه متضايقه و زعلانه مو هذي ملااك اللي اعرفها
ساره : يمكن من ضغط الامتحانات
عبير وهي مو مقتنعه: يمكن
" سارة حاسه ان ملاك فيها شي بس مابغت تشغل عبير بالسالفه وبتشووف السالفه بروحها"
عبير : انزين ليش ما تروح عند ابوها جم يووم ؟
ساره : توها رادة والحين امتحان اهي بعد الامتحانات تروح عنده
ام فيصل و اهيا داخله : ماخلصو كل هذا مدرسه ؟
ساره : توهم يما صارلهم ساعه تقريبا
ام فيصل : اقول عبير ريلج وينه ؟.خل ايي يتغدى عندنا
عبير : في الدوام ...يقوول عنده جم شغله يسويها و يرد
ساره : إلا شوق وينها ؟؟
"شوق اخت شرووق و عمرها 5 سنين بثانيه روضه و تخاف من كل شي وغرامها الكمبيوتر"
عبير : بالبيت ....
ام فيصل: و ليش ما يت ؟
ساره : احسن بتقعد اتزن على روسنا
ام فيصل "واايد تحب شووق وماترضه عليها": ليش بتقعد على راسج
عبير واهي تضحك: شدراني . سارة عطيني التلفون خل ادق على مرياتي اتيبها

في غرفه مريم
-------------------

كانت قاعده على الفراش و حوالينها كتب و اوراق و عفيسه
انوار و اهي يم الباب : ادخل ؟
مريم وهي مبتسمه : اي تعالي
انوار وبيدها صينيه فيها عصير فراوله
"مريووم واايد نحب عصير الفرواله "
مريم و اهيا تاخذ العصير : مشكووره حياتي
انوار : العفو حبيبتي ... شلون الدراسه معاج ؟
مريم : والله ماشي الحال .... باقيلي فصل واحد و انشالله شوي و اخلصه
انوار : اممممم ... يعني تقدرين تطلعين ؟
مريم : اي عادي ...اصلا انا حدي متملله ودي اروح مكان بس اتوقع فهد ما يرضه
انوار : صبر خلا ادق عليه
طلعت تلفونها من جيبها و دقت عليه
فهد : هلا انوار بغيتي شي .؟
انوار : لا بس متملله ..قلت اخذ مريوم و نطلع اشرايك ؟
فهد : عليها امتحان خلوها وقت ثاني ؟
انوار: اهي مخلصه بس تبي تراجع
فهد : انتي تبين تطلعين اوكي بس اهي لا
انوار : ليش فهد ء ......
قاطعها فهد : قلت لا يعني لا يلاا باي
انوار و هي معفسه ويها : باي
مريم : مارضى صح ؟
انوار : اي
مريم : اوووه
انوار : عندي فكره
مريم : شنو ؟
انوار : ان اروح اشتري افلام و نفيش و نسوي لنا جو بالبيت اشراايج ؟
مريم : اوكيك بس انا حدي يوعانه
انوار : و نطلب الغدا من مطعم
مريم : عيل يلاا روحي و انا بعدل الصاله
انوار : يلاا خلا اروح البس
قامت مريم من على السرير وتوها بتطلع من الغرفه سمعت صوت مسج
مريم: اووه ه ذا الحين وين القاه "تقصد الموبايل"
بعد عناء طويل لقته
المسج كان من رواان
"هاي مريومه شلونج شتسوين ماصار شي يديد .. انا توني قاعدة من النوم وكلش مالي خلق ادرس ؟؟.."
ردت عليها
"هاي . انا تمام الحمدالله انا وانوار بنطالع فلم .لا ماصار شي يديد وبعدين ياحمارة درسي تره شوي صعب"
خذت الموبايل معاها ونزلت تحت....



ردودكم وتوقعاتكم



البارت اليديد احطه بليل انشاله

رد: روايه ""وش الدنيا من غير حبك ""من تأليفي "وااي شحلاتي"

توقعاااتنا ..


ممم



انا مصممه ان رواااااااان تحب خالد غصبا عنها خخ

وملاك يمكن تزفت ف الامتحانات والسبب حالتها النفسيه ..

شرووق عادي نفس ما اهيه .. يعني ماعتقد بيصير شي يديد ..

ومريم .. بتم مع محمد بس يمكن يمكن بيصير شي يخرب عليهم حبهم ..




وبث ..


يعطيج العافيه حبيبتي ونااطره الباارت ع احر من الجمر :tek:

رد: روايه ""وش الدنيا من غير حبك ""من تأليفي "وااي شحلاتي"

وااااااااااااااااااي تراا عزوووووز ملييييييييق ... ماكلف عمره و قعد لزم على ملاك يكلمها شنو هذا..
و مريوووم مسكينه اخوها نشبه من قلب
و شرووووق خلوها بروحهاا خخخخخخخخخ

رد: روايه ""وش الدنيا من غير حبك ""من تأليفي "وااي شحلاتي"

في بيت بوفيصل
---------------------
توهم خالصين من المدرسه و طلعو من الصاله وشروق دخلت عندهم و ملاك كانت لامه كتابها و سرحانه بتروح غرفتها .
عبير كانت بترووح المطبخ وشافت ملاك بتصعد فووق
عبير : ملاك ملااك حبيبتي
ملاك : هلا خالتي
عبير : وين بتروحين ؟
ملاك: بروح غرفتي بدرس ؟؟
عبير : تعالي قعديمعانا شوي
ملاك : لا بس بر.....
قبل لا تكمل كلامها سحبتها و دخلتها الصاله
عبير : يلاا قعدي ..و قعدت يم ساره و شروق
سارة : شلون المدرسه
شروق: زينه تفهم احسن من الى قبل ماكنت افهم منها شي
شوووق و اهيا داخله : سلااام
كلهم : و عليكم السلاام
راحت تلم ام فيصل: مشتاقتلج يما هيا
ام فيصل : واشتاقت لج العافيه ... بس انا زعلانه منج
شوق : ليش ؟
ام فيصل : ليش ما تيين الصبح
شوق : لا والله كنت بيي بس لقيت موقع يديد حق الألعاب
ام فيصل : حبيبتي و الله
شوق : يعني مو زعلانه مني
ام عبدالله : لا حبيبتي
ابتسمت لها وراحت عند ملاك
شوق: ملاك شوفي حمني نزللي لعبه يديده بال
ملاك الي قعدتها بحضنها : الله واايد حلوة
شروق : اشوووف
شوق: مابي
شروق :وليش انشاله
شوق: كيفي
سارة الى كانت قاعدة تطالع الفلم: بس بطاالع سكتوا
شوق :اقول خاله في بالبيت صبر خل اعد اممم 4 تلفزيونات روحي طالعي هناك
ساره :لا والله حلفي .اقول شوقو كرمينا بسكاتج
شوق : يزعلوون من كلام الصج
شروق : سارة ,. شفتي الايميل الى دزيت لج ياه
سارة :اي وااحد .ياكثر الايميلات الى تدزينهم
شروق: امس دزيته
ساره : لا ماادري امس مافتحت الايميلات)وردت اتطالع الفلم )
.....وخلص الفلم
سااارة:نهاية مليقه
شروووق: اقول سوسو شرايج نقوول حق فصووول يعزمنا على الغدا
سارة :خوش فكرة عاد اخوي عليه مطاعم عجيبه
ملاك:تعزمون روحكم بروحكم
شرووق:جب انتي ماراح ناخذج ويانا
ملاك :هاهاهاي ضحكتيني انا اول وحدة برووح
شروق استانست لان هذي اول مرة بعد السالفه تندمج معاهم بالسالفه: لاحبيبتي انا صاحبه الفكرة
عبير :شرووق لاتخبين عمرج خالج مايرووح بدونها
شرروووق وهى تضحك:ادرى اني قعدة احلم. المهم طلعه مو
سارة وملاك وشووق:اااااااي
سارة:وانتي منو بياخذج معانا "تكلم شووق"
شووق:اصلا منو بيي وياكم من حلات طلعتكم
سارة: اقول سكتي احسلج
ام فيصل:ساروو
راحت شوق لام فيصل وقعدت بحضنها
شوق : ماما هيا .. وين يدو ؟ تقصد بو فيصل اهي الوحيده تقوله جذي”
ام فيصل: راح الدوام حبيبتي .
عبير: شروق ماما روحي لعبي بالحديقه
شوق : اخاف بروحي
شروق : اشكبرج تخافين
شوق واهيا مطلعه لسانها : و انتي شكو
ام فيصل : قولي حق ماني تي معااج
"ماني الخدامه "
شووق : اوكي .ماني ماني
و طلعت من الصاله
شرووق : خلاص اتفقنا ارووح ادق على فصووول
عبير : فصوول بعينج شنو فصووول. وبعدين مابترووحين مكان اليوم؟؟
شروق بانفعال :ليييييييييييييييييييش؟؟..
عبير : اليوم بنرووح عند يدتج عايدة
شروق : انا عندي امتحان مابي اروح
عبير : مو توج تقولين حق بتطلعين ؟
شرووق:هونت ماني راحيه اوكي
عبير:شروق اليوم انتي اول وحدة بتركبين السيارة
شروق : اوووه مو غصب اروح
عبير بعصبيه: لا غصب
و قامت شروق من مكانها : اففففففف الحين صارلنا جم اسبوع مرتاحين؟؟
عبير بعصبيه : اذا الساعه ست ماكنتي زاهبه يا ويلج
شرووق وهي معصبه: مااحبهم
و طلعت من الصاله
ام فيصل: البنيه ما تبي تروح خليها
عبير : مشاكل الكبار اهيا مالها دخل فيها
ساره : انزين اخذي شوق و حمني و خلي شروق
عبير :عادل قال كلهم يروحون
ساره : خليه انا اكلمه
ام فيصل : لا خلاص خليها تروح بس هالأسبوع و الأسبوع الياي لاتروح
ملاك قامت من مكانها:برووح اشوفها
وطلعت من الصاله
في غرفه ملاك
_________
دخلت ملاك الغرفه وشافت شرووق قاعدة على السرير وبحضنها الاب توب
ومبين عليها انها معصبه
ملاك : خلااص عاد روحي عشان خاطر خالتي .
شروق : ملاك ما اقدر استحملهم وخصوصا عمتي امينه وبنتها
ملاك : بتقعدون شوي و بتطلعون ...وعشان تشووفين بعض الناس "وغمزت لها
"شروق تحب ولد عمتها نجاح من اهم صغار اسمه على عمره19 يدرس هندسه معماريه"
شروق وهي تضحك : ياحمارة . انزين تعالي معاي
ملاك : حمارة ها. والله شروق مالي خلق وبعدين بابا قالي بيي ياخذني اليوم"بس جذي قالت لها عشان تسكتها"
تلفون غرفتها رن
ملاك:الو
رقيه:هلا ملاك شلونج؟؟.؟.
ملاك"ااااااه يارقيه ماتدرين اخوج شسوه فيني": هلا رقيه .تمام الحمدالله انتي شلونج؟؟
رقيه:تماام الحمدالله
"رقيه اخت عزوز وهي بنت عمها عمرها 22 وقريبه من عزوز حيل واهي الوحيدة الى تعرف بعلاقتهم"
شروق : سلميلي عليها
ملاك : شروق اتسلم عليج
رقيه :الله يسلمها. اقوول ملوك بتين بيت يدي هالاسبوووع
ملاك "ليش ايي عشان اتعذب":انشاله
رقيه:اليوم بنرووح البحر مع امي وعمتي ويدتي حكيمه اتين
ملاك: والله ودي بس انتي عارفه الامتحانات
رقيه: الله يوفقج.خلاص عيل اخليج الحين .خلينا نشوفج
ملاك :انشاله
رقيه :باااااي
ملاك:باااااي
شروق : شبغت
ملاك : اكيد اهو قايل لها تدق اعرفه تلاقينه قاعد يمها
ونزلت دمعة من عينها
لمتها شروووق: خلاص حبيبتي انا ماصدقت انج تنسين شوي
ملاك وهى تبجي:شرووق مااقدر احس روحي مخنوقه.شرووق لمن تكونين متعودة على شي ومرة وحدة يرووح منج.انا كنت ممتعودة اكلمه قبل ماانام ولم اقعد ماكنت ادرس الا لمن اكلمه شرووووق احبه احبه ليش سوه فيني جذي لييييش؟
شروق : خلاص حبيبتي لاتبجين خلاص


في بيت عم ملاك بغرفه رقيه
-----------------
عزوز :شقالت
رقيه:انت متوقع شتقووول يعني
عزيز:رقيه .خلاص عاد قلتج ماكا....
رقيه:ما شنو
راح قعد على السرير وحط وايده على ويه
عزوز : رقيه فهميني احس روحي و لا شي بدونها اهي الوحيده اللي تعلقت فيها
رقيه: دامك تحبها ليش سويت جذي ؟
عزوز: غصبن عني مو. صدقيني انا قطعت علاقتي بكل الى كنت اكلمهم بعد ملاك صدقيني وايمان الوحيده"الى كانت معاه" الى كنت اكلمها وبعدت علاقتي بملاك ب3اشهر قطعت علاقتي بايمان قبل شهر تقريبا كانت كل يوم تدق على وتحن
تبي تشوفيني ؟..
"هذي ايمان عزوز كان يكلمها قبل ملاك بس قطعو علاقتهم بعض و بعد فتره تمت تلاحقه "
رقيه :خلاص عزيز انشاله ملاك بتفهم السالفه
عزيزوهو يتنهد:انشاله

في الصاله عند مريوم
------------------------

الساعه ثمان ونص

كانو معفسين الصاله فوق تحت ..شايلين القنفات و حاطين بس كرسين يم التلفزيون و يمهم طاوله عليها نفيش و قاعدين يطالعون فلم كوميدي
بدون مايدرون دخل فهد اهو كان قايلهم إنا بيتأخر بس اهو خلص شغله مبجر و رد البيت و كان حده تعبان
فهد : اشقاعدين تسوون ؟
نقزو من مكانهم ماكانو متوقعين انه بيرجع بسرعه
انوار :بسم الله متى ييت ؟
فهد وهو يضحك: توني ياي تعالي ابيج بالدار و انتي قولي حق الخدامه ترتب الصاله و صعدي درسي اقل من 95 راح اخذ منج التلفون و الكمبيوتر
مريم : انزين
و راح
مريم : ليش رجع ؟
انوار : مادري بس بشوف شنو يبي و برجعلج اوكي؟
مريم : اوكي
و راحت انوار
مريم : انيسه
انيسه : نعم ماما
مرييم : رتبي الصاله
انيسه : اوكي
و اهيا قاعده تصعد السلم تلفون البيت رن ..نزلت عشان ترد عليه
مريم : ألو
شرووق: هاا ي...انتي وينج صارلي سنه ادق على مبايلج و ماتردين اشفيج ؟
مريم : مادلري مبايلي بغرفتي و ان تحت
شروق : انزين اشلونج شخبارج ؟
مريم : تمام الحمدلله
شروق : مارحتي مكان ؟
مريم : وين اروح و فهد ما يرضه اطلع ...انتي؟
شروق: شروق : طلعت مع ساره قتلج و اليوم بنروح بيت يدي"قالتها بنفس "
مريم : و ليش تقولينها بنفس جذي
شروق : ملاقه
مريم : مشااكل الكبار انتي مالج علاقه فيهم ...قعدي شوي و طلعي
"اهل عادل ماكانوا راضين انه يتزوج عبير واهو تزوجها غصب عنهم وكان بينهم قصه حب فخوات عاادل مايحبوون عبير ؟"
شروق : اظاهر هذا اللي بسويه
مريم : درستي ؟
شروق : يتلي المدرسه عاد باقيلي جم درس و اخلص
مريم : فهد قالي اذا يبت اقل 95 راح يسحب مني مبايلي والابتوب
شرووق : وي امي تناديني شكلنا بنرووح بعدين اكلمج يلاا سي يو
مريم : سي يو تو
و صكرت الخط
مريم خلا اقوم ادرس احسن لي و اقول حق انيسه تسويلي نس كافيه



هذا البارت اليديد


يــــــــــــــــسلمو على ردودكم..............

رد: روايه ""وش الدنيا من غير حبك ""من تأليفي "وااي شحلاتي"

وين ردودكم؟؟..

رد: روايه ""وش الدنيا من غير حبك ""من تأليفي "وااي شحلاتي"

:ggdw:


:ggdw:


احس جنه في احد خاااطب مريم .. وفهد ينطرها تخلص الامتحانات عشان يزوجها



يسلموووو حياتو ع البارت الحلووو .. ولاتطولين علينا نبي البارت اليديد :ggdw:

رد: روايه ""وش الدنيا من غير حبك ""من تأليفي "وااي شحلاتي"

العفوووووو
انا اول شي تحبطت ماكو احمد رد
بس على هالرد الحلو ثواني والبارت الياي عندج

رد: روايه ""وش الدنيا من غير حبك ""من تأليفي "وااي شحلاتي"

في بيت روان
__________
كانت قاعدة بغرفتها قاعدة تدرس دخلت عليها اسيل
اسيل: روان
روان:هاشتبين
اسيل :ابي قلم رصاص
روان :اخذي من مقلمتي
شوي ولا يسمعون صراخ بره
روان بخووف :ِصار
وركضت بره واسيل لحقتها
شافت امها قاعدة تطق على باب غرفه محمد
حنان بخوف:سالم افتح البابسالم
وسارة كانت واقفه يمها:سااااارة شصار
سارة والدمعه بعينها:ابوي قاعد يطق محمد
شروق:ليييييييش؟
سارة :ماادري

في صاله بيت يد شروق "اللي تكرهم "
-----------------------------------------
كانو البنات قاعدين بالصاله الداخليه
قمر : إلا شروق انتي اي صف ؟
شروق : حادي عشر
قمر: كبر ساره اختي ...شنو بتدرسين بعد الثانويه ؟
شروق : والله مادري بس يمكن هندسه
غرام و بصوووت عالي : اقوول ساارو لاتغترين بروحج انتي حدج معهد تجاري
ساره و غرام : هههههههه
"غرام بنت عمتها امينه عمرها 19 بثانيه ثانوي ساقطة جم سنه"
"سارة وقمر خوات بنات عمتها غنيمه قمر 21سنه وسارة17كل تقلد غرام "
"واخيرا دلال بنت عمتها نجاح عمرها 20 تدرس علوم اداريه اخت على الى قتلكم عنه "
دلاال : اقول غرام بلاا سخافه زين
غراام : وي امبي زعلت سااروه .. لا تزعلين هذا الصج ..هههههههه
خزتهم شروق و لفت ويها عنهم : اي قمر كملي
دخل احمد : غرامو غرامو وين امي
غرام : اسمي غرام ..وبعدين انا اشدراني امك وين ....
احمد وهو بسكتها: اقوول صكي حلجج
توم بيطلع و لا يلاحظ شرووق ..ما كان ملاحضها
احمد : اوووه بنت خالي العزيز اهني ...هلاا و الله هلا هلا ....شلونج شروقه ؟
شروق و اهيا تضحك : هلا احمد .. واله انا تمام انت اشلونك ؟
"احمد اخو غرام عمره 16 سنه حبوب وخلوق كلش غير عن اخته"
احمد : مادام هذي اختي انا مو زين " وكان يأشر على غرام "
غرام : يحصلك اخت مثلي
احمد : غرام جب جب ...... يلا بناات سي يو
دلال : اشرايج الحين نروح نقعد بالحديقه ؟
شروق : اوكي مو مشكله
وطلعو

----------------------------------------------------------------------------------------------------------------------------------------------------------------------------------------------------------------------------------------------------------------------------------
في بيت روان
_________
يابت الخدامه مفتاح السبير من المطبخ وفتحو الباب
سالم كان قاعد يطق محمدليش ماندري
حنان وهي تمسك سالم :خالد خلاص عشاني خلاص
بدون مايدري دزها
"وام روان حامل بالشهر السادس"
طاحت على الارض
حنان:ااااااااااااااااااااااااااااااااااااااااه
سالم وهو يصرخ :حناااااااااااان
سارة وروان تمو يبجون
سالم بصراخ: دقوا على الاسعاف بسرعه