شوفوا السنع اخر الزمن

ودي اسال · 16 يوليو 2008

انا خذيت قاعدة بحياتي سوي خير وقطه بحر واتق شر من احسنت اليه في ها الزمن شوفو شنو صار بحياتي انا كنت موظفة في احدى الوزارات وتوظفت عندنا موظفة و ذكرتها لحماي يعني اشتغلت خطابة و على ماقالو يابخت من وفق راسين بحلال وبعدين يوم تزوجت و اضمنت كانه ما تعرفني خصوصا عند الحمولة و الحين هي العزيزة و الغالية طبعا نقلت لمكان ثاني لاني زهقت و كرهتها المهم وجبتها بهدية عرسها خوش وحدة أجيب رجل و أعطي هدية و بعد عطيتها بولادتها الأولى و الثانية و انا يوم ولدت و سويت استقبال ما جت بعذر اهي في الأربعين وباركتلي عقب باسبوع من ولادتي و للحين ما عطتني هديتي و عمر المولود 3 شهور و يوم كلمت خالتي كان تقول فلانة زوجها يقول ان مرتي فشلانة من ماعطت مرة فلان اهو اخوه الهدية يمة متى ماجتكم دقو على مرتي عشان تجي وتعطيها ولا و زاد الطين بلة ان اخوخ الصغير بياخذ اخت الحلوة قريبا شنو تشورون على اخذ الهدية شلون اتعامل مع الأشكال الوقحة ناكرين الجميل

منوله كويتيه · 16 يوليو 2008

:tek:يشرفني اني اول من بيرد عليج

تقولين خذتي قاعده بحياتج (سوي خير وقطه بحر )

يعني انتي جاوبتي نفسج بنفسج

ادري انج منقثه منها بس انت احتسبي كل اللي سويتيلها اياه لوجه الله سبحانه عشان تاخذين أجره ولاتنسين ان باللوح المحفوظ اهي وحماج مقسومين لبعض ومقسوم يجيبون هالذريه تمشي عالأرض وماانتي الا سبب لتنفيذ أمر الله سبحانه

تعاملي معاها وكأنها اخت او صديقه حتى لو ماردت عليج بالمثل لأن احنا قلنا انتي بتعاملينها زين لوجه الله سبحانه وماتبين منها شي انتي تبين الرضا من ربج

كسري الشيطان ولاتخلينه يفرح بمخالفتج لربج ياقلبي والله يهدي اموركم

Bent Abooooy Q8 · 16 يوليو 2008

عادي عطيها طاف وصدقيني مايتندم الا راعي الردى
ومردها بتولد وبيصير عندها مناسبات اكشتي فيها

ودي اسال · 16 يوليو 2008

مشكورين بس قولولي اخذ هديتي اذا مدتها و شلون اتصرف مع اختها جاية على الطريق لحماي الثاني

ودي اسال · 16 يوليو 2008

اشدعوة رددددددوا شسوي

][^lorans^][ · 16 يوليو 2008

يا انج تتعاملين معاها عاااادي مثلها جنج ماتعرفيننها شنو اتسوي سوي لها يعني عطتج هذيه ب دينار ردي لها الهدية هم دينار نفس المستوى ولا يهمج او انج اتصيرين الاحسن و تكسرين عينها بالزين يعني صيري احسن منها بكل شي شنو اتيبلج شنو اتسويلج انتي سوي الاحسن و مالج شغل فيها سوي الي انتي ترتاحين له و عادي واختها هم رحبي وهللي فيها عروسكم اليديده لا تنسين انتي مرت الكبير ولا لا

ودي اسال · 16 يوليو 2008

نعم مرت الكبير بس ابسال ليش اتعامل جذية هل هو خبث و لؤم

احساس طفلهـ · 16 يوليو 2008

][^lorans^][ قال:
يا انج تتعاملين معاها عاااادي مثلها جنج ماتعرفيننها شنو اتسوي سوي لها يعني عطتج هذيه ب دينار ردي لها الهدية هم دينار نفس المستوى ولا يهمج او انج اتصيرين الاحسن و تكسرين عينها بالزين يعني صيري احسن منها بكل شي شنو اتيبلج شنو اتسويلج انتي سوي الاحسن و مالج شغل فيها سوي الي انتي ترتاحين له و عادي واختها هم رحبي وهللي فيها عروسكم اليديده لا تنسين انتي مرت الكبير ولا لا

كلامج عين العقل ياقلبى

أم المزيون · 16 يوليو 2008

شوفي أختي أنا عن خبرتي أقولج عامليهاااا عادي وأكيد بتاخذين الهديه وأكيد بتييها مناسبات ذاك الوقت سوي مثلها عطيها نفس الهديه وبنفس الوقت بس ترا يمكن عندها ظروووف والله أنا أقول صيري أحسن منها وترى كله عشان الحموله أما أختها هللي فيها وباركيلهاا واهديها يمكن تصير أحسن منها

Candel in the Desert · 16 يوليو 2008

انا ما اشوف فيها وقاحة .. اذا اهي بالاربعين معذورة وبعدين انتي توج والدة واتعرفين شلون لما يكون عندج ياهل يمكن حتي السوق ما اطبينه .. وموفاضية لشي .. وفوق هذا ما تدرين شنو ظروفها .. وانتي لما زوجتيها بغيتي خير فلاتخربينه بسالفه هدية .. المغني الله ..يعني هديتها بتزيدج ولا بتنقصج؟؟ اذا هادتهم ما قصرت واذا ما هادتج ما تشوف شر .. ولما اتحمل مره ثانيه وتولد لا تهادينها ..

brettey · 16 يوليو 2008

واي ناكرين الجميل زادوا هالايام عادي يا قلبي على قوله المثل سو خير وقطه بحر واحتسبي الاجر من الله
مبين انج اصيله وخوش بنيه عسى الله يعوضج يارب

pretty sarona · 16 يوليو 2008

انتي قلتي سو خير وقطه بحر ,, و الخوات كلهم مو سوى يفرقون عن بعض لا تحكمين على اختها من تجربتج معاها ,, واهي معذورة يوم انها ما ياتج , انتي اهم شي لا تتمادين بالعلاقه وايد , هديه بسيطه اول الزواج و مع اول مولود و بس

cute-q8cat · 16 يوليو 2008

عادي
طاااااااااااااااااااااااف
لا دققين وايد عشان لا تتعبين

q8hadaya · 16 يوليو 2008

لاتضايقين بالمره

انتى سويتى الخير و يزاج الله خير

وبتبين الايام ان انتى ماقصرتى .... ولاتفكرين بهذا الموضع بالمره احسن لج

موفقه

الروووني · 18 يوليو 2008

عيب الهديه تردينها لو شنو بينكم ماتردينها
هاذي افعال بنات الحمايل على قولتج !!
ليش تدققين على هالأمور بالعكس أعذر المره ومتى مايت يت وأعاملها بنفس اسلوبها اذا هي هاذي نيتها وعلى قولتج اختها بتييكم يعني لازم تصفين النيه والخوات مو نفس الشي ولاتدققين على هالأمور لأنج بتعبيين نفسج حيل على أمور ماتسوى
تحياتي

أساور · 18 يوليو 2008

هذي فرصة تعرفين اطباع الناس ومن يوم ورايح خلج رسمية معاها وهذا انتي قلتيها سو خير وقطه بحر

داريني · 18 يوليو 2008

حبيبتي ليش حاره عمرج
على وحده ما تعرف الذوق
طنشي ولاتشغلين بالج فيها
انتي صيري احسن منها
وصدقيني راح ايي يوم من الايام وتعرف قيمتج
يا اصيلة

مرت حمد · 18 يوليو 2008

عطيها طاف ولا اتوجبينها بهاديا ولا شي و اتحرين روحج و سوي نفس اسلوبها

المعامله بالمثل حبيبتي

عاشقه الاسمرانى27 · 18 يوليو 2008

والله شكلك طيبوبه

حبيبتى سمعى منى

لين صار عندها شىء عادى جنك ما تدرين عن شىء

وحقريه ولا تعطيها ويها

وبس هدايا ترى والله ما ينقع بعينهم

تدرين ليش انا محترها لانى نفسج كل ما صار شى عند حماى وزجته اخدتلهم هديه سنعه ورحت

وانا الحمد لله اى شىء يصير عندى حتى ما يعبرونى....

وردة-الكويت · 18 يوليو 2008

وقحه هذي وخذي الهديه وقولي لها تو الناس الظاهر ذاكرتج تعبانه ومشكوره حبيبتي

واذا صارت عندها مناسبه سوي لها مثل ماسوتلج

شوفوا السنع اخر الزمن

New member

New member

New member

New member

New member

New member

New member

New member

New member

New member

New member

New member

عضوه موقوفة

New member

New member

New member

New member

New member

New member

New member