السلام عليكم ورحمة الله.....
بصراحه انا يديده بالمنتدى وحبيت اكتب لكم هذا الموضوع لاني متاكده انه راح يفيدكم وايد وانا الحمدلله يوم الاثنين الي طاف ملجت وماكنت بسوي حفله لكن قبل الحفله بيومين طلبوا مني اني اسوى حفله بصراحه توهقت خاصة اني الكبيره وماعندي غير اختي الي اصغر مني بسنه وبس والعذال من الاهل وايد كانوا يبون يضحكون علي بس لاني الحمدلله توكلت على الله وبكل هدوء جهزت كل شي وصارت الحفله رووووووووعه والكل انصدم من التنسيق مع ان انا واختي بس الي نسقنا
مابي اطول عليكم بس بكتب لكم كل شي شريته بالتفصيل:
اول شي الدبله خذيتها انا وحبيبي زوجي من محل ذهب اسمه مجوهرات الينبوع بشارع بن خلدون بحولي دبلتي كانت عباره عن تونز يعني 2فوق بعض وسعرها كان بالثمانينات بس حسبها اخر شي بالستينات ودبلة زوجي سعرها35د.ك
بالنسبه للنفنوف كنت موحاسبه حساب اني بسوي حفله فشريت من فروغي نفنوف ستان لونه سكري في وراه ذيل ومن عند الصدر كله شفاف تور بيجي موعارفه اوصفه بالظبط بس كان وايد وايد وايد ناعم وراقي وحلو والكل انصدم من سعره 39 دينار مع ان شكله بال100 وفوق وكان موديله غريب
باالنسبه حق البوفيه يبته من الشركه الوطنيه للتجهيزات الغذائيه الاصلي الي بالشويخ عالدائري الرابع وترى في منه تقليد ديروا بالكم كان البوفيه حق 50 شخص لان الحفله كانت محفوفه
كلفني 160دينار كنت خايفه حيل انه يطلع مو حلو وكنت بييب من رويال موفمبيك ب200دينار بدون حلويات بس هذا كل شي عليهم وارخص وكان وايد حلو الكل مدحه
اما الدي جي يبت وحده فضيييعه فضيعه فضيعه ولد خالتي قالي عنها اسمها اخلاص سعرها 50دينار والله العظيم انها تسك على احسن دي جي بالكويت وكل المعازيم خذوا كرتها
اما المصوره يبت وحده خذيت رقمها من الوسيط قلت بتوكل على الله واييبها اسمها دعاء الفلم تصوره ب30 دينار اليوم طلع البومي مسويتلي حركات تهبل ومسويه صوري على فلين وحركات اول مره اشوفها
اما مكياجي وتسريحتي كانوا حديث الجمييييع الكل انبهر من شكلي حطيت مكياجي في صالون انوار النصار بس مو اهي حطتلي وحده هنديه اسمها شوبا بصراحه جازفت بس والله ان الله عطاني على نيتي كنت خايفه ومتوتره خاصة اني كنت بروحي اختي مسكينه تعدل البيت وانا بالصالون بروحي بس حطيت مكياج لبناني والتسريحه كانت رومانيه المكياج حطيته ب30 مع رموش وكريم جسم وكريم الاساس كان لونه طبيعي مو ابيض طحينوهذا الي خلاني اكون ناعمه وطبيعيه
هذي كانت تفاصيل حفلتي الي كانت بسيطه وكل شي يبته رخيص بس للامانه كانت الحفله فخمه وراقيه وانا تعمدت اسوي جذي(اييب ارخص الاشياء)لان عرسي 18-8بقاعة الشيخ صباح الاحمد وبهاليوم راح اسوي عرس احلى وافخم مليون مره من الملجه
وانشالله راح اكون معاكم خطوه بخطوه عشان افيدكم واستفيد منكم مع العلم ان باقي شهر وماجهزت شي بس من الاسبوع الياي راح ابدء واتوكل على الله
ادري طولت عليكم بس حبيت انقل لكم كل شي بالتفصيل وصدقوني السعر مو مهم ذوقج واختيارج اهو الاهم وصدقوني الي خلاني اكون جميله ومتمييزه اهو اني اخترت نفنوف ومكياج ناعم خلاني اكون ناعمه وطبيعيه ومو المكياج او النفنوف الي يحلون الوحده بالعكس انتي الي تحلين نفسج
ونسيت اقولكم شغله صبغت شعري رمادي غامج وخصل بلاتينيه بصالون لاروج في ابوحليفه عند مليحه صبغتي بعد كانت حديث الكل
ناطره ردردكم واي شي تبون انا حاضر
اختكم:حنان
بصراحه انا يديده بالمنتدى وحبيت اكتب لكم هذا الموضوع لاني متاكده انه راح يفيدكم وايد وانا الحمدلله يوم الاثنين الي طاف ملجت وماكنت بسوي حفله لكن قبل الحفله بيومين طلبوا مني اني اسوى حفله بصراحه توهقت خاصة اني الكبيره وماعندي غير اختي الي اصغر مني بسنه وبس والعذال من الاهل وايد كانوا يبون يضحكون علي بس لاني الحمدلله توكلت على الله وبكل هدوء جهزت كل شي وصارت الحفله رووووووووعه والكل انصدم من التنسيق مع ان انا واختي بس الي نسقنا
مابي اطول عليكم بس بكتب لكم كل شي شريته بالتفصيل:
اول شي الدبله خذيتها انا وحبيبي زوجي من محل ذهب اسمه مجوهرات الينبوع بشارع بن خلدون بحولي دبلتي كانت عباره عن تونز يعني 2فوق بعض وسعرها كان بالثمانينات بس حسبها اخر شي بالستينات ودبلة زوجي سعرها35د.ك
بالنسبه للنفنوف كنت موحاسبه حساب اني بسوي حفله فشريت من فروغي نفنوف ستان لونه سكري في وراه ذيل ومن عند الصدر كله شفاف تور بيجي موعارفه اوصفه بالظبط بس كان وايد وايد وايد ناعم وراقي وحلو والكل انصدم من سعره 39 دينار مع ان شكله بال100 وفوق وكان موديله غريب
باالنسبه حق البوفيه يبته من الشركه الوطنيه للتجهيزات الغذائيه الاصلي الي بالشويخ عالدائري الرابع وترى في منه تقليد ديروا بالكم كان البوفيه حق 50 شخص لان الحفله كانت محفوفه
كلفني 160دينار كنت خايفه حيل انه يطلع مو حلو وكنت بييب من رويال موفمبيك ب200دينار بدون حلويات بس هذا كل شي عليهم وارخص وكان وايد حلو الكل مدحهاما الدي جي يبت وحده فضيييعه فضيعه فضيعه ولد خالتي قالي عنها اسمها اخلاص سعرها 50دينار والله العظيم انها تسك على احسن دي جي بالكويت وكل المعازيم خذوا كرتها
اما المصوره يبت وحده خذيت رقمها من الوسيط قلت بتوكل على الله واييبها اسمها دعاء الفلم تصوره ب30 دينار اليوم طلع البومي مسويتلي حركات تهبل ومسويه صوري على فلين وحركات اول مره اشوفها
اما مكياجي وتسريحتي كانوا حديث الجمييييع الكل انبهر من شكلي حطيت مكياجي في صالون انوار النصار بس مو اهي حطتلي وحده هنديه اسمها شوبا بصراحه جازفت بس والله ان الله عطاني على نيتي كنت خايفه ومتوتره خاصة اني كنت بروحي اختي مسكينه تعدل البيت وانا بالصالون بروحي بس حطيت مكياج لبناني والتسريحه كانت رومانيه المكياج حطيته ب30 مع رموش وكريم جسم وكريم الاساس كان لونه طبيعي مو ابيض طحين
وهذا الي خلاني اكون ناعمه وطبيعيههذي كانت تفاصيل حفلتي الي كانت بسيطه وكل شي يبته رخيص بس للامانه كانت الحفله فخمه وراقيه وانا تعمدت اسوي جذي(اييب ارخص الاشياء)لان عرسي 18-8بقاعة الشيخ صباح الاحمد وبهاليوم راح اسوي عرس احلى وافخم مليون مره من الملجه
وانشالله راح اكون معاكم خطوه بخطوه عشان افيدكم واستفيد منكم مع العلم ان باقي شهر وماجهزت شي بس من الاسبوع الياي راح ابدء واتوكل على الله
ادري طولت عليكم بس حبيت انقل لكم كل شي بالتفصيل وصدقوني السعر مو مهم ذوقج واختيارج اهو الاهم وصدقوني الي خلاني اكون جميله ومتمييزه اهو اني اخترت نفنوف ومكياج ناعم خلاني اكون ناعمه وطبيعيه ومو المكياج او النفنوف الي يحلون الوحده بالعكس انتي الي تحلين نفسج
ونسيت اقولكم شغله صبغت شعري رمادي غامج وخصل بلاتينيه بصالون لاروج في ابوحليفه عند مليحه صبغتي بعد كانت حديث الكل
ناطره ردردكم واي شي تبون انا حاضر
اختكم:حنان
