كويتيات للطبخ

العودة   منتديات كويتيات النسائية > >

السياحة في وطني الكويت قسم يختص بالمعالم السياحيه في دولة الكويت


رحلتي لأسواق الجهراء وناسه في وناسه

السياحة في وطني الكويت



موضوع مغلق
 
أدوات الموضوع إبحث في الموضوع انواع عرض الموضوع
قديم 01-07-2008, 07:01:40 AM   #1
ودي***أفرح
كــويــتــيــة ذهــبــيــة
 
الصورة الرمزية ودي***أفرح
 
تاريخ التسجيل: Apr 2008
المشاركات: 1,202

Ta3alo رحلتي لأسواق الجهراء وناسه في وناسه


السلام عليكم

شلونكم خواتي شخباركم .... اليوم حابه أكتب لكم عن تجربه جديده مريت فيها وبصراحه استانست

فيها حييييييييييييييل وخصوصا إني كنت محتاجه لها بعد أشهر طويله من الدوام المدرسي وبعد

التصحيح اللي يهد الحيل .....

المهم إني متعوده بعد نهايه العام الدراسي احتفل بهالمناسبه السعيده أنا وعيالي وزوجي

فأول يوم إجازه نروح مطعم ويكون باختيارهم ونقضي اليوم كله بره.

وبالنسبه لي أحب أسوي New look يعني أقص شعري وأصبغه اشتري هدايا لزوجي وعيالي.

بس هالسنه كانت مختلفه تماما وما راح أطول عليكم وأقولكم القصه بالتفصيل...

ومثل ما قلت لكم في البدايه عن التصحيح وهمه فأول شئ خلصنا تصحيح مراحل النقل العاشر

والحادي عشر ومدرستنا كبيره يعني أعداد الطالبات ...... وبعدين دخلنا على تصحيح الثانويه العامه

ما إني ما رحت إلا فترتين بس صراحه شئ لا يطاق تعب وازعاج ... وما عطلنا إلا يوم الاربعاء اللي

طاف وكان يوم الهنا ...... وحسيت إني محتاجه إلى فتره راحه ويومها كانت سفره زوجي لمصر

علشان أمور الدراسه وكان زوج بنت خالتي بيروح معاه ...


وهنيه طرت علي فكره جهنميه فطلبت من زوجي إني أروح أزور بنت خالتي وأنام عندها وبعد


معاناه ومحاولات لاقناعه أنا وعيالي وافق والحمدلله .... وعلى طول شلت قشي وعيالي


وطيران على الجهراء لان بنت خالتي سكنت بيتها الجديد في مدينة سعد العبدالله وكانت دايم تحن علي


إني أزورها بس ما كان عندي وقت ولما حانت الفرصه سويتها مفاجأة وقلتها على الخبر السعيد


وهى كانت دايما تسولف لي عن أسواق الجهراء وصالوناتها فقلت لنفسي هذه أحسن فرصه


وبدينا المشوار أو الرحله فأول يوم كان يوم الاربعاء بعد صلاة المغرب رحنا سوق اسمه (مجمع القصر)


وكان فيه مذركير وبودي شوب ومحلات اكسسورات والشايع فأخذت ملابس لعيالي من مذركير


وبخور من الشايع ....وكان فيه سوق شعبي اسمه الشاهبندر الامارات عجبتني الكفرات اللي عندهم


وأخذت منهم كفرين واحد بيج فبني والثاني بنفسجي ...


بعدين طلنا ورحنا سوق شعبي ثاني وعجبني عندهم شغله حلوه اللي هي كتابه الاسم اللي


تبينه ويحط عليهم الليتات اللي على شكل قلوب فطلبت منه يسويلي وحده باسمي واسم

زوجي ويحط بينهم قلب حب وبصراحه كانت روعه وعجبت زوجي حييل وهذه صوره لجزء منها




واشتريت بعد من محل ابو ميه أشكال قلوب وهذه نثرتها في الغرفه كلها ولصقت منها على الطوفه


وكان شكلها رهيب ....



بعدين قررنا إنا نرجع البيت لأن الوقت تأخر ..... ومرينا مطعم ماكدونالدز وأخذنا عشا حق عيالنا.


صراحه ثاني يوم كان حافل جدااا ..طلعنا الصبح الساعه عشر وأول سوق دخلناه كان مجمع

جديد اسمه أوتاد فيه شغلات حلوه أخذت من نعومي قميص نوم دانتيل أحمر فظيع ...

ومن عند حناين للملافع أخذت ملفع فيه شوارفسكي بسيط .... ومن محل اشتريت عدسات


نفس اللون اللي بالصوره ماركه fresh look



وبعدين رحنا لصالون راقي جداا اسمه كيو كير وصاحبه المحل أقبال الاحمد ...المهم أول شئ

سويت جلسه نضاره للبشره وصار وجهي يلمع ....

وهناك شفت وحده تصبغ شعرها وصراحه احتريت فقررت إني أصبغ شعري وقمت أقلب المجلات

يمكن ألقى لون يعجبني فلقيت لون وقصه نفس اللي ابيهم وهو مقارب تقريبا للصوره اللي بتشوفونهاا




وبصراحه ما ضبطت اللون والقصه نفس اللي ابيه بالضبط ولكن كان حلو واللي تحسفت عليه شعري

لأنه كان طويل وتنتف بالقص....

المهم طلعنا من الصالون على الساعه 7:30 . وكان قريب عنده الركز الفرنسي للعطور

فاشتريت عطر فرساتشي لزوجي وأنصح أي وحده تشتريه لزوجها لان عطره حلوووووووو





واشتريتلي عطر زين وهذا عطري المفضل




أكيد مليتوا وراح تقولون احنا شكو فيها شنو شرت .... بصراحه أنا حبيت أنقل لكم شنو صار معاي

لما رحت أسواق الجهراء.


اليوم الثالث طلعنا المغرب مرينا الخيمه مول وأخذت منهم بيجامات للبيت وكم ماعون للمطبخ


ورحت محل فيه جناط تقليد ماركات درجه أولى وأخذت جنطه بولغري اللون السلفر..


وبعدين رحنا سوق اسمه المنار وأول محل دخلته كان أمل الكويت اخذت منهم بخور المعاريس.


ومرينا بعدين كم سوق وتعرفون الحريم ما تشبع من السوق ....

في اليوم الرابع سلمنا على ربعنا اللي تحملونا 3 أيام ورجعنا بيتنا سالمين غانمين

ننطر أبو العيال يرجع بالسلامه والحمدلله السفره ما طولت ورد أمس العصر.....


أتمنى إنكم ما زهقتوا من سوالفي ......أنتظر رددودكم لا تبخلون علي ....



__________________


[ عندي نفنوف عروس راقي خامته دانتيل للي يحب الذرابه والذوق الكلاسيك يراسلني ]


ودي***أفرح غير متواجدة حالياً  
قديم 01-07-2008, 07:13:29 AM   #2
ذهب
كــويــتــيــة فــعــالــة
 
الصورة الرمزية ذهب
 
تاريخ التسجيل: Jun 2008
المشاركات: 373

افتراضي رد: رحلتي لأسواق الجهراء وناسه في وناسه


انا سمعت وايد عن اسواق الجهراء لكن عمري مارحت اصل انا ما أدل الجهراء يقولون معروفين بالكفرات الحلوة بس تدرين عليج بالعافية الله يهنيج بما شريتي



ذهب غير متواجدة حالياً  
قديم 01-07-2008, 07:14:56 AM   #3
fona
كــويــتــيــة بــرونــزيــة
 
الصورة الرمزية fona
 
تاريخ التسجيل: Feb 2008
المشاركات: 722

افتراضي رد: رحلتي لأسواق الجهراء وناسه في وناسه


يعطيج العافيه حبوبه على التقرير الحلوووو

بس حبيبتي ممكن اعرف من وين اقدر احصل الليتات اللي على اسامي بس يكون قريب من المناطق الداخلية لانه ابعيدة على الجهرا حيل وسامحيني اذا طولت عليج



fona غير متواجدة حالياً  
قديم 01-07-2008, 07:17:55 AM   #4
Shestylet
من كبار شخصيات كويتيات
 
تاريخ التسجيل: Oct 2006
المشاركات: 5,996

افتراضي رد: رحلتي لأسواق الجهراء وناسه في وناسه


مشكوة حبيبتي



Shestylet غير متواجدة حالياً  
قديم 01-07-2008, 07:22:22 AM   #5
][ استكانة جاي ][
كــويــتــيــة نــشــيــطــة
 
تاريخ التسجيل: Jun 2008
المشاركات: 173

افتراضي رد: رحلتي لأسواق الجهراء وناسه في وناسه


وناسة






حلو انج تسوين نيولوك بعد هـ الضغط من الدوام



][ استكانة جاي ][ غير متواجدة حالياً  
قديم 01-07-2008, 07:39:48 AM   #6
عـشـــ كويت ــقـــي
كــويــتــيــة فــضــيــة
 
الصورة الرمزية عـشـــ كويت ــقـــي
 
تاريخ التسجيل: Oct 2007
المشاركات: 788

افتراضي رد: رحلتي لأسواق الجهراء وناسه في وناسه


هلا وغلا ..
كنتي مسيره عندنا لمدة ثلاث ايام واحنا ماقمنا بالواجب ..
اسفين والله ماادرين عنج ..
وحيااااااااااج الله بالجهرا .. والمنطقه منطقتج .. وتتدرين ذكرتي اشياء موجوده عندنا وانا ماادري عنه .. ترا انا مااحب السوق واايد .. وعلى فكرة زوارتج الثانيه لنا روحي لزهور الريف تبطل عندنا اختي امس رايحه وشاريه جم شغله من هناك وعجبني اكثر من بودي شوب .. وبالنسبه لااسمي اللي فيهم ليت .. وين؟؟ خل اروح احوس عندهم شوي ..




__________________





عـشـــ كويت ــقـــي غير متواجدة حالياً  
قديم 01-07-2008, 07:46:01 AM   #7
@ دهن العود @
من كبار شخصيات كويتيات
 
الصورة الرمزية @ دهن العود @
 
تاريخ التسجيل: Dec 2005
المشاركات: 6,572

افتراضي رد: رحلتي لأسواق الجهراء وناسه في وناسه


ماشاءالله تبارك الله

الله يهنيج يااااااااااااااارب



__________________

مـــــــــاشاء الله تبـــــــــــــارك الله ولاحـــــــول ولا قـــــــوه الا بالله

【 اللـهم ارزقهم أضعاف مايتمنونه لي 】
@ دهن العود @ غير متواجدة حالياً  
قديم 01-07-2008, 07:54:21 AM   #8
أميره بأخلاقها
كــويــتــيــة ذهــبــيــة
 
الصورة الرمزية أميره بأخلاقها
 
تاريخ التسجيل: Jun 2008
الدولة: Ӄųώậỉț♥
المشاركات: 1,899

افتراضي رد: رحلتي لأسواق الجهراء وناسه في وناسه


ويييييي زعلت تجين الجهراا وما تمرين علينا
اذا جيتي مراا ثاانيه لازم تزوورينا ........... اوكيـــــــــــــــــــــ ـه
وياا حساافه طاافج ماارحتي سليل حلوو كل شي تبينيه موجود فيه
منتجع ومحلات ملابس وعطوراات وبيجاامات وكرمكم الله نعاال وجواتي وهم فيه طفل المستقبل ومطااعم
وحديقه براا والله خووش مكاان يعجبج اذا رحتي لأختج مرا ثاانيه زوريه ترااه خوووش مكــاان



أميره بأخلاقها غير متواجدة حالياً  
قديم 01-07-2008, 07:55:48 AM   #9
الغاليه نونو
من كبار شخصيات كويتيات
 
الصورة الرمزية الغاليه نونو
 
تاريخ التسجيل: Oct 2006
الدولة: بقلب الشايب فدبته
المشاركات: 10,924

افتراضي رد: رحلتي لأسواق الجهراء وناسه في وناسه


عليج بمليووووووون عآفيه وآلله شوقتيني آروح آلجهرآ مشتهيه آتمشآ فيهآ وبآلاسوآق آلشعبيه يقوون آنهآ خووووش آسوآق مومثل آلديره يبيله روحه للجهرآ دآم آلمعآش علابوآآآآآآآآآآآب"



__________________
الغاليه نونو غير متواجدة حالياً  
قديم 01-07-2008, 08:19:45 AM   #10
أم حمود2
كــويــتــيــة فــعــالــة
 
تاريخ التسجيل: Jul 2007
الدولة: قلب بوحمود
المشاركات: 305

افتراضي رد: رحلتي لأسواق الجهراء وناسه في وناسه


عليج بالعافية وحمد الله على سلامة زوجج وما شاء الله عليج ذوقج حلو ويستاهل بو الشباب وخووش رحلة وحلوة سالفة الاباجورات ومشكورة



أم حمود2 غير متواجدة حالياً  
قديم 01-07-2008, 08:21:19 AM   #11
قهوة برية
من كبار شخصيات كويتيات
 
الصورة الرمزية قهوة برية
 
تاريخ التسجيل: Jul 2006
الدولة: In Big Apple City
المشاركات: 7,425

افتراضي رد: رحلتي لأسواق الجهراء وناسه في وناسه




ماشالله

بالعكس استمتعت بتقريرج الأكثر من رائع

ومبروك ع نيولوك وعليج بالعافية


وعشقي كويت

فديتج وين القى زهور الريف بأي مجمع ...؟!!!




__________________


اللهم لاتسلط علي بذنبي من لايخافك ولايرحمـني ،،،،،،
قهوة برية غير متواجدة حالياً  
قديم 01-07-2008, 08:27:41 AM   #12
وجدان الكويت
من كبار شخصيات كويتيات
 
الصورة الرمزية وجدان الكويت
 
تاريخ التسجيل: Sep 2007
المشاركات: 6,274

افتراضي رد: رحلتي لأسواق الجهراء وناسه في وناسه


عليج بألف عاافية الاغراض اللي شريتيها

بس بسألج عن الليتات للي على اسامي من وين ماخذتها اي صوب بالجهرا؟؟؟



__________________
(( اللهم أجعل قبر أبي روضة من رياض الجنة ولاتجعله حفرة من حفر النار,,اللهم افسح له في قبره مد بصره وافرش قبره من فراش الجنة)))
الله يرحمك يالغــــــاالي
وجدان الكويت غير متواجدة حالياً  
قديم 01-07-2008, 08:28:13 AM   #13
كيوتيه
كــويــتــيــة ذهــبــيــة
 
الصورة الرمزية كيوتيه
 
تاريخ التسجيل: Sep 2007
الدولة: عشقـــــــــــ الكويت ــــــــــــي
المشاركات: 1,901

افتراضي رد: رحلتي لأسواق الجهراء وناسه في وناسه


مشكوووره حبيبتي



__________________
اقتباس:
واي يحلاتي حدي كلاسك
كيوتيه غير متواجدة حالياً  
قديم 01-07-2008, 10:20:29 AM   #14
*مارلين_مونرو*
من كبار شخصيات كويتيات
 
الصورة الرمزية *مارلين_مونرو*
 
تاريخ التسجيل: Dec 2006
الدولة: وطـن النـهـار
المشاركات: 6,152

افتراضي رد: رحلتي لأسواق الجهراء وناسه في وناسه


عليج بالعافيه حبيبتي والله يبيلنا روووحه



__________________
*مارلين_مونرو*

*مارلين_مونرو* غير متواجدة حالياً  
قديم 01-07-2008, 11:11:00 AM   #15
ودي***أفرح
كــويــتــيــة ذهــبــيــة
 
الصورة الرمزية ودي***أفرح
 
تاريخ التسجيل: Apr 2008
المشاركات: 1,202

افتراضي رد: رحلتي لأسواق الجهراء وناسه في وناسه


مشكورييين خواتي على الكلام الحلووووووووووو .... وبالنسبه لبنات الجهراا صراحه ذوق وإن شاءالله مره ثانيه بسير عليكم....

أختي عشقي الكويت ذكرتيني بزهور الريف لاني كنت ناويه ادخله ونسيت إن شاءالله الزواره الثانيه.

وبالنسبه للاضاءه اخذتها من سوق على ما اعتقد اسمه الوزير....

ومشكوريين مره ثانيه على المرور



__________________


[ عندي نفنوف عروس راقي خامته دانتيل للي يحب الذرابه والذوق الكلاسيك يراسلني ]


ودي***أفرح غير متواجدة حالياً  
موضوع مغلق

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن حسب دولة الكويت : 01:07:40 PM.