مسوية جراحة فك .....قولي تجربتج هني

قوه بنات

طبعا انا هالموضوع جدا حساااااااااااااس بنسبه لي لانه متعب نفسيتى وايد والدكاتره اكدو انى محتاجه هالعمليه بس خاااااااااايفه لانى اعرف وحده تغير شكلها صارت تخرع


ابي كل وحده تكتب تجربتها بليزز



1- عند اي دكتور سويتى العمليه؟

2- جراحه فك اللى تحت ولا اللي فوق ؟

3_يعور ولا لا هذا اهم شيء؟


4-والنتيجه؟


5_في بنج كامل ولا لا؟





نااااااااااااااااااطره ردودكم :gathering:

banj bas mokan el fak,mo general,o marrat y7e6on dressing 3al elmokan lazem yebga fe el fak lemodat 10/ 12 youm ,

salamat sweetie

الله يسلمج براداااااا

بنات شدعوه بس وحده راااااده

18 وحده داشه


ليش مافي ردود

انا مثلج بعرف اكثر عن هالعملية
بس ترى انا كنت مشتركة بقروب بالياهو خاص بجراحة الفك طبعا الاعضاء كلهم امريكان ويتكلمون عن دكاترتهم بس المهم المعلومات اللي خذيتها
الزبدة ان النتيجة تسوى التعب اللي بتمرين فيه
اول اسبوع الى 10 ايام بيكون فيه شوية دم ينزل من الخشم اذا كنتي مسوية للفك العلوي
بس بعد 10 ايام ماكو شي
الاكل كله سوائل وعصير لمدة 10 ايام الى اسبوعين بعدها تاكلين اشياء لينه حيييييل مثل الجلي وكريم كراميل وبطاطه مهروسه وهالسوالف
لازم اي شي تاكلينه تنظفين اسنانج اييي شي حتى لو شاربه عصير ولا حليب عشان لاتتكون بكتيريا مكان الجرح
وعلى طول تتمضمضين بماي وملح
الويه راح يكون حييييل وارم فلازم يوم العملية تحطين 20 دقيقة كمادات باردة و 10 دقايق تشيلينها و تردين 20 دقيقه كمادات باردة و 10 دقايق تشيلينها وهكذا لمدة 24 ساعه
طبعا بتكونين بالمستشفى وبيساعدونج الممرضات وقالولي فكرة حلوة للكمادات الباردة
ماكو جياس الخضار المجمدة اللي بالجمعية خصوصا البزاليا لانها كور فتقدرين تحطين الجيس على ويهجويتشكل حسب المكان اللي حطيتيه عليه
فييبيلج جم جيس وخليهم بالفريزر استعملي واحد ورديه وطلعي اللي وراه ورديه وهكذا احسن من جياس الثلج لانه بيذوب وبيتلفج ماي واساسا الثلج بيكون اكبر يمكن يعورج

طبعا اسنانج بيكونون مثبتين على بعض يعني فكج مسكر عشان يبني العظم والعضلات بالموقع الجديد للفك
ممنوع منعا باتا الكلام
يبيلج السبورة العنونه ولا دفتر وقلم وكتبي اللي تبينه
لاتحاولين تتكلمين ولاتحاولين تبطلين حلجج حيل يادوب وقت التنظيف شي بسيط واول الايام بيكون التنظيف صعب تالي يصير اسهل مع الوقت
النتيجة الللي تحسين فيها فرق يعني بتبين عقب 3 الى 4 شهور
والنتيجة شبه النهائية بعد 6 شهور بيكون الوضع شبه طبيعي
لكن بعد سنه بيكون العظم 100% ملتئم
بس مو معناته ان قبل سنه ماراح يبين لا
عادي بعد 3 الى 4 شهور بيكون الوضع اوكي وهم لازم تحافظين ماتجهدين فكج بالكلام او تاكلين اشياء لازم تعلجينها وايد مثل التمر والتوفي والعلج

وان شاء الله العملية بتكون سهله
هي النس متخوفين منها لانها داشة بالفك ويخافون بعد لان مدتها طويله 6 ساعات تقريبا بس الدكتاور اللي بيسويها ان شاء الله بيكون متخصص وماكو الا العافية

تقصدين الجراحة التجميلية أو العلاجية ؟؟؟

لا هي تكون علاجية بسبب خلل بوظائف الفك مثل خلع المفصل او الالم عالجانبين او ان الفك يكون متقدم او راجع ورا
لاحظوا احنا نتكلم عن الفك مو الحنج

حرااااااااااااااااااااام عليج روز هونت مااااااااااااااااااااااااااااااابي 6 ساعات


لايبه

وماتكلم لووووووووووووول

صعب

انا دوامي كله تلفونات واستقبل شكاوي الناس هالمره يطردوني بصراحه


انا كنت بسويها بخاص عياده الميدان بس شلون انام بالمستشفى وانا بعياده ؟؟؟

صعبة بصراحه

انا من سويت التقويم فكي اللى تحت رجع ورررررررررررررى فاسنانى ما يطابقون كلش

ضايق خلقي صج


وقالى بس حق فكج اللى تحت


الله يعطيج العافيه روز



يالله بنات نبي تجاربكم بلييييييييييييييييز

عادي حبيبتي 6 ساعات انتي نايمة ماراح يفرق معاج الوقت ماراح تحسين فيه اصلا
والكلام لاحقة عليه لوووول
والدكتور اكيد بيكتبلج تقرير حق الدوام عشان يراعونج بهالموضوع
وترى العملية مو بالعيادة
الدكتور نائل قالي على ماتخلص مستشفى الميدان اللي بالبلاجات حاليا هو يسوي العملية بدار الشفا
واعتقد هالسنه او السنه الياية بيفتحون مستشفى الميدان وبتكون مجهزة من مجاميعو حق هالعملية
لاتخافين قلتلج الكل أجمع ان النتيجة اللي حصلوها تسوى التعب
وبعدين انتي بس الفك السفلي انا شقول اثنينهم فوق وتحت

انتى بعد عند نائل ؟؟


والله انا خايفه وايد


جم قالج السعر ؟؟ انا قالي 1500





انا الحين مسويه زراعه عنده ماشالله ايده صج خفيفه





انا فكرت اسوي جراحه فك بالاميري بس دكتوري التقويم قالي موعد يعطونج بعد سنتين



روز انتى خلاص قررتى تسوينها:ggdw:

انا دوامي صعب انى اطلع وخاااااااصه انى بالوزاره نفسها وبعدين انا بروحي ماخذه اجازه امومه وبداوم شهر 9

احس انه صعبه

انزين مادري اهو قصده 1500 سعره بروح
يعنى مع دار الشفاء ؟؟ ولا هم مستشفى لهم سعر ؟؟؟


معقوله بنام 10 ايام بدار الشفاء

انا عقب ما طلعت من العمليات نوموني مده يوم كامل بالملاحظه وخلوني على مضخه المورفين يعني مبنجه
طبعا انا دكتوري كان مجرم طلعني عقب يومين ومعروف هالجراحه ماتطلعين الا عقب 10 ايام بس الحمدالله عدت
دكتوري اسمه عماد النجاده بالبابطين
على حد علمي لي الحين الخاص ما تجرء وسوا هالعمليه لان فيها نقل دم وفيها ليله بالعنايه المركزه
العمليه تغير الوجه تغيير كامل بس تغيير للاجمل
معروف الفك السفلي يخلي الوجه طوالي وعقب الجراحه الويه يصير مدور واقصر
بس المشكله ان الخشم يتغير مكانه ويفرش وانا حاليا محتاجه لعمليه تجميل انف بس قالي لاتسوينها الا عقب سنه من الجراحه
اي استفسار انا حاضره

هلا ام جوري
انا مو 1500 لان تعديل الفكين العلوي والسفلي حشا الفك المفترس ههههههههه
فاحتمال يطلع حسابي 4000 او 5000
وماقالي اذا من ضمنه فلوس المستشفى او لأ
الاحسن انج تسألينه بنفسج عن هالموضوع
لان كل حاله لها سعر يعني انتي اكيد حالتج مو مثلي عشان جذي بس الفك السفلي
انا طبيعي بيكون اغلى
وحتى النقاهة احتمال كبير تكونين اخف مني
فالاحسن انج تجمعين استفساراتج وتروحين تسألينه عن كل شي
لاسمعتي مني مناك بتخافين بس لا شرحلج الطبيب بالتفصيل بترتاحين اكثر
والدكتور ترى وااااايد سمعته زينه وممتاز وانا ناوية اسويها عنده يا شهر 10 او بعطله الربيع
الارجح بعطلة الربيع عشان اختي مايكون عندها جامعه وتبات عندي بالمستشفى احتمال احتاج شي واحسن لاصار احد من اهلي معاي

دانتيلا
عاد دكتورج يمدحونه حيييييل بس مثل ماقلتي الحكومة مسرع ما يقضبونج الباب
وانا عاد شالله حادني
والدكتور نائل كان يسوي هالعملية بالاميري وكان متخصص بالحالات المشوهة من الحوادث الله يكافينا الشر بس سمعته ممتازة جدا
وهو بنفسه قالي انه الحين يسويها بالشفا لين يفتحون مستشفى الميدان

بس مو كل الحالات ترى فيها نقل دم في حالات نفس ام جوري مثلا ما اظن تحتاج نقل دم وحتى ما اظن بتطول 6 ساعات احتمال 4 ساعات بالكثير وتخلص

بس بسألج عن الخشم يفرش وايد يعني يصير خنفورة؟ ولا يفرش شوي؟
وماتدرين اذا يصير بنفس العملية اسوي فك وخشم دام مبنجيني اخلص وافتك؟

والحين شكثر صارلج من سويتيها؟ وشلون النتيجة؟ والكلام والاكل عادي ولا لأ؟
وبسألج بعد عن التقويم انا قريت بموضوع انج حاطته من كان عمرج 25 والحين انتي 29 وماشلتيه ليش؟
انا كبرج وحطيت التقويم قبل سنه والدكتور قالي بعد سنه ونص او سنتين تسوين فكج ونخلي التقويم بعدها 6 شهور وينشال
مادري اخاف تقويم الحكومة يطول انا قبل كله اسمع ان مواعيدهم بعيدة عشان جذي يطول لان ماشاء الله ضروسي وااااايد تسنعوا خلال سنه مااظن بحتاج 4 سنين

لا خيتي مايصير بنفس العمليه لان بكون حلجج مسكر من عمليه الفك واذا عمليه الخشم بسكرون خشمج من وين تتنفسين ؟؟
وعمليه الفك نفسها متعبه فصعبه عليج انتي ولا الدكتور مايهمه
عموما بالحكومه ومانطروني وايد الي نطرني وايد مرحله علاج التقويم لان سويت التقويم على كبر كان عمري 25 لمن بديت فياخذ وقت معاي على ما تتحرك اسناني لان التقويم شي اساسي حق عمليه الفك

اهم مايحطون التقويم بس عشان تتحرك الاسنان وتترتب .... لا يحاولون بالتقويم ان يحركون الفك نفسه بعد على امل ان يتحاشون الجراحه .... انا عقب الجراحه ب 3 اشهر شلت التقويم وعطاني دكتوري الي بالاميري تقويم مؤقت احطه واشيله طبعا انا ماحطيته الا مره وحده لان ذبحني
نسيت ماجاوبتج على الخشم
انا ماكان خشمي كبير كان ملموم بس عقب العمليه ماقص عليج فرش وخنفر لان اهو بعمليتي رفعلي فكي العلوي عشان يطلعلي خدود بعد فارتفع معاه الخشم عاد تخيلي شلون صار شكله ههههههههه عموما كلشي يتعدل دام الصحه موجوده

والله هذا اللى موخفنى لانى اعلرف وحده صارت تخرع مو بس خشمها حتى عيونها اطلعت بره

بصراحه انا هونت

انا اساسا كااااااااااااااااااان واالله مافينى شيء بس من حطيت التقويم صار الفك داش داخل
ودكتوري الهندي بالاميري يقول انتى فكج من زمان جذي بس لانه اسنانج كانو عفسه وايد ومو مبين بس لما تعدلو وصارو سيده بين الفك ويقول تقويم ما ه علاقه بالفك بس بالاسنان

ودكتور نائل يقول احتمال من التقويم

والله احترت
خلاص هونت والله يليت ما ركبت التقويم حساااااااااااااااااااااافه
نفسيتى صج تعبت

دكاتره الفك المعروفين والمقيدين بالمستشفيات هم د عباس الرامزي د نشأت بالاميري ومعاهم د محمد المصري



ود خالد بالعدان



سألوهم واخذوا الصج منهم لان هذولا ما يبون فلوسكم نصيحه مني لكم

مشكورة دانتيلا على الرد
خلاص دام جذي ننطر ونعدل الخشم بعدين شورانا
اعتوقع قالج سنه لان هو بعد سنه يلتئم العظم تماما وتبين النتيجة النهائية

حبيبتي امنياتي انا مسويه جراحتي بالحكومه مو بالخاص واظن دكتور عماد النجاده مشهور

ونسيت اقول شغله حاليا مستشفى الاميري مايسوي هالجراحه بسبب ان قسم العمليات عنده موقف عشان الصيانه او شي مثل جذي عشان جذي انا حولوني البابطين عند دكتور عماد النجاده