مستشفى شركة النفط

السلام عليكم بنات منو ولدة في هالمستشفى قيصريه او طبيعي واي دكتور زين؟ ياليت تفيدوني ضروري

وعليكم السلام

انا جربت العمليه عند هم مرتين قبل 11 سنه كانو يهبلون يدلعون الوحده

وجربتهم قبل 4 سنين تحسفت اني سويت العمليه عندهم جرحي ماتسكر الا بعد 35 يوم لان شالو الخيط ثالث يوم

يعاملونج عدل اذا عندج واسطه بس

الله يستر في وحده جربتها هالايام؟؟؟؟؟؟؟؟؟؟؟؟؟؟

لولو الذكية قال:

و آنا بعد أبي أعرف شلون المستشفى بالولادة و شلون الغرف ؟؟؟؟

الحين أراجع عندهم عند الدكتورة سناء بورسلي و الصراحة المكان روعة و أدوية المستشفى بعد ممتازة و ما يلعبون بالوحدة

بس ترى المستشفى راح يسكر بعد فترة لمدة أربع أو ست سنين للتجديد و راح يحولون موظفي الشركات على المستشفيات الخاصة

و ياليت نشوف تجارب اللي ولدوا فيه عشان نستفيد​

أنقر للتوسيع...

انا راجعت عند سناء اول حملي بس بعدين هونت عن المستشفى الدكاترة كله مستعيلين وما يعطون من وقتهم

بس شدراج انهم بيسكرون ؟ مصادر موثوقة ؟

شالسالفه محد يبي يفيدنا بشي؟

لا عروبه شدعوه بس ترى رواد هالمستشفى ينعدون عالاصابع

و في موضوع سابق عن المستشفى بس مادري وينه

ناس تمدح وناس تذم

وين الامشاركات فيدونا

حبيباتي خواتي أنا والده عندهم شهر 5 /2007 ومن قبل الولاده بعشر أيام كان عندي مراجع وشافو نسبة السكر عالية عندي ودخلوني المستشفى عنهم عشر أيام بعدين ولدت عندهم الصراحه عناية ممتازه ووالولاده ممتازه وبالهم طويل عليج تبين الكمام أو الإبره عادي إنتي إلي تختارين بس عيبهم غرفهم الخاصه اربع غرف بس للوالدين فتح بطن أو عندهم مشاكل صحيه مع الحمل والباقي غرف عموميه لأربع أسره والسرير نفس أسرة المستشفيات الخاصه والخدمة بعد نفسهم وفي غرف عمومية بس فيها سريرين والمشكله في هالمستشفى الحمامات يعين الغرفه بو سريرين العمومية فيها حمام مشترك مع غرفه ثانية يعني الحمام له بابين لغرقتج والغرفه إلي جنبها والعمومي بو اربع أسره حمامه بالجناح بس إذا تبينهم يغسلونه كل ما تبين تدخلين عادي ما يقولون شي بس الصراحه المكان ضيق والزوار مالهم مكان يعني كرسيين وبس اشلون مستشفيات الحكومه غرف العمومي ضيق والغرف الخصوصية ضيقه جذي بس الولاده عندهم حلوه والكمام الصراحه يغنيج عن الإبره وايد حلو طول ما إنتي تطلقين وهو مركب عليج الصراحه يخدر الجسم بس ما تنامين يعني وقت الولاده ما تحسين بالولاده بس أول ما يطلع الجاهل منج تنامين ما توعين إله ونتي الغرفه صارلج مده والده أنا الصراحه ما جربت الإبره عندهم وكانت وحده من الزميلات معاي بالمستشفى أولدت فتح بطن وخذت الإبره تقول إحساس حلو أنج تشوفين الياهل طبعا في ساتر بينج وبين مكان العمليه وممكن أمج أو زوجك يدخل معاج بس حين الولاده يطلعون وبس خلصت القصه جني قرقت وايد

مشكورة على هالوصف الحلو خليتينا انعيش الجو

بس حبيت اسأل

صج دكتورج اللي تراجعين عنده ما يولدج ؟ انتي وحظج منو يكون دكتور الخفارة ؟

و شي ثاني بغيت اسأل عنه انا سمعت انج لما تولدين المكان مفتوح بينج وبين اللي تولد يمج بينكم بس برده ؟ صج و الا لا ؟ و اهلج يكونون قراب يشوفون كل شي و الا ما يدرون عنج ؟

انا ولدت عندهم هم عنايتهم حلوة بس انا حظي اقشر بختصرلج الموضوع ولاهي سالفه طويله بس اذا جيتي تراجعين الدكتوره قوليلها ابي خياطه لو ماطلبتي ماراح يسوولج

قولي لنا قصتج خل نستفيد

انا بالشركه محد دز اميل !!!

اللي اندز استبيان افيد انه على ما اصلحون المستشفى هل تبون اتعالجون بمستشفيات خاصه !
هذا اللي وصل

حتى انا زوجي ما قال لي عن هالخبر

خل اسأله اليوم مرة ثانيه

سألت ريلي يقول استبيان اللي راسلينه للحين ما قرروا يسكرونه

هلا حبايبي إللي قاله لي زوجي عن الإيميل فيه : إن بيسكرون المستشفى من أربع لي ست سنين و معاه استبيان يحدد فيه الموظفين المستشفيات الخاصة إللي ودهم يعالجون فيها هالفترة

بس اتوقع إن السالفة مطوله يعني السالفة تحت الدراسة حتى يتم تحديد المستشفيات البديلة

لولو الذكية كلامج صح
بس ماراح يسكرون المستشفى بس راح يوفرون مستشفيات خاصة بديلة
لان قاعد يعدلون فيه

شوفي حبيبتي كل وحدة تولد بغرفه بروحها لأن وقت الولاده بتشوفين تقريبا أربع سسترات غير الدكتور أو الدكتوره والغرفه وايد كبيره جنها صاله مافي وحده ثانية بتولد غيرج لأن ما في إلا السرير إلي نايمه إنتي عليه طبعا شي ثاني إذا توج تطلقين بيخلونج بالجناح جنب أهلج والجهاز يبين إذا بدا عندج الطلق يحمى يودونج غرفه الولاده يعني مو حزة بتولدين يعني لما يبدي يزيد عندج عدد الدقايق بين الطلقه والثانية يعني يكون بينهم عالأقل 10 دقائق وبالنسبه للخياط إذا كنتي والده خمس مرات بيودونج بدون خياط لأن عندهم ماده مثل الجل يعني شلون لما يفحصونج يدهم تدخل بسرعه جذي يحطونه عليج علشان البيبي يزرق بسرعه منج بس إذا تبين تولدين بخياط كيفج قوليلهم علشان يجملونج بس بالنسبه حق إلي والده ثالث أو رابع مره لأ لازم خياط بس والله المره هذي إلي ولدت فيها بدون خياط كانت أريح ولاده الصراحه ما أعاني من الخياط الحمد لله وبالنسبه للدكتور صح تراجعين عند دكتور وتولدين عند ثاني بس ساعات إنتي وحظج إذا كان بالعياده الصبح وفيج ولاده طلبيه يبونه لج بس طبعا اتفقي معاه قوليله ابيك وترى الكاتره إلي بالعياده الصبح يولدون كلهم يعني مو بس عياده ساعات يكون عنده دوام شفت للولاده ويكونون دكتورين بنفس الوقت مع بعض وإذا كانت ولادج بعد الساعه ثلاث العصر طبعا الدكتور المناوب هو إلي يولدج بس للأمانه كلهم شاطرين فلا تحاتين ويمكن تلقين دكتورج والعموم دكتورج إلي بعد لادتج لازم يمر عليج يتأكد من كل شي يعني الدكتور إلي ولدج والدكتور إلي تعالجين عنده بالعياده

وحبيبتي ملاحظه هامه ترا أنا ولدت بالسلام والشفا والراشد وآخر مره ولدت بمتشفى الشركه والله يمكن ما تصدقين احسن ولاده عندي كانت في مستشفى الشركه والحين أنا حامل إن إن شاء الله بولد عندهم

نفس الكلام اللي قالوه البنات مسوين استبيان

والمستشفى ماراح يتسكر بس بيعدلون فيه واللي يبي الخاص يروح بس على مايخلص المستشفى