درس تصوير: فتحة العدسه Aperture

بسم الله الرحمن الرحيم


تعرفنا في موضوعنا السابق عن التعريض (Exposure) ،، ومالمقصود فيه، وماهي عناصره الاساسيه

وتعرفنا على كل من الآيزو ،، سرعة الغالق ،، والحين بنتعرف على فتحة العدسه

موضوع فتحة العدسه ممتع جدا واللعب باعداداتها تعطينا نتائج متنوعه وحلوه

ما المقصود بفتحة العدسه Aperture ?

هي بكل بساطة حجم فتحة العدسه اثناء التصوير



لو رجعنا لدرس الاكسبوجر،، ذكرنا تصور وقلنا ان فتحة العدسه بالنسبة للكاميرا كأنها الشباك للغرفة
كل ما زاد حجمها زادت الاضاءة الداخله،، والعكس كل ما قل حجمها قلت الاضاءة

تقاس فتحة العدسة بما يسمى بالـ F-stops

ولما تشوفون اعدادات اي صورة راح تلقون رقم فتحة العدسه بهذا الشكل f/number
مثال: f/2.8 , f/4 , f/5.6 , f/8 , f/22
وهكذا

في شغلة تلخبط شوي بالنسبة لموضوع فتحة العدسه لازم تركزون فيها وانشالله مع الوقت تتعودون ...


بعض الصور لتوضيح الفكرة

ذكرنا من قبل عن بعض النقاط مثل


ماهو عمق الميدان ؟ DOF: Depth Of Feild

هو حجم الجزء اللي يكون فوكس بالصورة

لاحظوا معاي هالصورتين وبعدها راح نشرح



شنو الفرق بين الصورتين؟؟ هلا لاحظتوا الخلفية؟؟

عمق الميدان الكبير: يقصد فيه ان كل الصورة داخل الفوكس (خلفية الصورة وأي عنصر امامي يكون داخل الفوكس)

هذه الصورة اخذت على فتحة عدسة f/22



عمق الميدان الصغير (الضيق): فقط جزء من الصورة تكون داخل الفوكس ويتم عزل الخلفية





================================

ما علاقة عمق الميدان بفتحة العدسة ؟




لتسهيل الحفظ تذكري هذه العلاقة ..

رقم صغير للعدسة -> عمق ميدان صغير .. (f/2.8, f/4, f/4.5)

رقم كبير للعدسة -> عمق ميدان كبير .. (f/11, f/16, f/22)​

===============================


متى نستخدم عمق ميدان كبير ؟ ومتى نستخدم عمق ميدان صغير ؟


================================


وأيضا ما ننسى هلاقة عناصر التعريض ببعضها البعض (فتحة العدسع مع سرعة الشتر)

* فتحة العدسة الصغيرة (رقم كبير) يعطيني شتر بطيء ،، والعكس

حياج الله زيوونه
ومشكوره وايد على متابعتج لي

يعطيج العافيه حياتي

يبيييله ممارسه

بيوتي الله يعافيج حبيبتي

أكيد كل شي يصير سهل بالممارسه

أذكر اول ماتعلمت قريت هذي المعلومات من الانترنت حتى قبل لا يصير عندي كاميرا وحسيت نفسي اني فاهمه واستوعبت كل شي
بس اول مره طلعت وخذيت معاي الكاميرا رحت شاطىء المارينا وييت باستخدم الكاميرا نسيت كل المعلومات اللي قريتها والمفرووض حافظتها توهقت ومادري شنو الاعدادات المناسبه لوووول جان استسلم واحطها على وضع الاوتوماتك واصور
رديت وانا متحبطه كلش بس من بعدها صرت آخذ الكاميرا معاي كل مكان واصور واجرب لما تعرفت اكثر على الاعدادات
حتى الحين وانا اكتب الدرس حسيت اني مستوعبه المعلومات اكثر من اول

وانشالله كلكم جذيه واهم شي الاستمرار والتجربة والمحاولة

حابه أوريكم بعض من تجاربي المتواضعه في تغيير فتحة العدسه

هذه الصور اخذتها في شهر فبراير 2008 ... ربيييييع :tek:

كنت توني باديه بالتصوير ورحنا انا والوالده المشاتل شرينا ورد بس عشان اصورهم لول

قعدت يوميين اجرب اصور فيهم ومثل ما قلت لكم يفضل تصورين كثر ما تقدرين من غير ماتحذفين الصور من الميموري وكل مره باعدادات غير

وهذي صور محتفظه فيهم مع انهم كانوا مجرد تجربه


====================================

ملاحظه: الصور مافيها اي تعديل بالفوتوشوب نهائيا بس عشان اوريكم الفكره حتى الاضاءه مو قويه

صورة رقم 1

أخذت على فتحة عدسه F/22




صورة رقم 2

أخذت على فتحة عدسه F/5




صورة رقم 3

أخذت على فتحة عدسه F/22




صورة رقم 4

أخذت على فتحة عدسه F/4




صورة رقم 5

أخذت على فتحة عدسه F/22




صورة رقم 6

أخذت على فتحة عدسه F/4

بعض الصور اللي أخذتها على عمق ميداني صغير (فتحة عدسه كبيره - ارقام صغيره)


صورة رقم 7

لو تلاحظين تم عزل الخلفية نهائيا ، يعني في ورا الورده زرع بس مو مبين لأنه مو داخل الفوكس




صورة رقم 8

عمق ميداني صغير بس مو وايد




صورة رقم 9

نفس الشي




صورة 10

فيها عزل بس الفوكس صاير على اوراق الوردة مو الطلع مالها





اتمنى ان الصور تعجبكم وتوضح الفكره اكثر

:s142::s142::s142:



مشكووووووووووووووورة والله يعطيج العافية
صراحة شي يبرد القلب صج الواحد قاعد يستفيد :e3:

حلو الدرس فهمت فيه شوي

:>

يعطيج العافيه فوشيا متابعه لمواضيعج

شرح مميز اختي فراولة ،بس يبيله ممارسه علشان يرسخ عدل
يعطيج العافية

فراولة^فوشيا قال:

بيوتي الله يعافيج حبيبتي

أكيد كل شي يصير سهل بالممارسه

أذكر اول ماتعلمت قريت هذي المعلومات من الانترنت حتى قبل لا يصير عندي كاميرا وحسيت نفسي اني فاهمه واستوعبت كل شي
بس اول مره طلعت وخذيت معاي الكاميرا رحت شاطىء المارينا وييت باستخدم الكاميرا نسيت كل المعلومات اللي قريتها والمفرووض حافظتها توهقت ومادري شنو الاعدادات المناسبه لوووول جان استسلم واحطها على وضع الاوتوماتك واصور
رديت وانا متحبطه كلش بس من بعدها صرت آخذ الكاميرا معاي كل مكان واصور واجرب لما تعرفت اكثر على الاعدادات
حتى الحين وانا اكتب الدرس حسيت اني مستوعبه المعلومات اكثر من اول

وانشالله كلكم جذيه واهم شي الاستمرار والتجربة والمحاولة

أنقر للتوسيع...

ما شاء الله عليج شاطره تبارك الرحمن وطرح الامثله وضح اكثر بس انتي داشه دورات؟ وين ؟ ويسلمو الايادي حبييه قلبي

مشكورة واااااااااايد ابي اعرف شي ضرووووووووووري شلون انا اتحكم بسرعة الشتر وبفتحة العدسة f لانه عندي الكاميرا كانون 400 d وشوي لاقية صعوبة وهمن ابي اصور من غير فلاش بوضعيات ثانية مايصير كله يطلعلي بفلاش

beauty

مبرووووك علييج الكاميرا اليدييده
وهالله هالله بالصور الحلوووه


@Miss Dio@

مشكوووره حياتي
لا والله ما خذيت دورات
الدوره الوحيده اللي خذيتها قبل ايام تخص نوع معين من انواع التصوير (التصوير السريع)

اما بالنسبه للتصوير بشكل عام تعلمته من دروس بالانترنت
خاصه اساسيات التصوير تلقينها بكل موقع تصوير وكل المنتديات وكتب التصوير
وطبعا مع الممارسه

مشكوره حبيبتي على تعليقج الحلو شجعني وايد :tek:


meme_3emeya

ميمي حياتي اللي تبين تعرفينه انشالله راح يكون اقرب درس اسويه
شرحت من قبل الجزء الأول من وضعيات التصوير (يشرح الاوضاع الاوتوماتيكيه اللي يرافقها اطلاق الفلاش)

والمفروض الدرس اللي وراه يكون الاوضاع المانيوال اللي يكون فيها تحكم بالشتر وفتحة العدسه

بس كنت حابه اشرح لكم بعض المواضيع المهمه قبل لا ادخل في وضعيات المانيوال
والحمدلله انتهيت منهم

- درس التعريض وعناصره
- درس الآيزو
- درس الشتر
- درس فتحة العدسه

وانشالله الدرس القادم يكون الجزء الثاني من وضعيات التصوير