ابي اعرف طريقة القهوة الفرنسية واحسن نوع قهوة فرنسية

أحسن قهوة فرنيسية اشتريه من بن العميد وبن البدوي

--------------------------------------------------------------------------------

القهوة الفرنسية

1اغلي مقدار من الحليب الطازج القليل الدسم على حسب عدد الأشخاص ( ملء الفنجان التركي حليب لكل شخص )..

2.أضيفي القهوة التركية الى الحليب المغلي ( ملعقة صغيرة قهوة لكل فنجان ) و حركيه على نار متوسطة ..

3.أضيفي السكر للقهوة ( ملعقة صغيرة سكر لكل فنجان ) و استمري بالتحريك الى أن تطلع روحك أقصد الى أن يطلع " وش " على سطح القهوة ..

4.صبي القهوة في فناجين التقديم و اشربيها بالهناء و العافية




طريقة ثانية

فنجان قهوه ( فنجان القهوه التركيه حجم صغير ) ملعقه صغيره من مسحوق القهوه الفرنسيه + ملعقه صغيره من السكر , نحطهم في الغلايه حقت القهوه ( اسمها الركوه على ما أعتقد ) ونضيف عليهم ملئ الفنجان ماء مغلي ونحطهم على النار مع التحريح , وأول ما يفور تشيلينها قبل لا تقلب وترجعينها على النار وكل ما جت تفور شيليها ( كرري هالعمليه 4 مرات ) وصبيها في الفنجان

وأحياناً أضيف لها قطعة شوكولاته ( جالكسي ساده او مارس ) وأذوبها معها وتطلع خيال


منقوووووووووووول

شوفي عموما يمدحون القهوة الفرنسية مالت الدولية والرفاعي ... والرفاعي جربيها ووواايد حلوة الي على بندق

عندهم كذا نكهه للقهوة الفرنسية ( السادة - نعناع - فانيليا - بندق - وكأنه فراوله - جوز الهند ( ما أحبها كأنها حل ) .. الخ ) يعني عندهم نكهات واايد ..

واذا تبين بعد شوفي سوي القهوة النسكافيه بالكوفي ميت الي بالفانيليا وتطلع حلوة

قهوة فرنسية من العميد


قيسي مقدار الماي بالفنجان اللي بتقدمين فيه القهوة

اذا تبين سادة حطي لكل فنجان قهوة ملعقة متوسطة متروسة قهوة

الوسط: لكل فنجان ماء ملعقة متوسطة مليانة عدل قهوة + ملعقة صغيرة (مالت الاستكانه) سكر ابيض أما اذا سكر اسمر خليها ملعقة و نص صغيرة

طبعا أول شي تحطين الماي الحار و تضيفين السكر و تخلنهم عالنار و لما تغلي شيليهم و ضيفي القهوة و رجعيهم للنار لما تشوفين شكلها تغير و تحسين انها بتقلب
شيليها على طول قبل ما تقلب لأنها اذا قلبت تصير مرة شوي و تحترق على طول


بالعافية