من تجربتي احسن وصفه ومضموووووووووونه تطوووووول الشعر

السلام عليكم ورحمة الله وبركاته


اختكم حياة من السعوديه بالبدايه احب اشكركم على المواضيع الحلوه الي بجد استفدت منها في هذا المنتدى ولاني شفت موضوع وحده من البنات تدور خلطه عند البدويات وبما اني بدويه :eh_s(21):

حبيت افيدكم بالوصفه ذي مدري اذا تعرفونها او لا او احد نزلها في المنتدى هنا من قبل

بس بجد الوصفه ذي للي تبي شعرها يطوووووووووووووووووووووووول ويعطيه منظر صحي ويثقل شوي <<<النتيجه ذي من تجربتي انا

بنات انا الخلطه ذي مجربتها يعني على ضمانتي بس سبحان الله من وحده لوحده تفرق يعني الي ماتعطيها هالنتيجه لاتدعي علي ترى حظي طايح من دون شيئ
:0bee2e8d89:
طولت عليكم المهم الخلطه هي التالي :

المقادير :

1- زيت زيتوون ويفضل يكون اصلي او من نوعيه زينه مثل ماتحبين كوبين او اكثر مثل ماتبين

2- حلبه مطحووونه <<بنات بلا دلع لحد يقول وع وريحه ومدري وش ترى انا ادرس بالكليه يعني لو في ريحه بتبان او شيئ استحاله احطها وريحتي دايمن حلوه

الطريقه :

اجيب الحلبه المطحونه بمقدار كمشه اليد وتحطينها ببرطمان قزاز وبعدين احط عليها

زيت الزيتون او ممكن تستخدمين زيت عافيه صديقتي سوت نفس الخلطه بس حطة زيت عافيه (تعرفونه حق القلي) وشعرها لا اله الا الله الله لايضرها عطتها نتيجه احسن من نتيجتي بعد

وتنقعون الحلبه بزيت الزيتون لمده عشر ايام بنات لازم تنقعينها هالمده مو اقل يعدين تبدين تستخدمينها مره كل اسبوع

انا احطها يوم الاربعاء بعد ماينتهي دوامي واغسلها يوم الخميس يعني تقعد على شعري على الاقل 8 ساعات

ومنتي بملزومه تحطينها كل هالمده يعني الي تبي تحطها ساعتين على الاقل بكيفها والنتيجه الي فعلا تبهر تبدا بعد شهر على الاقل

بنات في وصفه ثانيه استخدمتها وعالجت لي شعري الخلطه ذي بعد حلوووووه كنت اقص شعري كثيرررررر

ومدري لما جيت ابي اطوله احسه عجز يطول واستخدمت هالوصفه من وحده من البنات الله يوفقها

الخلطه هي : تجيبين فلفل رومي اخضر البارد مو الحار وتغسلينه وتضربينه بالخلاط لين ينفرم وتحطين فوقه كوب زييت زيتون او كوبين مثل ماتبين او ثلاثه اكواب على كثر منتي فارمه فلفل رومي اخضر

وبعدين تحطينهم بعلبة قزاز بالثلاجه وبعدين تحطينها على شعرك مره بالاسبوع

بنات بالنسبه لريحة الحلبه انا اسوي هالطريقه :

بعد مااحط الخلطه على شعري ويخلص الوقت وابي اغسلها اغسل شعري بشامبو تكون ريحته قويه وينظف زين فيه شامبو هيربل او اي شامبو تحبينه الحين جالسه استخدم بانتين برو -في 2 في 1 للشعر التالف <<ازين شيئ الوحده تستخدمه الشامبوهات اللي للشعر التالف حتى لو كان شعرك صحي لانهم يحطون فيها مواد تعالج الشعر وتزيده نعومه وصحه هالمعلومه ذي استفدتها من برنامج تايرا شو هي قالت انها تسوي هالشكل ونا بجد عجبتني الفكره وجربتها وفعلاااا مفيده ليش نستنى لين شعورنا تتلف بعدين نستخدم المعالجات والشامبوهات ذي

بعد مااغسل شعري بشامبو بانتين او اي شامبو ينظف الشعر زين وماينشفه وريحته حلوووه

احط بلسم على شعري بنات لازم الوحده تكثر شوي من البلسم على شعرها لاحظو لارحنا الصالون نصبغ شعورنا وجينا نغسل شوفو شكثر الكوافير تحط لنا بلسم يعني لاتبخلين بكمية البلسم الي تحطينها

وبالنسبه للبلسم استخدم صانسيلك بنات ذا طحت عليه بالصدفه مكتوب عليه صانسلك سيروم زيت الزيتون والسيرامايد للشعر النالف والمتقصف بجد ريحته قويه مرررررررررررررررره وحلوووووووه
وبعد ماتحطين البلسم لمده خمس دقايق او اقل شيئ دقيقتين وتخلينه على شعرك تغسلين شعرك زين من البلسم

وتحطين سيروم كريستال هذا السيرووووم ريحته مرررررررررررررره حلوووه وبعد كيذا استشوري شعرك عادي او نشفيه مثل ماتبين انا لاني ادرس لازم احط سيرووم كريستال او اي سيرووم ريحته حلوووه بس بصراحه احسن شيئ جربته للين الحين هوه سيروم كريستال قبل الاستشوار وبعدها اتعطر عادي

و بهالطريقه محد يلاحظ او حتى يعرف اني جالسه استخدم اي خلطه لشعري حتى انا لاجيت اشمها مالقى اي اثر للحلبه او الفلفل الرومي واخلي اختي بعد تشم شعري وماتلاقى ريحه نهائيا الحمدلله


ويارب اكووون افدتكم وماابي منكم الا الدعاء لي بحسن الخاتمه وبالزوج الصالح والذريه الصالحه والله يوفقنا انا واهلي بالدنيا والاخره و يرزقنا من حيث لانحتسب و يستر علينا​

هلا و الله .*"~"*.حياة بطيخة .*"~"*.

مشكوره على الخلطه

خل انجرب و انقولج اشصار
...يعطيج العافيه و بالتوفيق... ​