كويتيات للطبخ

العودة   منتديات كويتيات النسائية > >

بيت القصيد معلقات,الشعر العربي الفصيح والشعبي والنبطي


رباعيات صلاح جاهين

بيت القصيد



إضافة رد
 
أدوات الموضوع إبحث في الموضوع انواع عرض الموضوع
قديم 14-01-2020, 05:19:46 AM   #1
اناقة كويتيات
مشرفة
 
تاريخ التسجيل: Feb 2019
المشاركات: 3,458

افتراضي رباعيات صلاح جاهين


رباعيات صلاح جاهين

من هو صلاح جاهين :-


اسمه الحقيقي محمد صلاح الدين بهجت أحمد حلمي، ولد عام 1930، هو شاعر و كاريكاتير ساخر، ولد في حي شبرا، أنتج عدد كبير من الأفلام المتميزة للسينما المصرية، منها فيلم “أميرة حبي أنا”، كما قام بكتابة سيناريو بعض الأفلام، مثل فيلم “خلي بالك من زوزو”، “شفيقة ومتولي”، وغيرها.


رباعيات صلاح جاهين:


  • يأسك وصبرك بين أيديك وانت حر.. تيأس ما تيأس الحياة راح تمر.. أنا دقت من ده ومن ده عجبي.. لقيت الصبر مر وبرضه اليأس مر.. عجبي”.
  • “لا تجبر الإنسان ولا تخيّره.. يكفيه ما فيه من عقل بيحيّره.. اللي النهارده بيطلبه ويشتهيه.. هو اللي بكره ح يشتهى يغيّره.. عجبى!”.
  • “أنا اللي بالأمر المحال أغتوى.. شفت القمر نطيت لفوق في الهوا.. طلته ما طلتوش.. إيه أنا يهمني؟.. وليه ما دام بالنشوة قلبي ارتوي.. عجبي!!”.
  • “أنا شاب لكن عمري ألف عام.. وحيد لكن بين ضلوعي زحام.. خايف و لكن خوفي مني أنا.. أخرس و لكن قلبي مليان كلام.. عجبي!!”.
  • “يا باب يا مقفول.. أمتى الدخول.. صبرت ياما واللى يصبر ينول.. دقيت سنين.. و الرد يرجع لي: مين؟”.
  • “لو كنت عارف مين أنا كنت أقول.. عجبي!”.
  • “إيديا في جيوبي وقلبي طرب.. سارح في غربة بس مش مغترب.. وحدي لكن ونسان وماشى كدا.. ببتعد معرفش أو بقترب.. عجبي”.
  • “ولدي نصحتك لما صوتي اتنبح.. ما تخفش من جني ولا من شبح.. وان هب فيك عفريت قتيل أساله.. ما دافعش ليه عن نفسه يوم ما أندبح.. عجبي”.

  • قتلوه من التعذيب وقالوا انتحر.. فكرت لحظة وقلت: آه يا غجر!.. لو جنسكم سبناه يعيش في الحياة.. اللي انتحر راح يبقى جنس البشر!”.
  • “دخل الشتا وقفل البيبان ع البـــيوت.. وجعل شعاع الشمس خيط عنكبوت.. وحاجات كتير بتموت في ليل الشتا.. لكن حاجات أكتر بترفض تمــــــوت.. عجبي!!”.
  • “إنسان.. أيا إنسان ما أجهلك.. ما أتفهك في الكون وما أسألك.. شمس وقمر وسدوم وملايين نجوم.. وفاكرها يا موهوم مخلوقة لك؟.. عجبي”.
  • “مرغم عليك يا صبح.. مغصوب يا ليل.. لا دخلتها برجليا ولا كان لي ميل.. شايلنى شيل دخلت أنا في الحياة.. وبكرة هخرج منها شايليني شيل”.
  • “أنا مش تبع مخلوق يا سيدنا البيه.. أنا حُر في إللي يقول ضميري عليه.. وإن كنت تُحكم جوا ملكوتك.. الشارع الواسع فاتح لي إيديه”.
  • “عجبتني كلمة من كلام الورق.. النور شرق من بين حروفها و برق.. حبيت اشيلها ف قلبي.. قالت حرام.. ده أنا كل قلب دخلت فيه اتحرق! عجبي”.
  • “في ناس بنشوفها بالالوان وناس جواها مش بيبان.. وناس اسود وناس ابيض.. وناس محتاجة بس أمان.. واكتر ناس تآمنهم ما ييجي الجرح غير منهم.. وناس انت بعيد عنهم بتنسى معاهم الاحزان”.






اناقة كويتيات غير متواجدة حالياً   رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن حسب دولة الكويت : 05:04:08 AM.