حامد زيد شاعر كويتي ولد عام 1977، حاصل على شهادة دبلوم تجاري من كلية الدراسات التجاريّة، عضو ديوانية شعراء النبط الكويتية، كانت بدايته الأولى في الظهور الإعلامي في البرنامج التلفزيوني (ديوانية شعراء النبط )، في أواخر عام 1996، أمّا البداية الفعلية لاشتهار اسمه في الصحافة كانت من خلال مجلة (المختلف) عام 1999؛ ومن اجمل أشعاره هي....!**غدر الخناجر عفا الله عن خطا غدر الخناجر والضلوع أبطال بسامح واتركك تحت الظلام الحالك لحالك دخيلك وفّر دموعك ترى هدر الدموع إذلال وترى ما فيه أحد يصبر مثل صبري بغربالك أنا عيب عليّ أنقض كلامي والرّجال أفعال وإذا قلت اقطع أحبالك تراني بقطع حبالك عشان أكسب هدب عينك تجرعت العذاب أشكال وليتك ترأف بحالي علشان أرأف بحالك مسوّي في حياتي شي ما يذكر ولا ينقال حشا حتى العدو وهو العدو ما يعمل أعمالك تمسيني على الهم وتصبّحني على الغربال تقلطني فناجيلك وتقصر عنّي دلالك تحمّلت التعب لجلك وأنا حملي يهدّ جبال رحلت من العذاب وما وقفت إلا على جالك علامك كل ما جيك متواضع جيتني تختال؟ معاك اليا متى بصبر وصبري معك يحلالك؟ مثل ما إقبلت لعيونك لزوم تلد لي بإقبال ومثل ما قد حشمتك حسّ واحشم قلبي أشوى لك أنا محدن بجابرني أساير معك هالمنوال ترى لاني تبيع لك ولاني بأصغر عيالك أنا جيت أعشقك نبض ومشاعر ما أعشقك (تمثال) أنا جيت أسكنك وأحياك وأبقى فيك وأبقى لك أنا جيت بظما عاشق تعب يطرد سراب اللال أنا جيت استفزّ رضاك من فرقاك والجا لك أنا ما همت بك عاقل أنا كنت أعشقك بخبال أنا ما كنت أحبك حيّ أنا كنت أعشقك هالك تخيّل من كثر ما أخاف تلقى للزّعل مدخال أخاف أخطي على طيفك وأدوس برجلي ظلالك تبعتك والعرب تتبع رعود البارق الهمال وأنا شفت المطر يتبعك في حلك وترحالك كأن اللي خلق حسنك خلقني مع جسدك ظلال وصرت أقرب جسد يمشي معك بأقفاك وإقبالك أبي قلبك يحس انه فقد بمحبته رجال ملكته من هدب عين وخسرت رضاه باهمالك صحيح ان الفراق اقسى ولكن الوصال محال أنا صعبن علي أرضي غرورك وأضعف قبالك بعد ما حققت عيني فبعدك للرقاد آمال أعود للسهر؟ -- يا خوي فال الله ولا فالك ببدل نظرتك فيني وآجي لك كل يوم بحال بكون أقرب من ثيابك عليك ولا تهيّأ لك بلمك وأنثرك وأجمعك وأرجع وأنثرك بإهمال بخونك وأزعلك وأرضيك وأزعل منك وأرضى لك أبرسم بالثّرى وجهك وأبدفن صورتك برمال أبشكي للعرب فرقاك وأضحك عند عُذّالك أبهديك الوصال فراق وأهديك الفراق وصال بسوّي مثل ما شوفك تسوي وأفعل أفعالك عشان تعرف من فينا الزَّعول ومن وسيع البال أبيك تذوق فنجالي وأنا بذوق فنجالك نصيحة واحتفظ فيها قصر معك الزمن أو طال أبي تسمع كلامي زين وتحطّه على بالك إذا حُبّك هبال أطفال لك عندي هبال أطفال ولا! وابشر بعد بهبال حب ٍ ما هو بهبالك وإذا قصدك تهين اسمي عشان تشمت العُذّال ترى لا أنته ولا غيرك !ولا عشرة من أشكالك.
