بدر بن عبد المحسن:- هو الإبن الثاني للأمير عبد المحسن بن عبد العزيز آل سعود، ووالدته الأميرة وضحى الحمود الفيصل الحمود الرشيد، وهو شاعرمشهور على الساحة السعودية والعربية وهو أحد أبرز روّاد الحداثة في الشعر في الجزيرة العربية،و لقبه هو مهندس الكلمة، وذلك بسبب جهوده في وضع نصوص أدبية ذات مستوى للمملكة والعالم العربي، وله عدة قصائد ،منها قصيدة أوقات وكافى عتاب وغيرها الكثير .بعض قصائد بدر بدر عبد المحسن :--قصيدة كل قصة حب :-في كل قصة حب أحلام ومدينة .. ليل ونخيل وهبوب .. لكل قصة حب لو كانت حزينه .. أجمل ألوان الغروب .. ناظري ضي الحوانيت القديمه .. ونقش أبواب البيوت .. كلها شعر ومواعيد قديمه .. وصوت قلبي اللي يموت وما يموت .. لكل قصة حب عذال وحسود .. ليه تخدعنا الأماني والليالي السود سود إشعلي جمر العناد قربي معاد أشوفك .. لا يفرقنا السواد .. ارسمي وجهي بكفوفك .. ولا تجرحنا عيون الليل وحروف النميمه ولا يعذبنا السكوت .. إن عطشنا أو شربنا الدمع ديمه .. للهوى بنحيا ونموت .. لكل قصة حب أشواك وورود .. وليه نصرخ من ألمها وكلها تنبت في عود .. ناظري هذا قمرنا لو تغطيه الغيوم .. وناظري هذا شجرنا مهما تحرقه السموم .. ولو تجرحنا عيون الليل وحروف النميمه .. ولو يعذبنا السكوت .. إن عطشنا أو شربنا الدمع ديمه .. للهوى بنحيا ونموت.-قصيدة أوراق الزمن :-أوراق الزمن ادفن يدي .. تحت الثرى .. واسقيها من جفني ارق .. يذبل مابين اصابعي .. عشب و ورق .. ادفن يدي .. فوق الثرى .. يلفها برد وسموم .. واحس بعروقي يبست .. ما توصل عروقي الثرى .. ولا تشرب عروقي النجوم وينبت على جفني سهاد .. يذبل ورا صدري الشجن .. اشقق اوراق الزمن .. وانام .. في حلقي الليله جفاف .. شربت أيامي .. ومضت .. واللي بقى جرحي الوفي .. في خاطري باب يرد .. وسراج دوبه ينطفي .. اغطي الظلمه بظلام .. كل ما اشد اصابعي .. على العيون المتعبه .. جرحٍ ينام .. وجرحٍ شعر بي وانتبه .. قام وتبعني لشرفة ظلمه بعيد .. جاني يقاسمني السهاد .. جاني قصيد .. ادفن يدي تحت الثرى .. فوق الثرى .. واعيش انا بباقي يدي .. نصفٍ يموت .. ونصفٍ درى انه يموت .. يا سيدي .. ربي انا نقطه ف بحر .. علمني كيف اهوى الحياه .. علمني كيف اهوى القدر .. علمني بإماني اكون .. يارب .. اكثر من بشر ..
