ياليت القى عندكم المشورة

مرحبا يا احلى بنات

الصراحة انا توني يديدة وياليت اكون موضع ترحيب .....

عندي مشكلة وبتقلون هذي من اولها .....:0bee2e8d89:

المشكلة طبعا مثل مانتوا عارفين اكيد بابو الشباب ... مشكلتي معاه مشكلة .... ماادري اشلون ابدي فيها ... والمشكلة ان ماكو مشكلة اساسا ....... موضوع يحير صح ... انا معاكم احيانا ابي اذكر الشي اللي سبب هالمشاكل كل هالمدة ( تقريبا صارلي 4 سنوات متزوجة والله يتمم علينا وعليكم )....


حاليا صارلي معاه مشكلة واختلفنا ... وزل السانه وقال انا مااحب اطلع معاج !!!!!!!! انا الصراحة صارت فيني صدمة قوية اشلون جذي وهو يموووت علي ؟؟؟؟؟؟؟؟؟؟ ياربي هالكلام صج او انه لحظة غضب ؟؟؟؟

واللي حرني زود اني كنت متواعدة معاه انه يوديني مكان وعقب هالنقاش قال خلاص ماراح اوديج بتقعدين طنقرين علي على هالكلمة !!!! .....(اكيد بعد هذي كلمة ماتنقال...اشرايك !! ) المهم ورحت بروحي

عقبها دق يتغشمر ويلطف الجو طبعا انسى الكلام الحلو يطلع منه ... ياله نسحبه سحاااااااااااب

ومن يومها بنات احس مااقدر اتقبله كلش مو معيشيتا بس .... انتوا اكيد فاهمين ....

وتوه طلع وخلاني وحده متضايق و حاولت اهدية واساحلة بس مو راضي يسمعني وقال لا تقربين مني انا برد وبنام ؟؟؟؟؟؟ظ دقرة قوية وضغطت على عمري ودقيت علية اساحلة بالكلام اللي خبركم وهم دقرة ثانية كبيييييييييييييييييييييييييرة مع اني تعذرتله ببنتي قلت له انطر لما تنام وتروح الخدامة اريح .... هم مافهمني وطنقر ...........

ماادري شسوي ياربي ياليت تشورون على ؟؟؟؟؟ بنات اهو حيل مقصر بالكلام وهذا انا متفهمته وقلت مع الوقت بيتغير على هالامل انا قاعده بس يصقعني ويقولي مااحب اطلع معااااااااااااااج احس حيل انجرحت ليش ماني جيكرة ولاني بطة علشان تفتشل مني ...... هذا الشي وايد محيرني ؟؟؟؟؟

يمكن بلحظه غضب قالها

ماشالله صار لج 4 سنين

تعرفين حق ريلج وحق اسلوبه

شوي شوي ان شالله بالكلام الحلو

يلين ويهدا بس انتي حاولي فيه تعرفين

سبب قولته هالكلام

ما حبيت ادش بدون ما ارد عليك

شوفي اهي زلة لسان مثل ماقلتي.. وان شاء الله بتنسين يمكن ما يقصدها

اما الحين حاولي انك تراضينه وتتفاهمون على الي مختلفين عليه بس بهداوة و بدون زعل ترى بينكم عشرة عمر

وعسى الله يهديكم لبعض ..

ادعيله عسى الله يهديه لج

صراحه انتي مكبره السالفه وبعدين مبين انه كان معصب وزلت اللسان منه الوحده عاد ماتاخذ زوجها على كل كلمه

عادي يا حبيبتي لازم تعودين و تصيرين ضد الرصاص الرياييل غالبيتهم دفاشة ما يعرفون اشلون ينفسون عن غضبهم بالطريقة الصحيحة حقري و لا ادقدقين عليه و اهوا بيطخ و صدقيني كل ما دقيتي عليه رفع خشمه و نفخ ريشه زيادة يقوله نعامه


حقريه و ان شاء الله بيتعدل



لا تعلمينه انج ميته فيه


تكني

الريال ترى دفش ومبين انها زلة لسان


انتي لاتتأسفين كل ساعه ومادري شنو بس خلج عادي خو بعد سويتي اللي عليج خلج عادي

والله بيهديه انشالله

موفقين يارب

قمرمطير قال:

صراحه انتي مكبره السالفه وبعدين مبين انه كان معصب وزلت اللسان منه الوحده عاد ماتاخذ زوجها على كل كلمه

أنقر للتوسيع...

صاجه ترا لانج اذا بتدققين على كل زله السان حياتج بتصير كلها مشاكل
والاغلبيه يقطون حجي وما يثمنونه وتالي يتندمون

فطوفي عشان الحياه تمشي اذا الشي مو جايد حييل

الله يهديه ويصلحه لج ولبنتج ان شاء الله
وانتي لا تكونين حساسه زياده
طوفيها وخلج كووول

عزيزتي عادي زلة لسان ولا ادققين وايد بكلام ريلج وهو معصب

انا كنت جذي بس انا تعبت احرق بنفسي وهو عادي ومع الوقت تعودت وصرت اطنش ونرد عادي والرجل بطبيعته ما يحب يعتذر واذا قعدتي كل شوي اتأسفين بزيد عادي سويتي اللي عليج وتأسفتي مشي الحياة عاديه

ومن يومها بنات احس مااقدر اتقبله كلش مو معيشيتا بس .... انتوا اكيد فاهمين ....

لا تدقرين الريال وااايد ترى بسرعه يمل والله يهنيكم

موشرط اذا ما يبيج تطلعين معاه ان يتفشل منج ......
انا رفيجتي زوجها ما يبي يطلع معاها لان ما يتحمل احد يطالعها .....
ويمكن زله لسان ....

طوفيييييييي ولا تصيرين دقيقة ترى هاذي الصفة مانفع مع الناس كلهم مو بس الرياااال
بس انا متأكدة انه مايقصد
نطري لما يطيح الي براااااسه و جم كلمة حلوة منج وتدلعيييييي عليه وسالي انته تقصدها حبيبي صدقيني بقوولج انتي الي نرفزتيني وانا ماقصده
والله يوفقج حبيبتي

ما اعتقد انه يقصد انج تفشلين ممكن تتهاوشون بالطلعه عشان جذيه ما يستانس لا طلع وياج و قالج ما احب اطلع وياج
و الله يسخر لج