شراب الكركدية
هاي اسهل طريقة بدون ما نتعب بغسل الكركديه ? رح تحسو الكلام كتير بس الموضوع بسيط ..
بنغلي مي ..بناخد مقدار حفنتين من الكركديه بنحطو بجاط وبنحط عليه مي من الحنفية .. بنرفع من المي وبنحطو بصحن تاني وبنصب عليه المي المغلية وبنغطيه. وبنتركه اقل شي ساعتين او لحتى يبرد طبعا هيك اخدنا خلاصة الكركديه بس الكركديه مشكلته في رمل لنتخلص من الرمل بنعمل التالي: بنحضر جاط وبنحط فوقه قماشه او شاشة ما تكون قطن .. بناخد الكركديه بالمي تبعته وبنصبه فوق الشاشة وبنرفع الشاشة ونترك المي تتصافى.. طبعا هيك ورق الكركديه واي رمل رح يضل بالقماشة ما رح ينزل .. بناخد العصير اللي تصافى عنا وهيك صار عصير كركديه مركز .. لتجهيز العصير بقنينة بلاستيكية سعة لتر ونص بنحط اكتر من نصها بشوي ماء بارد جدا .. بناخد مقادر كوب الا ربع من الكركديه بنضيفله 3 فنجان قهوة سكر ومعلقة كبيرة ماء زهر وعصير ليمون وبنحركهم وبنضيفهم ع القنينة وبنشوف حسب لونه والطعم اللي حابينه بتزودو مي او كركاديه حسب انتو كيف بتحبوه .. وباقي عصير الكركديه المركز بنحطه بالفريز لحين الاستخدام ? وملاحظة عصير الكركديه المركز يجب حفظه بالفريزر لانو بيحمض والعصير لازم بالثلاجة وما تزيد فترة تركه بالثلاجة عن يومين لانو بيحمض
