مو حابة تخصصي..و اتمنا نصايحكم

انا انصحج تضلين بالتطبيقي وتشدين حيلج وتنجحين شنو مادة ما اقدر اعديها انا كنت نفسج جذي كانت عندي مواد واقول راح اصطقط واطلع من الكلية بعدين قعدت مع نفسي واشوف هذا فلان نجح وتخرج وانا للحين اجذب على نفسي ما اقدر واخر شي دست على المواد وعديتهم والحمدلله قريب تخرجي انا صوبج بالتطبيقي بس مو نفس تخصصج واجد ناس عدو التطبيقي نفس تخصصج وغيره شنو الدكتور اللي ماسك مادتج ..واسمعي كلام اهلج تررى يبون مصلحتج وين تروحين للسجون وحراسها لا راتب زين ولا بدلات ولا شي خلج تصيرين مدرسه احسن

تخصصج احسن بوايد من الشرطه النسائيه
ومستقبله احسن واتوقع سبب تأخرج في هالماده انج مو متقبله الكليه اساسآ ولما شفتي الماده تحتاج شغل قفلتي مخج عنها ف بالتالي صارت صعبه
ولا بالاساس اكيد ماده تحتاج شغل وتركيز ومجهود لان مافي شي سهل بس هم مافي شي صعب ولا كان ما تخرجو الناس من الكليه وكان شالو الماده

عمومآ فكري بعقلانيه وشوفي مستقبل الكليه وشوفي الجانب الايجابي للكليه اقري عنها وفهميها

وطلعي اهلج منها عشان ما تسمترين بالتفكير انه هم غصبوج وانج تدرسين تحت ضغط عشان نفسيتج

فكري انها خيره من رب العالمين يمكن لسببين انه شايف انه مستقبل الكليه احسن لج وتقدرين تتوظفين او انها سبب يخليج تتمسكين بطموح ثاني

عموما ماينفع تاخذين قرار وانتي في هالنفسيه

الافضل ترتبين افكارج وتكتبين في ورقه نفس ما قلت لج عيوب الكليه وايجابياتها
وعيوب الشرطه النسائيه وايجابياتها
وعيوب الماده وايجابياتها
وتقررين شنو الي تقدرين عليه

وحاولي تختلطين مع بنات معاج في الكليه او شوفي في المنتدى بنات نفس الكليه وتناقشي معاهم وساليهم عن المواد

وبعد شوفي مستقبل الكليه شنو دوري عن الاماكن الي تقدرين تشتغلين فيها عقب التخرج وشوفي معاشاتها والاماكن هالشي يعتبر حافز

والله يوفقج في المكان المناسب لج ويسهل عليج الامور يارب

عدل كلامج جامعيه طموحه