اذا كنت تزهق من الكارديو..شنو أفضل رياضة لك

اغلبنا نزهق من الكارديو اصلا قليل جدا الي مايطفشون من الكارديو ف شنو الحل؟
.
اقروا بارك الله فيكم:
.
الرقص تعتبر اكثر رياضة هوائية فعاله وماتزهق عند البنات يعني من الاخر اذا تبين تنحرين ام الي جابت الشحم وماتبين تزهقين هلا هلا بالرقص
.
نفس الشي للشباب الي يحبون الهشك بشك ترى الرقص ززززززين بس لا تشتط وتسوي رقصة مرح الناقة الله يحفظك ... حلوين؟ حلوين .. نكمل ...
.
طيب جابر الي مايحب الرقص شنو الحل؟
.
حق الناس الي عندها لياقة وماتحب الرقص افضل رياضة هوائية لهم هي الرياضة الي تكون فيها تحدي مثل كورة القدم والسلة وغيرهم بشررررررط لازم الشخص يكون عنده لياقة عشان مايحرق عضل
.
طيب جابر الي ماعنده لياقة شنو الحل؟
.
في دراسة من امريكا شيكا بيكا كانت على 46 مشترك يبون يشوفون شنو افضل طريقة يمارسون فيها رياضة هوائية عشان مايزهقون وشنو اكتشفوا؟
.
اكتشفوا ان افضل طريقة هو انك دايما تبلش في اعلى شده وتقلل الشده تدريجياً لين توصل الي مستوى الراحة!
.
شلون يعني بوجبره؟
.
يعني مثلاً اذا كنت على جهاز المشي وتبي تمشي لمدة 20 دقيقه حلوين؟ حلوين ... شتسوي؟
.
اول دقيقتين ترفع الجهاز لغاية 15٪ مع ثبات في السرعه وكل دقيقتين تنزل درجة ارتفاع الجهاز الين ماتوصل الى نقطة الراحة في اخر دقيقة
.
مثال ثاني اذا كنتي على جهاز الدرج وتبين تلعبين لمدة ربع ساعه شنو تسوين؟ .
اول دقيقتين تحطين سرعة الجهاز 10 وكل دقيقه او دقيقتين تقللين السرعه لين توصلين لاقل سرعة في اخر دقيقة
.