رولات السويتز
المقادير
شرايح سويتي حجم مني
شعيريه بكستانيه
جوز هند و فستق مجروش عند الرغبه
حليب محلا
زبده
طحين وشوي ماي (نخلطهم مع بعض خليط الالتصاق)
الزينه ؛
حليب محلا
كاكاو هيرشي سائل
الطريقه
نقص شريحه السويتز لقطعتين متساويتين
نحط ع طرفها شوي من خليط الالتصاق ندهن الاسطوانه الحديد بشوي زيت حتى بعدين تطلع بسهوله
نلفها حول الاسطوانه الحديد صورتها بتكون في الفيديو اللي بحطه بإذن الله ،. الاسطوانه تكفي ل قطعتين
نقليهم في زيت ساخن بالاسطوانات
نطلع الشرايح من الاسطوانه ونجهز الحشو .. نكسر الشعيريه لقطع صغيره
نحط شوي زبده مع شيعيريه البكستانيه ع النار ونقلب لين يتغير لونها شوي
اضيف جوز الهند و الفستق بالكميه اللي تحبين وتقدرين تستغنين عنهم و الحليب المحلا
نحشي ب هالخليط رولات السويتز و تزين باللي نحب
وممكن تحطين عليها خطوط ب شوكلاته الهيرشي السائل و حليب محلا وبس
ملاحظه ماقدر احدد الكميات لان كل وحده بتسوي الكميه اللي تكفي عائلتها ..
للمزيد من وصفاتنا زوروا موقعنا مطبخ كويتيات
