وقت الطلق بالمستشفى تنادين خالتج أم ريلج ؟؟؟؟

mms · 7 يناير 2008

شلونكم يا حوامل ..
سولفت بهالسالفة مع ناس وااااايد ..
وحبيت أعرف رايكم ..
خالتج أم ريلج تنادينها وقت الطلق بالمستشفى ولا عقب ما تولدين وتخلصين تيي ؟؟؟؟
أنت تحبين انها تكون موجودة ؟؟
ولا تقولون لي على حسب العلاقة .. نفترض ان العلاقة زينة وطبيعية وعادية ..
شرايكم ؟؟
يالله نسمع

معشووقة السفر · 7 يناير 2008

الله يسهل انشالله
اي طبعا اناديها وانادي امي واخليهم يدعولي
بالعكس اصلا جذي احس بامان اكثر لان امي وخالتي يمي وزوجي

برونزيه نعومه كتكوته · 7 يناير 2008

اناديها و بالعكس مثل ما قالت اختي احس بالامان و احس باهتمامهم اكثر شي بهالفتره
فشي يهون عن شي =) بس اهم شي ريلي معاي =)

زوغه طلال · 7 يناير 2008

mms قال:
شلونكم يا حوامل ..
سولفت بهالسالفة مع ناس وااااايد ..
وحبيت أعرف رايكم ..
خالتج أم ريلج تنادينها وقت الطلق بالمستشفى ولا عقب ما تولدين وتخلصين تيي ؟؟؟؟
أنت تحبين انها تكون موجودة ؟؟
ولا تقولون لي على حسب العلاقة .. نفترض ان العلاقة زينة وطبيعية وعادية ..
شرايكم ؟؟
يالله نسمع

خووووووووووووووووووووش سالفه :icon30:

انا استحي اقول لها لا تيين بس بتجربتي الوقت ماكان يسمح انها تيي:n2006107:

بس ماقصرت بستقبالي كانت معاي طووول الايام :hjy5jewf:

استحي تشوفني باللويه كافي على امي واختي وخالتي طبعا اخت امي وحبيبي
والحمدالله على العافية

MaYoOoma · 7 يناير 2008

لااازم اقولهااا ولازم تيي لانها بحسبت امي

mms · 7 يناير 2008

انا بعد أوافقكم الراي ..
بولادتي الأولى كانت مسافرة

وودي الحين تكون موجودة .. بس قاعدة أقول مادري شلون المنظر العام مو حلو .. هي هي هي هي هي ..
الله يسهل ان شاء الله

الريماس · 7 يناير 2008

ليش اقولها اصلا ،،،،،،،،،، لما اولد وخلص ولدها يقولها ،،،،، امي وهي امي ماقولها علشان ماتحاتي انا طبعي جذيه يوديني زوجي المستشفي وادخل الولاده وهم مايدرون !!!!!!!! والتساهيل من عند رب العالمين!!

bambena · 7 يناير 2008

الريماس انا نفسج بالضبط

ولدت بلغ امي وبعدين خالتي مو عن شي بس ماحب اخرع امي وماحب حمولتي يشوفوني باللويه

حاااايره · 7 يناير 2008

انا ام زوجي عمتي يعني اخت ابوووووي يعني قريبه فديت عمرها

بس لا مابي وقتها غير امي حتى زوجي مابيه مابي اكلف على احد اصلا ماراح ارتاح الا مع امي

ولا ولدت انشاءالله اول وحده تعرف اهي

Killer^Girl · 7 يناير 2008

انا ماناديها
بهاللحظه مابي احد يكون معاي
حتى امي ولا ريلي ولا خواتي ولا احد
حتى لو كانت بحسبة امي
بحزتها مابي احد صراحه

زيزو · 7 يناير 2008

والله انا اولد واخلص وبعدين ريلي يدق على امي وخالتي ويقولهم احب اروح المستشفى مع ريلي بس

الاستاذة · 7 يناير 2008

انا ما ايد معنها مثل امي بس احس كافي امي فشله اعنيها

mms · 8 يناير 2008

انزين شلون تحسين اذا ودها تيي ولا على قولتكم عنوة عليها ؟؟؟
يعني اللي بينولد حفيدها صح؟؟؟ يمكن ودها تكون موجودة بلحظة ولادته وتكون موجودة مع ولدها ؟؟؟
شلون اعرف انه والله مو عنوة عليها ؟؟؟؟؟؟؟؟؟؟؟؟؟؟

ام تروكي 1 · 8 يناير 2008

اولا اهي عمتي اخت ابوي الله يخليها ان شاء الله وساكنه معانا بنفس البيت يعني

تدري اذا جاني الطلق

فابولادتي الاولى راحت معاي وكانت صايمه وتعبت لاني طولت ماولدت من الصبح الى الليل واهي بالمستشفى مسكينه

وبولادتي الثانيه نفس القصه تكررت بس موصايمه ومن الصبح الى الليل واهي عندي صج تعب عليها

والولاده الثالثه كان وقت رمضان ورحت الصبح واهيا نايمه قالي زوجي قعديها خل تروح قلت لا صايمه وتتعب خلها مرتاحه

انت معاي

وصراحه ماحب احد يروح معاي احس كل للي يرحون يتعبون

واحس اذا رحت وماحد يدري عني ارتااااح لان مافيه احد يحاتيني

دمعه حزينه · 8 يناير 2008

اي الصراحه شخصيا لازم اعطيهم خبر ..

وانا ريلي وامي عطو خالتي خبر لاني كنت تعبانه والحمدلله وصت الصبح بالسلامه وقرت قرآن وخففت عني الله يرحم والديها والله ولا يحرمني منها يارب ..

mms · 8 يناير 2008

يعني اللي بوصل له يمكن يكون لها خاطر بالييه بس احنا من نحاستنا ما نقول اهم .. خخخخخخخخ
ووجودها المسكينة شيبي يسوي ؟؟ ولا شرايكم ؟؟؟؟؟

جوريه · 8 يناير 2008

انا باول ولاده كانت لويه وفجاة فريلي دق على امي واهي كانت معاها فيوو لكن بالثانيه لالا كان الفير رحنا الطبيب قالت ولاده فدق عليها قالها ان ولدت اقولج مالها داعي تيي تنطع على الكراسي

الهنوف85 · 8 يناير 2008

انا امي مااقولها عشان لاتحاتي بعد هالمره خالتي ام ريلي لايبا ماكو شغل تشوفني باللويه الي انا فيها لو يصير اولد برووحي بدون احد احسن عشان اخذ راحتي اكثر

رفرف · 8 يناير 2008

اقولها اني رايحة اولد وهي تدعيلي ..
بس اتيي معاي !!!!!!!!!!
لاااااااااااااااااا شكوووووووووووو علشان اللي ما يشتري يتفرج

انا تعبانة وحالتي حالة ووضع مزري الصراحة تيي شتسوي يعني ؟؟
اصلا هالوضع ماحب احد يشوفني فيه الا ريلي وبولادتي الاولى امي يت بس كسرت خاطري ماخليتها اتيي ثاني مره ..

والثانية اختي دخلت معاي وهم ماكان ودي تقعد انا بروحي فشلانة وتعبانة وقمت اخربط بالحجي كل شوي اقولها تطلع وتنادي ريلي بس اهيه خافت علي ودشت ..

يعني الصراحة مو خوش وضع احد بعيد ايي ... اقرب القراب اللي حدي امون عليهم ويالله

^kloOot^ · 8 يناير 2008

انا بعد ماحب يشوفوني وانا اولد وين قاعدين فشله\\

اهم شيء بعد الولاده ابيهم حوليني ووقت الولاده يكونون بره

وقت الطلق بالمستشفى تنادين خالتج أم ريلج ؟؟؟؟

New member

New member

New member

New member

New member

New member

New member

New member

New member

New member

New member

New member

New member

New member

New member

New member

**عضـــوة شـــرف منتديات كويتيات**

New member

*عضــوة شرف في منتديات كويتيات*

New member

عضـــوة شـــرف منتديات كويتيات

عضــوة شرف في منتديات كويتيات