شلونكم بنات...
حبيت افضفض شوي واقولكم الكلام اللي بقلبي ومو قادرة اقوله لأحد..وحتى لو قلته احس ماقدر اعبر عدل عن اللي بداخلي...صرت اخاف يقولون عني مينونه والا وسواسيه!..وفعلا قمت اسمع كلمة وسواسية من اهلي....
راح احاول اشرح وضعي من البدايه لين الحين..
انا قبل فترة كنت ولله الحمد عندي التزام من ناحية الدين..كنت بفترة من الفترات احضر دروس دينية واستفيد منها..واسوي كل شي اقدر عليه لوجه الله..كنت اصلي بخشوع واحب الصلاة واستغفر وايد واقرى قرآن واتصدق ( اللهم لا رياء) بس عشان اوضح لكم شلون كنت وشلون صرت ..ووظيفيا كنت مستانسة بشغلي واحبه واخلص له...وحتى مدرائي يحبوني وسمعتي وايد زينه بالشركة...صحيا كنت اروح نادي وامارس رياضة..والحمدلله كانت حياتي حلوة من نواحي وايد..بس فجأة
كل شي تغير واعتفس...حياتي اتقلبت فووووق تحت
صارت معاي اعراض صحية غريبه مالها تفسير..صرت فجأة كله تعبانه وصداع ووانتوا بكرامة ترجيع وكذا مرة ضغطي يرتفع بدون سبب ( مع اني مو مريضة ضغط ) ومره هبوط واشياء واااايد شقول شخلي.وانا عمري 30 سنه...الحمدلله على كل حال..
وبشغلي صارت مشاكل لين كرهته وطلعت..وقعدت سنة بالبيت تقريبا لين الحمدلله توظفت مرة ثانية بمكان نوعا ما احسن الحمدلله...
فجأه صرت ماقدر اروح الدروس والصلاة بنات صرت ماقدر اخشع فيها كلا افكر وصارت ثقيله علي مادري ليش مع اني قاعده اجاهد واحاول اصليها بوقتها ..اخر شي صار معاي اني رحت مع الوالده حق وحدة كبيره تعالج الراس وتحطله ( لبخة الراس )
وقالت لي فيني فري وهوا بالراس...واللي سمعته وقريته بالنت ان الفري مرتبط بالحسد بعد والعين والعياذ بالله،، اول شي استغربت بس بعدين حسيت ان ممكن تكون هذي عين لان اللي صار معاي مو شويه ..صرت اروح الطبيب عالطالعه والنازله لين وصلت مرحلة قريبه من الهوس وعلميا اسمه ( توهم المرض) استغربت انا ليش قاعده اتصرف جذي؟!!! والتحاليل كانت تطلع سليمة والدكاترة يقولون لي مافيج شي ...مجرد ارهاق بسيط او نقص في بعض الفيتامينات!!!!
حتى لما حاولت اكثر من مرة اقرى سورة البقرة حدي ثلاث ايام بعدين الشيطان يخرب علي مايخليني اكمل....بصلاتي احاول اخشع بس مايخليني(((( رحت عمرة ورجعت وتحسنت شوي بعدين رديت تعبت....حتى بحياتي الاجتماعية عمري 30 الحين وليلحين ماتزوجت واغلب اللي يتقدمون لي فيهم عيوب..يعني اكتشف بعدين ان الخاطب فيه مرض نفسي..او يكون كبير بالعمر علي..وواحد مطلق 3 مرات...مثلا جذي!! مؤمنه بالنصيب ولله الحمد وواثقه ثقة كبيرة بالله انه راح يرزقني باذنه الرجل الصالح بس غصبن علي يحوشني احباط ساعات ... ادعولي بنات وانصحوني انا حاسة بضيقه كبيييييرة ومو عارفة شنو اسوي احس اني ضايعه ...ادعولي اصير احسن واثبت عالطاعه والله يبعد عني وعنكم كل مكروه يارب
حبيت افضفض شوي واقولكم الكلام اللي بقلبي ومو قادرة اقوله لأحد..وحتى لو قلته احس ماقدر اعبر عدل عن اللي بداخلي...صرت اخاف يقولون عني مينونه والا وسواسيه!..وفعلا قمت اسمع كلمة وسواسية من اهلي....
راح احاول اشرح وضعي من البدايه لين الحين..
انا قبل فترة كنت ولله الحمد عندي التزام من ناحية الدين..كنت بفترة من الفترات احضر دروس دينية واستفيد منها..واسوي كل شي اقدر عليه لوجه الله..كنت اصلي بخشوع واحب الصلاة واستغفر وايد واقرى قرآن واتصدق ( اللهم لا رياء) بس عشان اوضح لكم شلون كنت وشلون صرت ..ووظيفيا كنت مستانسة بشغلي واحبه واخلص له...وحتى مدرائي يحبوني وسمعتي وايد زينه بالشركة...صحيا كنت اروح نادي وامارس رياضة..والحمدلله كانت حياتي حلوة من نواحي وايد..بس فجأة
كل شي تغير واعتفس...حياتي اتقلبت فووووق تحت
صارت معاي اعراض صحية غريبه مالها تفسير..صرت فجأة كله تعبانه وصداع ووانتوا بكرامة ترجيع وكذا مرة ضغطي يرتفع بدون سبب ( مع اني مو مريضة ضغط ) ومره هبوط واشياء واااايد شقول شخلي.وانا عمري 30 سنه...الحمدلله على كل حال..
وبشغلي صارت مشاكل لين كرهته وطلعت..وقعدت سنة بالبيت تقريبا لين الحمدلله توظفت مرة ثانية بمكان نوعا ما احسن الحمدلله...
فجأه صرت ماقدر اروح الدروس
والصلاة بنات صرت ماقدر اخشع فيها كلا افكر وصارت ثقيله علي مادري ليش مع اني قاعده اجاهد واحاول اصليها بوقتها ..اخر شي صار معاي اني رحت مع الوالده حق وحدة كبيره تعالج الراس وتحطله ( لبخة الراس )وقالت لي فيني فري وهوا بالراس...واللي سمعته وقريته بالنت ان الفري مرتبط بالحسد بعد والعين والعياذ بالله،، اول شي استغربت بس بعدين حسيت ان ممكن تكون هذي عين لان اللي صار معاي مو شويه ..صرت اروح الطبيب عالطالعه والنازله لين وصلت مرحلة قريبه من الهوس وعلميا اسمه ( توهم المرض) استغربت انا ليش قاعده اتصرف جذي؟!!! والتحاليل كانت تطلع سليمة والدكاترة يقولون لي مافيج شي ...مجرد ارهاق بسيط او نقص في بعض الفيتامينات!!!!
حتى لما حاولت اكثر من مرة اقرى سورة البقرة حدي ثلاث ايام بعدين الشيطان يخرب علي مايخليني اكمل....بصلاتي احاول اخشع بس مايخليني
(((( رحت عمرة ورجعت وتحسنت شوي بعدين رديت تعبت....حتى بحياتي الاجتماعية عمري 30 الحين وليلحين ماتزوجت واغلب اللي يتقدمون لي فيهم عيوب..يعني اكتشف بعدين ان الخاطب فيه مرض نفسي..او يكون كبير بالعمر علي..وواحد مطلق 3 مرات...مثلا جذي!! مؤمنه بالنصيب ولله الحمد وواثقه ثقة كبيرة بالله انه راح يرزقني باذنه الرجل الصالح بس غصبن علي يحوشني احباط ساعات ... ادعولي بنات وانصحوني انا حاسة بضيقه كبيييييرة ومو عارفة شنو اسوي احس اني ضايعه ...ادعولي اصير احسن واثبت عالطاعه والله يبعد عني وعنكم كل مكروه يارب
