دعوه للنقاش هل هي مسألة حظ والا زوجج على ماتعودينه

انا اشوف بصراحه اشوف الاثنين حظ وعلى التعود في أزواج ماشاء الله عليهم يهتمون بالامور ويستانسون وتلاقينهم اهم مرات يبادرون بهالشي وبعضهم لا مطنش يعتبر هالشي تفاهه وسخافه وزين اذا طلع يدق ويسال بس

مشكلتنا كلنا ان نبي نغير الريال و هالشي اهوة الغلط لان الريال يدري و يعرف انج قاعده تحاولين تغيرينه
اذا بينتي له ان متقبلته نفس ما اهوة راح يعطيج اللي تبينه كله

حبي نفسج اول و لا تخلينه اهوة المحور .. خليب يشوف اجواءج و يستانس عليهم و يشاركج
لا تجربينه ان تعال اقعد ولا خل نسوي ولا ولا ولا
لا ناهوة اذا حس ان هالشي فرض ماراح يقعد
بس اذا شاف ان انتي قاعده و عادي موجود او لا بس المهم ان هالشي موجود يمكن اول مره يقعد دقايق
المره الثانيه يقعد نص ساعه
وعقب اهوة اللي بيطلب منج ها سوي جذي ها زهبي فلم و و و و
بس طبعا كل شي يبيله صبر

ونفس ما قلتي الريال مطلق وهالشي ترى يكسر الريال ان طلع من تجربه فاشله يعني اهوة فاشل
سواء كان الغلط منه او من طليقته بس ليش يحس انه فاشل لان اهوة الريال اهوة المسؤول اللي ماقدر يكمل حياته صح
فانتي بعد قدري هالشي
ولا تخليج احد يكسر التفاؤل فيج و خلج على طول نفسيه حلوة و ورديه
وخلج انتي اللي محبوبة و سوالف تونس والقعده معاج حلوة

اول فتره بتحسين اوووف تعبت وخلاص لي متى ما الفى منه شي ولا بوادر
بس ميخالف حبيبتي عدي روحج بالمدرسه و توج باول الكورس وباقي لج 3 شهور عالامتحانات
فطولي بالج و كملي على قرايتج
وفوق هذا اقري كتب تثقفج عن الحياه الزوجيه
مثل الرجال من المريخ والنساء من الزهره
تحصلينه بالنت
و عندج كتاب فوزيه الدريع حاليا انا مبلشه فيه " امرأة يكرها الرجال وامرأة يحبها الرجال "

الاثنين

بس برايي الحظ يلعب دور كبير

يعني اذا شخصية زوجج قوية لو مهما حاولتي تطبعينه بشي معين ماراح تقدرين

انا نفس وضعج بس الفرق زوجي مايرضا اطلع بروحي يعني مايودي ولا يجيب ولا يرضى انا اخلص شغلي واضطر اوصي احد من اهلي يجيب اغراضي اذا شي خاص فيني اما شغل البيت اخليه ليما اهو يتكرم علينا ويخلصه

يعني وضع متعب لابعد الحدود انا من قبل ماتزوج كنت اسوق وكل مكان اروح له بسيارتي بس تزوجت حاول يمنعني من السواقه بس اصريت عليها ولانه الحمد لله ابوي كان شارط وقت الملجه السيارة والوظيفة شي مفروغ منه وزوجي وافق حزتها بس عقب ماتزوجني حاول يقنعني ابيع سيارتي بس انا رفضت قالي خلاص سيارتج بس تروحين فيها دوامج وترجعين ماتمرين ولا مكان وان دريت او سمعت انج رايحه مكان ياااويلج �� وهذا اللي صار

الريال الي طبعه شين صعب يتغير انا امي وابوي من زمان متزوجين وعلى كثر ماحاولت بابوي ماكو فايده انه يغير بعض طبايعه الشينه وعناده

الاثنيين الحظ وعلى ايش معودته لكن الحححححححححححححححححظظظظظظظظظظظظظظظظظظظ يلعب دور اكبر

ما اقول حظ اقول رزق

و بعد الرزق .. معاملة المرأة و اسلوبها .. و تعوده على طبعها ..

مو من العرس لا .. من اول يوم ملجة

الزواج توافيق من الله لازم الوحدة اول شي تقتنع ان هذا نصيبها وترضى فيه وشي افضل من شي يعني اذا تضايقتي من زوجج شوفي حياة غيرج وقولي الحمدلله ان وضعي افضل اذا عالطلعات والروحات بسيطة حمدلله في بنات عايشين في بلاوي وساكتين ، شطارة المرأة وذكائها ممكن تغير بشخصية الريال لي نسبة ٥٠٪ بس طبعا مع العشرة الحلوة والصبر والوقت مو بفترة قصيرة ..
انا اقترح عليج تحضرين دورات او تروحين لاستشارية تفيدج وتعطيح افكار تكون متخصصة احسن من النصايح العشوائية في النت ..
والله يوفقج ويرزقج كل خير

حياتي دخلي قوقل وبحثي عن مقال
كوني في حياته فراشه وﻻتكوني ذبابه او عنوان مشابه له
وان شاء الله راح تستفيدين
ونصيحه شغلي نفسج بنفسج بس ﻻتهملين واجباتج الزوجيه علشان ﻻيتعود فراقج

لووووووول

صج الحريم مايخلصون انا زوجي نشبه مايخليني اروح الا معاه ودي احس اني كبرت واروح بروحي��





اهم شي الدعاء و ترا شخصية زوجج شخصيه الرجل الشرقي الخليجي البسيط

يعني ابهاتنا اللي ماعنده يمين يسار وماعنده مسلسلات تركيه

من كلامج حسيت انه رجاال ثقيل

عموما كلاممم baa6aa صح وعين العقل

حظظظ

حظظظظظظظظظظظظظظظظ

تقريبا حظ بس هم تقدرين تعودينه