انا فيني فوبيا من الاماكن المغلقة لازم اقعد عند الدريشة عشان ما اختنق
و طول الرحلة اطالع تحت احب اشوف البحر و السما و مناظر الجبال و السفن
و زوجي يقولي شتطالعين اقوله اذا ماشفت من فوق الحين متى اقدر اشوف ههههههههههه
و اقعد احوس و لا اسولف مع المضيفات
مره اتذكر رحلتي من لندن لدبي قعدت ورا صوب القنفات الدائرية ملوت درجة رجال الاعمال و المهم اطالع المضيفين واحد يكلم وحده و بينهم موضوع و انا الطريج طويل و حوسة و ملل قطيت اذوني و اللي فهمته انه مضيفة يحبها و يبي يتزوجها زعلانه عليه و ماتكلمه و بيفترقون
قمت معاهم رزيت ويهي و راضيتهم و تصالحوا كاااااااااااااااااااااااااااااااااااااك
و هو يشكرني و عزمني عالعرس بدبي مع انه لبناني غشيت ضحك يومها بس استانست خخخخخ