مفاهيم الطلاق النسوى والمجتمع الظالم تعالو نتناقش

رفع

احنا لو بنفكر فيها ترى كلامهم صح


تخيلي كل بنت تتزوج ماعجبها ريلها راح خلعته وبدلته بواحد ثاني

جان تزوجت 15 مره

وذا ريال طلق مره وحده وحطوا العيب كله منه جان ماتزوج طول عمره

لكن المطلقه مهما المجتمع تحجوا عنها بس عشانها مطلقه ومطلقه

يمشي نصيبها لو ياخذها واحد متزوج او مطلق المهم تتزوج

يعني مايصير وحده تتطلق 15 مره وتتمنى نصيبها مع واحد ماسبق له الزواج

شي مايدش العقل ترى !!

وثاني شي لان الريال اهو اللي يدخل بيوت الناس ويخطب مو انتي اللي تروحين تخطبين الريال

الريال لومطلق 20 مره هم يقدر يتزوج لان لوماتزوج محد بيتزوج ويكفي ان الريال مسموح له يتزوج 4

يعني لوالبنيه تبي تتزوج والرياييل مايتزوجون شلون بتتزوج بتقوله بعطيك مهر وتتكفل بزواجه مثلا ؟

لا الريال اهو اللي يفتح موضوع الزواج ويروح يخطبج سواء كان ماسبق له الزواج او مطلق او ارمل او متزوج حتى لو على ذمته 3 حريم وانتي الرابعه

عادانتي اللي عليج تقبلينه او ترفضينه بس

الطلاق احيانا يكون حل

و مو مرض اهو و لاعيب

بس لازم الوحده اذا بتتطلق تحسب حساب لحياتها بعدين اذا كان عندها عيال
هذي بروحها مسؤوليه

ورياجيل هالوقت استغفر الله شايلين ئيدهم من كل شي
حتى لي طلق
مايبي عياله و لايشوفهم سنين
حسبي الله ونعم الوكيل

((غلاي)) قال:

الطلاق احيانا يكون حل

و مو مرض اهو و لاعيب

بس لازم الوحده اذا بتتطلق تحسب حساب لحياتها بعدين اذا كان عندها عيال
هذي بروحها مسؤوليه

ورياجيل هالوقت استغفر الله شايلين ئيدهم من كل شي
حتى لي طلق
مايبي عياله و لايشوفهم سنين
حسبي الله ونعم الوكيل

أنقر للتوسيع...

شلون شايل ايدينه ؟

اذا الأجار عليه
مصروف العيال عليه
والبيت عليه

شلون شايل ايدينه ؟


مو اهوا اللي يعطونه علاوة الاولاد ؟ والبدل اجار ؟

مو اهوا يدفع من معاشه ؟

كافي عليه اقساط البنك - سياره - اجار - العيال - الماجله - الخدامه وغيره

ابي افهم شنو قصدكم لمن تقولون شايل ايدينه الريال ؟


لولاه ماتزوجتي حبيبتي

اي ولله واخر شي تقول ريلي شايل ايدينه وموقاعد يسوي شي ولا قاعد يدفع

انا اقولج حمدي ربج اذا ريلج شايل كل هذوله

خلاص عندج معاشج

يعني يا يعطيني 500 دينار نفس رفيجتي ولا اهوا مايصرف علي

اهوا الاجار بروحه نص معاشه حتى لوماعليه اقساط

عنده البيت والعيال والخدامه بس لاتضغطين عليه وايد اذا عطاج مصرف معقول غير هذولي خلاص كثر الله خيره

لان بالمستقبل وراكم بيت بيبنيه لكم انتي وعيالج

بعد قولي انتي باجر بتبنين البيت بروحج والريال ماراح يحط شي بيدينه !!

انتوا عجيبين غريبين

ندري الريال يتكفل بكل مصاريف الحياة الزوجية وبالشرع يقول هذا

بس كلامكم وايد فيه تناقض مادري شنو تقصدون الريال شايل ايدينه بشنو ماني عارفه

كلامج درر

البلا كله بالحريم
عشان جذي وبتالزمن
اللي تبينه سويييه
ولايهمج كلام فلانه وعلانه
مردها بتدور عليها الايام وتتطلق اختها او بنتها
هالدنيا دواااره

وبعدين كل وحده عقلها براسها
اذا ماتبي تتطلق من رجال تافه ومبهدلها ويطقها ووووووو
عشان راي جم حرمه،،،هذي تكون غبيه

لان عمرها بيضيع،ونفسيتها بتزيد سوء،،وعيالها بتكودهم على قلبها
وبتتبهدل مع زوج ضارب الدنيا بالطوفه


لا والف لا

اذا زوجي الحياه معاه بائسه
اتطلق ولا افكر براي حريم

اللي ممكن بيوم من الايام
هاللي اضحكو على طلاقي تتطلق هي وتتزوج واحد منحوس

لا عادي اعرف واجد مطلقات تزوجوا واعرف وحده بنت ماكملت الثلاثين خذت 3 رياجيل وهي ذهبه بنت الحلال بس مالها نصيب سبحان الله ال 4 استقرت عنده

اللي بقوله النصيب اذا الله كاتبه لو البنت فيها عيوب الدنيا كلها بتتغضى الناس عليها

بعدين خل نكون واقعين المطلقه وعندها عيال فرصها للزواج غالبا تقل لكن لو طلاق بدون عيال ممكن يمشي نصيبها بالاخير محد ياخذ غير نصيبه

الله يعوضنا خير