بيطلعني من جنتي وبيسكني سكن مشترك

[جلنار الكويت 13]

السلام عليكم

متزوجه لي 6شهور وحامل ..شارطه بالعقد سكن مستقل !!!والحمدالله سكنت بشقه من اروع مايكون
زوجي بحكم انه امه متوفيه واهو صغير الله يوحمها وابوه عايش حياته عند زوجته الثانيه .. فهو واخوانه عايشين كعزابيه عند بيتهم ومحد عندهم ... الله وفق اخوه الكبير وخطب وملج واخذ بنت خالته

بنت خالته شهاده لله وبحكم انها تصيرلهم هي اللي قامت فيهم تنظف بيتهم تطبخ لهم تسوي اكلهم تسأل عنهم كأن اهي امهم..وهم عادي عندهم يختلطون فيها بس متنقبه ومتعودين عليها من قبل لاأجي ويشاورونها بكل صغيره وكبيره ماينلامون لأن ماعندهم احد!

واهني المشكله .. اهي حاليا عندها 3عيال وشقتهت ضييييجه حيل ومسكنه معاها حماتها الصغيره كاسبه فيها اجر بحكم انها يتيمه ومحد عندها وسوت معاي ومع رجلي مواقف تدل على حبها لنا شهادة ماقصرت معانا بشي ...مرة حماي هذه غصب طيب تبي كلنا نجتمع ببيت واحد واهي لها الدور الأرضي وتكون مسؤوله عن الديوانيات ويكون لها الدور الارضي بحكم معاها حماتها وعيالها 3 وحنا سلايفها كلنا عرايس وماعندنا جهال فبيكون لنا الدور الثاني

مشكلة الدور الثاني كلش موشي ومفتوح على بعض وراح يقسمونه 2 بيكون عندي 3غرف وحمام!! وبيحول وحده من الغرف مطبخ!!!!


المشكله راح اطلع من العز اللي انا فيه واسكن بشقه مو شي وحمام واخد ومافي اصنصير ومن منطقه راااقيه لأم الهيمان؟ تبعد ساعه الا ربع عن دوامي هذا مافي زحمه


واهي 24 ساعه تكلم رجلي بالواتس اب وحمواني عن البيت اللي لقته وانا والمشكله يسمعون كلامها ووافقوا وعلى وشك يوقعون العقد!!!!


اصلا اهي من النوع اللي تموون على رجلي بالحيل وتسميه الغالي وتقول هو قطعه متي ونفس ولدي واذا سافر تقعد تبجي تقول اخاف عليه !! و24ساعه سوالف معاه بالواتس اب وهو يحاول يطنشها ويكون رسمي بس للحين .. اذا اهي قبل ساكنه بعيد وموقادره تصبر عن السوالف معاه يوم شلون لو سكنت معاها في بيت واحد ومشترك!! وبمنطقه تجيب الهم !!

راح تظل 24 ساعه تعزمه على القهوه وراح تقابله بالطلعه وبادخله والخصوصيه اللي قبل ماراح تكون موجوده راح يعرفون روحاتنا وجياتنا!!! حتى آخر سفره سافرتها معاه كل شوي تسأل وين وصلتوا وين رحتوا تقول اخاف عليه من سفر السياره


اناا تعبت وابيها تبعد عنه من قبببل فجأه يجي هالبيت يزيد همي
مع ان والله ماقصرت معاي بشي اي شي اطلبه منها تقول من عيوني وقايمه فيني بس ماادري موحابه السكن معاه 24ساعه ولأن اصلا قبل كان خاطب اختها ومحجوزين لبعض ع قولتهم حب طفوله وتالي تركها واخته رافضه تتزوج والحين قدمت ماجستير تكمل لان رجلي تركها و انا متأكده اي سالفه عني وعن رجلي تعرفها توصل لأهلها..وانا اخاف من الايام توني عروس واهم عادي عندهم بناتهم يصيرون زوجات ثانيات اول زواجه كانت تلمح له تالي طخت .. هذا واحنا بعيد فشلون لو سكنا مع بعض

انا ابي الجمعه بس تعلقها بزوجي + انه كان خاطب اختها وتالي تركها وعادي عندها تصير مره ثانيه بس تاخذه
هذا اللي موخفني من كل شي

ناقشته كذا مره وقلت انا مستعده اتحمل الآجار كامل بس مااطلع من شقتي .. والى الآن رافض يقول ابي اكون مع اخواني وانا رافضه السكن فيه

ماادري ودي اذكره بشرطي بالعقد اني سكن مستقل بس خايفه تصير مشكله كبيره بالذات انه مسافر يدرس برا وعايش غربه وازيد همه همين..ذبحني التفكييييير

ساعدوني شالحل شنو اسوي ودعواتكم

 

[أدعج غنج]

أنا معاج في موقفج ..اللمه حلوه بس الواحد لي متى بيكون مرتبط بخوانه ...لو امه بقول ماعليه ترا أم..لكن مهما سوت من خير وجزاها الله عليه كل خير..لكن تضل زوجة أخوه... والرسول صلى الله عليه وسلم قال (الحمو والموت ).

الطيب ماله جزاء غير الطيب ..ودام مرت حماج طيبه معاكم فتستاهل كل طيبه واحترام وتقدير.
لكن استقرارج وراحة بالج ما أظن راح تكون شي يخل بهالقاعدة...لأنه حق من حقوقج

قعدي مع زوجج وقوليله بكل ود وحب إن انتي تحبين اهله واخوانه لكن من حقج تستقرين وتاخذين راحتج ..وان مجرد غرفتين وفي منطقه بعيده عن دوامي ما يكفوني ...وان من البدايه هذا كان شرطج ..وفي الدين لا يجوز الاخلال بالعقد ..
ثانيا انتو توكم معاريس لكن باجر بيصير عندكم عيال فطبيعي تبون الوسع والراحة .

خلج على موقفج بس بالطيب واللين وبإذن الله يقتنع
لكن بمجرد ما يشوف ان في مجال يقنعج انسي انج تقعدين في شقتج..

 

[Aloe Vera]

تمسكي بشرطج و هذا حقج لا تتنازلين عنه

 

[sharshora80]

ربي يسخره لج ويهدي سركم

شوفي ياقلبي ليش انتي مدام بينج وبين مرت حماج العلاقه اوكي انتي كلميها وصارحيها طبعا بادب وابدي اول كلامج
بمواقفها معاج واشلون هي ماقصرت معاكم وانها هي تحبكم مثل ما انتو تموتون عليها بس انا مرتاحه بحياتي بشقتي الحين ﻻنها قريبه على دوامي واهلي وراهيه وقوليلها افﻻن لما قالي عن الموضوع انا بصراحه ما ادري شقولج هم ودي نكون ملتمين مع بعض ومتجمعين بس ما اقدر اغير اللي انا تعودت عليه وهم تعب علي الطريج وكلميها بطيب انها ﻻتحن على زوجج ان يقعد عندهم اخذيها باﻻدب واللسان الحلو مدام هي صايدتج بلسانها الحلو وقلبها الطيب وان شاء الله اللي ربي شايفه فيه خير لكم هو اللي راح يصير

 

[همي رضى خالقي]

الافضل انج تطلعين لانه ممكن يقارن بينج وبينها وعباله اختها مثلها فيحب الموضوع

وبعدين وايد ماخذه راحتها ويا ريلج

ذكريه بالشرط وهالشي من حقج لانه اذا ماصار وانتي مو راضيه يبطل الزواج

 

[همي رضى خالقي]

الافضل انج تطلعين لانه ممكن يقارن بينج وبينها وعباله اختها مثلها فيحب الموضوع

وبعدين وايد ماخذه راحتها ويا ريلج

ذكريه بالشرط وهالشي من حقج لانه اذا ماصار وانتي مو راضيه يبطل الزواج

 

[الجادل الخشف]

انا مثل تفكير اللي فوقي ان ممكن يتخيل ان اختها مثل مرت اخوه ويعجبه الوضع وعادي عندهم التعدد مابي اشيشج بس الافضل تبتعدين عنهم وخلج على شرطج متمسكه فيهوالمشكله حييل مطيحه الميانه خير انشالله اهي مربيته !!!!! شنو هالميانه مهما كانت نيتها مالازم تسوي جذي

 

[shak!shoka]

خلاص دام شارطه بالعقد سكن مستقل
انتها الكلام


و شرعا ما يجوز و حرام ينقض العهد والشرط الي بالعقد من غير رضاج



الله يفرررررررررج همج يارب

 

[7o0o0r]

اهلين حبيبتي
ماألومه اهو يبي جمعت اخوانه
بس شوفي اول شي بسألج مرت حماج جم صارلها عندهم

وبعدين على سالفة البيت صدقيني كلميه بأدب واحترام وقولي ليش انت ماتبي اعيال مني ان شاءالله الله بيرزقنا
وتبيني اعيش انا وعيالي بغرفتين مو صحيح هالكلام واكبر دليل على صدق كلامي كاه اخوك عنده ثلاث وماخذله دور كامل لانه كان عليه ضيق
انا اقولك اللي بقلبي والشور شورك انا تعودت على العيشه معاك بروحنا وارتحت في بيتي وله مو من حقي اطلب بيت بروحي قولي انا ادري انه احنا توني معاريس بس فكر لمستقبلنا فكر بعيالنا مثل مااخوك فكر فيهم انا ادري انك تبي جمعت اخوانك وماالومك بس صدقني هذا مو مستقبلنا احنا اهني مرتاحين وماخذين راحتنا ماتدري باجر نسكن مع بعض وتجينا المشاكل من حريم العيال عسى الله لا يجيبها بس احنا ليش انروح للشقى بروحنا وعقب ذكريه قولي انا ماطلبت بالعقد شقه بروحي إلا عشان اعيش معاك براحه مو فلانه سوت وله افلانه حطت ابي اعيش براحه ابي اتحكم في بيتي يجوني اهلي او صديقاتي لانه بيتي اقدر اعزمهم بس اذا سكنت معاهم مااقدر لانه البيت بيصير لمرت اخوك مااقدر اعزم احد وله شي لانه اهي الحصه الكبر لها بالبيت والله يوفقها فيه اصبرت ونالت بس مايصير واحنا شقه اصغر من شقتنا هذي صح انا مااقولك ماراح اتكفي ابلا والله راح اتكفيني الحين بس بعد جم سنه راح انتضايق منها فكر فيني مثل مااخوك فكر في مرته وبيت بروحنا والله اريح ولو مو اريح جان ماقلنا لك لازم سكن بروحي وعاد انتي زيدي بالكلام الحلو ومن هالكلام وابجي عنده قولي احس بكمته هذي الفكره وعسى الله يسخره لج يارب

 

[نوفآ]

الله يعييييينج ي شين طبع مرت حماااج ما احب هالنوومنه

اسمعي الله يسلمج قوليله مرت اخوك على عيني و راسي و حبيبه وماجا منها قصوور بس مالها حق تطلعني من بيتي ندون ما تاخذ رايي !
هي مخططه على كيفها ومختاره البيت اللي يعجبها وانتوا تقطون بالبيت معاها ؟ الفكره واضحه ما يحتاج
لها نصيب الاسد واحنا ننحكر بشقه صغيره شاللي حادنا ؟!!!
وبعدين لي سكنا راح تجيبون المشاكل لبعضكم وانت واخوانك تفرقون بسبب بيت !
لا والله خلنا بشقتنا لنا خصوصيتنا اللي بيجي حياه الله تشيله العين قبل البيت
واذا عشان الدوانيه روح سير عليهم او اعزمهم عندنا ولك مني اللي تبي قهوه وجاي و عشا واللي يبيض وجهك

اما اني اتنازل عن بيتي لا ! اذا هي مو قادره تدفع فلوس البيت احنا مو مضطرين ندفع معاها ! بالاول والاخير راح يكون لها
والحمدلله اخوانك بالديره والكويت صغيره متى ما بغيتهم تدل بيتهم
واحنا خلنا ننطر بيتنا ملكنا من الحكومه ونعيش بشقتنا قريبه من دوامنا ليش العباله نروح ام الهيمان كلها تلوث واكثر الناس اطلعوا منها ولا شلون لقت لها بيت سعره مقدور عليه !؟

قويله انا مو راضيه ومن حقي اعيش بخصوصيه و بدون قال و قيل وسوت و حطت !
وقوليله على فكره انا مو عاجبني انها 24 ساعه معاك عالواتس اب ! حتى لو عيال خاله وتمونون الواحد يستحي شوي
هي معاك انت بس ولا اخوانك بعد مطيحه معاهم ؟؟؟ قولي انا استحي اطيح مع اخوي 24 ساعه شلون عاد هي !!
قولي ابي البس لك و اكشخ لك على راحتي وانا عروس مابي المشاكل تنغص علي فرحتي فيك ابيك لي بروحي لان ما اشبع منك
ابي اقوم وانام القاك عندي و حوالي اذا ماعشنا هالايام الحلوه اجل شاللي راح نعيشه !
حتى اهلي جذي ما اقدر اعزمهم ببيتي


هي لا تكلمينها ولا تجيبن لها طاري انج موو راضيه عشااان ما تستغل هالشي وتلعبها صح و تبجيج عند رجلج وتقول انج تبين تفرقين بينهم

 

[طيبة83]

بالعكس احس مرت حماج نيتها صافيه

بس انتي من حقج تمسكين بشرطج

اخذيه بالسياسه والدلع ولا تعاندين

اذا رجع تناقشي معاه وجه بوجه احسن

 

[M!ss CoLoRz]

خلج على موقفج

انا مع البنات اللي قالوا يمكن نيتها صافية بس بعد الوحدة تبي ترتاح في بيتها وما في سبب مقنع عشان الكل يعيش في بيت واحد!!

اليمعة حلوة ومحد يبي يفترق بس هاي سنة الحياة اكو انتي هديتي اهلج؟؟!!!!!!!!!!!!!!!!!! والناس كلها تزوجت وعاشت بروحها وللحين متواصلين وعال العال مع اهلهم

في نقطة ذكرتيها ان اهيه بتاخذ الدور الأرضي لأنه عندها عيال، انزين وانتوا بعد بتيبون عيال ويمكن الله يرزقكم اكثر منهم وبعدين شبيصير؟؟ وانتي بعد اكيد خاطرج اهلج يزورونج ولا شي

تمسكي بخصوصيتج بس في نفس الوقت بيني حق زوجج انج تحبين اهله

 

[رشا الهواء]

الي اوله شرط أخره نور
قولي لريلج ليش اخلفت الوعد و العهد بيننا احنا متفقين من البداية مايجوز شرعا
بخصوص حماته الكبيره يعطيه العافية وماقصرت بس حاليا تغيرت حياتك واسمك ريال متزوج وعندك مرأه فيها احساس وشعوروضروري تحترم شعوري وتسمع رغبتي وعند حياتنا الزوجيه خااااااااااااااصه خط بالاحمر

 

[المحاميه ن]

ما في واحد
يقدر يجبرك على شي
ما تبينه بيدك تحليها بالتفاهم
وانت عندك شرط الحق معاج
الله يوفقك

 

[لوولوو_88]

لا تتنازلين و انا مع البنات بللي قالوه .. لا تتنازليييييين نصيحه .. بيني له مو كرها بأهله ولا بجمعتهم كثر ما أهو موضوع خصوصية و شرط من حقج تكملين عيشه بالراحة الي انتي تبينها

 

[*E.B.D.A.3*]

حياتي .. انتي الحين حامل
والهرمونات لاعبج فيج لعب عسى الله يسهلها عليج ..

فانتي خلي الاحاسيس تصفط على صوب اشوي... لا تطاوعين احساسج لانج تحت تاثير هرمون ..
تشوفين من الحبه قبه ... وكل شوي تحسين تبين تبجين ..


شوفي عقلج شنو يقول ..حطي الموضوع تحت تفكير منطقي،
لا يصير تفكيرج جامد ...

انا اقول ، مشي الموضوع ، انتي حامل والي فيج كافيج ، وهم الي في زوجج كافيه ..
جربي الوضع ، شوفي نفسج ، ارتحتي والا لا؟؟ فكري بالبيبي ، هل راح يكفيه المكان والا لا؟
عقب ماتولدين .. لكل حادثن حديث ..
توارينه مثلا شلون الشقه ضجية وشلون مايكفي .. وبكل عقل وصوت هادي تقولينله : انا لو ارتاح بمكان مشترك جان ماشرطت مكان مستقل،
مو لان مابي اهلك او ماحبهم.. لكن لكل شخص طبيعته وانا طبيعتي جذي "

بس هذا كله خليه بعد الولادة عشان تكون حجتج اقوى
الحين ارتاحي ، لا تفكرين وايد .. لا تخلين الهرمون يتحكم فيج ،
اخذي منه عاطفة قد ماتبين،، انتي قاعده تمرين بتجربة حلوه! عيشيها ، لا تضيعينها على نفسج
اكلي عدل ، نامي عدل ... عندج موضوع اكبر واهم من السكن، واهو البيبي الحلو الي ابطنج :*
ركزي على نفسج الحين .. وخلي هالموضوع تالي

 

[Stylista_Q8]

مرت حماج شكلها طيبة وتحب اللمة

بس انا مع البنات ، مدام شرطتي سكن مستقل خلج متمسكة بهالشرط وحاولي تقنعين ريلج فيه وذكريه بهالشرط

وقوليله ليش مو متقبلة السكن معاهم وانج ما تقدرين تاخذين راحتج

 

[مارياq8]

اهلين حبيبتي
ماألومه اهو يبي جمعت اخوانه
بس شوفي اول شي بسألج مرت حماج جم صارلها عندهم

وبعدين على سالفة البيت صدقيني كلميه بأدب واحترام وقولي ليش انت ماتبي اعيال مني ان شاءالله الله بيرزقنا
وتبيني اعيش انا وعيالي بغرفتين مو صحيح هالكلام واكبر دليل على صدق كلامي كاه اخوك عنده ثلاث وماخذله دور كامل لانه كان عليه ضيق
انا اقولك اللي بقلبي والشور شورك انا تعودت على العيشه معاك بروحنا وارتحت في بيتي وله مو من حقي اطلب بيت بروحي قولي انا ادري انه احنا توني معاريس بس فكر لمستقبلنا فكر بعيالنا مثل مااخوك فكر فيهم انا ادري انك تبي جمعت اخوانك وماالومك بس صدقني هذا مو مستقبلنا احنا اهني مرتاحين وماخذين راحتنا ماتدري باجر نسكن مع بعض وتجينا المشاكل من حريم العيال عسى الله لا يجيبها بس احنا ليش انروح للشقى بروحنا وعقب ذكريه قولي انا ماطلبت بالعقد شقه بروحي إلا عشان اعيش معاك براحه مو فلانه سوت وله افلانه حطت ابي اعيش براحه ابي اتحكم في بيتي يجوني اهلي او صديقاتي لانه بيتي اقدر اعزمهم بس اذا سكنت معاهم مااقدر لانه البيت بيصير لمرت اخوك مااقدر اعزم احد وله شي لانه اهي الحصه الكبر لها بالبيت والله يوفقها فيه اصبرت ونالت بس مايصير واحنا شقه اصغر من شقتنا هذي صح انا مااقولك ماراح اتكفي ابلا والله راح اتكفيني الحين بس بعد جم سنه راح انتضايق منها فكر فيني مثل مااخوك فكر في مرته وبيت بروحنا والله اريح ولو مو اريح جان ماقلنا لك لازم سكن بروحي وعاد انتي زيدي بالكلام الحلو ومن هالكلام وابجي عنده قولي احس بكمته هذي الفكره وعسى الله يسخره لج يارب

معااااااج خووش كلام

 

[Mrs_Orchidia]

مرت حماج طيبة و حنونة و ذهبه … بس لزقة

حيلج بزوجج ترسي راسه مثل ما هذيج تارسة راسه

انا قاعدة عند حمولتي و احاتي المستقبل ،، بيوني عيال اكثر و ماكو غرف البيت حده حده و زوجي معلنها رسمي من الحين ماااكو طلعة من البيت !
و حاليا ماعندي خصوصية ،، اسئلة بالدخلة و الطلعة ،، يدخلون علي بدون ما يطقون الباب

ماكو حياتي الله يسلمج كتاب مفتوح عندهم و لربعهم و اهلهم بالواتس اب ،، حتى جدول الجامعة يعرفونه!



مدام انتي اصلا برة اللله يتمم عليج تمسكي بموقفج و ذكريه بالعقد .. لا ترحمينه بس خلج عسوولة دلوووعة و طولي بالج لا تعصبين و لا تشدين