بنتي عمرها سنتين,, التعامل معاها صعععععب.. محتاجة نصيحتكم :(

الله يعينج

يا حياتي لولو

شوفي هالعمر الحين عمر العناد وفرض الشخصيه طبيعي هالشي
انتي حاولي تتقاضين عن وايد اشياء ولا تعاندينها اخذيها بالمسايس والتلملم
يعني مثلا اذا راحت الحمام تكرمين ومابجت وايد نفس كل مره يعني سوت فلم بس شويه كافئيها بشي تحبه وقولويلها هذا لانج مابجيتي وصرتي شاطره

وترا الحين اهي بعد حاسه انج مشغوله عنها والياهل يدري اذا امه حامل سبحان الله يصير يا عسر يا يلزق فيها وايد انا ولدي صاير جذي موراضي يهدني كله لازق فيني ودايما طايح مريض حبيبي !! انتي بنتج تطلع حرتها بالعساره والتدلع زياده

فيبيلج تطولين بالج معاها صبري عليها هذا اهو ضريبه الامومه سبحان الله

وطبقي سالفه اللعبه اللي جنها ياهل صج ، خليها تلعب معاها او زوري وحده عندها بيبي وخليه معاج خل تتعود من الحين



واللغه عادي لا تحاتي دامها تقولج عالاقل جمله من كلمتين كافي لا تضغطين عليها سواء عربي ولا انقلش خل تقول اللي تعرفه وشوي شوي اللغتين بتصير عندها سهله الحين اهم شي بهالفتره انها تبدا تتكلم وتقول جمل

وحبيبتي لولو كلنا قاعدين نمر نفس المشكله يعني لا تشيلين همها وايد :***** اهم شي بهالفتره راحتج وطولة بالج

ترا بالعمر كل شي تفهم لا تكسر خاطرج قوي قلبج وراج بيبي ثاني
اول شي قولي حق ابوها لا يتدخل هذي بنت وانتي مسئولة عن تربيتها لا يخربها الدلع وبعدين تتحسفين
كلش كلش لا تعصبين ولا تتنرفزين دايما كلميها بصوت واضح وجاد واذا سوت شي ما عجبج حقريها انا ولدي اخليه بداره و اطلع عنه وكل ما لحقني اشيله وارده داره لما اييني و يقول سوري واكلمه وافهمه شنو الغلط
لاحظت شغله الياهل بهالعمر يعاند و يستانس يغثج فانتي لا تتأثرين عشان ما يكرر نفس الموقف ودايما خيريها لا تفرضين شي عليها انا اذا ما يبي يلبس اطلع له بدلتين اقول له اي وحده تبي هذي والا هذي عاد يختار و البسه وهو ساكت
حتى بالاكل نفس الشي وبالنوم دايما اخيره تبي ماما وياك والا بابا جذي جربي هالاسلوب وراح يخف العناد
واذا بجت او عصبت حقريها جنج ما تشوفين كلميها بهدوء وامشي عنها

الله يعينا على التربية

عندنا وعندج خير خيتي
جنج تتكلمين عن ولدي

انا بنتي نفسها مجننتني وانا حامل وماتبهد عني دقيقه تصزخ من قمه راسها

سالفة التبديل اترقع كل اللي بعمرها جذي

اهي كبر ولدي بالضبط يلوع جبدي بسالفة التبديل بالغصب



وسالفة اذا يبي شيء اخليه يبجي ويفحط وما اعطيه طالما انا مو راضية


ولاني بامريكا وماعندي خدامة
اطقه اذا عاند حيل و صرخ شسوي يحرني مرات


بس الكلام يتكلم ويردد اللي اقوله

بس امي وخالتي كله يقولون مايتكلم

اهم مايسمعونه الا بالتانقو و اهو يتنح مايكلمهم

اللللله يعين كل ام طفلها عنيد ومشاكس
لولو انا بنتي الحين عمرها 6 سنين وللحين اعاني منها ومن عنادها
والله العظيم لاطق ينفع ولا قصص تالي الليل ينفع ولا الهدايا تنفع شي يبط الراااس
بس اللي مريحني معاها تفهم بالكلام...
الحين معاناتي مع ولدي بعمر بنتج ،والله اني اصد عنه واعض ع اسناني واتعوذ من الشيطان
علشاااان بس ماطقه ...
ان رحت لغرفتي وراي وان رحت تكرموون للحمام وراي تخيلي اتسبح والله يقعد
عند الباب بجي لما اطلع ....

آآآآآآآآآآآه شقووول بسس
لكن انا بعلمج بطريقى سويتها وأحس شوي نفعتني شووي يعني
ويمكن مع الوقت يتحسن الوضع لاني حالفه ادخله حضانه لما اولد ...

خلي خدامتج تلبسها وتوكلها ترى امي لما اخلي ولدي عندها تحلللف تقول عسسل ومطيع...
بس يشوووفني يكشر عن انيابه ..
صرت الحين ادزه ع الخدامه لبسيه سبحيه طلعيه المهم يفك عني شوي يمكن يتغير طبعه..
وانا من وراه ماخليه بس ابي ارتااااح شوي ياناااس تعبت والله تعبت

والللللله يآجرنا

اللللله يعين كل ام طفلها عنيد ومشاكس
لولو انا بنتي الحين عمرها 6 سنين وللحين اعاني منها ومن عنادها
والله العظيم لاطق ينفع ولا قصص تالي الليل ينفع ولا الهدايا تنفع شي يبط الراااس
بس اللي مريحني معاها تفهم بالكلام...
الحين معاناتي مع ولدي بعمر بنتج ،والله اني اصد عنه واعض ع اسناني واتعوذ من الشيطان
علشاااان بس ماطقه ...
ان رحت لغرفتي وراي وان رحت تكرموون للحمام وراي تخيلي اتسبح والله يقعد
عند الباب بجي لما اطلع ....

آآآآآآآآآآآه شقووول بسس
لكن انا بعلمج بطريقى سويتها وأحس شوي نفعتني شووي يعني
ويمكن مع الوقت يتحسن الوضع لاني حالفه ادخله حضانه لما اولد ...

خلي خدامتج تلبسها وتوكلها ترى امي لما اخلي ولدي عندها تحلللف تقول عسسل ومطيع...
بس يشوووفني يكشر عن انيابه ..
صرت الحين ادزه ع الخدامه لبسيه سبحيه طلعيه المهم يفك عني شوي يمكن يتغير طبعه..
وانا من وراه ماخليه بس ابي ارتااااح شوي ياناااس تعبت والله تعبت

والللللله يآجرنا

ماا قوووول الا الله يعينها ويعينج ان ولدتي


كل شي بيتغير وبنتج راح تكبر مشكلتها ان ولدتي وراح تكسر خاطرج حيل




بس نصيحه ان ولدتي لاعصبين عليها ولا تصارخين ولا تكسرين بخاطرها

ههههههههههه الله يحفظها جنج تتكلمين عن بنتي من ناحية العناد و الحنة و البچي..
شوفي حبيبتي،،
من ناحية الكلام حاولي تسولفين معاها على طول، كلميها كأنها بنت كبيرة، و ديري بالج تكلمينها نفس طريقة اليهال، يعني تقولين الكلمة بنطقها الصحيح، حتى لو اهيا ترد عليج بكلام طفولي و بدليات لا تمشين معاها و لا تحاولين تصححين لها بشكل مباشر، لأ، كملي معاها و عيدي على مسامعها الكلمة بنطقها الصحيح..
انا مانعة أي أحد يكلم بنتي بنفس طريقة كلامها، حرام جذي راح تتضرر، صح ان بدليات الطفل حلوة و تضحك بس مو عشان نضحك نضر عيالنا.
بالنسبة لعنادها هذا أمر طبيعي و الطفل بهالعمر شخصيته تبتدي تتكون و يحب يفرض رايه و مزاجه، و ترى بهالعمر واااااااايد أذكياء فوق ما تتخيلين و يفهم من نظرة عينج اذا انتي ممكن تخضعين أو معصبة أو مستانسة لا يغرج انهم يهال ترى أذكى مني و منج، لازم اسم الله عليها تتعلم انها تسمع كلمتج، و انج مو بكل وقت راح تلبين طلباتها، مو تعاندينها و لا تسايرينها على طول، شدي و رخي، و تعلمي شلون تتجاهلين حنتها و كأنج مو شايفتها من غير شر، انا بنتي هبت بحركة التبطح فترة معينة و الحين وايد خفت، كل مكان تتبطح تخيلي بالمجمع بالجمعية بالشارع بالمطبخ، والله العظيم انها تتبطح بالمطبخ أمشي يمها و أكمل شغلي و جني ما أشوفها، و لا حتى أقولها قومي و لا حرف واحد يطلع مني و اغني بعد بروحي عشان تفهم ان الحركة هذي مو ماشية معاي، تتبطح بالجمعية أخليها و أمشي أكمل شغلي، يبيلها طولة بال السالفة و يبيلها تعاون من الزوج، كلنا نحب عيالنا و نحب ندلعهم بس ترى جذي انتي قاعدة تربين شخص أناني باجر هالبنت تكبر و تتعلم ان اللي تبيه تحصله يعني تحصله و ممكن ترتكب الغلط عشان يصير هالشي بإيدها..
حاولي كثر ما تقدرين تلغين دور الخادمة مع بنتج، هذي بنتج مو بنتها، خليج قريبة منها، جابليها لاعبيها و سولفي معاها، ترى الطفل أحيان يعاند لأنه يبي يلفت النظر لأنه حاس إنه مهمل، ان شالله انج مني هاملتها بس هم بعد حاولي تقضين وقت أكبر معاها..
عسى ربي يحفظها و يتمم عليج حملج و يرزقج الطفل السليم المعافى من كل شر.

هههههههههههههه اخذيها بالمسايس حبيبتي اغلب اليهال جذي
عيل لو تشوفين عيالي شبتقولين ... هههههههههه اسمالله عليهم عصابه

انشالله يتغير طبعها والله يحفظهااااا لج