»•¤©§|§©¤•»تواجهين مشاكل بشعرج مع مذهله بتلاقين الحل باذن الله حياكم«•¤©§|§©¤•«

ستايل ماله مثيل قال:

ياقلبي بادرة حلوه منج وعساج عالقوه

وانا ببدى اول استفسار بغيت اسأل شنو احس شئ استخدمتيه حق الشعر بعد الصبغ او الحنه تعرفين لما يصير مره وحده جااااااااف وباهت من الصبغ ابي شئ يرجعه ناعم وفيه لمعه

ومشكورة مقدماً

أنقر للتوسيع...

هلا و غلا فيج حبيبتي

حلت دنياج يا عمري و ان شاء الله اقدملكم افضل الحلول


نبذه صغيره عن الصبغ
انا بنظري الصبغ يعطي لون حلو و جميل فقط لا اكثر و لا اقل
يعني يكسب شعرج لون حلو و متعدد لكن يعطيج لون و ياخذ منج حلاة شعرج
و لمعته و كثرته بعد ما تصبغين شعرج راح تبتدي المشاكل تطلع من تساقط الى جفاف
الى فقدان جمال الشعر لانه الصبغه تجر وراها صبغات و الصبغ متكون من الامونيا و هذا اخطر شي
للشعر فممكن تستبدلين الصبغ اللي فيه امونيا بصبغ خالي من الامونيا و يكون بالاعشاب صبغه طبيعيه خاليه من الامونيا و ما تـأثر على الشعر ..



و انا ذكرت هالصبغه و اهيا جدا ممتازه و روعه
اسمها Color & Soin

و هذي صورتها :

و لها اكثر من لون و كلهم حلوين و طبيعيين يكونون على الشعر
تقدرين تشوفين معلومات اكثر على هالرابط
http://www.q8yat.net/showthread.php?t=52629



اول شغله تسوينها عشان تقدرين تهتمين بشعرج و تشوفين فيه نتايج حلوه
تسحبين كل الامونيا اللي بشعرج من آثار الصبغ من خلال هالخلطه ..



الـــطـــريـــقـــه :



* 3 كـيـوي يعادل قلاص ( ينضرب بالخلاط)

* قلاص عصير تفاح طازج

* قلاص عصير برتقال طازج



تخلطين كل المقادير مع بعض يعني يكون عندج مثل العصير و تحطينهم على شعرج مع تدليك و مساج و تركزين على الجزء التالف من شعرج و التعبان و تخلينها تقريبا ساعتين و بعدين تغسلينها بـــس بالــــمـــــاي مـن غير شامبو


و لتفاصيل اكثر عن الخلطه و شلون طريقتها زوري هالرابط
http://www.q8yat.net/showthread.php?t=61740


من بعد هالخلطه ان شاء الله راح تنسحب الامونيا اللي مسببه الجفاف و بهتان
الشعر و تبتدين تعتنين فيه


اختاري شامبو مناسب لشعرج و لا تاخذين شامبو 2 في 1 اللي يكون
مخلوط معاه البلسم لانه غسل الشعر غير و طريقة وضع البلسم هم غير لانه كل طريقه فيهم لازم تكون مفصوله عن الثانيه اذا تحبين البلسم و ضرور تستخدمينه لا تكثرين منه و اذا ممكن تستبدلينه بحمام زيت يكون افضل نتايجه تغذي الشعر اكثر

انصحج بأكثر من حمام زيت
مغذيين للشعر و يعطون نعوم و لمعه منهم :


* حمام زيت القمح و الثوم و نخاع الثور

* حمام زيت بالثوم و البصل

* حمام زيت CAPELLI

* حمام زيت بالفواكه












و بالاخير لا تنسين تعتنين بشعرج من خلال مجموعة زيوت تخلطينهم
مع بعض و تحطين كل يومين او 3 ايام بالاسبوع و ايضا الحنه تحطينها بالاسبوع مره









ان شاء الله اكون افدتج و اي سؤال ثاني انا بالخدمه

حياج الله :eh_s(17):

خليدة قال:

مشكورة يا مذهلة وعساج ع القوة

حبيبتي انا وايد دورت حمام الزيت القمح و الثوم و نخاع الثور حتي عند النسايم (السالمية) رحت بس هم ما حصلته

ممكن بالضبط تقولين لي وين ممكن احصله باي مكان ثاني


وشكرا لجهودك

أنقر للتوسيع...

كويتاويه كيوت قال:

هااااااااااااااااااااااااي مذهله والله ما في منج تخافين على شعوررنا وتعطينا الشي المفيد
مذهله بلييييز ابي شعري يطول شنو استخدم علشان يزيد طول شعري وابي كثااافه
يا ربي يوفقج دنيا واخره ويحقق كل الي تمنينه

أنقر للتوسيع...

حبيبة قلبي من حبي لكم و ابي الفايده تعم :eh_s(22):


فيه شامبو سبق و اني ذكرته جدا ممتاز ما شاء الله
مع الاستمرار يطول الشعر بس لازم تستخدمينه على طول مو اقل من 3 شهور
عشان تشوفين نتايجه الحلوه


اسمه شامبو ميتال و هذي صورته

و لمعلومات اكثر زوري هالرابط
http://www.q8yat.net/showthread.php?t=114110


و بالنسبه لكثافة الشعر عندج :

الجرجير - الخروع - الصبار - الثوم - البصل - الحلبه و غيرها واجد


تقدرين تسوين لج مجموعة زيوت فيها جميع اللي ذكرته او تستخدمين هذي الخلطه
باستمرار حيل ممتازه متكونه من هالزيوت :

* زيـت الـــبــــصـــــل

* زيــت الــجــرجــيــر

* زيــت الـــــــثـــــــوم

* زيــت الــــــخـــــروع

* زيــت بــراشــوت ( جـوز الـهـند )


و لملعومات اكثر عن طريقة الخلطه زوري هالرابط
http://www.q8yat.net/showthread.php?t=97472




و عندج بعد الحنه ما شاء الله ممتازه حيل تكثر الشعر و تطوله انتظمي فيها
و حطيها كل اسبوع بتشوفين نتايج مذهله منها

و حطي بالحنه ثوم و جرجير بعد ما تعصرينهم و حطي حلبه بعد ما تطحنينها


عندج طريقة هالحنه حيل رووووعه انا متعوده اسويها دايما نتايجها فظيعه


* حــنــه

* ســـدر

* مــايــونــيــز

* بــيــض

* روب

* زيــت زيــتــون

* عــســل

* ثـــوم








ان شاء الله اكون افدتج و اي سؤال ثاني انا بالخدمه

حياج الله :33_1185028183:

^^دموع الكويت^^ قال:

:33_1185028183:


مشكووووووورة مذهلة على هالموضوع يعطيج الف عافية

:33_1185028183:


عندي مشكله شعري حيل ضعيف يعني ما يتحمل سشوار ولا تسريحات

والشغله الثانية شعري دهني ؟؟


وان شاءالله القى الحل عندج


ومشكوووووووووورة مره ثانية


والله يوفقج ويحققلج كل امنياتج:eh_s(17):


اختج:دموع الكويت ​

أنقر للتوسيع...

هلا و غلا فيج يا قلبي
الله يعافيج حبيبتي تستاهلون كل خير




اولا انصحج بحبوب الزينك للشعر حيل ممتازه عباره عن حبوب حديد
تقوي بصيلات الشعر و ترده حيويته

و اعتني بشعرج و ابتعدي عن الاصباغ كليا و انصحج بعد بالحنه لو تحطينها
بالاسبوع مره حـيييييييييييييييييـل ممتازه تقوي الشعر و تكثره

و عندج الصبار هم ممتاز لتقوية الشعر سويلج مجموعة زيوت متكونه من
الصبار و الجرجير و الخروع و زيت الزيتون مفيدين لتقوية بصيلات الشعر


بالنسبه للشعر الدهني يكون السبب في
معدل زيادة الغدد الدهنيه بأجياس الشعر تحت الجلد

* ابتعدي عن الاكل اللي يكون فيه دهون بكثره و كثري من الاكل اللي يتكون من
الفيتامينات والنشويات مثل الفواكه و الالبان و السمج و اللحوم اللي تكون خاليه من الدهن
يخففون من افرازات الدهونات

* اذا كنتي تستخدمين بلسم اخذي البلسم اللي يكون خالي من الزيوت

* لا تلعبين حيل بشعرج لانه راح يدهن على طول و اذا رديتي من الطلعه على طول قطي حجابج
و هوي شعرج لانه يكون مغموت و لازم يتعرض للهوا

* عندج الخل و الليمون يقللون من الدهون المترسبه بفروة الراس بعد ما تغسلين شعرج بالشامبو
شطفي شطفه اخيره ليمون مخلوط بماي او خل مخلوط بماي

* بالنسبه للشامبو يكون الاختيار طبعا على الشامبو المخصص للشعر الدهني و يستحسن يكون مكون من
الليمون او البيض

* و خبراء الشعر دايما ينصحون للي شعرها دهني ما تتسبح يوميا عشان تقلل من افرازات الدهونات و
تتسبح ثلاث مرات بالاسبوع
ما عتقد ما فيه وحده ما تتسبح يوميا او كل يوم و ترك و خصوصا بالدوامات




ان شاء الله اكون افدتج و اي سؤال ثاني انا بالخدمه

حياج الله :hjy5jewf:

* مـذهـلـه * قال:

هلا و غلا فيج يا قلبي
الله يعافيج حبيبتي تستاهلون كل خير




اولا انصحج بحبوب الزينك للشعر حيل ممتازه عباره عن حبوب حديد
تقوي بصيلات الشعر و ترده حيويته

و اعتني بشعرج و ابتعدي عن الاصباغ كليا و انصحج بعد بالحنه لو تحطينها
بالاسبوع مره حـيييييييييييييييييـل ممتازه تقوي الشعر و تكثره

و عندج الصبار هم ممتاز لتقوية الشعر سويلج مجموعة زيوت متكونه من
الصبار و الجرجير و الخروع و زيت الزيتون مفيدين لتقوية بصيلات الشعر


بالنسبه للشعر الدهني يكون السبب في
معدل زيادة الغدد الدهنيه بأجياس الشعر تحت الجلد

* ابتعدي عن الاكل اللي يكون فيه دهون بكثره و كثري من الاكل اللي يتكون من
الفيتامينات والنشويات مثل الفواكه و الالبان و السمج و اللحوم اللي تكون خاليه من الدهن
يخففون من افرازات الدهونات

* اذا كنتي تستخدمين بلسم اخذي البلسم اللي يكون خالي من الزيوت

* لا تلعبين حيل بشعرج لانه راح يدهن على طول و اذا رديتي من الطلعه على طول قطي حجابج
و هوي شعرج لانه يكون مغموت و لازم يتعرض للهوا

* عندج الخل و الليمون يقللون من الدهون المترسبه بفروة الراس بعد ما تغسلين شعرج بالشامبو
شطفي شطفه اخيره ليمون مخلوط بماي او خل مخلوط بماي

* بالنسبه للشامبو يكون الاختيار طبعا على الشامبو المخصص للشعر الدهني و يستحسن يكون مكون من
الليمون او البيض

* و خبراء الشعر دايما ينصحون للي شعرها دهني ما تتسبح يوميا عشان تقلل من افرازات الدهونات و
تتسبح ثلاث مرات بالاسبوع
ما عتقد ما فيه وحده ما تتسبح يوميا او كل يوم و ترك و خصوصا بالدوامات




ان شاء الله اكون افدتج و اي سؤال ثاني انا بالخدمه

حياج الله :hjy5jewf:

أنقر للتوسيع...

حب الكويت قال:

مشكوره اول ما شفت العنوان استانست

شعري متعبني ودي ابجي منه

اول كان يهبل وناعم والحمدالله ما كنت اعاني من اي شي بس من سنتين اواكثر تقريبا صبغته وانا مو خبره بالصبغ

في البيت صبغتين وراءبعض كان عندي عرس ومن يومها وشعري يطيح خصل خصل وصاير خشن ومتقصف ولاو بعد صاير

دهني وفيني قشره جنها رمل ملوعه جبدي واذا صار عندنا اي مناسبه ما ابطل شعري البس ملفعي واسكت

و والشعره تنكسر بيدي عطيني الحل الله يوفقج وانا صارلي فتره استخدم شامبو بيبي جونسون للاطفال قالولي زين

اريد الحل يا مذهله الله يوفقج وسوري قالت قصه حياتي وطوالت عليج000

أنقر للتوسيع...

Yasmin قال:

مشكوووووره مذهله على الموضوع الحلو ومساعدتج للبنات :eh_s(7):

اني كل ظيم بشعري خفيف وكل شي جربت فيه, وناشف

واكثر شي الحين يضايقني انه بسرعه يتقصف :080402ask_prv: مع اني على طوووووول اواسي اطرافه واحطله سيرم للاطراف, والتقصف صاير واااااايد ولي فوق, يعني بعد ما اواسي اطرافه بشهر تلقينه رد وتقصف, الشعره وايد ضعيفه وما تتحمل :0bee2e8d89:


:e3:

أنقر للتوسيع...

العفووو يا عمري ما سويت الا الواجب :33_1185028183:

يا قلبي شعرج ضعيف و يبيله عنايه مو بس بالسيريوم
يبيله عنايه بالحنه و الزيوت و حمامات الزيت


لازم تغذين شعرج و تهتمين فيه حيل و لا بتوصلين لمرحله انه يخف من قمة الراس
انتبهي و اعتني فيه اذا كنتي تصبغين انصحج نصيحه تقطعين الصبغ بالمره

خصصيلج جم يوم بالاسبوع حطي فيهم زيت لشعرج و خليه الزيت مو اقل من ساعتين
خلي شعرج يتغذى و سوي خلطه مجموعة زيوت مغذيه للشعر او شوفي موضوعي فيه خلطه مسويته مجموعه زيوت حيل حلوه منها زيت الجرجير و زيت البصل و زيت الخروع و زيت الثوم و زيت البراشوت

حطي حنه بالاسبوع مره الحنه حيل تقوي الشعر و تردله صحته و عافيته

بعد كل سبوح حطي حمام زيت مغذي للشعر مثل حمام زيت نخاع الثور و الثوم
حمام زيت الثوم و البصل حمام زيت الجرجير

واستعملي شامبو ميتال حيل حلووو يطول الشعر و يكثفه بس مو اقل من 3 شهور تبينلج النتيجه

و ان شاء الله بتشوفين شعرج بيصير من احسن ما يكون بس اهتمي فيه و عطيه حيل من وقتج

و اي سؤال يا قلبي انا بالخدمه حياج الله ​