تجمع الستينيات واهدافهم خمسينيه 

شوشو هههههههههه ماعليج منهم اهم شيء توصلين لشيء اللي يرضيج ومقتنعه فيه،
بس 55 حلو ..
بنات في شيء يشد الجسم ويفكنا من الترهلات غير الرياضة ؟ -.-
الأحد بداية الدوام ومضغوطه كلية وميداني كلش ماكو وقت

انا هاليومين شوي خربطت فيهم بس اليوم راجعة بقوة
وان شاء الله استمر

بنات ما قلتولي منو جربت رجيم دشتي وشرايكم فيه ؟

بنت شاهة

الي اعرفه ان بس الرياضة الي تشد للاسف
انا نفسج دايما مشغولة بإلي قاعدة اسويه اني اصعد الدري بكثرة وبالجامعة كله دري ما استعمل اصنصير
واذا في مسافة شوي طويلة امشيها ما اركب السيارة

يعني ازيد معدل الحركة عالاقل
انا حاسه اني زايدة هاليومين احس الكرش رد طلع وضايق خلقي :/ مع اني مو مخربطة وايد بس الحق ينقال مخربطة
المهم اني رادة وبقوة وبخلي الهدف ٥٠ لان احس ٥٥ شوي

دانة لا تتأزمين كل شي له حل ان شاء الله
اذا ما نزلتي اليوم تنزلين باجر اهم شي لا تتحبطين

الي اعرفه ان لازم كله تقنعين نفسج انج قاعدة تضعفين وهالشي يخليج تستمرين بالرجيم لين توصلين الوزن المثالي

اليوم صحيت متاخر تغديت دياي حشيته ب خبزة شعير
العشا 7 تمرات و وغمسته بلبنة قليله الدسم
بعده شربت جاي اخضر واعشاب
اخر وجبة روب خالي الدسم و توت مشكل

اليوم تريقت حليب خالي الدسم مع ربع كوب شوفان وملعقه ككاو بودر مر
الغدا ما كان ودي اتغدا بره بس عشان رفيجتي اخذت صمونه من دايت كير داخلها دياي و ما اكلتها كلها لووول كبيره وما كنت يوعانه عدل
رديت منهد حيلي من الزحمممممه اخذتلي جاي اخضر واعشاب
العشا 7 تمرات ولبنه قليله الدسم ادماااااااااااااااااااااااااااااااااان احلا من الروب
ما اتوقع اكل بالليل لان اطق روس انشالله النومه ما اتخون فيني ولا ايوع

بالعافيه وين الباجي نبي نشاط نبي مشاركات ولا شنو المنتدى صار كله عصاقل لووول

انا اليوم تريقت بيضتين عضوي مع جبن بارميزان و خيار

شرب اسبريسو واحد ساده و واحد بالككاو من غير شكر

الغدا ميد مشوي و خياره ونص

بعدها قرين تي

العش مثل كل يوم 7 تمرات و لبنه

ماشاء الله عليكم حلو يومياتكم بالتوفيق انا بحاول اكتب يومياتي من باجر

اليوم صحيت عالساعه وحده اخذتلي حليب خالي الدسم مع هيل وزعفران مع 2 كيك رايس و بيضه و جبنه سلايس خالي الدسم
رديت من الكليه اخذتلي ككاو فيه 90 كالوري و هوه تركيه ساده
العشا كالعاده 7 تمرات و لبنه قليله الدسم
ممكن اكل وجبة السهره لوول روب خالي الدسم و مكسرات نيه

الاسف وزنت ولا الصدمه زايده كيلو معنه هذا اكلي ما تغير بس الرياضه انعدمت عندي و الماي اذا شربت قلاص واحد زين باليوم ولا اشرب جاي ولا اعشاب و قاعده اخذ حبوب الصويا مادري هل اهو بعد يأثر اخدت اليوم يوم مفتوح وباخذ جاي رويال وبرد بقوه من باجر