تهاوشت مع زوجي بسبت معاش الوظيفه !!

ملح الكون · 20 يونيو 2013

السلام عليكم ..
انا توني موظفه:eh_s(9): والسالفه ومافيها ان معاشج لج ولا فلس تقطينه ع البيت :eh_s(15):
بس مااعطيج شي:eh_s(11): انا علي قرض والخدامه واكل البيت وباقي المستلزمات ....

الهوشه هي بدت .. قلت له حق من حقوقي تعطيني فلوس ان شاء الله 50

رده انتي ماتقدرين بدال ماتريحيني تزيدين الهم هم !!!!!
انتي صدمتيني !! تفكيرج مادي !! بدال ماتعينيني اتعبيني !!! وانتي.. وانتي .. وانتي .. اخر شي انا زعلت :eh_s(22):
اشريكم !!
هل انا على حق واصر على موقغي ولا اقدر على قولته

آلـغـنــد · 20 يونيو 2013

بما ان لك معاش دلعي نفسك ولا منية الغير. وبعدين مصاريف البيت كللللللللها خليها ع الزوج

أميرة- · 20 يونيو 2013

معاها حق الرجال وين يلحق المسكين

مافيها شي لو تشيلين مصروفج وباقي الامور هو مسئول عنها

أسرار الجمال · 20 يونيو 2013

لا حبيبتي بالدين معاشج مؤ حق مصروف البيت والمايقدر يصرف لا يتزوج ولا تزعلين مني رياييل هالايام مرته اذا طلبت تصير مادية لو كانت صاحبته جان صرف

نسيم المحبة · 20 يونيو 2013

الراتب حقج انتي و هو لازم يصرف ع البيت و عليج حتى لو عندج راتب
بس بنفس الوقت تقدرين شوي تساعدينه

كليـ دلعـ · 20 يونيو 2013

اذا كان شايل عنج مصرف البيت والخدامه وعيالج

وموووومقصر بشي ومرهي عليكم ولانااقص شي

اوك لاتاخذين منه لنفسج اذا كاااان مررهي ع بيته

وعياله والخدامه والماجله واللبس والتصليحات والنواقص

اوك ممكن تلييننين شوي

لكن اذا بس معاش خدامه وماجله بالشهر مره !

ومومرهي ع عياله ويقصر بامور لااا اخذي غصب!

بس اذا كان من النوع الاول مومشكله تنازلي دام

مومخلي قااصر!!

وع فكره ترا توالنااس اهم بالبدايه جذي

مابي منج شي ومعاشج لج ويشيل كل شي تالي تدريجياااا

يحط كل شي عليج!! >>> هههههه

Patcholli · 20 يونيو 2013

اذا كان فعلا ماعنده وتدرين ان مو سالفة بخل فراعيه
اما اذا معاشه راهي فمن حقج انه يصرف عليج مثل ما انتي معطته حقوقه كلها بدون ماتعترضين اهو بعد ماله حق يعترض

sh_mashael · 20 يونيو 2013

انتي تشتغلين
اشتبين بفلوسه ؟؟

و لو عنده بيعطيچ

كبري عقلچ

مزآجيه! · 20 يونيو 2013

معاشج لج ، لاتاخذين منه الا للضروره

بعدين راعيه دام مصاريف البيت والخدامه عليه

ترى مصرف البيت بروحه يهد الظهر

انا مره تليقفت ورحت الحمعيه اتشرى خرابيط طلع حسابي ٢٠ وشي

من دون لا اشتري صوابين ومعقمات ومآجلة البيت

والحين الاسعار بالعلالي وكل مالها تزيد

١٠٠ دينار تطير بمشوار واحد للسوق

فـ انتي لازم تراعينه ولاتاخذين منه الحمدالله ربي مغنيج بالمعاش

وهوعليه قرض ومآجله ومعاش خدامه ويبي له مصرف لطلعاته لعزايمه لتسوقه

فـ دام انج مو محتاجه لاتاخذين

واذا كلش كلش لازم تاخذين منه خل يدفع فاتورة تلفونج

وبث

سندس 90 · 20 يونيو 2013

شوفي اذا معاشه بحدود
تخيلي مصرف اجار ماجله خدامه لبس العيال والعابهم والمستلزمات الثانيه والاقسااط
ولله مسكين جذي رااعيه
بس اذا رااهي معاشه لا خذي لو ٥٠ د.ك من حقج يكوون
والله يهدي بالكم

جوري الصالح · 20 يونيو 2013

:wqedqw:الــــحياة الـــــزوجــية
مشتـــــركه بين الزوجيــــن
بالمـــــاده وغيــــــــــره

زوجة عزيز · 21 يونيو 2013

كليـ دلعـ قال:
اذا كان شايل عنج مصرف البيت والخدامه وعيالج

وموووومقصر بشي ومرهي عليكم ولانااقص شي

اوك لاتاخذين منه لنفسج اذا كاااان مررهي ع بيته

وعياله والخدامه والماجله واللبس والتصليحات والنواقص

اوك ممكن تلييننين شوي

لكن اذا بس معاش خدامه وماجله بالشهر مره !

ومومرهي ع عياله ويقصر بامور لااا اخذي غصب!

بس اذا كان من النوع الاول مومشكله تنازلي دام

مومخلي قااصر!!

وع فكره ترا توالنااس اهم بالبدايه جذي

مابي منج شي ومعاشج لج ويشيل كل شي تالي تدريجياااا

يحط كل شي عليج!! >>> هههههه

معاها :rerrerek::rerrerek:

نـعـومـه · 21 يونيو 2013

يعتمد اذا راتبه قوي ولا وسط وعليه التزامات

سمو ذاااتي · 21 يونيو 2013

لا تفتحين عل نفسج باب انتي بغنى عنه

خدامه ومصرف عياله ومجالة البيت عليه معاشه قوي وراهي اخذي حقج ٨٠ ولا ١٠٠ اذ علي قد حاله ومنتف لا تاخذين شي

بس لا تعودينه انتي اللي تصرفين واهو شايل ايده

انا لها شمس · 21 يونيو 2013

ههههههههه
والله استغرب من هالتفكير !!

اهوا ريلج ولاعدوج؟؟؟

اذا ولد الحلال موقايل لج تساعدينه بولاااادينار بعد ليش تطالبينه فوق طاقته
البيت والخدامه والاقساد ومصرف اليهال والتزاماته الخاصه كلها منه

ومناشبته وانتي عندج معاشج اللي تلعبين فيه !!!

لاتطيرين بركة معاشج بتصرفاتج اللي ربج مايرضاها وخليه براحته

انصاريه قمره · 21 يونيو 2013

واعليا عليه قرض ومصاريف البيت والشغاله حمدي ربج ما قال عطيني من اتج مثل بعض الرياييل ولا شيلي عني من مصاريف البيت خلاص هذا معاشج ولج انتي ولج حريه التصرف والريال عليه التزامات قدريه علشان يقدرج

Mrs.Q · 21 يونيو 2013

حبيبتي اخذي منه لو 50 قوليله انا ماستغني عنك انت الريال وانت القوي
لايغرج عندج معاش باجر لو صار اي شي ماراح يساعدج لانج عودتيه طول عمره مايصرف عليج لو فلس
والريال يحب المرة اللي يصرف عليها ان ماصرف عليج يصرف على غيرج
بيقولونلج عاونيه لا حبيبتي مو شغلج تعاونينه شغلج بس تشيلين كمالياتج
وترى هذا الشرع لا تتخلين عن حقج
بس سالفة هواش انسيييييييها في مليون طريقة تقنعين فيها ريلج تدلعي تكشخي سويله اكشن
وكل شهر او جم شهر اشتريله هدايا غرقيييه هدايا عشان يغرقج وانويها لله وربي يقط عليج دبلاتهم بس انويها لله
وصيري شاطرة حقج لاتتنازلين عنه ولاتنسينه من معاشج بالدلع خلج واضحة من الحين باجر تتعبين وتقولين ياليت

إطلالة القمـر ...! · 21 يونيو 2013

هو قال لك لا تحطين فلس بالبيت يعني ماراح تصرفين إلا على نفسك

وراتبك لك

الحمدلله أنت في غنى عن الخمسين أو الستين اللي تطلبينها منه

بالعكس أنا دايم أقول الله يغنيني عنه

الفلوس تروح وترد

مصاريف البيت والعيال عليه ...

ولا تشغلين نفسك بموضوع الفلوس ترا راح تتعبين .. وكثير من حالات الطلاق

سببها الماده بين الزوجين

مووفقه

al-musk · 21 يونيو 2013

اذا مو مقصر مافيها شي وفعلا انتي مدام ماياخذ منج فمصاريفج عليج بعد هم انتي هاده البيت وطالعه وتداومن يعني مافيها شي وانتي تقرين تسحبين منه بالمسايس والاسلوب الحلو

بطوووطة$بيضة · 21 يونيو 2013

شرعا لازم بعطيج لو 20 دينار

تهاوشت مع زوجي بسبت معاش الوظيفه !!

New member

New member

New member

New member

New member

New member

New member

New member

New member

New member

New member

Active member

New member

New member

New member

Active member

New member

New member

New member