حبيباتي كويتيات ابي مساعده حق جزر المالديف وادري ما تقصروون

بالتوفيق

اب اب

حبيبتي من كثر ما اقرا عنها واشوف تقارير وايد لاني ناويه اروح لها وبقولج اللي اعرفه
احسن جزيره كونراد واللي يميزها ان من احدى مطاعمها تحت البحر يعني وانت داخل البحر في مطعم وتشوفين الاسماك والشعب المرجانيه كل المطعم جام شفاف داخل البحر وفي احلى منها وافخم بس اتا حبيت هذا وحبيت اجرب هالمطعم احس ان صج شي يديد وكافي عليها ٣او ٤ ايام لانها جزيره فاضيه نشاطاتها النهار وبلبل هدوء لا سوق ولا شي واللي اعرفه ان كل فندق بجزيره يعني مافي شي حواليج وانا برايي شبكي معاها دوله مثل سنغافوره او دبي اذا ترانزيت
و موفقه وفي الحين وايد عروض عنها تذكره واقامه و باسعار حلوة بالجرايد

احسن طيران لها القطريه والاماراتيه
والسيريلانكيه تودي .. وأرخصهم.. بس ما أفضلها
والعمانيه بعد تودي

من الدوحه للمالديف تقريبا 4 ساعات .. ونفس الشي من دبي .. مو بعيده
افضل مده تقعدين فيها 5 أيام
والمنتجعات .. كثيره واختيارات متعدده
في منها قريب وتروحين لها بالقارب السريع نص ساعه
وفي منها بعيد تروحين بطيران داخلي تقريبا ساعه
لازم تبحثين وتشوفين وتقررين بنفسج

رحتلها وكانت أحلى ريلاكس وأتمنى اردلها مرة ثانية
اذكر من افتح عيني ع طول اطب بالبحر أو اطب بحوض السباحة يومنا كله نتمشى شويه ونطب نتسبح
وكان الجوو عجيييييب موطبيعي شهر ٩ ماكان فيه رطوبه ..
رحنا رحلة حداق كانت ممتعه بس ماصدت شئ
وفي القوارب الشراعيه ورحلة الغوص بس لازم تعرفين تسبحين..مافي سوق تسوقي بمطار دبي
الطيران كان ع الإماراتية روعه.. ترانزيت دبي وبعدها ٤ ساعات ...
الفندق أسمة Constance halveli راااقي ونظيف
بس الملاحظة على المالديف أن واايد غاليه ..
عشا وغدا باليوم يكلفكم 100 دينار
كلفتني السفرة تذاكر وفندق ومصرف 2000 دينار اربع ليالي
دخلي ع موقع booking او قوقل وشوفي صور الفندق
واهم شي قبل لاتحجزوون شوفي درجة الحرارة الجوو لاتروحون إذا الجوو حر ورطوبه تره ماراح تستانسون