تحليل البول عزكم الله بالشهر الرابع

السلام عليكم
انا حامل بالشهر الرابع و كنت اراجع بمستشفى هادي من بداية حملي
كل مره اراجع فيها بس يسوولي سونار
ولا مره طلبوا مني اسوي تحليل دم و بول عزكم الله الا توا
اليوم ريلي راح استلم النتيجه
في وايد اشياء تخرع بتحليل الدوم بس تعتبر بسيطه بالنسبه حق تحليل اليول عزكم الله
عندي ارتفاع بكريات الدم البيضا و هالشي معناته التهاب و انا عارفه هالشي
بس الي مخرعني اهو نسبة الارتفاع لان المعدل الطبيعي حق كريات الدم البيضا اهو
من 0 الي 4
انا المعدل الي بتحليلي من 25 الى 30 نسبه وايد كبيره وتخرع
و انا ناويه اروح حق الدكتور الصبح بس من الخوف و المحاتات مو قادره انام
ابي اعرف من خبرتكم هل هالشي طبيعي و يتعالج مع المضادات ولا خطر لاني قريت اشباء تخرع بالنت و مابي اخرعكم معاي
و مشكورين

مشكورين بنات ما تقصرون حبايبي
اليوم سويت تحليل مزرعه و قالوا النتيجه بعد 3 ايام على اساسها راح يحددون لي المضاد الي لازم اخذه
الحمدلله الدكتور طمني و قالي ان وايد حوامل يصير فيهم
و نصحني اشرب ماي وااااايد
والحمد لله على كل حال

احساس نادر قال:

نفس حالتج كان فيني التهاب حاااد بشهر الرابع وبفضل الله وامي عسى الله يخليها بي كانت تشربني مره قلاص يوميا طبعا انا ماحبها وكنت اشربها غصب واقول مالها فايده وشكو بالالتهاب تخيلي بس اسبووووع فقط لاغير رحت عدت التحليل وقالي انتي سليمه مافيج شي شلون كان فيج حاد حتى الدكتور كان منصدم الحمدلله والحين رد لي بس خفيف بالشهر السابع وعرفت الحل بلشت اشرب مره وهالمره انا اطلبها من امي مو هي تجيبها ههههههههههه

أنقر للتوسيع...

الله يتمم عليج ان شاءالله
بس انا مشكلتي ماحب اشرب اي اعشاب بسرعه تقلب جبدي
الدكتور اليوم عطاني حبوب اعشاب طبيعيه و حتى الصيدلانيه لما رحت اصرفهم
قالت لي هذيل ترى مو دوا اعشاب طبيعيه تطهر المثانه و مافيها اي خطوره على الحامل
سعرها اعتقد دينار و شوي