قصة فاطمه fa6ma story

Part36
حور رفيجة فاطمه دقت عليها العصر .. فطوم كانت ماخذه غفوه اول ما رن فونها قامت ردت عليها : الوووو
حور: هلا حبي ها نايمه ؟
فاطمه : هلا فيج ام حمادي لاا بس قيلوله
حور : ايي عشتوووو
فاطمه : هههههه ها شعندج داقه هالحزه مو عادتج
حور : بطلع معاج فطمووو ولهت علييج
فاطمه : يارووح فطمو انتي اليوم ماعندي شي تمريني ؟
حور : نمرج ليش لء
فاطمه : اوكيك سويتي بس اقول حق امي ويويلج ان مايبتي ريلي معاج حور : جب جب الحين بغير جو ايبه معاي يطلعلي قرون ليش
فاطمه : هههههه اوك اوك يالله اخليج علا ما اكلم امي والبس
حور : اوك باي


فاطمه راحت كلمت امها وكشخت اقوى نوووع كشخه لأنها من زمان مو شايفه حور .. ولما مرتها راحو قراند افنيو كان حيل زحمه
فاطمه : حور حياتي خندش الافنيو هنيه حيل زحمه ما احب جيي
حور : يالله اوكيك

فاطمه قاعده تمشي مع حور ويسولفون ويضحكون وبعدين فترو بالمحلات شوي .. من محل ليه محل لما فاطمه تعبت : ام ريلي مو جنه يبيله بلعه ؟
حور : هههههه حدااا يالله فوقه خنروح
راحو صوب المطاعم طلبوا .. وراحو يدورونلهم طاوله على مايخلص الاوردر .. فاطمه : ممممم انشالله نلاقي مكان سنع يم عوايل مالي خلق اقعد يم شباب
حور واهيا تدور : اوووف حدااا .. كاكا خوش مكان هناك

على طول راحو قعدوا بالطاوله .. سولفو شوي بعدين حور قامت عشان تيب الطلب .. فاطمه كانت تلعب بفونهاا منزله راسها .. رفعت راسها شوي ونزلته !! جان ترد مره ثانيه !! شافت شخص لابس تيشرت برشلونه قاعد يتكلم بالفون ومنزل راسه .. ما كان يتلفت ولا يخزز بالبنات .. كان حده زووغه ياخذ القلب .. فاطمه فجأه صارخت بدون لا تحس بنفسها : امبييييييييه !!!!!!!! معقووووووله !!!!!!!!!! وااااااااااي لالالااالا موووو صجججج
على طول دقت على منال : منوووول لحقيييييي شفتااااااا شفتاااااااا
منال : ويهد شفيج شفيج منووو
فاطمه : جميل .. اينن .. ثقيل .. يمشي منزل راسه .. يمه بنات اشكال والوان مايطالع .. معقوله منال معقوله !! شهالصدفه راح اين والله !
منال : ينت ينت البنت ستخفت
فاطمه : منوووول بخترب شوي شسمه .. الاغنيه مالت الجسمي الي حبيبي برشلوني دزيييها ضروووري
منال : كاااااااك ليش بعد !
فاطمه : عبووود لابس تي شيرت برشلوونه :$

حور يت حطت الاكل بالطاوله .. لاحظت الفرحه بعيون فاطمه
فاطمه : يالله منولي اخليج لما ارجع اكلمج
منال توها يتتحجى جان فاطمه ترقعه بويهها

حور : هاااا منووو الي لابس برشلونه
فاطمه : ههههه واحد معاي بالشغل
حور : فطموووو معاج بالشغل تسمينه عبووود
فاطمه : هههههههه
حور حست فاطمه ستحت وعرفت تقريباً كانت تتكلم عن منو قالتلها انه معجب فيها بس ما عرفت كلشي بالتفصيل .. فاطمه كانت مو قادره تاكل حست نفسها طايره من الفرحه لما شافته .. دزتله بالبي بي ام : عاش من شافك
عبدالله : وين هذا ؟
فاطمه ما ردت عليه بسرعه حست انه بيدقرها

لما خلصوا البنان عشاهم على طول طلعوا .. فاطمه شافت عبدالله .. صادفته صوب الباركينق .. ركب سيارته وحرك .. وقفت مكانها تنحت علييه وحور رفيجتها سبقتها ب٥ خطوات كانت تسولف معاها .. لفت لقتها واقفه
حور: ايي شيييي انا اكلم يدي ؟
فاطمه : حور شفته اقين
حور : قرت عينج يالله امشي السياره
فاطمه ركبت واهيا سرحاااانه وتتكلم بصوت وااطي : معقوله احلم فيه واشوفه صدفه .. ياربي شنو هالي قاعد يصير هاليومين !
بنص الطريج ردت عليه : بالافنيوو
عبدالله : اها مادري والله ماشفتج
فاطمه تضايقت حيل وبقلبها : من حقكك تردلي ياها بس والله انا مو مغروره ولا فكرت اذلك ..

فاطمه وصلت عند باب بيتهم بالسياره لمت حور حيل : فدييتج ثنكيو حبي على هالطلعه الحلوه
حور : حياااتي ولو شفتي شلون ويهي خير عليج شفتي عبودج
فاطمه : هههههه يالله اخليج قد نايت

راحت فاطمه على طول صعدت دارها .. ما كانت بتشوف احد دشت على ايمان
فاطمه : امون راح اموت والله العظيم مو مستوعبه الي قاعد يصير !!
ايمان : وي وي شفيج
فاطمه : ايمااااان شفتاااا صدفه وانا طالعه اليوووووم زووووغه عينه بالارض والله العظيم ثقييييل البنات يخوزون فيه واهوا ولا جنه اكووو بنااات عمري ماشفت جذي !!
ايمان : واااو شهالصدفه الحلوه !! قلتيله انج شفتيه ؟
فاطمه : اي ودقرني يكلمني برسميه بس تصدقين حدي طايره من الوناسه شوفته ترد الروووح
ايمان : اي يكلمج جذي لأنج قلتيله نفس اخوي واهوا تقولين ثقيل شي طبيعي دامج صرتي حالج حال الباجي بيكلمج جذي

فاطمه تضايقت حست انه مو بيدها الشي الي سوته ما كانت تبالغ بالثقل ولا كان قصدها تكسر فيه بس لأنه صارت وايد اشياء خلتها ما تثق بالذات بالشباب وهالشي بنظرها مو غلط .. حلو البنت تكون حريصه وقويه جدام الريال لأنها لو ضعفت وحبته وطلع يقص عليها اهيا الي راح تنكسر ويصير صعب تنساه مو اهوا .. بس ما اقولكم انها ما ندمت بالعكس حيل حيل ندمت .. بس تهقون عبدالله للحين يحبها ولالا ؟؟ ابي توقعاتكم حق البارت الياي :**
وسوري حبايبي عالبارت لأنه قصير بليل بنزل واحد بس ابيكم تتوقعوون ؛؛)))

Part37
بعد ما ندقرت فاطمه من عبدالله .. وصار يبي يعلمها ويوريها شنو كانت تسوي فيه .. حسسها بالذنب اكثر من قبل .. وصارت فاطمه متشوقه وتنطر لحظة عيد ميلاده بس عشان تكون فرصه انها تفاتحه بالموضوع وتفهمه كل شي .. على فكره ترا عيد ميلاد عبدالله بنفس شهر عيد ميلاد فاطمه .. هالشي خلاها تذكر عيد ميلاده .. بس للأسف صارت فيها احلى دقه !!

العصر الساعه ٤ فاطمه كانت بالبيت ماعندها شي دشت على ايمان بي بي ام : اموون
ايمان : هلووو
فاطمه : ترا بس تصير ١٢ بليل يصير عيد ميلاده ادزله شي !
ايمان : نااايس .. اي دزيله فهميه كلشي هذي فرصه انج تفتحين معاه الموضوع
فاطمه : اوووكيييك يارب ما يدقرني لانه جد كلشي ولا كرامتي عاد
ايمان : هههه انشالله حبيبتي وحتى لو صار وندقرتي لا تهتمين اهم شي سويتي الي عليج واذا ما يبيج اهوا الخسران حاصله فوفو الحب
فاطمه : يابعد طوايفي انتي فديتج ادعيلي ادعيلي خايفه


صار الليل وقربت الساعه ع ١٢ فاطمه كانت بروحها .. بدارها صاكه على نفسها حاطه ميوزك .. وكانت تكلم نفسها وتفكر بمسج تكتبه وشنو تقوله .. خذت نفس عمييييق وقامت تفكر بكلام تدزه .. وبس صارت ١١ ونص توترت حييييل
فاطمه دقت على رفيجاتها وكالعاده شابكين الخط يواسونها لوول
فطوم : بناااات حدي متوتره خايفه يكسر فيني
ايمان : جب جب يخسي يكسر فيج
منال : فطوووم بسج تشاؤم تفائلي خوو
فاطمه : امبييييه امبييه ما بقى شي !!! تخيلوا ادز المسج ويطلع تاريخ عيد ميلاده غلط ولا اناا مو ذاكرته عدل وااااي قمت اوسوس
:"(
ايمان ومنال زفوها واول ما صارت ١٢ سكروا منها عشان تدز المسج وصج دزتله :
Kel 3am wenta b5eer baba 3ood sweet 24 w inshalla tkon snat 5er 3lek .. Kan wdi alyum agol shay mhm bs b3th inas 7d.hm mt'3yren ;p

دزت المسج .. وكانت متوتره وحاسه اب بقمة الاحباط .. وبنفس الوقت قلبها قارصها انه اهيا غلطانه بالتاريخ !! .. اول مادزت المسج ما صار دقيقه بسرررعه عبدالله رد عليها : ?

فاطمه اول ما شافت رد عبدالله عصبت وتوترت حيل مو شويه ودشت على ايمان : موووو قتلكم اناا حظي ززفت شكلي غلطاااانه بعيد ميلاده واااااايييييي ((((((( فشله فشله فشله (
ايمان : امبيه ليش تقوولين جذييي خل يحمد ربه انج ذكرتيه !!
فاطمه : تخيلي كل هالكلام دازلي بس علامة استفهام مال ابط عيونه يبي يذلني هذا ولا شنو
ايمان : يبا عادي مافيها شي دزيله مسج قوليله اذا كنت غلطانه بالتاريخ سوري وكل عام وانته بخير مقدما وخلاص جذي تكونين سويتي الي عليج وخليه يولي

عبدالله لما ما ردت عليه بسرعه دزلها علامة استفهام مره ثانيه .. يعني يبيها ترد .. فاطمه حست انه مهتم لو مو هامه جان ما حنّج عليها .. دزتله : we sry shkla ur birthday mo alyum 3momn hbd mqadmn
على طول عبدالله رد عليها رد ينرفز كتب لها بس تاريخ عيد ميلاده الصح .. ما قالها عالأقل مشكوره لأنج ذكرتيني ولا سألها شنو الي الي بتقوله .. صار عبدالله انسان ثاني .. تغير ١٨٠ درجه .. بعد ما كان ما يحب يزعلها ولا يزفها ولا يكسر فيها .. كان واضح انه يبيها تحس بالتغيير الي اهوا فيه .. وتحس شنو كانت تسوي فيه .. بس المشكله فاطمه حيل ضايقها الموقف الي صار وقررت انه تحاول ما تفكر فيه وتطنشه لين ما تشوفه بالمسرح .. لما قرت المسج ماردت وخلت الأمور تمشي ليين يصير افتتاح المهرجان .. وتمت تهتم بنفسها اكثر واكثر وشرت لها ملابس وهدوم كل بدله احلى من الثانيه قامت تجهز حق المهرجان .. عشان لما يشوفها عبدالله يحن قلبه عالأقل .. صار كلش ما يكلمها بس مره سوا حركه كان يبي يختبر خوف فاطمه عليه ..

الساعه ٣ الفير حط صوره بالبي بي ام عداد سيارته كان ماشي بسرعه حيل اقوى شي .. فاطمه لمن شافت الصوره على طول دشت عليه كانت خايفه صج ..
فاطمه : هذي الصوره صج !
عبدالله : اي
فاطمه : اهم شي ! زين ليش عاد خفف شوي
عبدالله قام يسوي حركات الثقل رد عليها بعد ساعتين بالضبط : لوول زيدي على عالرقم رقمين بعد كنت ماشي اكثر
فاطمه انقهرت وماردت عليه بعدين ستوعبت انه حاط الصوره بس عشان يستعرض مو اكثر

مرت الأيام وكان الوقت حيل بطيء بالنسبه حق فطوم .. تبي تشووووفه .. تبي تنهي الموضوع وايد طال وملت منه .. حالياً مايهمها يردلها ولالا بس تبي فرصه تقول الي عندها .. وتفهمه انها ما كانت تلعب .. طبعاً بهاليوم الي كان التفكير شاغل مخها كان عيد ميلاده .. صارت ١٢ وفاطمه دشت تويتر والانستغرام لقت الناس يهنونه .. وحاط صور هدايه وايد كاتب thnx all
فاطمه دقت على منال : الووو
منال : هلا حبي
فاطمه : منوول ترا عيد ميلاده اليوم
منال : عاد هالمره متأكده ؟
فاطمه : اييييي وترا ما هنيته
منال : نعااااام !! صج غبييه شناطره صارت ١٢ من زمااان
فاطمه : لا والله جم مره تبين اهنيه كافي هنيته المره الي طافت حته ما شكرني
منال : اقول جب جب مثل ما كان يركض وراج ركضي وراه عالاقل وضحي موقفج يمكن يقتنع فهميه كلشي .. اهوا تغير عليج لانه شاف وحده ثقيله وخجوله غير عن الجريئه الي كانت تكلمه قبل ( قصدها عن مريم بنت عم فطوم ) فأكيد بيفكر انج كنتي تلعبين وطاب خاطرج منه

فاطمه خافت لانه اهم شي عندها سمعتها : اوووف خلاص امري لله بدزله الحين من رقمي الثاني
منال : اي حبيبتي دزيله وطمنيني

فاطمه على طول دزتله : كل عام وانته بخير العمر كله لك :*
رد عليها : وانته بخير مشكور !!
فاطمه انصدمت : امبييييه حتى ما قال منوووو !!
دقت على منال مره ثانيه : منوووول عقدني هالريال تخيلي ما حاشه فضول يسأل منو !
منال : ههههه اي لأنه مو خروف لو الخفيف الي عندي جان حنج عليج الا يعرف منو .. ترا هذا حده ثقيل
فاطمه : زين شسوي الحين ما عرف انه انا !!
منال : حنجي عليه دزيله من رقمج الي يعرفه مره ثانيه
فاطمه تنرفزت : حلاو اهوا ! اتوقع انا اكثر وحده هنيته بعيد ميلاده چبح !
منال : كاااااك شتسوين بعد طقي الحديد واهوا حامي لا يروح من ايدج مو انتي تقولين البنات نفس النمل حوالينه ! اكيد اذا شاف الي يحبها مو شاريته وتركض وراه راح تبرد مشاعره وترا غالباً اهوا حاطج بإختبار الحين بيشوفج تحبينه ولالا
فاطمه : ببچي
منال : افاااا وييين رفيجتي القويه الوحشه
فاطمه : محد وحشه عبيد ما خله فيها قويه

ودزتله بالوتساب كل عااام وانتا بخيير مع قلب بعد نص ساعه رد عليها : وانتي بخيير وترا وصلني المسج مال بابا عود مع ٣ قلوب حب .. فاطمه ستانست على طول دقت عليه من الرقم الي مايعرفه .. بس استاذ عبدالله الثقيل مارد لأنه مايعرف انه هالرقم مال فطوم واهيا راح عن بالها تقوله .. دزتله سوري دقيت هالحزه بس توقعتك فاضي بهالوقت .. عبدالله مارد عليها الا الساعه ٩ الصبح : ماكو مس كول ! ولا من رقم ثاني ؟
فاطمه : لوول اي دزيتلك مسج منه بس ماعرفتني
عبدالله : جم كان ؟
فاطمه : 666..
فاطمه : بس يالله اكلمك وقت ثاني
عبدالله : هههه انشالله

فاطمه تنرفزت من بروده حيل .. اول مره قالتله ابيك بموضوع ما سألها شنو .. ثاني مره دقت وقطت عليه نغزه انها بتكلمه وسحب عليها وطنش .. توقعاتكم حق البارت الياي !
وسوري عالتأخير وشكرا عالمتابعه فدييتكم :**

Part38
مرت الأيام وعبدالله مختفي ماله حس كلش ولا يسأل وانقطعت خدمته بالبي بي ام شهر كامل ولا ردها .. وصار يوم الأثنين الي اهوا اول يوم أفتتاح المهرجان والي كان مونس فاطمه .. أنه مقدمة المهرجان كانت برعاية شركة الانتاج الي يشتغل فيها عبدالله

الساعه ٧ المغرب وصلت فاطمه المسرح كانت قممممممه بالجمال والرزه .. طبعاً لازم كالعاده الكل يترزز يمها ويخوززون .. كانت ناطره تصير ٨ عشان يبلش العرض وكل شوي تروح التواليت تعدل شكلها .. اول ما دشت شافتها مذيعه : حبيبتي ممكن سؤال
فاطمه : اكيد تفضلي
المذيعه : ماشالله بدلتج حدها زوغه مبينه تفصال صح
فاطمه : تسلمين حبيبتي .. اي انا اصمم
المذيعه : ماشالله عليج تصورين وتصممين ! ممكن رقمج
فاطمه عطتها رقمها وكانت حيل مستعيله ماتبي تطوفها لحظه وماتشوف عبدالله متشوقه تشوف نظرته الي كل مره وعيونه لما يذوب بجمالها .. وابتسامته الي كلها عياره .. طلعت من التواليت وراحت المسرح خذتلها مكان .. وكانت واقفه تطالع الرايح والراد .. صارت ٨ !! بلش العرض وطفوا الليتات !! فاطمه قبل لا تشغل كاميرتها وتبلش تصوير كانت تطالع الباب وبقلبها : معقوله !!!! من صجه ما ايي عشان لا يشوفني ! عفيه تعال لا تكسر فيني اكثر من جذي !
صورت العرض وخلصت واهيا طالعه شافت فنان حيل كبير بالعمر .. قاعد يخزها ويهه يتغامز .. يتبوسم لها وفطوم انصدمت .. وقتها كانت متنرفزه عاد اهيا تعليقاتها اذا كانت معصبه الي يسمعها يمسك بطنه ويضحك .. قعدت بالكرسي ودقت على رفيجتها منال وهالممثل كان رايح راد حوالينها

فاطمه : الووو
منال تصارخ : هااااا بشرييييي
فاطمه : ابشرج طل ما شرف الأخ
منال تنحت : اي شي صح !
فاطمه خنقتها العبره : والله ببجي منول ليش جذي يصير فيني
منال : حياتييي تووته مرده راح ايي اهوا بي قاعد يأدبج والله
فاطمه تضايقت من الممثل بدون ذكر اسماء بس لو تشوفونه حده عوود مو شويه يمر يمها ويتبوسم

فاطمه بحده : انااا لله وانا اليه راجعوون بتلشنا بالمراهقه المتأخره
منال : كااااااك امبيه شفيج فصلتي عن منو تحجين !
فاطمه : عن منو يعني اول ما طلعت من المسرح لقيت (....) واول ما شافني واهوا يبتسم
واهيا كانت تتحجى مر عليها ممثل معروف كل البنات يموتون فيه
.... : سلااام ها شلونج انشالله بخير
فاطمه وخرت الفون عن اذنها ستحت : الله يسلمك تمام والله
.... : ها وين كامرتج اليوم
فاطمه : هههه موجوده يالله خل اخذلك صوره
وقف وسوا حبتين وصورته وراح اول ما ردت الفون .. فاطمه : الوووو
منال : واااااي چلببببببه خياااانه (.....) يمج وانا مو معاج يا حظج
فاطمه مالها خلق : عبالي عندج سالفه كملي كملي شكنا نقول
منال : امبيه فاطمه ! مو من صجج ! وين الي كانت ما تهتم حق هالعلاقات والشباب وين الي يركضون وراها وماتعطيهم وي ليش جي بسرعه قلبتي وتعبت نفسيتج من عبيد ها
فاطمه : اي حبيبتي وللحين ما اعطي ويه وضد هالأشياء حته لو احبه ما رح اقول واتلزق فيه انا الي ذابحني انه قط علي كلمه وصد عني ما عطاني مجال اقوله شي !! منال اهوا فاهم اني العب
منال : فطمووو لا تعكرين مزاجج كل يووم عشانه مهرجانكم ١٠ ايااام اكيد راح ايي يوم منهم وتشوفينه
فاطمه امها وصلت : انشالله اتمنى يالله اخليج الماما يت
منال : اوك حبي بااي

مرت ٣ اياام على المهرجان وعبدالله ما يا كلللش مااله حسسس .. الساعه ١٠ بليل بالمسرح فاطمه كانت توها مخلصه تصوير واقفه برا تنطر امها .. خذت راي رفيجاتها ايمان ومنال انها تدزله مسج تسأله بأسلوب عادي .. وفعلاً دزتله :
Slaam shlonk haaa wenk mo mbayn hl msr7 ;p

على طووول وصلها مسج من نفس الرقم :
صاحب هذا الرقم انتقل إلى رحمة الله