السلام عليكم
انا الاسبوع اللي طاف كنت بلندن
رحنا 5 ايام
اممم الجو يههبل بس برررد لازم تتدفون عدل عدل
حجزنا بكمبرلاند موقعه عجيييييييييب ريوقهم يههبل والغرف حلوه و نظيفه ومو ضيجه
الشي الوحيد اللي ماعجبني المنظر من الدريشه
كلينا بمطاعم عاديه يعني بيتزا هت و ماكدونالدز وجذي بيتزتهم عجييبه بس ماكدونالدز مال الكويت احلى
و المطاعم اللبنانيه بالاجواررود , شاورمتهم حلوه حيل , بس انا طلبت ملفوف ومنها مرضت مغص و لوعه و دوخه
نصيييحه لا تاكلون لا ملفوف ولا ورق عنب و لا تبوله ولا فتوش مطاعمهم مو نظيفه نفس الكويت , لان صج صج المرض بالسفر يزهق
وو بعد شنو
كل السفره سووووووووق , لوول مارحنا لا لندن آي ولا بيق بن ولا اي مكان سياحي , بس سوق
تسوقنا باجواررود
كل شي فيه وشغلهم غير , يعني في توب شوب و ريفر ايلاند و زارا بس بضاعتهم غير عن الكويت
وسلفرج احلى شي فيه الكاكاو , خذينا منه شكثر
و بريم مارك صدمنيييييييييييييييي !!! الصراحه كلش مو حلو و زحمه وازعاج
التاكسي مو غالي مثل ما توقعت , يعني من تقريبا نهايه اجواررود لي كمبرلاند 5 دنانير
وماخذينا تاكسي واجد كله مشي , رجولنا انشدت خخخخ
رحنا من المطار لي الفندق مع واحد بدون وصلنا ب40 اعتقد شي جذي
وهو نفسه ودانا الآوت لت خذا مبلغ اكبر لانه يقعد معانا لين نخلص
و بس